මා සම්බන්ධ කරගනිමින් ගල් අඟුරු වංචාවක් ගැන කතාබහක් මීට පෙර තැන් තැන්වල ප්රචාරය කරගෙන ගියේය. ඊට කිහිප වතාවකදීම මවිසින් පිළිතුරු ලබා දී ඇත. දැන් නැවතත් ජනතා නැගිටීමක් සිදුවී රාජපක්ෂලා දේශපාලනයේ බිමට සමතලා වෙමින් තිබෙන මොහොතක, ඉන් මිදීමට සිදු කරන අවසන් උත්සාහයේ ප්රතිඵල ලෙස දේශපාලන විරුද්ධවාදීන්ට මඩ ප්රචාර සිදුකිරීමේ ක්රියාන්විතය නැවතත් ආරම්භ වී තිබේ. මා කෙරෙහි දේශපාලන වෛරයෙන් පසුවන කිහිපදෙනෙක් ඒවා කර තබාගෙන යනවා විනා ඒ සම්බන්ධයෙන් කිසියම් සත්ය තොරතුරක් දැනගෙන ඔවුන් එසේ කරනවා නොවේ.
මේ රටේ ගල් අඟුරු මාෆියාව නවතා දැමුවේ මවිසිනි. ගල් අඟුරු සිද්ධි 2 ක් සම්බන්ධයෙන් මා කතා කළ යුතුමය. මා අමාත්ය ධුරයක් දරන ලද කාලය තුළ කිසිම අවස්ථාවක ගල් අඟුරු ටෙන්ඩරයක් ප්රදානය කොට නැත. පළමුවැනි සිදුවීම ලෙස 2012 දී ගල් අඟුරු නැව් 5 ක් ගෙන ආවේ අපේ අමාත්යංශයේ කිසිම පූර්ව අනුමැතියකින් තොරවය. ඒ ටෝරියන් නම් වූ සමාගමකිනි. එතෙක් කාලයක් ගල් අඟුරු මිලදී ගත්තේ නෝබෙල් නම් වූ සමාගමකිනි. නෝබෙල් සමාගමට ඒ ගල් අඟුරු ටෙන්ඩරය දුන්නේ මවිසින් නොවේ. 2009 දී ලබා දුන් ඉතාම වංචනික ටෙන්ඩරයකි එය.
ඒ පිළිබඳවම මවිසින් වෙනම කෘතියක් පවා 'බලය හා බලය' නමින් ලියා පල කෙරුණු අතර, එම ටෙන්ඩරය නෝබෙල් සමාගමට ලබා දුන්නේ කෙසේද යන්න සවිස්තරව ලියා ප්රසිද්ධ කොට තිබේ. කෙසේ නමුත් නොබෙල් සමාගමට ටෙන්ඩරය ලබා දී තිබියදී පිටින් ගල් අඟුරු නැව් පහක් රැගෙන ආවේය.
එවක ලංකා විදුලිබල මණ්ඩලයේ ප්රධානියා මහාචාර්ය අබේවික්රමය. ගල් අඟුරු නැව් 5 ක් අමාත්යාංශ නිර්දේශයට පිටින් ගෙන්වූ අවස්ථාවේ,
1. මෙහි ප්රමිතිය පරික්ෂා කළ යුතුය.
2. ලංකා ගල් අඟුරු සමාගමේ සභාපති හේරත් මහතා ඉල්ලා අස්විය යුතුය.
3. නැව් 5 සඳහා ම ගෙවිය යුතුව තිබූ රු. මිලියන 460 ගෙවීම වහා නැවැත්විය යුතුය.
යන උපදෙස් මම බලශක්ති ඇමැතිවරයා වශයෙන් ලබා දුන්නෙමි.
ඒ හේතුව නිසාම එවක ජනාධිපති මහින්ද රාජපක්ෂ විසින් විදුලි බල හා බලශක්ති අමාත්යවරයාව සිටි මා අමාත්ය ධුරයෙන් ඉවත් කොට අදාළ නැව් 5 ටම ගෙවීම් කිරීමට නියෝග කළේය. මා අමාත්ය ධුරයෙන් ඉවත්කොට මාස 6 ක් ඇතුළත එම ගෙවීම සිදු කිරීමට රාජපක්ෂ ජනාධිපතිවරයා කටයුතු කළේය.
ගල් අඟුරු සම්බන්ධ දෙවෙනි සිදුවීම සිදුවුයේ 2015 දී ය. ඊට පෙර 2013 දී සිට ගල් අඟුරු ටෙන්ඩරය සමාගම් දෙකකට ලබා දිය යුතුයැයි තීන්දු වී තිබූ අතර, ඒ සමාගම් දෙකෙන් දෙවෙනි සමාගමට ටෙන්ඩරය ලබාදීමට තීරණය කළේ දකුණු අප්රිකාවේ අප්රිකානු ජාතික කොන්ග්රසය හරහා එල්.ටී.ටී.ඊ.යට සම්බන්ධව සිටි ඩයස්පෝරාව සමග සාකච්ඡාවක් ඇති කරගැනීමට මහින්ද රාජපක්ෂට තිබූ උවමනාව නිසාය. ඒ සබඳතාවය වෙනුවෙන් ලබාදුන් කප්පමක් ලෙස මේ ආකාරයෙන් දකුණු අප්රිකාවේ ගල් අඟුරු ගෙන්වීමට තීරණය විය. මා විසින් එවක කැබිනට් මණ්ඩලයට දැනුම් දීමෙන් නොනැවතී , 2015 දී මේ ටෙන්ඩරය සඳහා අප විසින් අලුතෙන් කොන්දේසි දෙකක් ඉදිරිපත් කරන ලදී.
1. ටෙන්ඩරයේ කාලය අවුරුදු 4 සිට 3 දක්වා අඩු කිරීම
2. ටෙන්ඩරය ප්රදානය සමාගම් දෙකක් වෙනුවට එක සමාගමක් තෝරාගත යුතුය යන්න එම කොන්දේසි දෙක ය.
2015 දී අප විසින් සිදු කළ මේ වෙනස ක්රියාත්මක වන්නට පළමු පාර්ලිමේන්තුව විසුරුවා හැරුණු අතර, ටෙන්ඩර් සම්බන්ධ කාරණයට ඇප කිසිවෙක් ඉන්පසු මැදිහත් වූයේ නැත. ඒ අනුව මම එවක ජනාධිපති මෛත්රීපාල සිරිසේන මහතා වෙත ලිපියක් යවමින්, මෙය වහා නවතා දමා වහාම පරීක්ෂණයක් සිදු කරන ලෙස ඉල්ලා සිටියෙමි. ඉන්පසුව මට ඒ ඇමතිකම ද අහිමි වන අතර, ඒ ටෙන්ඩරය අදාළ සමාගම සඳහා සියඹලාපිටිය ඇමතිවරයා විසින් ගෙන ආ කැබිනට් පත්රිකාවට මෙය වැරදි බවට දීර්ඝ නිරීක්ෂණයක් ද යෙදීමට කටයුතු කළෙමි.
ජනාධිපති සිරිසේන මහතා අදාළ ටෙන්ඩරය වෙනුවෙන් උපාලි අබේරත්න ජනාධිපති කොමිසම පත් කළ අතර, එම කොමිසමේ විමර්ශන වෙත එක්වන මම ඒ පිළිබඳව පැය 06 ක සාක්ෂ්යයක් ලබාදුන්නෙමි. කෙසේවෙතත් අදාළ කොමිසමේ වාර්තාව නිකුත් වූ පසු ගල් අඟුරු සම්බන්ධ සිදුවීමත් මා විසින් ලබා දුන් සාක්ෂියත් අතුරුදන්ව තිබූ අතර, පාඨලී චම්පික රණවක මේ ආකාරයේ පැමිණිල්ලකට පැමිණි බව පමණක් සටහන් ව තිබිණ.
පසුව අල්ලස් කොමිසම විසින් මේ සම්බන්ධයෙන් නඩු පැවරීමක් සිදු කළේය. ඊට මා විශේෂඥ සාක්ෂියකට ගිය අවස්ථාවේදී එහි සිටි නිලධාරියෙක් පැවසුවේ “මේවා කවදාකවත් නීතිපති දෙපාර්තමේන්තුවට නඩු දාන ඒවා නෙවෙයි’ යනුවෙනි.
‘Spot Tender’ හඳුන්වා දුන්නේ මා පැමිණි පසු බව විගණකාධිපතිවරයාගේ විශේෂ වාර්තාවේ සඳහන් ව තිබේ. අමාත්යවරයාගේ මේ ක්රියාව නිසා විදුලි බල මණ්ඩලය ලාභ ඉපයූ බව එහි සඳහන් වේ. ගල් අඟුරු සහ ඩීසල් මාෆියාව සමග වැඩියෙන්ම හැප්පුණු ඇමතිවරයා ලෙස මගේ කාල සීමාවන් තුළ පමණක් විදුලි බල මණ්ඩලය ලාභ ඉපයීමට සමත් වූයේ එලෙසිනි.
එක්තරා රූපවාහිනි ආයතනයක් රාජපක්ෂ පවුල් සංස්ථාවේ ගල් අඟුරු මුදල්වලින් මිලදී ගැනීමට උත්සාහ කළේය. කොටි ත්රස්තවාදීන්ට කප්පම් ගෙවීමට උත්සාහ කළේ ද මෙම ගල් අඟුරු මුදලිනි. මහින්ද රාජපක්ෂගේ බාල පුතා රොකට් යවන්න ගියේ මේ මුදල් වලිනි. ඒ කටයුතු වැළැක්වීමට උත්සාහ කළේ මා විසිනි. මේ හේතු නිසා ඔවුන් අප සමග විශාල වෛරයකින් පසු වේ.
රාජ්ය ආයතන මේ ආකාරයෙන් පිරිසිදුව දුෂණයෙන් තොරව පවත්වාගෙන යාමට කටයුතු කිරීම හේතුවෙන් 2018 දී ශ්රී ලංකා පාර්ලිමේන්තුව විසින් විගණන අංශයෙන් අංක එකේ අමාත්යාංශය ලෙස රන් සම්මානය දිනාගැනීමට මගේ අමාත්යංශයට හැකි වූයේ එලෙසිනි. එය අපට තිබෙන ලොකුම සහතිකයි.
ඔබ සැවොම දන්නා ආකාරයට මට එරෙහිව නඩු පැවරීම සඳහා රහස් පොලීසියේ වෙනම අංශ පවත්වාගෙන යාමට තරම් රාජපක්ෂලා මා කෙරෙහි තරහක් ඇති කරගෙන තිබිණ. මා විසින් දුෂණ සිදු කොට ඇත්නම් රාජපක්ෂලා නඩු නොපවරා සිටින්නේ නැත. ඔවුන් සිටියේ මා කෙරෙහි එතරම් වෛරයකිනි.
කුඩා පරිමාණයේ අමාත්යංශ පමණක් විශාල අමාත්යංශ පවා දුෂණයෙන් තොරව පවත්වාගෙන යමින්, මූල්යමය වශයෙන් ලාභ ලබන තැනට ගෙනයමින් රටට ආදර්ශයක් සැපයීමට හැකිවීම සම්බන්ධයෙන් මම සහ මගේ කණ්ඩායම ආඩම්බර වන බව ද අවධාරණය කරමි.
පාඨලී චම්පික රණවක
2022.07.14
විපක්ෂ මන්ත්‍රී කෙනෙක්(හොරෙක් උනත්) ගෙනාපු තමන්ට අවාසි රටට වාසි යෝජනාවකට උනත් කැමති වෙලා
