උන් සැවොම ජර්මන් ෂෙපර්ඩ්ය...
මනෝරම මන්දිරේ අගුපිලක
පාදඩ බලු රැලකි කටු ලොවන
මහ ගේට්ටුවෙන් එහා සිටි දනට
උන් සැවොම ජර්මන් ෂෙපර්ඩ්ය...
අවරට යන ඉරේ රැස් වලට
මන්දිරෙන් පිට බලා උන් දනට
බොඳ ඇසින් දුටු නිලංකාරෙට
මන්දිරය පෙනුනේ තේජසට...
දන් පින් කරති දස සිල් රකිති
මා වැනි බිලිඳුගෙන් දුක් අසති
සුර ලොවෙන් දේවතා එළි බසිති
සාදු කියමින් දනෝ තප්පුලති...
දන්සැල් වසා ඇරි සුරා සැල්
දූ කෙළිද රති කෙළිද මරඟනන්
විසි කරයි මන්දිරේ කවුළුවෙන්
දනන් ඇත ඔද වැඩී අසිරියෙන්...
මන්දිරේ රජ බොජුන් දුම් දමන
උරාගෙන නාස් පුඩු පුම්බමින
මත් වෙමින් තරුණ දන වියරුවෙන
කැකුළු මල් තලා වනසන අරුම...
ගුණක් නැති මන්දිරේ බල්ලන්
සපා කනකොට අසරණ දනන්
උතුමණි කාරියක් නැහැ ඉතින්
කැකිල්ලේ රජු දුටිමි හැබැහින්...
මන්දිරේ වැඩ හිඳින උතුමන්ට
මන්දිරේ වැට රකින බල්ලන්ට
මන්දිරේ පිළී කන පණුවන්ට
මේ සා රජ බොජුන් කොයිබින්ද....
අපහසුවක් නැතිව වළඳන්ට
දහඩිය හෙලයි දන දන් දෙන්ට
මෙන්න උතුමාණෙනි මස් ගන්ට
නිකම් වාගෙයි අරගෙන යන්ට....
බලු රොත්ත වට වෙලා සීරුවෙන්
පිසවනා තැන තැන රජ බොජුන්
කොටහ අරගෙන යන්ට කෑදරෙන්
ඇණ කොටා ගන්න හැටි අර බලන්...
අටු කොටු මදි වෙච්චි රජ බොජුන්
පිළුණු වී ලං වෙලා ඉහඳයින්
සුදු පාටින් වැසුණු මන්දිරෙන්
ඕජස ගලයි ඇස හැර බලන්...
වරිගේ මක් උනත් ජාතකෙන්
සුළුදිය ඉසින පා ඔසවමින්
මන්දිරේ ඉන්න සහචරයින්
ඔය සේරෝම පාදඩයින්...
පෙරවාපු මුදු උතුරු සළුවෙන්
වසාගන්නට බැරි හෙළුවෙන්
සඟවන්නට අපේ උතුමාණන්
අනේ ගෙන එයි පිළී සුදනන්....
-දෙව්රංඟී-
දෙසැම්බර් 27, 2014
පාදඩ බලු රැලකි කටු ලොවන
මහ ගේට්ටුවෙන් එහා සිටි දනට
උන් සැවොම ජර්මන් ෂෙපර්ඩ්ය...
අවරට යන ඉරේ රැස් වලට
මන්දිරෙන් පිට බලා උන් දනට
බොඳ ඇසින් දුටු නිලංකාරෙට
මන්දිරය පෙනුනේ තේජසට...
දන් පින් කරති දස සිල් රකිති
මා වැනි බිලිඳුගෙන් දුක් අසති
සුර ලොවෙන් දේවතා එළි බසිති
සාදු කියමින් දනෝ තප්පුලති...
දන්සැල් වසා ඇරි සුරා සැල්
දූ කෙළිද රති කෙළිද මරඟනන්
විසි කරයි මන්දිරේ කවුළුවෙන්
දනන් ඇත ඔද වැඩී අසිරියෙන්...
මන්දිරේ රජ බොජුන් දුම් දමන
උරාගෙන නාස් පුඩු පුම්බමින
මත් වෙමින් තරුණ දන වියරුවෙන
කැකුළු මල් තලා වනසන අරුම...
ගුණක් නැති මන්දිරේ බල්ලන්
සපා කනකොට අසරණ දනන්
උතුමණි කාරියක් නැහැ ඉතින්
කැකිල්ලේ රජු දුටිමි හැබැහින්...
මන්දිරේ වැඩ හිඳින උතුමන්ට
මන්දිරේ වැට රකින බල්ලන්ට
මන්දිරේ පිළී කන පණුවන්ට
මේ සා රජ බොජුන් කොයිබින්ද....
අපහසුවක් නැතිව වළඳන්ට
දහඩිය හෙලයි දන දන් දෙන්ට
මෙන්න උතුමාණෙනි මස් ගන්ට
නිකම් වාගෙයි අරගෙන යන්ට....
බලු රොත්ත වට වෙලා සීරුවෙන්
පිසවනා තැන තැන රජ බොජුන්
කොටහ අරගෙන යන්ට කෑදරෙන්
ඇණ කොටා ගන්න හැටි අර බලන්...
අටු කොටු මදි වෙච්චි රජ බොජුන්
පිළුණු වී ලං වෙලා ඉහඳයින්
සුදු පාටින් වැසුණු මන්දිරෙන්
ඕජස ගලයි ඇස හැර බලන්...
වරිගේ මක් උනත් ජාතකෙන්
සුළුදිය ඉසින පා ඔසවමින්
මන්දිරේ ඉන්න සහචරයින්
ඔය සේරෝම පාදඩයින්...
පෙරවාපු මුදු උතුරු සළුවෙන්
වසාගන්නට බැරි හෙළුවෙන්
සඟවන්නට අපේ උතුමාණන්
අනේ ගෙන එයි පිළී සුදනන්....
-දෙව්රංඟී-
දෙසැම්බර් 27, 2014
Last edited:
