මම මේ ත්රෙඩ් එක දාන්න හිතුවේ අපේ රටේ ජනාධිපතිවරයා කරන් කියන හැම දේම ශෝෂල් මිඩියා වල විහිළුවක් වීම දැකලා.
මට නං හිතෙන විදියට, මම අත්දැකලා තියෙන ජනාධිපතිවරු අතරින් හොදම විදියට මිඩියා හැන්ඩ්ල් කරේ මහින්ද රාජපක්ෂ. ඒකට එයා වටේ හිටිය අයත් උදව් වෙන්න ඇති. මොකද මහින්ද ජනාධිපති උනේ උඩින් පාත් වෙලා, හදිසියේ නෙමෙයි. දීර්ඝ කාලයක් දේශපාලනය කරලා, අපේ රටේ දේශපාලකයෙක්ට දරන්න තියෙන සියළුම තනතුරු වලට ක්රමිකව පත්වෙලා, ඒවායේ කටයුතු කරලා. එයා වටේ ඒ ඒ ක්ෂේත්ර වලදී, තනතුරු වලදී හිටපු කණ්ඩායමක් එක්ක. ඒ නිසා මිඩියා වල ජනප්රියත්වයේ ඉන්නවා. අනා ගත්තේ නැහැ. එහෙම වෙන්න ගියත් ගොඩ දාලා දෙන්න පුළුවන් සෙට් එකක් හිටියා.
මම හිතෙන්නේ ජනාධිපති මාධ්ය අංශයේ (PMD) එකෙත් ස්වර්ණම යුගය 2005-2015. ඇත්තම කිව්වොත් ජනාධිපති උනාම එයා තව ප්රසිද්ධ උනා. චරිතේ ගොඩ නැගුනා. මම එහෙම කියන්නේ මොකද ජනාධිපතිවෙන්න කලින් හොද ප්රතිරූපයක් තිබ්බ, වැඩ කරපු අය ඊට පස්සේ එතරම් සාර්ථක නොවුන නිසා.
හොදම උදාහරණය ආර් ප්රේමදාස මහතා. ජේආර් ජනාධිපතිවරයා යටතේ, අගමැති විදියට ප්රේමදාස පට්ට ෆේමස්. ගම්උදාව, උදාගම්, ඇඟලුම්.. ක්ෂේත්ර ගණනාවක් ඔස්සේ සාර්ථක උනා. ජනාධිපති ලෙස එයා ඒ තරම් සාර්ථක නැහැ. =හැබැයි මහින්ද එහෙම නෙමෙයි. ජනාධිපති උනාම තමයි දැවැන්ත ප්රතිරූපය හැදුනේ. ඒකට PMD එක බලපෑවා.
ඊට පස්සේ මයිත්රී ජනාධිපති උනාම එයාට එයාගේ පිරිසක් හිටියේ නැහැ. මහින්දට වගේ මිඩියා හැන්ඩල් කරන්න අය කොහොමත් නැහැ. ඒ නිසා අරහෙන් මෙහෙන් ඇහින්දාස් සෙට් එකක් තමයි ඔකේ හිටියේ. පොළොන්නරුවේ අයයි, සිරස ටීවී එකේ කට්ටියයි, එවකට මන්ත්රී, ඇමතිවරුන් අදුරන අයයි ඔතන හිටියේ. එකමුතු කමක් නැහැ.
ඉතිං ඔය අස්සේ පොහොට්ටුවේ කැම්පේන් එක පටන් ගත්තා, එකවකට යහපාලන ආණ්ඩුවට එරෙහිව. එයාලා කෙලින්ම ගැහුවේ, ජෝක් කරේ රටේ ජනාධිපතිව. ඊට කලින් කෝටි රජයකදී වත් රටේ ජනාධිපති එහෙම ජෝක් කරේ නැහැ. මහින්දගේ කාලේ උනත් විවිද දේවල් වලදී ජෝක් උනේ ඇමතිවරු. මර්වින් සිල්වා වගේ අය ඒවාට හිටියා.
හැබැයි සිරිසේන ජනාධිපතිගේ කාලේ ඕක වෙනස් වේලා ජනාධිපති විහිලුවක් කරා. එකෙන් උනේ ජනාධිපති තනතුරම හෑල්ලුවට ලක්වීම. එයාගේ කියන දේවල් ඔක්කොම ජෝක් වෙලාම ගියා. ඇමරිකාවේ ට්රම්ප්ටත් මේකමයි කරේ. මිනිහාගේ හැම දේම විහිලුවට ගත්තා.CNN එකේ එහෙම ට්රම්ප් ගැන මොකක් හරි කියද්දී එකේ නිවේදකයෝ උපහාසයෙන් කට කොනින් සිනහා වෙන ගමන් එක කිව්වේ.
කොහොම හරි සිරිසේන ජනාධිපතිගේ වෙලේ පොහොට්ටුව කරපු දේ, දැන් ආපස්සට එයාලගේ ජනාධිපතිට ඊට වඩා දරුණු මට්ටමකින් දැන් මුහුණ දෙන්න වෙලා තියෙනවා. මේක හසුරුවන්න පිරිසක් වත්මන් ජනාධිපතිගේ PMD එකෙත් නැහැ, මොකද මෙයටත් එයාගේ පිරිසක් නැහැ.
තව කෙනෙක් ජනාධිපතිඋනත් මේ වගේ ජෝක් වෙන්න තියෙන ඉඩ මීට වඩා වැඩියි ඊලග වටයේදී. මොකද දැන් රටේ ජනාධිපතිව ජෝක් කරන්නේ කොහේ හරි එක තැනකින් පටන් ගත්තු මාධ්ය මෙහෙයුමකින් නෙමෙයි. රටේ මිනිස්සු ස්වාධීනව. එතකොට ඒක නවත්තන්න විදියක් ඇත්තේ නැහැ. නිශ්චිත කෙනෙක් නෙමෙයි. ඔය නිසාම තමයි ලෝකේ ඕනිම පවතින රජයක් ස්වාධීන ජන නැගටීම් වලට බය. මොකද විපක්ෂයක් හරි, දේශපාලන පක්ෂයක් හරි එහෙම විරුද්ධව නැගිටිනවා නං ඒකට ගන්න ඕනි පියවර, කාට එරෙහිවද ඒක කරන්නේ කියලා තේරුම් ගන්න පුළුවන්. ඒත් එකිනෙකට සම්බන්ධ නැති ස්වාධීන මිනිස්සු නැගිට්ටොත් ඒක පාලනය කරන්න බැහැ, කොහෙන් කෙළවර වෙයිද කියලා කියන්නත් නැහැ.
කොහොම හරි අපේ රටේ නං මේක ඉතිං මහා අපරාධයක්. විධායක ජනපති ජෝක් වීම. මොකද මේ හැම දෙයින්ම වෙන්නේ රටේ කිසිදෙයක් හරියට ක්රියාත්මක කරන්න හැකියාවක් නොලැබී රට අවුරුදු පහෙන් පහට ආපස්සට යන එක තමයි. නිලධාරීන් උනත් මේ වගේ වෙලාවට ශේප් වෙලා ඉන්නවා මිසක් දෙන අණක් පිළිපදින්නේ නැහැ හරියට.
ත්රෙඩ් එක නං දිග වැඩි ඇති. කියවන්න කම්මැලි නං කමක් නැහැ. මම මේ නිකං ඉන්න ගමන් අත්දැකීම් ඇසුරෙන් කල්පනා වෙන දේවල් දැම්මේ. හිතට එන දෙයක් කොහේ හරි ලියලා තිබ්බට කමක් නැහැ කියලා හිතුන නිසා.
