

:max_bytes(150000):strip_icc():format(webp)/perfect-white-rice-7-ef73aef3b89c42008d409441071502fb.jpg)
අද කාලේ ගොඩක් ගෙවල් වල බත් උයන්න පාවිච්චි කරන්නේ රයිස් කුකර් එකනේ. අපි හැමෝම වගේ කරන්නේ ඇඟිලි පුරුක් වලින් වතුර මැනලා, හාල් ටිකයි වතුර ටිකයි දාලා රයිස් කුකර් එක ඔන් කරලා තියන එක. මේක ලේසියි, ඉක්මන්, ඒ වගේම පහසුයි තමයි. හැබැයි, අපි නොදන්නවා වුණාට, මේ ක්රමයෙන් බත් වල තියෙන්න පුළුවන් හානිකර ආසනික් අපේ ඇඟට එකතු වෙන්න තියෙන ඉඩ වැඩියි. ආසනික් කියන්නේ විස සහිත රසායනික මූලද්රව්යයක්. ඉස්සර අපේ ආච්චිලා සීයලා නම් හාල් ඉව්වේ වැඩිපුර වතුර දාලා, වැඩි වතුර ටික පෙරාගෙන. ඒත් අද අපි හාල් උයන්නේ හාල් ටික හොඳට වතුර උරාගන්න ගානට විතරක් වතුර දාලා, ඒ වගේම සමහරු කම්මැලිකමට හරියට සෝදන්නෙත් නෑ. මේකෙන් කිසිම ප්රශ්නයක් නෑ වගේ පෙනුනට, බත් වල තියෙන ආසනික් ප්රමාණය වැඩි වෙන්න පුළුවන්. මේකෙන් ලොකුම ප්රශ්නේ තියෙන්නේ පොඩි දරුවන්ට.
ඇයි මෙහෙම වෙන්නේ, ආසනික් අපේ ඇඟට බලපාන්නේ කොහොමද, ඒ වගේම හානිකර දේවල් වලින් බේරිලා බත් උයාගන්නේ කොහොමද කියලා මම ඔයාලට කියලා දෙන්නම්.


ආසනික් කියන්නේ පසේ, වතුරේ සහ වාතයේ ස්වභාවිකවම තියෙන රසායනික මූලද්රව්යයක්. හැබැයි, කෘෂිකර්මාන්තයේදී පාවිච්චි කරන කෘමිනාශක, වල් නාශක, පොහොර වගේ දේවල් වල ආසනික් අඩංගු වෙනවා. මේ රසායනික ද්රව්ය බහුලව පාවිච්චි කරන නිසා පරිසරයේ තියෙන ආසනික් ප්රමාණය වැඩි වෙලා තියෙනවා. ගොයම් ගස්, වැඩෙන්න ගොඩක් වතුර උරාගන්න නිසා, පසේ සහ වතුරේ තියෙන ආසනික් ලේසියෙන්ම උරාගන්නවා. මේ විදියට උරාගන්න ආසනික් හාල් ඇට වල තැන්පත් වෙනවා.
පර්යේෂණ වලින් හොයාගෙන තියෙනවා, මිනිස්සු ගන්නා ආහාර වල තියෙන ප්රධානම ආසනික් ප්රභවයක් තමයි හාල් කියලා. ලෝකේ ගොඩක් රටවල් වල, දකුණු ආසියාවත් ඇතුළුව, හාල් වල තියෙන ආසනික් ප්රමාණය භයානක මට්ටමක තියෙනවා. ආසනික් ප්රධාන ආකාර දෙකක් තියෙනවා - කාබනික සහ අකාබනික. මේ දෙකෙන් අකාබනික ආසනික් තමයි ගොඩක්ම හානිකර. අපි ආසනික් තියෙන බත් කනකොට, ඒක කාලයක් තිස්සේ අපේ ඇඟේ එකතු වෙලා, එක එක ලෙඩ රෝග වලට හේතු වෙනවා.


ආසනික් ටිකක් ඇඟට ගියත්, ඒකෙන් දිගු කාලීනව ලොකු ප්රශ්න ඇති වෙන්න පුළුවන්. පොඩි දරුවන්ට තමයි මේකෙන් වැඩිපුරම හානි වෙන්නේ. අධ්යයන වලින් පෙන්නලා දීලා තියෙනවා, ආසනික් වලට නිරාවරණය වෙන එකෙන් පොඩි දරුවන්ගේ IQ මට්ටම සහ බුද්ධි වර්ධනය අඩු වෙන්න පුළුවන් කියලා. ඒ වගේම එයාලගේ ඇඟේ වර්ධනයට, ප්රතිශක්තිකරණ පද්ධතියට මේකෙන් බලපෑම් ඇති වෙන්න පුළුවන්. කල් යද්දී ලොකු ලෙඩ වලට මේක හේතුවක් වෙන්නත් පුළුවන්.
වැඩිහිටි අයට, දිගු කාලයක් තිස්සේ ආසනික් වලට නිරාවරණය වෙන එකෙන් පිළිකා, විශේෂයෙන්ම සමේ, මුත්රාශයේ සහ පෙණහළුවල පිළිකා ඇති වෙන්න පුළුවන්. ඒ වගේම හෘද රෝග, දියවැඩියාව සහ සමේ රෝග වගේ දේවල් වලටත් මේක හේතුවක්. මේ භයානක ප්රතිවිපාක නිසා, අපි පුළුවන් තරම් ආසනික් වලට නිරාවරණය වෙන එක අඩු කරගන්න ඕනේ.


මම කලින් කිව්වා වගේ, අද ගොඩක් අය බත් උයන්නේ රයිස් කුකර් එකේ හරි ලිපේ හරි, හාල් ටික හොඳට වතුර උරාගන්න ගානට විතරක් වතුර දාලා. වෙලාව ඉතුරු කරගන්න කියලා අපි හරියට වැඩිපුර වතුර දාලා හාල් හෝදන්නෙත් නෑ. මේක ලේසි ක්රමය වුණත්, පර්යේෂණ වලින් පෙන්නලා දීලා තියෙනවා මේ විදියට බත් උයන එකෙන් හාල් වල තියෙන ආසනික් අයින් වෙන්නේ නෑ කියලා.
ඇන්ඩ්රියා රාබ් (Andrea Raab) සහ එයාගේ කණ්ඩායම කරපු පර්යේෂණයකින් එයාලා හොයාගත්තා එක එක විදියට හාල් උයද්දී හාල් වල ඉතුරු වෙන ආසනික් ප්රමාණය කොච්චරද කියලා. එයාලා හොයාගත්තා අඩු වතුර ප්රමාණයක් දාලා (වතුර කෝප්ප 2.5 ට හාල් කෝප්ප 1 ක් වගේ අනුපාතෙකට, හරියට අපි රයිස් කුකර් එකේ හාල් උයනවා වගේ) හාල් ඉව්වම හාල් වල තියෙන ආසනික් ප්රමාණය සැලකිය යුතු මට්ටමකින් අඩු වෙන්නේ නෑ කියලා. ඇත්තටම කියනවා නම්, මේ ක්රමයෙන් හාල් ඇට වල වැඩිපුර ආසනික් ප්රමාණයක් ඉතුරු වෙනවා.
එම්. අසීසූර් රහ්මාන් (M. Azizur Rahman) සහ එයාගේ කණ්ඩායම කරපු තවත් පර්යේෂණයකින් එයාලා පෙන්නලා දීලා තියෙනවා, වැඩිපුර වතුර දාලා (වැඩි වතුර ඉවත ලන ක්රමයට) හාල් උයන එකෙන් හාල් වල තියෙන ආසනික් ප්රමාණය අඩු කරගන්න පුළුවන් කියලා. එයාලා හොයාගත්තා තැම්බපු සහ තැම්බපු නැති හාල් දෙවර්ගයම වැඩිපුර වතුර දාලා උයලා, වතුර ටික අයින් කරාම හාල් වල තියෙන ආසනික් ප්රමාණය අඩු වෙනවා කියලා.


හරි පුදුමයි නේද, අපේ ආච්චිලා සීයලා හාල් උයපු විදිහ දිහා බැලුවම අපිට පේනවා එයාලා දැනගෙන හිටියා කියලා හාල් වල තියෙන ආසනික් අඩු කරගන්න ක්රමයක් - එයාලා ඒක විද්යාත්මකව දැනගෙන හිටියේ නැති වුණත්. ගොඩක් ගෙවල් වල එයාලා හාල් ඉව්වේ වැඩිපුර වතුර දාලා, හොඳට වැඩි වතුර ටික පෙරාගෙන. මේ ක්රමයෙන් හාල් වල තිබුණු ආසනික් වලින් වැඩි ප්රමාණයක් වතුරත් එක්ක අයින් වෙලා ගියා.
මේ පාරම්පරික ක්රමය පරම්පරාවෙන් පරම්පරාවට ආවේ ඒකේ තියෙන විද්යාත්මක වැදගත්කම කවුරුත් දැනගෙන නෙවෙයි. ඒත් අද වෙනකොට අපි දන්නවා ඒක හාල් වල තියෙන ආසනික් ප්රමාණය අඩු කරන්න හොඳ ක්රමයක් කියලා. නූතන විද්යාවෙනුත් දැන් මේ පාරම්පරික ක්රම වල තියෙන වටිනාකම තහවුරු කරනවා.


දැනට තියෙන පර්යේෂණ අනුව, ඔයා බත් උයද්දී මේ දේවල් කරොත් හාල් වල තියෙන ආසනික් ප්රමාණය අඩු කරගන්න පුළුවන්:






අපි අද බත් උයන විදිහ ඉක්මන්, ලේසි ක්රමයක් තමයි. ඒත් ඒකෙන් අපේ ඇඟට හානිකර ආසනික් එකතු වෙන්න තියෙන ඉඩ වැඩියි. පොඩි වෙනස්කම් ටිකක් කරලා - හාල් ටික සෝදලා, වැඩිපුර වතුර දාලා උයලා, වතුර ටික පෙරාගෙන - ඔයාට පුළුවන් හාල් වල තියෙන ආසනික් ප්රමාණය අඩු කරගන්න. එතකොට ඔයාටයි පවුලේ අයටයි නිරෝගීව ඉන්න පුළුවන්.
අපේ ආච්චිලා සීයලා, නොදැනුවත්වම වුණත්, හාල් උයලා තියෙන්නේ ආරක්ෂිත, නිරෝගී ක්රමයකට. නූතන විද්යාවෙනුත් ඒ ක්රම වල වටිනාකම කියන නිසා, අපි ආයෙත් ඒ ක්රම වලට යොමු වෙන එක හොඳයි.
ඔයා බත් උයන විදිහේ මේ පොඩි වෙනස්කම් ටික කරොත්, ඒක ඔයාගේ දිගුකාලීන සෞඛ්යයට ලොකු බලපෑමක් කරයි. මේ තොරතුරු ඔයාගේ යාලුවන් එක්ක, පවුලේ අය එක්ක බෙදාගන්න. එතකොට අපිට පුළුවන් හැමෝටම ආසනික් අනතුරෙන් තොරව, නිරෝගීව ඉන්න.
Dr priya