කටකතාවලින් කියවෙන දේ මෛත්රීට කරන්නට බැර
copyright: w3lanka by Ajith Parakum
අන්තර්ජාලයේ හා සමාජ ජාල වෙබ් අඩවිවල කට කතා නිර්මාන මේ වන විට අතිශය විනාශකාරී තත්වයකට පත්ව තිබේ.
එක්සත් ජාතික පක්ෂයෙන් යැපෙන බව පෙනෙන වෙබ් අඩවි කීපයක් කලක සිට ම ආණ්ඩුවට හා විපක්ෂයේ තම සතුරන්ට එරෙහිව ප්රබන්ධ ලිවීම ජීවනෝපාය කරගෙන තිබිණි. මෑතක සිට හතු පිපෙන්නා සේ මෙවැනි ඕපාදූපකාරයන් බිහි වී තිබේ.
ඔවුන්ගේ මූලික ලක්ෂණයක් වන්නේ තොරතුරු මූලාශ්රවල හිඟයයි. එහෙත්, ඔවුන්ට හොඳ පරිකල්පනයක් තිබේ. ඇසින් දුටුවා සේ අල්ලේ පැලවෙන බොරු ලියන්නට ඔවුහු සමත් ය.
ඔවුන්ගේ ප්රවෘත්තිවල මූලාශ්රය ඔවුන්ගේ ම මනෝරාජික අපේක්ෂා ය. මේ වැඩි දෙනෙක් මහින්ද රාජපක්ෂ ජනාධිපති සමග බද්ධ වෛරයකින් පෙළෙති. එහෙයින් අතට හසු වන ඕනෑම දෙයකින් ඔහුට පහර දෙති.
ඔවුන්ගේ මනෝ ලෝකය පොළවේ නැත. එහෙත්, ඔවුන්ට රැවටෙන ඇතැමෙක් ඒ ලෝකය භෞතික ලෝකය තුළ සොයන්නට දත කති. නැති තැන අපේක්ෂා භංගත්වයට පත් වෙති.
විපක්ෂ පොදු අපේක්ෂකයා ඉදිරියේ තිබෙන ලොකු ම අභියෝගයක් වන්නේ මේ ඕපාදූප නිර්මානකරුවෝ ය. ඔවුන් විසින් නිර්මානය කරන ලද ප්රබන්ධ යථාර්ථය බවට පත් වන තෙක් බලා සිටින එජාප පාක්ෂිකයෝ එසේ නො වූ කල පහසුවෙන් ඉච්ඡා භංගත්වයට පත් වෙති.
මහින්දගේ ආශ්චර්යයන්ට ගැලපෙන දේශපාලන විජ්ජා පෙන්වන පොදු අපේක්ෂකයකු පිළිබඳ නිර්මානය කරන ලද අපේක්ෂා මේ වන විටත් බිඳ වැටී තිබේ. අහවල්ලු එති, අයවැය පරදියි, පළාත් සභා බලය අල්ලයි, පාර්ලිමේන්තුවත් හොල්ලයි ආදී වශයෙන් කියවෙන කටකතාවලින් ජනතාව නො මග යැවීම අතිශය භයානක ය.
මේ ඕපාදූපකාරයන්ට මුදල් සපයන එජාපය එයින් තමන්ට වන හානිය ගැන දැන්වත් සිතිය යුතු ය.
මාධ්ය දේශපාලනය කියන්නේ ඕපාදූප නිර්මානය නොවේ. ජනතාව තුළ අදහස් ගොඩනැගීමයි.
විපක්ෂ පොදු අපේක්ෂකයා සම්බන්ධයෙන් අවශ්ය වන්නේ ප්රගතිශීලී අදහස් ගොඩනැංවීමකි.
ප්රජාතන්ත්රවාදය, මානව හිමිකම්, දූෂණයට එරෙහි අරගලය, යහපාලනය, සංහිඳියාව, නිදහස, සංවර්ධනය වැනි මාතෘකා ජනතාව අතරට ගෙන යා යුතු ය.
ආණ්ඩුව මඩ දේශපාලනය ආරම්භ කර තිබේ. විපක්ෂය එයින් මිදිය යුතු ය. මෛත්රීපාල සිරිසේන මහනායක හිමිවරුන් හමු වීමෙන් පසු කළ ප්රකාශය තුළ වැදගත් කරුණක් තිබිණි. මැතිවරණ ව්යාපාරය සාමකාමීව, විනයගරුකව, හික්මීමකින් යුක්තව, ශීලාචාරව, කිසිවකුට අගෞරව නො කර, චරිත ඝාතනවලින් තොරව පවත්වාගෙන යන බව ඔහු නිවේදනය කළේ ය.
විපක්ෂ පොදු අපේක්ෂකයකු ගොඩනැගීමට අප උත්සාහ කළ යුතු ය. ඔහු හැකි තරම් දුරට රාජපක්ෂ ක්රමයට විකල්පයක් බවට පත් කළ යුතු ය.
මාධ්ය විසින් ජනාධිපතිවරණ සටන යොමු කළ යුතුව තිබෙන්නේ රාජපක්ෂ ක්රමයෙන් ඉවතට මිස තව දුරටත් එය තුළට නො වේ.
2010 ජනාධිපතිවරණ සටනින් පාඩම් උගත යුතු ය.
copyright: w3lanka by Ajith Parakum
අන්තර්ජාලයේ හා සමාජ ජාල වෙබ් අඩවිවල කට කතා නිර්මාන මේ වන විට අතිශය විනාශකාරී තත්වයකට පත්ව තිබේ.
එක්සත් ජාතික පක්ෂයෙන් යැපෙන බව පෙනෙන වෙබ් අඩවි කීපයක් කලක සිට ම ආණ්ඩුවට හා විපක්ෂයේ තම සතුරන්ට එරෙහිව ප්රබන්ධ ලිවීම ජීවනෝපාය කරගෙන තිබිණි. මෑතක සිට හතු පිපෙන්නා සේ මෙවැනි ඕපාදූපකාරයන් බිහි වී තිබේ.
ඔවුන්ගේ මූලික ලක්ෂණයක් වන්නේ තොරතුරු මූලාශ්රවල හිඟයයි. එහෙත්, ඔවුන්ට හොඳ පරිකල්පනයක් තිබේ. ඇසින් දුටුවා සේ අල්ලේ පැලවෙන බොරු ලියන්නට ඔවුහු සමත් ය.
ඔවුන්ගේ ප්රවෘත්තිවල මූලාශ්රය ඔවුන්ගේ ම මනෝරාජික අපේක්ෂා ය. මේ වැඩි දෙනෙක් මහින්ද රාජපක්ෂ ජනාධිපති සමග බද්ධ වෛරයකින් පෙළෙති. එහෙයින් අතට හසු වන ඕනෑම දෙයකින් ඔහුට පහර දෙති.
ඔවුන්ගේ මනෝ ලෝකය පොළවේ නැත. එහෙත්, ඔවුන්ට රැවටෙන ඇතැමෙක් ඒ ලෝකය භෞතික ලෝකය තුළ සොයන්නට දත කති. නැති තැන අපේක්ෂා භංගත්වයට පත් වෙති.
විපක්ෂ පොදු අපේක්ෂකයා ඉදිරියේ තිබෙන ලොකු ම අභියෝගයක් වන්නේ මේ ඕපාදූප නිර්මානකරුවෝ ය. ඔවුන් විසින් නිර්මානය කරන ලද ප්රබන්ධ යථාර්ථය බවට පත් වන තෙක් බලා සිටින එජාප පාක්ෂිකයෝ එසේ නො වූ කල පහසුවෙන් ඉච්ඡා භංගත්වයට පත් වෙති.
මහින්දගේ ආශ්චර්යයන්ට ගැලපෙන දේශපාලන විජ්ජා පෙන්වන පොදු අපේක්ෂකයකු පිළිබඳ නිර්මානය කරන ලද අපේක්ෂා මේ වන විටත් බිඳ වැටී තිබේ. අහවල්ලු එති, අයවැය පරදියි, පළාත් සභා බලය අල්ලයි, පාර්ලිමේන්තුවත් හොල්ලයි ආදී වශයෙන් කියවෙන කටකතාවලින් ජනතාව නො මග යැවීම අතිශය භයානක ය.
මේ ඕපාදූපකාරයන්ට මුදල් සපයන එජාපය එයින් තමන්ට වන හානිය ගැන දැන්වත් සිතිය යුතු ය.
මාධ්ය දේශපාලනය කියන්නේ ඕපාදූප නිර්මානය නොවේ. ජනතාව තුළ අදහස් ගොඩනැගීමයි.
විපක්ෂ පොදු අපේක්ෂකයා සම්බන්ධයෙන් අවශ්ය වන්නේ ප්රගතිශීලී අදහස් ගොඩනැංවීමකි.
ප්රජාතන්ත්රවාදය, මානව හිමිකම්, දූෂණයට එරෙහි අරගලය, යහපාලනය, සංහිඳියාව, නිදහස, සංවර්ධනය වැනි මාතෘකා ජනතාව අතරට ගෙන යා යුතු ය.
ආණ්ඩුව මඩ දේශපාලනය ආරම්භ කර තිබේ. විපක්ෂය එයින් මිදිය යුතු ය. මෛත්රීපාල සිරිසේන මහනායක හිමිවරුන් හමු වීමෙන් පසු කළ ප්රකාශය තුළ වැදගත් කරුණක් තිබිණි. මැතිවරණ ව්යාපාරය සාමකාමීව, විනයගරුකව, හික්මීමකින් යුක්තව, ශීලාචාරව, කිසිවකුට අගෞරව නො කර, චරිත ඝාතනවලින් තොරව පවත්වාගෙන යන බව ඔහු නිවේදනය කළේ ය.
විපක්ෂ පොදු අපේක්ෂකයකු ගොඩනැගීමට අප උත්සාහ කළ යුතු ය. ඔහු හැකි තරම් දුරට රාජපක්ෂ ක්රමයට විකල්පයක් බවට පත් කළ යුතු ය.
මාධ්ය විසින් ජනාධිපතිවරණ සටන යොමු කළ යුතුව තිබෙන්නේ රාජපක්ෂ ක්රමයෙන් ඉවතට මිස තව දුරටත් එය තුළට නො වේ.
2010 ජනාධිපතිවරණ සටනින් පාඩම් උගත යුතු ය.
