පාස්කු ප්‍රහාරයෙන් හරියට ම සතියකට පස්සේ (අප්‍රේල් 26) ගෝඨාභය රාජපක්ෂ රොයිටර්ස් පුවත් සේවයට විශේෂ ප්‍රකාශයක් කළා.
"මම මේ අවුරුද්දේ ජනාධිපතිරණයට ඉදිරිපත් වෙනවා. මම ඉස්ලාමික අන්තවාදය පැතිර යාම නතර කරනවා" ("I will run for presidency this year. I will stop the spread of Islamist extremism" - Gotabaya Rajapaksa 26/04/2019)
ගෝඨාභය ඊට කලින් මෙහෙම ප්‍රකාශයක් නිල වශයෙන් කරලා තිබුණේ නැහැ. ඒ වෙනතුරු ගෝඨාභය ජනාධිපතිවරණයට ඉදිරිපත් වීම ගැන කියලා තිබුණේ අනුමානයක් සහ වක්‍රාකාර ඉඟි පමණයි.
ගෝඨාභය ගේ මේ නිල ප්‍රකාශය ආවේ ඉතා ම තීරණාත්මක වෙලාවක.
ඒක පාස්කු ඉරිදා සිදුවීම සහ ආගමික අන්තවාදය පිළිබඳව දකුණේ සමාජය බයෙන් තැති ගැන්වෙලා හිටපු වෙලාවක්. මේක කළේ කවුද, මේක පිටිපස්සේ හිටියේ කවුද කියලා ඒ වෙනකොට කවුරුත් දැනගෙන හිටියේ නැහැ. ඒ වගේ ම සිරිසේන - වික්‍රමසිංහ ආණ්ඩුවට මේ ප්‍රහාරය වළකා ගන්න බැරි වීම ගැන විශාල මහජන විරෝධයකට මුහුණ දෙන්න සිද්ධ වෙලා තිබුණා.
එකින් එක පෙළගැසුණු මේ හැම සිදුවීමක් ම ගෝඨාභයට තමන් ගේ අපේක්ෂකත්වය ගැන නිල වශයෙන් නිවේදනය කරන්න ඉතා ම හොඳ වේදිකාවක් නිර්මාණය කරලා තිබුණා.
එතනින් පස්සේ සිදුවුණු ජවනිකා ඔබට අමතක වෙලා තියෙන්න විදියක් නැහැ.
වඳ කොත්තු, වඳ පෙති තිරනාටක හරහා නිර්මාණය කෙරුණු "වඳ භීතිකාව" වෛද්‍ය ෂාෆි කේන්ද්‍ර කරගෙන ගොඩනැගූ වඳ සැත්කම් නාට්‍යය හරහා කූඨ ප්‍රාප්තියට නැංවූවා.
ෂාෆි හිරේට දැම්මා. ගෝඨාභයට කඩේ ගිය සංවිධාන, වීරවංශල ලා, ගම්මන්පිල ලා "ගර්භාෂ යුද්ධයක්" පිළිබඳ බොරු කතාවක් නිර්මාණය කළා. සමාජය විශාල භීතියක වෙළුණා. අන්තිමේ දී ජනාධිපතිවරණයට දවස් දෙකක් තියලා කැළණියට ප්ලාස්ටික් බෝතලයක දාපු නයෙකු ලවා නාගධාතු වැඩැම්මුවා. මේක ගෝඨාභය ගේ කැම්පේන් එකේ අවසන් අදියරේ දී ඉතා ම උත්කර්ෂවත්ව පාවිච්චි කළා. මේ හැම සෙල්ලමක් ම කරලා ලක්ෂ 69ක ඡන්දවලින් ගෝඨාභය බලයට පත් වුණා.
ගෝඨාභය ලංකාව නිදහසින් පසු ඉතිහාසයේ මුහුණ දුන් දරුණුත ම අර්බුදයට රට තල්ලු කළා. ඉවසගෙන ඉන්නට බැරි ම තැන රටේ මිනිසුන් පාරට බැහැලා ගෝඨාභය එළවා දැම්මා. මිලියන ගණනක් මිනිසුන්ට තමන් ගේ අනාගතය අහිමි වුණා. අදටත් ලංකාවේ ලක්ෂ ගණනක් මිනිසුන් මහපාරට වැටිලා ඉන්නවා.
ඒ එක පරිච්ඡේදයක්.
දැන් ආපහු පාරක් 2019 මැද හරියේ තිබුණු විදියේ ම ජාතිය, ආගම බේරාගන්න රැල්ලක් පැතිරිලා යනවා. රටේ ලොකු ම තැන් එක්ක සම්බන්ධතා තියෙන ජෙරොම් ප්‍රනාන්දු එක පාරට ම ආන්දෝලනාත්මක ප්‍රකාශයක් කරනවා. පොලීසිය ඔහුට රට යාම තහනම් කරලා නියෝගයක් ගන්න පැය 24කට කලින් ජෙරොම් විදේශගත වෙනවා. ඊට ටික දවසකට පස්සේ මීට මාස දෙකකට කලින් තිබුණු "මෝඩාභිමානය" ශෝ එකේ වීඩියෝවක් එක පාරට ම වයිරල් වෙනවා.
මේ හැම දෙයක් ම අර "ජාතිය ආගම බේරගන්න" රැල්ල උඩට ගන්න හොඳ වේදිකාවක් නිර්මාණය කරලා තියෙනවා. මේ දවස් දෙක තුනට ඒ වෙනුවෙන් ෆේක් ප්‍රොෆයිල් අති විශාල ප්‍රමාණයක් අලුතින් නිර්මාණය වෙලා තියෙනවා. සාමාන්‍යයෙන් එහෙම ෆේක් ප්‍රොෆයිල් නිර්මාණය වෙන්නේ සැලසුම් සහගත කැම්පේන්වලට. ෆේස්බුක් පේජ් කීපයක් ඒ වෙනුවෙන් සියුම්ව මතය හසුරුවනවා.
2019 වෙනුවෙන් ගෝඨාභය වෙනුවෙන් කැම්පේන් කරපු කුලීකාරයන් ම ප්‍රවෘත්ති සාකච්ඡා තියමින්, වොයිස්කට් දෙමින් නැවත වතාවක් කරළියට ඇවිල්ලා තියෙනවා. එක ම චරිත ටික, එක ම ජවනිකාව අවුරුදු හතරකට පස්සේ නැවතත් රඟ දක්වනවා.
මේ අල්ල පනල්ලේ ඊයේ නාමල් රාජපක්ෂ රාජපක්ෂ කරපු ඉතා ම වැදගත් ප්‍රකාශයක් මාධ්‍යවල පළවෙනවා.
“අරගල භූමිය ඇතුළේ ආගම්වලට අගෞරව කිරීම සාමාන්‍ය දෙයක් කෙරුවා.."
පොහොට්ටුවට දැන් විකුණන්න කිසිම දෙයක් ඉතුරු වෙලා නැහැ. විකුණනවා නම් විකුණන්න පුළුවන් එක ම දෙය "ආගම බේරාගැනීම" කියන සටන් පාඨය විතරයි. ඒ වෙනුවෙන් දැන් ඔවුන් ගේ කුලීකාරයො ලොකුවට ම වැඩේට බැහැලා ඉන්නවා. 2019 වගේ ම මේ පාරත් එක ම ත්‍රාඩ, ලුම්පන් කුලීකාරයන් පිරිසක් මේ සටනේ ඉදිරිපෙළ නායකයන් බවට පත්වෙලා ඉන්නවා.
මේ ඇස් පනාපිට තියෙන සත්‍යය ඔබට පෙනෙන්නේ නැත්නම් මා ඔබට කියන්නේ නැවතත් ගල් යුගයට ගිහින් ගල් ගුහාවක පදිංචි වෙන්න කියලයි.
ලංකාව ඉතා ම අරුම පුදුම රටක් වෙන්නේ එක ම පිරිසකට එක ම බොරුව නැවත නැවත කරමින් එක ම විදියට මිනිසුන් රැවටිය හැකි නිසයි.
එහෙම රටකට මෙහෙම ඉරණමක් අත් නොවී තිබුණොත් අනිවාර්‍යයෙන් ම ඒක ලෝකයේ අටවෙනි පුදුමය බවට පත්වෙනවා.
-
"මම මේ අවුරුද්දේ ජනාධිපතිරණයට ඉදිරිපත් වෙනවා. මම ඉස්ලාමික අන්තවාදය පැතිර යාම නතර කරනවා" ("I will run for presidency this year. I will stop the spread of Islamist extremism" - Gotabaya Rajapaksa 26/04/2019)
ගෝඨාභය ඊට කලින් මෙහෙම ප්‍රකාශයක් නිල වශයෙන් කරලා තිබුණේ නැහැ. ඒ වෙනතුරු ගෝඨාභය ජනාධිපතිවරණයට ඉදිරිපත් වීම ගැන කියලා තිබුණේ අනුමානයක් සහ වක්‍රාකාර ඉඟි පමණයි.
ගෝඨාභය ගේ මේ නිල ප්‍රකාශය ආවේ ඉතා ම තීරණාත්මක වෙලාවක.
ඒක පාස්කු ඉරිදා සිදුවීම සහ ආගමික අන්තවාදය පිළිබඳව දකුණේ සමාජය බයෙන් තැති ගැන්වෙලා හිටපු වෙලාවක්. මේක කළේ කවුද, මේක පිටිපස්සේ හිටියේ කවුද කියලා ඒ වෙනකොට කවුරුත් දැනගෙන හිටියේ නැහැ. ඒ වගේ ම සිරිසේන - වික්‍රමසිංහ ආණ්ඩුවට මේ ප්‍රහාරය වළකා ගන්න බැරි වීම ගැන විශාල මහජන විරෝධයකට මුහුණ දෙන්න සිද්ධ වෙලා තිබුණා.
එකින් එක පෙළගැසුණු මේ හැම සිදුවීමක් ම ගෝඨාභයට තමන් ගේ අපේක්ෂකත්වය ගැන නිල වශයෙන් නිවේදනය කරන්න ඉතා ම හොඳ වේදිකාවක් නිර්මාණය කරලා තිබුණා.
එතනින් පස්සේ සිදුවුණු ජවනිකා ඔබට අමතක වෙලා තියෙන්න විදියක් නැහැ.
වඳ කොත්තු, වඳ පෙති තිරනාටක හරහා නිර්මාණය කෙරුණු "වඳ භීතිකාව" වෛද්‍ය ෂාෆි කේන්ද්‍ර කරගෙන ගොඩනැගූ වඳ සැත්කම් නාට්‍යය හරහා කූඨ ප්‍රාප්තියට නැංවූවා.
ෂාෆි හිරේට දැම්මා. ගෝඨාභයට කඩේ ගිය සංවිධාන, වීරවංශල ලා, ගම්මන්පිල ලා "ගර්භාෂ යුද්ධයක්" පිළිබඳ බොරු කතාවක් නිර්මාණය කළා. සමාජය විශාල භීතියක වෙළුණා. අන්තිමේ දී ජනාධිපතිවරණයට දවස් දෙකක් තියලා කැළණියට ප්ලාස්ටික් බෝතලයක දාපු නයෙකු ලවා නාගධාතු වැඩැම්මුවා. මේක ගෝඨාභය ගේ කැම්පේන් එකේ අවසන් අදියරේ දී ඉතා ම උත්කර්ෂවත්ව පාවිච්චි කළා. මේ හැම සෙල්ලමක් ම කරලා ලක්ෂ 69ක ඡන්දවලින් ගෝඨාභය බලයට පත් වුණා.
ගෝඨාභය ලංකාව නිදහසින් පසු ඉතිහාසයේ මුහුණ දුන් දරුණුත ම අර්බුදයට රට තල්ලු කළා. ඉවසගෙන ඉන්නට බැරි ම තැන රටේ මිනිසුන් පාරට බැහැලා ගෝඨාභය එළවා දැම්මා. මිලියන ගණනක් මිනිසුන්ට තමන් ගේ අනාගතය අහිමි වුණා. අදටත් ලංකාවේ ලක්ෂ ගණනක් මිනිසුන් මහපාරට වැටිලා ඉන්නවා.
ඒ එක පරිච්ඡේදයක්.
දැන් ආපහු පාරක් 2019 මැද හරියේ තිබුණු විදියේ ම ජාතිය, ආගම බේරාගන්න රැල්ලක් පැතිරිලා යනවා. රටේ ලොකු ම තැන් එක්ක සම්බන්ධතා තියෙන ජෙරොම් ප්‍රනාන්දු එක පාරට ම ආන්දෝලනාත්මක ප්‍රකාශයක් කරනවා. පොලීසිය ඔහුට රට යාම තහනම් කරලා නියෝගයක් ගන්න පැය 24කට කලින් ජෙරොම් විදේශගත වෙනවා. ඊට ටික දවසකට පස්සේ මීට මාස දෙකකට කලින් තිබුණු "මෝඩාභිමානය" ශෝ එකේ වීඩියෝවක් එක පාරට ම වයිරල් වෙනවා.
මේ හැම දෙයක් ම අර "ජාතිය ආගම බේරගන්න" රැල්ල උඩට ගන්න හොඳ වේදිකාවක් නිර්මාණය කරලා තියෙනවා. මේ දවස් දෙක තුනට ඒ වෙනුවෙන් ෆේක් ප්‍රොෆයිල් අති විශාල ප්‍රමාණයක් අලුතින් නිර්මාණය වෙලා තියෙනවා. සාමාන්‍යයෙන් එහෙම ෆේක් ප්‍රොෆයිල් නිර්මාණය වෙන්නේ සැලසුම් සහගත කැම්පේන්වලට. ෆේස්බුක් පේජ් කීපයක් ඒ වෙනුවෙන් සියුම්ව මතය හසුරුවනවා.
2019 වෙනුවෙන් ගෝඨාභය වෙනුවෙන් කැම්පේන් කරපු කුලීකාරයන් ම ප්‍රවෘත්ති සාකච්ඡා තියමින්, වොයිස්කට් දෙමින් නැවත වතාවක් කරළියට ඇවිල්ලා තියෙනවා. එක ම චරිත ටික, එක ම ජවනිකාව අවුරුදු හතරකට පස්සේ නැවතත් රඟ දක්වනවා.
මේ අල්ල පනල්ලේ ඊයේ නාමල් රාජපක්ෂ රාජපක්ෂ කරපු ඉතා ම වැදගත් ප්‍රකාශයක් මාධ්‍යවල පළවෙනවා.
“අරගල භූමිය ඇතුළේ ආගම්වලට අගෞරව කිරීම සාමාන්‍ය දෙයක් කෙරුවා.."
පොහොට්ටුවට දැන් විකුණන්න කිසිම දෙයක් ඉතුරු වෙලා නැහැ. විකුණනවා නම් විකුණන්න පුළුවන් එක ම දෙය "ආගම බේරාගැනීම" කියන සටන් පාඨය විතරයි. ඒ වෙනුවෙන් දැන් ඔවුන් ගේ කුලීකාරයො ලොකුවට ම වැඩේට බැහැලා ඉන්නවා. 2019 වගේ ම මේ පාරත් එක ම ත්‍රාඩ, ලුම්පන් කුලීකාරයන් පිරිසක් මේ සටනේ ඉදිරිපෙළ නායකයන් බවට පත්වෙලා ඉන්නවා.
මේ ඇස් පනාපිට තියෙන සත්‍යය ඔබට පෙනෙන්නේ නැත්නම් මා ඔබට කියන්නේ නැවතත් ගල් යුගයට ගිහින් ගල් ගුහාවක පදිංචි වෙන්න කියලයි.
ලංකාව ඉතා ම අරුම පුදුම රටක් වෙන්නේ එක ම පිරිසකට එක ම බොරුව නැවත නැවත කරමින් එක ම විදියට මිනිසුන් රැවටිය හැකි නිසයි.
එහෙම රටකට මෙහෙම ඉරණමක් අත් නොවී තිබුණොත් අනිවාර්‍යයෙන් ම ඒක ලෝකයේ අටවෙනි පුදුමය බවට පත්වෙනවා.
-
