කවියෙන් කවිය ගොතලා රස පද පේලී
එළකිරි පැටව් ලියනා මේ කවි කෑලී
සුන්දර හැඟුම් දනවයි සිත මනහාරී
සංදේශයක් ලියමුද රස කවිකාරී ?
හරි හරි ඉතින් ඔට්ටුයි මේ කවිකාරි
පදවැල් ගොතන්නට ඉපදුන හැඩකාරි
සුන්දර හැගුම් එක්කර සිතුවැල්ම පිරී
සන්දේශයෙන් එවනෙමි ඔබ වෙත මිතුරී
සංදේශයක් එව්වේ ඔබ කා අතද
හංසයෙක්ද, සැවුලෙක්ද, රන ගිරවෙක්ද
මඟ බල බල ඉඳිමි කෝ තව රෑ වෙයිද
තවමත් නැත්තෙ ගල් ඉබ්බෙක් අත නේද ?
සංදේශයක් එව්වේ ඔබ කා අතද
හංසයෙක්ද, සැවුලෙක්ද, රන ගිරවෙක්ද
මඟ බල බල ඉඳිමි කෝ තව රෑ වෙයිද
තවමත් නැත්තෙ ගල් ඉබ්බෙක් අත නේද ?
එකක් දැම්මට කිසි ගතියක් නැති හින්දා
හිතුවා හිතුවා මොනවා කරන්න අනේ මන්දා
බැරිම තැනදි ඉබ්බාගේ පිහාටුවක රන්දා
ඊයේ මම එවා ඇත්තේ ඉවසාපන් නැන්දා
සීතල රැයේ තනි පාළුව සිත රැඳුනේ
නිදි වැරුවත් ඉබි නයිදේ නැත මානේ
දිනකර නැගී මල් පිපෙනා මේ අරුණේ
ඉබ්බෙක් නේද හතිලන්නේ වැට අයිනේ
සංදේශය කියවා සිත පිනා ගියා
ඉබි හාමිත් හිනැහෙනවා දෑස අයා
මොනවා එවන්නද පිළිතුරු ලෙසට ලියා
ශුභ නත්තලක්! අයියෝ හොර ඉබ්බා පැනල ගියා
සංදේශය එහෙ මෙහෙ යන අතර තුරේ
ඉබි හාමිට ඇස් ගැහුවද ඔයා අනේ
ඉබි හාමිට උණ හැදිලා බයට වගේ
මොනවද උනේ මොනවද මට කියනු මැනේ
කවියෙන් කවිය ගොතලා රස පද පේලී
එළකිරි පැටව් ලියනා මේ කවි කෑලී
සුන්දර හැඟුම් දනවයි සිත මනහාරී
සංදේශයක් ලියමුද රස කවිකාරී ?
ඉබි හාමිගෙ හිත ඩිග් ඩිග් ගැහෙනවලූ
කටුවෙන් එබී හොරැහින් වගෙ බලනවලූ
ඉඟි බිඟි පාන්නට පොඩ්ඩ්ක් ලැජ්ජයිලූ
ඕනෑ නැති ප්රශ්න මොකටද මගෙ යාළූ
