සිනහ වෙන්නැති කතා වෙන්නැති
රුදුරු අඳුරක ඔබ ගිලෙන්නැති
ඔබත් දන්නැති මමත් දන්නැති
අපේ හිත් වල දුක පිරෙන්නැති
කතා කෙරුවද සිනහ වූවද
හදෙහි දුක සැමටම දැනෙන්නැති
සිනහසී රහසින් හැඬූ මුත්
අපේ දුක ලොවටම පෙනෙන්නැති
වෙන් වෙලා රහසින් හැඬූ මුත්
එකට හමුවී සිනා වෙන්නැති
එසේ හමුවී සිනා සැලුමුත්
ඔබේ හදවත මට පෙනෙන්නැති
එසේ තේරුම් ගත් ඔබේ හද
ලබන්නට මට පින් මද වෙන්නැති
සොඳුරු යුගයක මතක සටහන්
වේදනාවෙන් රිදුම් දෙන්නැති
ඔබත් යන්නැති මමත් යන්නැති
හැරී ඔබ දෙස මම බලන්නැති
ඔබ මගේ දෙස නොහැරුනා මුත්
සිතින් මා දෙස බලා ඉන්නැති
එවිට ඔබ වෙත එන්න සිතුමුත්
එසේ එන්නට නොහැකි වෙන්නැති
එසේ එන්නට නොහැකි වන්නට
ඔබ ඔහුට තව තුරුළු වෙන්නැති
