ඇමරිකාව , කැනඩාව , ඕස්ටේරලියාව යන රටවල ජන වර්ග රාශියක් ජීවත් වෙති. එසේම වාර්ෂිකව සංක්රමණ වීසා මගින් විවිධ ජන කොටස් තම රටට ගෙන්වා ගනිති. මේ අතර රුසියාව , ජපානය වැනි රටවල් ආගමනය පාලනය කර ගනිමින් වෙනත් ජන වර්ග තම රටට ගෙන්වීම සීමා කරති.
ජාන මිශ්ර වූ තරමට නිරෝගි පරපුරක් ඇතිවේ. නමුත් වෙනත් ජන වර්ග මුහු වීම වළකාලන රටවල් වල අනාගතයේ ජානමය රෝග වර්ධනය වීමේ අවදානමක් තිබේ. මේ අනුව විවිධ ජන කොටස් තම රටට ගෙන්වා ගැනීම වනාහී බොහෝ දුර දිග බලා ගත් බුද්ධිමත් පියවරකි. දැනටමත් මේ රට වල තරුණ පරම්පරාවෙන් සැලකිය යුතු කොටසක් අන්තර් විවහා නිසා ජානමය වශයෙන් මිශ්ර වී සිටිති.
ලෝකයේ කිසි රටක අමිශ්ර නුමුහුන් නිර්මල ජාතියක් නැත. වර්තමාන සිංහලයන් ගේ ජාන කේතය සලකා බලන විට එහි ද්රවිඩ , බෙංගාල, පෘතුගීසි , ලන්දේසි සහ ඉංග්රීසි ජාන තිබේ. ද්රවිඩයන් ගේද සිංහලයන් ගේ ජාන, පෘතුගීසි ජාන තිබීම සොයා ගත හැකිය.
ලෝකයේ බලවත් රාජ්ය විසින් තම රටවල ජාන සංසදයක් ඇති කිරීම මගින් අනාගතයේ මතු විය හැකි ජානමය රෝගාබාධ නිවාරණයට පියවර ගෙන තිබේ. වර්තමානයේ උතුරු ඇමරිකාවේ නව පරපුර එක් ජාතියකට සීමාවී නැත. මා දන්නා එක් තරුණියකගේ පියා ට්රිනිඩෑඩ් ඉන්දියානුවෙකි , මව. ඉතාලිය ඇය ජාතිය යන සංකල්පය අතික්රමණය කොට සිටින්නීය. එසේම තවත් තරුණයෙකුගේ පියා අයර්ලන්ත සම්භවයකින් යුක්තය. මව අප්රිකානු (ඝනා) ජාතික කාන්තාවකි. මා දන්නා තවත් පුද්ගලයෙකු තම ජාතිය ලෙස කීවේ අයිරීශ් , පෘතුගීසි , මෙක්සිකන් සංකලනයක් ලෙසටය.
මේ අනුව අනාගත ලෝකයේ ජාතිය යන කොටුව බිඳ වැටෙමින් තිබේ. එහෙත් අමිශ්ර නුමුහුන් නිර්මල ජාතියක් ගැන සිහින දකින හිට්ලර් පන්නයේ මිනිසුන් ලෝකයේ සෑම තැනකම සිටිති. ඔවුන් මේ ජාන මුසුවට අතිශයින්ම විරුද්ධව තම ගෝත්රික අනන්යතාව රකිති. අහෙත් අවාසනාවකට මේ නුමුහුන් ප්රජාව අනාගතයේ යම් දිනෙක ජානමය රෝගවලට ගොදුරුව ඉතිහාසයට එකතු වෙනු ඇත. අනාගතයේ උරුමය නිරෝගී ශක්ති සම්පන්න ජාන ඇති මිනිසුන්ටය.
වෛද්ය රුවන් එම් ජයතුංග
