වයස අවුරුදු තුනට අඩු දරුවන්ගේ සෞඛ්යයට අහිතකර ලෙස නියමිත ඇෆ්ලටොක්ෂින් ප්රමාණය ඉක්ම වූ ග්රෑම් 750 ඇසුරුම් සහිත සුපෝෂ නිෂ්පාදනය කිරීම සහ අලෙවි කිරීම සම්බන්ධයෙන් අධිකරණය හමුවේ චෝදනා ලබා සිටි ජාඇළ, කපුවත්ත, අංක 17 ලිපිනයේ ශ්රී ලංකා ත්රිපෝෂ සමාගම සහ අනුරාධපුර මාර්කට් පෙදෙස විල්සන් ට්රේඩ් සෙන්ටර් ආයතනය එකී චෝදනාවන්ට වරද පිළිගත් පසුව එම ආයතන දෙකට මුදලින් රුපියල් දහතුන්දහසක දඩයක් අනුරාධපුර අතිරේක මහේස්ත්රාත් රුද්රිකා ද සිල්වා හේවාවසම් මහත්මිය නියම කළාය.
ඒ අනුව ශ්රී ලංකා ත්රිපෝෂ සමාගමට මුදලින් රුපියල් දසදහසක්ද, අනුරාධපුර මාර්කට් පෙදෙස විල්සන් ටේ්රඩ් සෙන්ටර් ආයතනයට මුදලින් රුපියල් තුන්දහසක්ද වශයෙන් මෙම රුපියල් දහතුන්දහසක දඩ මුදල නියම කෙරිණ.
විත්තිකාර ආයතන තුළ තිබියදී මහජන සෞඛ්ය පරීක්ෂකවරුන් විසින් සිය භාරයට ගත් සුපෝෂ ඇසුරුම් වයස අවුරුදු තුනට අඩු දරුවන්ට අහිතකර ඒවා බවට රජයේ රස පරීක්ෂකවරයාද තහවුරු කර ඇති බව වැටලීම මෙහෙයවූ අනුරාධපුර මහ නගර සභාවේ ජේයෂ්ඨ මහජන සෞඛ්ය පරීක්ෂක නුවන් ඩී. කුලතුංග මහතා පැවැසීය
අනුරාධපුර මහ නගර සභාවේ ජේයෂ්ඨ මහජන සෞඛ්ය පරීක්ෂක නුවන් ඩී. කුලතුංග පැමිණිල්ල වෙනුවෙන් පෙනී සිටි අතර විත්තිකාර ශ්රී ලංකා ත්රිපෝෂ සමාගම සහ විල්සන් ටේ්ර්රඩ් සෙන්ටර් ආයතනය වෙනුවෙන් නීතිඥ ධනුෂ්ක දහම්පත් පෙනී සිටියේය. අනුරාධපුර මහ නගර සභාවේ ජේයෂ්ඨ මහජන සෞඛ්ය පරීක්ෂක නුවන් ඩී. කුලතුංග සහ මහජන සෞඛ්ය පරීක්ෂකවරුන් වන එච්.ඒ. කුමාර සහ සුමුදු පොන්ටුගේ මෙම වැටලීම සිදු කළහ.
යන්න එපා මචං
------
Post added on Oct 5, 2023 at 3:56 PM
------
Post added on Oct 5, 2023 at 3:59 PM
------
Post added on Oct 5, 2023 at 4:00 PM
