අටුලුගම දැරියක් අතුරුදන්
09 හැවිරිදි දැරියක් අතුරුදන් වී ඇතැයි පොලීසියට පැමිණිල්ලක් ලැබී තිබේ.
බණ්ඩාරගම පොලීසිය සඳහන් කළේ දැරියගේ දෙමව්පියන් විසින් එලෙස පොලීසියට පැමිණ පැමිණිලි කළ බවය.
මෙලෙස අතුරුදන්ව ඇත්තේ අටුලුගම අල් ගස්සාලි මහා විද්යාලයේ 4 වන වසරේ ඉගෙනුම ලබන පාතිමා අයේෂා නමැති දැරියකි.
දැරිය අද (27) පෙරවරු 10ට පමණ නිවසට කුකුළු මස් රැගෙනඒම සඳහා නිවසේ සිට මීටර් 200ක් පමණ ඈතින් ඇති වෙළෙඳසැළට ගොස් තිබේ.
නමුත් ඇය යළි නිවස වෙත නොපැමිණි බව ඇයගේ මව පවසයි.
අතුරුදන් වූ දැරිය සිව් දෙනකුගෙන් යුත් පවුලේ තුන්වැනියා බව පොලීසිය කියයි.
දැරිය අදාළ වෙළෙඳසැළෙන් පිටව යන අයුරුද අසල තිබූ CCTV කැමරාවක සටහන්වී තිබේ.
ඒ අනුව දැරිය සොයා මේ වනවිට පොලිස් විමර්ශන ක්රියාත්මකය
