(මෙහි මුල් කොටසටම (5164 පිටුව)යා කිරීමට නොහැකි වූ හෙයින් මෙය වෙනම එක් කිරීමට සිදුවිය).බොහොම ස්තුතියි ! අය්යල මේ දුලබ ගීත රැකගනිමින්, බෙදාදෙමින් කරන්නේ අමිල සේවයක්.මේ සමහර ගීත අන්තර්ජාලයේ හෝ මුදලට වත් ගන්න දැන් නෑ.එවක මේ ශිල්පීන් ඉතා දුකසේ නිර්මාණය කල දේවල් අද කලුකඩ කාරයෝ අයිති කරගෙන තමන්ගේ බූදලයක් වගේ මුදලට විකුණන යුගයක තම කාලය-මුදල්-ශ්රමය වැය කරමින් ජීවිතේ කිසිදාක නොදුටු, අඩුතරමේ සතුටවත් ප්රකාශ නොකර යන අකෘතඥ මිනිසුන්ට පවා ගත හැකි ලෙස පාස්වර්ඩ් එකක්වත් නොදමා කෙලින්ම අන්තර්ජාලයට මුදා හරින්නේ පරිත්යාගශීලි බව මොනවට කියා පාමින්.
ගිය සතියේ දවසක වාහනේ යද්දී ගුවන්විදුලි නාළිකාවක ඇහුනා,බහුතරයක් සමාජයේ දැන් හැඟීමක් තියනවා එළකිරි අඩවියේ ඉල්ලපු දුලබ ගීතයක් නොලැබුනොත් ඒක ගන්න වෙන්නේ මුදලාලි කෙනෙක්ගෙන් තමයි කියලා.(සමහර ගීත අඩංගු තැන් කීපයක්ම සඳහන් වුවත්)එම පුද්ගලයා ඉතා ප්රශංසාත්මකව කතා කලේ අඩුතරමේ වෙළඳ දැන්වීමක්වත් නැති සේවාවක් කියලයි.
සමහර විට මෙබඳු අඩවියක් නොතිබුනානම් සමහර ගීත අතුරුදන් වී යන්නත් ඉඩ තියනවා.මොකද,අහලා නැති,අහන්න-පෙනෙන්න නැති දෙයක් පවතින්න පාදමක් නැති නිසා.අනිත් අතට මෙබඳු ගුනාත්මක ගීත යළි සමාජගත කිරීම ම රසභාව හඳුනන ප්රබුද්ධ යුගයක් නැවත බිහිවීමට මහත් පිටුවහළක්.
සමහර තැනක -සමහර විටක සිංදුව ඉල්ලපු ,ලබාගත් කෙනාගෙන් වත් වචන මාත්රයක තරමේ හෝ දිරිගැන්වීමක්,ප්රශංසාවක් නොලැබෙන විට දැඩි පසුබෑමක්,කළකිරීමක් ඇතිවීම පුදුමයක් නොවේ.එසේවුවද මෙහි ඵල නෙළන්නේ ගීතය ඉල්ලූ කෙනා පමණක් නොවන බව අපගේ ගීත ගබඩා කල තැන්වලට ආ ගිය සිය ගනනින් වූ ආගන්තුකයන්ගෙන් මොනවට පැහැදිලියි.(මගේ නම් මිඩිෆෙයා එකවුන්ට් එකම කොල්ලකාලා තිබුනා)
යළි යළිත් ඔබ ඇතුළු සිංදු අසපුවේ හැමෝම පරිසමාප්ත අරුතින්ම කරන්නා වූ මේ අමිල වූ සතුටු දානයමය පුන්යකර්මය සදාකාලයෙන් සදාකාලයට පවත්වා ගෙන යාමටත්,නව පරපුරක් සවිබල ගැන්වීමටත් සියළු සවිබල ලැබේවායි හදවතින්ම ප්රාර්ථනා කරමි.
(මෙහි තව පැත්තක් ඇති බව නොකියාම බෑ.මෙතනින් ඉතා දුර්ලභ සිංදු හොයාගෙන වෙනත් අඩවි වලට ගොස් වීරයෝ වගේ ඒ සිංදු බෙදලා දෙනවා.නමුත් ඒ අඩවි වල සිංදු ගන්න ඕන නම් ෆෝස්ට් එක දැම්ම කෙනාගෙන් හෝ පාලකයාගන් පාස්වර්ඩ් එක ඉල්ලලා දහ වැඳුම් වඳින්න ඕන.මේ කාරණයත් ඉදිරියේදී සලකා බලන්න සිදුවේවි.)
ඒක මහා කරදරයක් වෙයි නේද?.පහසු පිළිවෙලකට සිද්ධවෙනවා නම් හොඳයි.
