ආසියාවට සාඩම්බරය කැන්දූ මිල්ලංගොඩ රාජා
ආසියාවට සාඩම්බරය කැන්දූ අපේ මිල්ලංගොඩ රාජා
ශ්රී දළදා මැඳුරේ විසූ "රාජා" නම් හස්තියා අපි අදත් සිහිපත් කරනුයේ මහත් භක්ත්යාදරයකිනි. ඈත එපිට මඩකලපුවේ එරාවුර් හි වනපෙතක ඉපිද, අඩසිය වසකටත් වඩා කල් අති උතුම් දළදා කරඬුව පෙරහැරේ වැඩමකරවීමේ භාග්ය ලබමින් පිංවත් රාජා ජාතික වස්තුවක් වශයෙන් පිදුම් ලැබුවේය. එවන් සද්කාර්යකට දායක වෙමින් රාජාගේ වියෝගයෙන් පසු මෙලොව ඇති අති උතුම්ම කටයුත්තක් වන දළදා කරඬු වහන්සේ පෙරහැරේ වැඩමකිරීමේ අවස්ථාව ලබාගත් ඇත් රජුන් කිහිප දෙනෙකි.
අප්පුහාමි මිල්ලංගොඩ මහතා
එසේම වසර ගණනාවක් තිස්සේ නොකඩවා දළදා පෙරහැරට සහභාගි වෙමින් මෙම උතුම් සංස්කෘතික මංගල්ලය විචිත්ර කරනවා පමණක් නොව දළදා සමිඳුන්ට සිදුකරන්නාවූ පූජනීය වන්දනාව පිංකමක් බවට පත්කරගත් ඇත් රජුන්ද කිහිප දෙනෙකි. අද මහලු වයසේ සිටියද, "මිල්ලංගොඩ රාජා" ද එවැන්නෙකි දළදා මාළිගාවේ රාජාගේ ඇවෑමෙන් පසු පුරා වසර 10ක් - 12ක් පමණම නොකඩවා කරඬුව වැඩමකරමින් හා දළදා පෙරහැරද වර්ණවත් කරමින් අඩ සියවසකට ආසන්න කාලයක් මිල්ලංගොඩ රාජා ද මේ පිංකමේ දායකයකු වී සිටී. මෙවර ඒ භාග්යය රාජාට හිමි නොවූවත් මේ සුපින්වත් ඇත් රජු ආසියාවේම සාඩම්බරය වී ඒ මහා ගෞරවය ශ්රී ලංකාද්වීපයට ගෙන දී ඇති බවද දන්නෝ විරලයහ. ඒ ආසියාවේ දිගුම දළ ඇති ඇත්රජා ලෙසිනි.
මිල්ලංගොඩ රාජා, අද කෑගල්ලේ මිල්ලංගොඩ වලව්වේ අප්පුහාමි මිල්ලංගොඩ මහතාට අයත්ව ජීවත් වුවත් රාජා ඉපදුණේ වයඹ පළාතේ ආණමඩුව ප්රදේශයේ සුන්දර වනපෙතකය. 1946 දී අලින් අල්ලන්නට ගත් රජයේ බලපත්රයකින් අප්පුහාමි මිල්ලංගොඩ මහතා මේ රාජාව අල්ලා ගන්නා විට වයස අවුරුදු හතරක පමණ කෙළිලොල් දඟකාරයෙකි. එසේ නම් මිල්ලංගොඩ රාජාගේ දැන් වයස අවුරුදු 70 ක් පමණ වන බවයි මිල්ලංගොඩ මහතා පවසන්නේ.
මිල්ලංගොඩ රාජා ගැන මීට පෙර වතාවකද කතාවක් ලියන්නට මට අවස්ථාවක් උදාවිය. එවක මා ලියා තැබුවේ දළදා මාලිගාවේ රාජා මෙන්ම රටටත්, ආසියාකාරටත් කීර්තියක් අත්කර දුන් මිල්ලංගොඩ රාජාද ජාතික වස්තුවක් බවට පත් කළ යුතු බවයි.
මිල්ලංගොඩ රාජා අද ආසියාවේ දළ දෙක දිගුම ඇතු වශයෙන් සැලකෙන්නේ මේ වාර්තාව බිඳ දමන්නට හෝ මේ වාර්තාව සමකරන්නට හෝ ආසියාවෙන් වෙනත් ඇතකු ඉදිරිපත්ව නොමැති බැවිනි. මෙම වර්ගයේ ඇතුන් ලෝකයේ ජීවත්වන්නේ ආසියාවේ පමණක් බැවින් එසේ නම් මෙය ආසියාතික වාර්තාවක් නොව ලෝක වාර්තාවක් වීමටද ඉඩ තිබේ. එනම්, මිල්ලංගොඩ රාජා තබා ඇති ඒ සුවිශේෂ වාර්තාව අනුව රාජාගේ දළයක දිග අඩි හතකි. අඩි 11 1/2 ක් පමණ උසකින් සමන්විත රාජාගේ මෙම දිගු දළ යුගළ වක්ර නොවී සෘජුවම පිහිටා ඇති බැවින් හිස පහත් කරන විට පවා දළ යුගළ පොළොවේ ගැටේ. මේ සාඩම්බරයම විටෙක මේ ඇත් රජුට බාධාවකි. ආහාර ගැනීම සඳහා කලක පටන් බිමට නැමිය නොහැකි නිසා රාජා බලවත් දුෂ්කරතාවකින්ද පෙළේ. එහෙත්, මිල්ලංගොඩ අප්පුහාමි මහතා මේ ඇත් රජුට දක්වන්නේ මහත් ඇල්මක් හා ලෙංගතුකමකි. ඔහු සතුව තවත් අලි - ඇතුන් කිහිප දෙනකුම වෙසෙන අතර අනිකුත් අලින් ලවා රාජාගේ ආහාර ටිකද රාජාට ළංකර දේ. මෙතෙක් රාජා කිසිදු බර වැඩක නොයොදා නිදහසේ ඉන්නට අවස්ථාව සලසාදී ඇත්තේ මහනුවර ඇසළ පෙරහැර, අළුත්නුවර, කැළණිය, කෑගල්ල වැනි ප්රකට පෙරහරවලට මිල්ලංගොඩ රාජා ලබාදුන් ආකර්ෂණය, ඇත්රජුගේ ගෞරවයට පුදකරමිනි. මිල්ලංගොඩ අප්පුහාමි මහතා කියන පරිදි මාසිකව රාජාගේ නඩත්තුව සඳහා රුපියල් 45000 ක පමණ වියදමක් දැරීමට සිදුවෙයි. මේ සියලු වැය තම සතුටට හරවාගෙන ඇත්රජුට උපස්ථාන කළත්, දැන් රාජා තරමක් අසනීපයෙන් පසුවන්නේ වයෝවෘද්ධවී ඇති නිසාමය. මිනිසාගේ මෙන්ම දැන් මිල්ලංගොඩ රාජාගේද දත් දිරා ගොසිනි. හකු ගෙවී ගොසිනි. ඉදින් පෙර පරිදි රළු ආහාර දැන් රාජාට උරුම නැත. මෘදු මොළොක් ආහාර හා විශේෂයෙන් පශු වෛද්යවරුන්ගේ උපදෙස් පරිදි විශේෂිත ආහාර වට්ටෝරුවකින් රාජා යෑපෙන්නේ මෙලොව අනිත්ය මොනවට පසක් කරවමිනි. සැබැවින්ම මිල්ලංගොඩ රාජා ද පිං කළ ඇත් රාජයෙකි. අමා මහ බුදුහිමියන්ගේ පූජෝපහාරයට තම දිවියම කැප කළ මොහු රටට, ජාතියට, ආසියාවටම ආඩම්බරයකි. මහා සාඩම්බරයකි. ඒ සාඩම්බරය තවත් දිගුකලක් දිලෙන්නට අපි ආයුබෝ වේවායි මිල්ලංගොඩ ඇත් රජුට ප්රාර්ථනා කරමු.
චන්දන පුෂ්පකුමාර
ජගත් කණහැරආරච්චි
Source-http://www.divaina.com/2010/08/22/feature13.html
ශ්රී දළදා මැඳුරේ විසූ "රාජා" නම් හස්තියා අපි අදත් සිහිපත් කරනුයේ මහත් භක්ත්යාදරයකිනි. ඈත එපිට මඩකලපුවේ එරාවුර් හි වනපෙතක ඉපිද, අඩසිය වසකටත් වඩා කල් අති උතුම් දළදා කරඬුව පෙරහැරේ වැඩමකරවීමේ භාග්ය ලබමින් පිංවත් රාජා ජාතික වස්තුවක් වශයෙන් පිදුම් ලැබුවේය. එවන් සද්කාර්යකට දායක වෙමින් රාජාගේ වියෝගයෙන් පසු මෙලොව ඇති අති උතුම්ම කටයුත්තක් වන දළදා කරඬු වහන්සේ පෙරහැරේ වැඩමකිරීමේ අවස්ථාව ලබාගත් ඇත් රජුන් කිහිප දෙනෙකි.
අප්පුහාමි මිල්ලංගොඩ මහතා
එසේම වසර ගණනාවක් තිස්සේ නොකඩවා දළදා පෙරහැරට සහභාගි වෙමින් මෙම උතුම් සංස්කෘතික මංගල්ලය විචිත්ර කරනවා පමණක් නොව දළදා සමිඳුන්ට සිදුකරන්නාවූ පූජනීය වන්දනාව පිංකමක් බවට පත්කරගත් ඇත් රජුන්ද කිහිප දෙනෙකි. අද මහලු වයසේ සිටියද, "මිල්ලංගොඩ රාජා" ද එවැන්නෙකි දළදා මාළිගාවේ රාජාගේ ඇවෑමෙන් පසු පුරා වසර 10ක් - 12ක් පමණම නොකඩවා කරඬුව වැඩමකරමින් හා දළදා පෙරහැරද වර්ණවත් කරමින් අඩ සියවසකට ආසන්න කාලයක් මිල්ලංගොඩ රාජා ද මේ පිංකමේ දායකයකු වී සිටී. මෙවර ඒ භාග්යය රාජාට හිමි නොවූවත් මේ සුපින්වත් ඇත් රජු ආසියාවේම සාඩම්බරය වී ඒ මහා ගෞරවය ශ්රී ලංකාද්වීපයට ගෙන දී ඇති බවද දන්නෝ විරලයහ. ඒ ආසියාවේ දිගුම දළ ඇති ඇත්රජා ලෙසිනි.
මිල්ලංගොඩ රාජා, අද කෑගල්ලේ මිල්ලංගොඩ වලව්වේ අප්පුහාමි මිල්ලංගොඩ මහතාට අයත්ව ජීවත් වුවත් රාජා ඉපදුණේ වයඹ පළාතේ ආණමඩුව ප්රදේශයේ සුන්දර වනපෙතකය. 1946 දී අලින් අල්ලන්නට ගත් රජයේ බලපත්රයකින් අප්පුහාමි මිල්ලංගොඩ මහතා මේ රාජාව අල්ලා ගන්නා විට වයස අවුරුදු හතරක පමණ කෙළිලොල් දඟකාරයෙකි. එසේ නම් මිල්ලංගොඩ රාජාගේ දැන් වයස අවුරුදු 70 ක් පමණ වන බවයි මිල්ලංගොඩ මහතා පවසන්නේ.
මිල්ලංගොඩ රාජා ගැන මීට පෙර වතාවකද කතාවක් ලියන්නට මට අවස්ථාවක් උදාවිය. එවක මා ලියා තැබුවේ දළදා මාලිගාවේ රාජා මෙන්ම රටටත්, ආසියාකාරටත් කීර්තියක් අත්කර දුන් මිල්ලංගොඩ රාජාද ජාතික වස්තුවක් බවට පත් කළ යුතු බවයි.
මිල්ලංගොඩ රාජා අද ආසියාවේ දළ දෙක දිගුම ඇතු වශයෙන් සැලකෙන්නේ මේ වාර්තාව බිඳ දමන්නට හෝ මේ වාර්තාව සමකරන්නට හෝ ආසියාවෙන් වෙනත් ඇතකු ඉදිරිපත්ව නොමැති බැවිනි. මෙම වර්ගයේ ඇතුන් ලෝකයේ ජීවත්වන්නේ ආසියාවේ පමණක් බැවින් එසේ නම් මෙය ආසියාතික වාර්තාවක් නොව ලෝක වාර්තාවක් වීමටද ඉඩ තිබේ. එනම්, මිල්ලංගොඩ රාජා තබා ඇති ඒ සුවිශේෂ වාර්තාව අනුව රාජාගේ දළයක දිග අඩි හතකි. අඩි 11 1/2 ක් පමණ උසකින් සමන්විත රාජාගේ මෙම දිගු දළ යුගළ වක්ර නොවී සෘජුවම පිහිටා ඇති බැවින් හිස පහත් කරන විට පවා දළ යුගළ පොළොවේ ගැටේ. මේ සාඩම්බරයම විටෙක මේ ඇත් රජුට බාධාවකි. ආහාර ගැනීම සඳහා කලක පටන් බිමට නැමිය නොහැකි නිසා රාජා බලවත් දුෂ්කරතාවකින්ද පෙළේ. එහෙත්, මිල්ලංගොඩ අප්පුහාමි මහතා මේ ඇත් රජුට දක්වන්නේ මහත් ඇල්මක් හා ලෙංගතුකමකි. ඔහු සතුව තවත් අලි - ඇතුන් කිහිප දෙනකුම වෙසෙන අතර අනිකුත් අලින් ලවා රාජාගේ ආහාර ටිකද රාජාට ළංකර දේ. මෙතෙක් රාජා කිසිදු බර වැඩක නොයොදා නිදහසේ ඉන්නට අවස්ථාව සලසාදී ඇත්තේ මහනුවර ඇසළ පෙරහැර, අළුත්නුවර, කැළණිය, කෑගල්ල වැනි ප්රකට පෙරහරවලට මිල්ලංගොඩ රාජා ලබාදුන් ආකර්ෂණය, ඇත්රජුගේ ගෞරවයට පුදකරමිනි. මිල්ලංගොඩ අප්පුහාමි මහතා කියන පරිදි මාසිකව රාජාගේ නඩත්තුව සඳහා රුපියල් 45000 ක පමණ වියදමක් දැරීමට සිදුවෙයි. මේ සියලු වැය තම සතුටට හරවාගෙන ඇත්රජුට උපස්ථාන කළත්, දැන් රාජා තරමක් අසනීපයෙන් පසුවන්නේ වයෝවෘද්ධවී ඇති නිසාමය. මිනිසාගේ මෙන්ම දැන් මිල්ලංගොඩ රාජාගේද දත් දිරා ගොසිනි. හකු ගෙවී ගොසිනි. ඉදින් පෙර පරිදි රළු ආහාර දැන් රාජාට උරුම නැත. මෘදු මොළොක් ආහාර හා විශේෂයෙන් පශු වෛද්යවරුන්ගේ උපදෙස් පරිදි විශේෂිත ආහාර වට්ටෝරුවකින් රාජා යෑපෙන්නේ මෙලොව අනිත්ය මොනවට පසක් කරවමිනි. සැබැවින්ම මිල්ලංගොඩ රාජා ද පිං කළ ඇත් රාජයෙකි. අමා මහ බුදුහිමියන්ගේ පූජෝපහාරයට තම දිවියම කැප කළ මොහු රටට, ජාතියට, ආසියාවටම ආඩම්බරයකි. මහා සාඩම්බරයකි. ඒ සාඩම්බරය තවත් දිගුකලක් දිලෙන්නට අපි ආයුබෝ වේවායි මිල්ලංගොඩ ඇත් රජුට ප්රාර්ථනා කරමු.
චන්දන පුෂ්පකුමාර
ජගත් කණහැරආරච්චි
Source-http://www.divaina.com/2010/08/22/feature13.html
Last edited:
