ගොවිසෙත දිනූ සුපිරි කෝටිපතියා තෑග්ග ගන්න

[Ashman]

ගොවිසෙත දිනූ සුපිරි කෝටිපතියා තෑග්ග ගන්න

ගොවිසෙත දිනූ සුපිරි කෝටිපතියා තෑග්ග ගන්න ඇවිත් නැහැ
.
.
ශ්‍රී ලංකා ඉතිහාසයේ විශාලතම ලොතරැයි ජයග්‍රහණය වශයෙන් දහතුන් කෝටි දහතුන් ලක්ෂයක් ලබාදුන් ගොවිසෙත ලොතරැයිය ජයග්‍රහණය කල ජයග්‍රාහකයා තවමත් එය ලබාගැනීමට පැමිණ නොමැති බව වාර්තා වනවා.
ඒ ගැන වගේම ලොතරැයි ජයග්‍රහණ ගැන අපි නොදන්න කාරණා ගොඩාක් පහත ලින්ක් එකෙන් බලන්න.
*********
​

 

[toiya]

බම්ප්

 

[freak88]

මාස 6ක් ද කොහෙද යන කන් පූලුවන් ලූ නේ

ඔන නම පුද්ගලිකත්වය ආරක්ශා කරනන් පූලුවන්

උ පාර්ටි දානවද දන්නේ නැහැ තාමත් හෙක්​

 

[neyohk]

මොන බොරුද බං.ඉරිදා දිවයින පත්තරේ තිබ්බා අනිත් දවසෙම දින්න එකා ඒ ටිකට් එක අරන් ලොතරැයි මණ්ඩලේට ආවා කියලා..මුන් ටික ඌට සොට් එක දීල දැන් බොරු කියනවද දන්නේ නැහැ.

 

[neyohk]

කෝටි දහතුනේ ජයමල්ල ඇදුනේ කාටද...?

*ඒ ඇදුනේ පුතා තියාගත්ත ටිකට්‌ දහයෙන් එකකටයි...

*වැස්‌ස නිසා මම ටිකට්‌ 1500 ක්‌ රිටන් කරන්න හැදුවේ. එහෙම වුණා නම් ජය මල්ල තාම තියෙනවා...



සිහිනය සැබෑ විය. ඉතිහාසයේ විශාලතම ලොතරැයි දිනුම ඇඹිලිපිටියේ වාසනාවන්තයකු දිනාගෙන සිටින්නේය. මාස පහකට වැඩි කාලයක සිට රුපියල් කෝටි හතරක සිට වරින් වර වැඩි වූ 'ගොවිසෙත' ජයමල්ල රුපියල් දහතුන් කෝටි දහතුන් ලක්‍ෂ හැටදහස්‌ එකසිය තිස්‌ හයයි ශත හතළිහකින් (රුපියල් 131,360,136.40) විශාල විය. ඒ අතර ජයමල්ල සම්බන්ධයෙන් විවිධ කට කතා පැතිරිණි. 'ඕක ඇදෙන එකක්‌ නෙමෙයි... අන්තිමේ දිනුම රාජසන්තක වෙයි...' ඒaත් මිනිස්‌සු වාසනාව උරගා බැලීම නතර නොකළහ. දිනුම් අදින දිනය වන විට ටිකට්‌ පතක්‌ සොයාගැනීමට නොහැකි තරමට ගොවිසෙත විකිණිනි. අවසානයේ සියලු කට කතා බොරු කරමින් පසුගිය සෙනසුරාදා රාත්‍රියේ ගොවිසෙත කෝටිපතියා බිහි කෙරිණි. එහෙත් මේ අතිවිශාල ජයමල්ලේ හිමිකරු තවමත් කලඑළි බැස නැත.

'ඇඹිලිපිටිය පදලංගල ප්‍රදේශයේ ගණන් සර් කෙනෙකුට ඇදිලලු... කෘෂිකර්ම සර් කෙනෙකුටලු, දෙන්නගේම ගෙවල් තියෙන්නේ එකම පාරකලු...' දිනූ ජයමල්ල සම්බන්ධයෙන් ද විවිධ කතා පැතිරේ. ඒ සියලු කතාවල සත්‍ය අසත්‍යතාව තවමත් තහවුරු වී නැත. එහෙත් ජයග්‍රාහී ටිකට්‌ පත අලෙවි කර තිබූ ලොතරැයි අලෙවිකරු ඒ ගැන ප්‍රසිද්ධියේ කතා කරන්නේය. එහෙයින් අප ඔහුට කතා කළේය. ඔහු එව්. ඩී. ප්‍රියන්තය. ලක්‍ෂපතියන්, දසලක්‍ෂපතියන් සිය ගණනින් බිහි කර ඇති ඔහු ඉතිහාසයේ විශාලතම ජයමල්ල තමන්ගේ ටිකට්‌ ගොඩෙන් හිමිකරදීමේ ආත්ම තෘප්තියෙන් ඔද වැඩී සිටින්නේaය. ප්‍රියන්ත අපට ජයපත අලෙවි කළ හැටි විස්‌තර කළේය.

'සෙනසුරාදා උදේ ඉඳලා ඇඹිලිපිටියට මොර සූරන වැස්‌ස. උදේ වරුවම වැඩක්‌ කර ගන්න බැරි වුණා. මම ටිකට්‌ අටදාහක්‌ ගෙනත් තිබුණා. දවල් වෙනකම් ටිකට්‌ දාහක්‌වත් විකුණ ගන්න බැරි වුණා. යාන්තමට වැස්‌ස තුරල් වෙනකොට අපේ අය එහෙට මෙහෙට දුවලා ටිකට්‌ හය, හත්දාහක්‌ විකුණගත්තා. පස්‌සේ හවස මම පුතාට කිව්වා ටිකට්‌ පන්සීයක්‌ විතර ඉතුරු වෙලා තියෙනවා වෑන් එකේ වැඩ කරන අයියත් එක්‌ක ගිහින් විකුණගෙන එන්න කියලා. පුතාලා ගිහින් තිබුණේ පදලංගල පැත්තට. ඇඹිලිපිටියේ ඉඳලා කිලෝ මීටර් නවයක විතර දුර...' සුළු මොහොතකට අපි ප්‍රියන්තගේ කතාව නතර කළෙමු. කෝටි දහතුනේ ජයපත අලෙවි කර ඇත්තේ ප්‍රියන්තගේ සුරතින් නොව ඔහුගේ පුතාගේ වාසනාවන්ත දෑතින්ය. එහෙයින් ටිකට්‌ පත අලෙවි කළ හැටි කතා කළ යුත්තේ ඔහු සමග නොව පුතා සමඟය. එහෙයින් අපි ඔහු අසල සිට පුතාට කතා කළේය. ඔහු තිළිණ සම්පත්ය. වයස අවුරුදු විස්‌සකි. මේ තිළිණ කියන කතාවය.

'තාත්තා මට ටිකට්‌ පන්සීයක්‌ දුන්නා. ඒ අතර ගොවිසෙත ටිකට්‌ තුන්සීයක්‌ විතර තිබුණා. තුංකමට යනකොට ගොවිසෙත ටිකට්‌ දෙසීයෙන් එකසිය අනූවක්‌ ඉවර වෙලා තිබුණා. ඉතිරි ටිකට්‌ දහය මම තියාගත්තා. කොහොමත් මම දවසකට ටිකට්‌ දහයක්‌ ගන්නවා. එහෙම ටිකට්‌ විකුණගෙන යනකොට පදනන්ගල හන්දියේදී ත්‍රීවීල් එකකින් ආපු අයියලා දෙන්නෙක්‌ අපෙන් ගොවිසෙත ටිකට්‌ ඉල්ලුවා. මම හිනා වෙලා කිව්වා දැන් ගොවිසෙත ඉවර වුණා විතරයි කියලා. එදා මිනිස්‌සු ඉල්ලුවේ ගොවිසෙත විතරයි. ඒකයි මට හිනා ගියේ.

'අපි හැම තැනම ගොවිසෙත හෙව්වා එක තැනකවත් නෑ මල්ලි...' ත්‍රීවීල් එකේ හිටපු දෙන්නා මූණවල් ඇඹුල් කරගත්තා. මට ඒ අය ගැන දුක හිතුණා. ඒ එක්‌කම ත්‍රීවීල් එක ඇද්දුවා. මම මයික්‌ එකෙන්ම කතා කරලා මම තියාගත්ත ටිකට්‌වලින් තුනක්‌ එළියට දික්‌ කළා. හන්දියේ හිටපු කෙනෙක්‌ පැනපු ගමන් එකක්‌ ගත්තා. අනිත් ටිකට්‌ දෙක ත්‍රීවීල් එකේ ආපු දෙන්නා ගත්තා. තුන්දෙනාටම හරිම සතුටුයි. මමත් සතුටු වුණා. ටිකටුත් ඉවර වුණා. එතැනින්ම හැරිලා අපි ඒජන්සියට ආවා...' තිළිණ පියාගේ මුහුණ බැලුවේය. ප්‍රියන්ත නැවත කතා කළේය.

'පුතා ඒජන්සියට එනකොට රෑ 8.30 ට විතර ඇති. ඒ වෙනකොට සේරම ටිකට්‌ විකිණිලා. අපි ගෙදර ආවා. ටිකට්‌ දිනුම් අදිනකොට ගොවිසෙත ජයමල්ල රත්නපුරය දිස්‌ත්‍රික්‌කයේ වාසනාවන්තයකුට ගිහින් කියලා කිව්වා. අපි ගොඩක්‌ සතුටු වුණා. පස්‌සේ මම කිට්‌ටුව මළගෙදරකට ගියා. රෑ දාහයට විතර දිස්‌ත්‍රික්‌ කාර්යාලයෙන් කතා කරලා මට කිව්වා, 'ප්‍රියන්ත ගොවිසෙතේ කෝටි දහතුන ගිහින් තියෙන්නේ ඔයාගේ ඒජන්සියෙන්' කියලා. ඒ මෙහොතේ මට පුදුම සතුටක්‌ ඇති වුණේ. ඒ එක්‌කම මට මතක්‌ වුණා අපි ගත්ත ටිකට්‌ බැලුවේ නෑ කියලා. මම ගෙදරට කතා කරලා කිව්වා 'පුතේ ටිකට්‌ ටික බලන්න අද ජයමල්ල ගිහිල්ලා තියෙන්නේ මගෙන්' කියලා. මගේ සාක්‌කුවේ ටිකට්‌ හතළිහක්‌ තිබුණා. වයිෆa ටිකට්‌ දහයක්‌ අරගෙන තිබුණා. පුතාගේ හතයි සේරම ටිකට්‌ පනස්‌ හතක්‌ අපි ළඟ තිබුණා. පුතා ටිකට්‌ ටික බලලා කිව්වා අපිට නෑ තාත්තේ කියලා. ඒත් මම දුක්‌ වුණේ නෑ. මළගෙදර වැඩි වෙලාවක්‌ නොහිට මම ගෙදර ආවා. ඉරිදා උදේ නවයට විතර පදලංගල පැත්තේ මගේ යාළුවෙක්‌ කෝල් එකක්‌ දීලා 'ප්‍රියන්ත දිනුම ගිහින් තියෙන්නේ අපේ පැත්තට. ඒ කට්‌ටිය දැනටමත් කොළඹ ගිහිල්ලා තියෙනවා' කිව්වා. කවුද කින්ද මන්ද මොනවත් කිව්වේ නෑ. සෙනසුරාදා රෑ ඇද්ද ටිකට්‌ එක ඉරිදා උදේ කොළඹට ගෙනියන්නේ කොහොමද? මේක බොරුවක්‌... මම ආයෙමත් යාළුවට කෝල් එකක්‌ අරගෙන කිව්වා මල්ලි මට ඇත්ත විස්‌තරය හරියටම කියන්න කියලා.

'මම කිව්වේ ඇත්ත. ඊයේ හවස ඔයා පදලංගල හන්දියේදී අවසානයට ටිකට්‌ තුනක්‌ දුන්නද? අන්න ඒ ටිකට්‌ තුනේ තමයි දිනුම තිබිලා තියෙන්නේ. අපේ ගෙවල් කිට්‌ටුව සර් කෙනෙක්‌ ටිකට්‌ එක අරගෙන තියෙන්නේ...' කියලා මගේ යාළුවා කිව්වා.

මම නෙමෙයි පුතා ඇවිත් තිබුණේ මම පුතාගෙන් අහලා බලන්නම් කියලා කෝල් එක කට්‌ කරලා මම පුතාට කෝල් එකක්‌ ගත්තා.

පුතා කතාව පිළිගත්තා. යාළුවා කියපු කතාව ඇත්ත. එතකොට මම ඇහුවා ඇයි පුතේ එහෙම ටිකට්‌ දුන්නේ කියලා.

නෑ... තාත්තේ ඒ අයියලා ඇවිත් ටිකට්‌ අහලා යනකොට මට දුක හිතුණා මම කතා කරලා දුන්නා' කිව්වා.

ප්‍රියන්ත කතාව කියන විට තිළිණ බිම බලාගෙන සිනාසෙයි. අතේ ගුලි කරගෙන තිබුණු කෝටි ගණනක වාසනාව පරිත්‍යාග කළා යෑයි තිළිණගේ හිතේ දුකක්‌ නැති ගානය. ප්‍රියන්තගේ ගෙදර කිසිවකු තිළිණට දොසක්‌ කියන්නේ නැත.

'පස්‌සේ මම කොළඹ මණ්‌ඩලයට කතා කරලා සෝදිසි කරලා බැලුවා. කතාව ඇත්ත. එතකොටත් දිනුම් ටිකට්‌ එක මණ්‌ඩලයට භාර දීලත් ඉවරයි. ඒත් මම ඒජන්සිකරු කියලා ටිකට්‌ එක ඇදුන කෙනාගෙන් කෙළින්ම ඒ ගැන අහන්න බෑ. කොහොමහරි අපි ළඟට වාසනාව ආවා. ඒත් අපිට ඒක උරුම කරගන්න පින් මදි වුණා. ඒ ගැන තැවිලා වැඩක්‌ නෑ. සතුටු වෙන්න ඕනෑ.

මම ටිකට්‌ විකුණන්න පටන් ගත්ත දවසේ ඉඳලා ලක්‍ෂපතියෝ, දස ලක්‍ෂපතියෝ, විසි ලක්‍ෂපතියෝ, බිහි කරලා පනස්‌දහස වගේ දිනුම් ගොඩක්‌ ලබාදීලා තියෙනවා. මගේ කවුන්ටරයේ ලොකු අකුරෙන් ගහලා තියෙන්නෙත් 'මීළඟ කෝටිපතියා ඔබද' කියලයි. මගේ වෘත්තීය ජීවිතයට මම කෝටිපතියෙක්‌ බිහි කරලා තිබුණේ නෑ. දැන් මම ලංකාවේ විශාලතම ජයමල්ල හිමි කරදීලා තියෙනවා. ඉතිං මම මොකටද දුක්‌ වෙන්නේ. පුංචි හරි දුකක්‌ තියෙන්නේ මේ ගැන අහන මිනිස්‌සුන්ට උත්තර දිලා ඉවරයක්‌ නැති හින්දයි. දැන් ටවුන් එකට ගිහින් ගෙදරට එන්න පැය තුනක්‌ විතර යනවා. මග දිගට මිනිස්‌සු නතර කරගෙන දිනුම ඇදුණු කෙනාගේ වගතුග අහනවා. නිදහසේ ඉන්න නැති නිසා දවස්‌ තුනකින් කවුන්ටරය පැත්තටවත් ගියේ නෑ.

මගේ ජීවිතේට ලොතරැයියක්‌ මේ වගේ ජනප්‍රිය වෙලා තියෙනවා දැකලා නෑ. පුංචි අය පවා ලොතරැයි කූඩුවක්‌ ළඟට ඇවිත් ඉල්ලුවේ ගොවිසෙත ටිකට්‌ එකක්‌. ඇදෙන්නේම නැති තැන මිනිස්‌සු කියන්න පටන් ගත්තා මේක බොරුවක්‌. මිනිස්‌සු රවට්‌ටනවා කියලා. ඒක බොරු කතාවක්‌. ඕනෑම ජයමල්ලක්‌ කවදාහරි කාට හරි යනවා. ඇදෙන්නේ නෑ කියන්නේ දිනුම් වාරේ ටිකට්‌ එක විකිණුනේ නැති නිසයි. සාමාන්‍යයෙන් දිනුම් වාරයකදී නිකුත් කරන සේරම ටිකට්‌ විකිණෙන්නේ නෑ. හැමදාම මම ටිකට්‌ දහදාහක්‌ හෝ ඊට අඩුවෙන් ගන්නවා. ගොඩක්‌ දවස්‌වලට ටිකට්‌ දාහක්‌, දෙදහක්‌ ඊටත් වැඩියෙන් ඉතුරු වෙන දවස්‌ තියෙනවා. ඒ වගේම ලංකාව පුරා ඒජන්සිවල විකුණගන්න බැරි කොච්චර ටිකට්‌ ඉතුරු වෙනවද? නැවත අපි ඒවා මණ්‌ඩලයට රිටන් කරනවා. ජයමල්ල තියෙන ටිකට්‌පත රිටන් කරන ටිකට්‌ ගොඩේ තියෙන්නත් පුළුවන්. නිකුත් කරන ටිකට්‌ සේරම අලෙවි වෙනවා නම් අදාළ දිනුම කාටහරි යනවා. එදත් මම වැස්‌ස නිසා ටිකට්‌ එක්‌දහස්‌ පන්සීයක්‌ රිටන් කරන්න හැදුවේ. ඒත් මම අදහස වෙනස්‌ කරලා ටිකට්‌ ටික අපේ අයට බෙදා දීලා විකුණුවා. එදා ටිකට්‌ ටික රිටන් කළා නම් ජයමල්ල තවම තියෙනවා. මිනිස්‌සුන්ගේ මතේ දිනුම් ඇදෙන එක මණ්‌ඩලයෙන් නතර කරනවා කියලයි. එහෙම දෙයක්‌ වෙන්නේ නෑ...' ප්‍රියන්තගේ කතාව සැබෑය. රටේ මිනිස්‌සු තුළ එවැනි මතයක්‌ තිබෙන බවද සැබෑය. එහෙත් ඒ ගැන ප්‍රියන්තගේ කතාවෙන් පමණක්‌ විශ්වාස කළ නොහැකිය. එය තවදුරටත් බුද්ධිමත්ව විමසා බැලිය යුත්තකි.

වාසනාව උරගා බලන මිනිසුන් ද දිනෙන් දින ඉහළ යන්නේය. ලක්‍ෂපතියෝ, කෝටිපතියෝ කොතරම් බිහි වුණද තවමත් මිනිස්‌සු ලොතරැයි සිහින දකින්නාහ. මේ මොහොතේ ද මිනිස්‌සු ලොතරෑයි වාසනාව උරගා බලන්නාහ. ලොතරැයි දිනුම කිසිදා නිමා නොවන සිහිනයකි.

තරංග රත්නවීර
ඡායාරූප - සේන වී. ගමගේ

http://www.divaina.com/2015/12/27/feature14.html​

 

[neyohk]

මාස 6ක් ද කොහෙද යන කන් පූලුවන් ලූ නේ

ඔන නම පුද්ගලිකත්වය ආරක්ශා කරනන් පූලුවන්

උ පාර්ටි දානවද දන්නේ නැහැ තාමත් හෙක්​

පාර්ටි නෙමේ ඌව මස් කරලා ටින් කරාද දන්නේ නැහැ.ඇයි යකෝ ටිකට් එක අරන් ආවා කියලා කියපු උන් දැන් කියනවා ආවේ නැහැ කියලා..

 

[toiya]

බම්ප්

 

[ruwanfer]

ඔ්කත් ගානක්ද බං . මිනිහ තමුන්ගෙ වැඩ ටික කරල ඉවර වෙලා නිවාඩු වෙලාවක කොළඹ ඇවිත් ගනීවි.
යකෝ දින්න එකාට වඩා සල්ලි ගන්ඩ හදිස්සි අනික් උන්ටනෙ.
දැං ඉතිං ප්‍රාදේශීය සභාවෙ ඉඳන් ඇමතියො දක්වා බැලුම් හෙලනව ඇති කව්ද කව්ද කියල.

 

[kellsupun]

math hopes thiyan indiye bn

 

[Ashman]

එක පත්තරේක කියනවා සල්ලි ගත්තා කියලා, තව එකක කියනවා තාම ගත්තේ නෑ කියලා.... අනේ මන්දා....?????
​

 

[chami_84]

වැඩ බන්..පස්සේ වෙලාවක ගිහින් එනවා

 

[Chamath2015]

සෙල්ලන් වෙන්නේ නෑ කොල්ලෝ. දහස් ගණන් වලට මිනිමරන රටේ, කෝටි ගණන් වලට මොනවා වෙයිද? මට හිතෙන්නේ මෙතන මොකක් හරි රහසිගත දෙයක් වෙලා තියෙනවා. ටිකට් එක වික්ක එකා කියනවා ,ටිකට් එක ගත්ත එකා ඒක මණ්ඩලයට බාර දුන්නලු, දැන් නෙත් එකෙන් කියනවා (මම හිතන්නේ මණ්ඩලයෙන් උන්ට කියන්න ඇති) ටිකට් එක බාරගන්න කවුරුත් ඇවිත් නෑලු. පරස් පර විරෝධි කථාවක්.

 

[jamiezue]

වැඩ බන්..පස්සේ වෙලාවක ගිහින් එනවා

උඹට එපා නන් ටිකට් එක ආපහු මට දීපන්,. නලවා නලවා ඉන්ඩ නෙමේ ටිකට් එක දුන්නෙ.

 

[NB Diamonds]

bump.

 

[chami_84]

උඹට එපා නන් ටිකට් එක ආපහු මට දීපන්,. නලවා නලවා ඉන්ඩ නෙමේ ටිකට් එක දුන්නෙ.

අඩෝ දිපුවා ඉල්ලන්න ලැජ්ජ නැද්ද

 

[kinkon]

ඌට පිස්සු හැදිල අංගොඩ ඇති

 

[pathumdc]

මොන බොරුද බං.ඉරිදා දිවයින පත්තරේ තිබ්බා අනිත් දවසෙම දින්න එකා ඒ ටිකට් එක අරන් ලොතරැයි මණ්ඩලේට ආවා කියලා..මුන් ටික ඌට සොට් එක දීල දැන් බොරු කියනවද දන්නේ නැහැ.

 

[djnick]

awith yanna amaru wei
a hinda sadde nimenakan indi

 

[Pink panther]

ඔය දින්න එකා ඉස්සර අපේ දුරින් ඥාති, දැන්නම් ලඟම ඥාති බන්..

 

[G.D.1.nirmal]

ඌට පිස්සු හැදිල අංගොඩ ඇති