නස්රුදීන්ගේ කතා

[vidura99]

නස්රුදීන්ගේ කතා

එළවළු ජාතියhttp://aagiyakatha.blogspot.com/2010/06/blog-post_02.html

​

http://www.facebook.com/sharer.php?...02.html&t=ආගිය කතා: නස්රුදීන්ගේ කතාවක්&src=sp

මේ නස්රුදීන්ගේ කතා ගත්තහම ඒවායේ දෙපැත්තක් තියෙනවා කියලා තමා පිළිගැනීම. ඒ කියන්නේ මේ කතාවලින් හාස්‍යය වගේම ඉගෙන ගන්න දේකුත් තියෙනවා කියන එකයි. නස්රුදීන් හිටිය රට කියලා පෙන්නන්න රටවල් කීපයක් කලත් නස්රුදීන්ගේ සොහොන පවා තියෙන තුර්කිය තමා නස්රුදීන්ගේ උපන් රට විදිහට සලකන්නේ. ඊසොප්ගේ, අන්දරේගේ, ඒවගේම සුෆී උපමා කතාවලට නස්රුදීන්ගේ කතාත් සමකලාට වරදක් නැහැ.

කාට කාටත් හිතන්න පුළුවන් යමක් ඉතුරු කරන නස්රුදීන්ගේ කතාවක් කියන්න තමා හිතුවේ. ඔන්න කතාව.

කාලයක් නස්රුදීන් රජවාසලේ සේවය කලා.රජතුමාටත් නස්රුදීන් නැතිවම බැරි පුද්ගලයෙක් වෙලා තිබ්බේ [අපේ රටේ හිටිය අන්දරේ වගේ] දවසක්දා රජතුමා කෑමට වාඩිවෙලා හිටියා පුදුමාකාර බඩගින්නකින් [කියමුකෝ ලංකාවේ විදිහට යකෙක් කන්න බඩගින්නෙන් කියලා]

එදා රජතුමාට ප්‍රධාන අරක්කැමියා හදලා තිබ්බා එක ව්‍යංජනයක් හරිම රසට තිබ්බා. රජතුමා ඒක නිසා හුඟක් සතුටු වෙලා ඒ ව්‍යංජනය හැමදාම හදන්න නියම කළා.

ඒ වගේම රජතුමා නස්රුදීන්ගෙන් ඇහුවා "ඒවා ලෝකේ තියෙන රසම එළවළු ජාතිය නේද නස්රුදීන් ?" කියලා.

ඒකට පිළිතුරු විදිහට "එසේය දේවයන් වහන්ස, ඒවා තමයි මේ ලෝකේ තියෙන රසවතම එළවළු ජාතිය" කියලා නස්රුදීනුත් කිව්වා.



මේ විදිහට එක දිගට සතියක් විතර මේ ව්‍යංජනය කද්දී රජතුමාට හොඳටම එපා වුණා [එක දිගට කද්දී මී පැණි වුණත් තිත්ත වෙනවාලුනේ]

රජතුමා ප්‍රධාන අරක්කැමියාට කෑ ගහලා කිව්වා "අරන් පලයන් මේ ව්‍යංජනේ මගේ දෑහෙට පේන්නේ නැති වෙන්න. මට මේ ව්‍යංජනේ පෙන්නන්න බැහැ" කියලා.

ඒ වෙලාවේ නස්රුදීන් කිව්වා "ඒක තමා දේවයන් වහන්ස ඒවා තමයි මේ ලෝකේ තියෙන නීරසම, පිළිකුල්ම එළවළු ජාතිය" කියලා

මේක අහපු රජතුමා නස්රුදීන්ගෙන් ඇහුවා "නස්රුදීන් මේවා මේ ලෝකේ තියෙන රසම එළවළු ජාතිය කියලා උඹ පිලි අරන් සතියක්වත් ගියේ නැහැනේ" කියලා.

ඒ වෙලාවේ නස්රුදීන් බොහොම බය පක්ෂපාති ස්වරූපයෙන් කිව්වා "මම එහෙම කිව්ව එක නම් ඇත්ත තමා දේවයන් වහන්ස. මොකද මම සේවය කරන්නේ ඔබ වහන්සේට මිසක් එළවළුවකට නෙමෙයිනේ" කියලා. ​

 

[vidura99]

නීති-රීති






“නීති-රීති දාල මිනිස්සුව සත්‍යවාදී කරන්න බෑ රජතුමනි……මිනිස්සුන්ගෙ අධ්‍යාත්මයයි පිරිසිදු කරන්න ඕන.” දවසක් නස්රුදීන් රජතුමාට පොර ටෝකක් දෙනවා..
“නිකන් දාර්ශනිකය නොවී පලයන් ‘මුල්ලා’ යන්න. හෙට ඉදන් බලපන් මම මිනිස්සු හදන හැටි…” රජතුමා නස්රුදීන්ව මාළිගවෙන් එළව ගත්තා…
කිව්වත් වගේ රජතුමා පහුවදාම රටවැසියන්ට අළුත් නීතියක් දැම්ම…
රටේ අග නුවරට එන්න තියෙන්නෙ පාළමකින්….පාළමේ මෙහා පැත්තෙ ඉන්න රාජ භටයො ඇතුළට එන අයගෙන් ප්‍රශ්නයක් අහනව… ඇත්ත කියන එවුන්ට විතරක් ඇතුලට එන්න පුළුවන්.. අනිත් එවුන් වහාම එතනම තියෙන එල්ලුම් ගහේ එල්ලල මරණවා……(මැද පෙරදිග පැත්තෙ නීති ටිකක් සැරයිනේ..)
ඔය විදිහට සමහර මිනිස්සු තම තමන්ගෙ රැකියා වලට යහතින් නගරෙට ගියා…සමහරුන්ට එල්ලිලා මැරෙන්නත් වුනා….
එක දවසක් නස්-රුදීනුත් හිමි හිමීන් පාළම දිගේ එනව..රජ වාසළ පැත්තෙ යන්න. නීතිය ඉතින් කාටත් එකයිනෙ….රාජ භටයො නස්රුදීන්ගෙනුත් කඩයිම් ප්‍රශ්නයක් ඇහුවා….
“නස්-රුදීන්…පේනවනෙ එල්ලුම් ගහ…ඇත්තම කියනව…තමුසෙ මේ කොහෙද යන්නෙ…?”
-”මම යන්නෙද…මම යන්නෙ මේ….එල්ලුම් ගහට….”
“මොනව…තමුසෙ කියන්නෙ බොරු…!”
-”බොරු නම් ඉතින් මාව එල්ලාපල්ලා..”
නස්-රුදීන් සැරෙන් වගේ කිව්වා….
රාජ භටයත් නිකට කහ කහ කල්පනාව….
අන්තිමේදි..
“නස්-රුදීන්….තමුසෙ කියන්නෙ නම් බොරුවක් තමයි….ඒත් මම තමුසෙව එල්ලුවොත් තමුසෙ කියපු එක ඇත්තක් වෙනව…..! යනව යනව…තමුසෙට ඕන තැනකට යනව….” නස්රුදීන්ට අවසර හම්බ වුනා…
“ඕකනෙ රජ්තුමා කියන්නෙ..නීති වලින්ම මිනිස්සු හදන්න බෑ කියල…..” රජ වාසළට කිය නස්-රුදීන් රජ තුමාට කිව්වා……​

 

[vidura99]

සමහර වෙලාවට නස්රුදීන්ගෙ පුරුද්දක් තමයි මිනිස්සුන්ට සමච්චල් කරන එක. පල්ලි ගිහින් වැස්සෙ කුඩ ඉහළගෙන එන මිනිස්සුන්ට ගෙදර ජනේලෙන් එබිල නස්-රුදීන් කොලොප්පම් කරනවා….

“උඹල මහ ලොකුවට දෙවියන් ඇදහුවට…දෙවියො වස්සන වැස්සෙ තෙමන්න උඹල කැමති නෑ….කුඩ ඉහළගෙන ගිහින් දෙවියන්ට අපහාස කරනවා…”

ඇත්ත නේන්නම් කියල සමහරු එතකොට කුඩේ අකුළගෙන තෙමි තෙමී යනවා……

ඒත්..දවසක් කඩ පොළ ඉස්සරහින් එද්දි නස්රුදීන්ව මහ වැස්සකට අහු වුනා…මිනිහ ඉක්මනට ගේ දිහාට දුවන්න ගත්ත. ඒක බලන් හිටපු මිනිස්සු නස්රුදීන්ට කෑ ගැහුව…

“ඒයි නස්රුදීන්…දෙවියො වස්සන වැස්සනේ… මොකද ඉතින් දුවන්නේ……”

පොඩ්ඩක් නැවතුනු නස්-රුදීන්

“ඒක තමයි මම මේ දුවන්නේ….දෙවියො වස්සපු වැහි වතුර මගෙ කකුළ් වලට පෑගිල දෙවියන්ට අපහාසයක් වෙයි කියලා…..”

කියාගෙන තව හයියෙන් දිව්වා…..​

 

[vidura99]

නස්-රුදීන්ටත් හිටිය රැවුළ කපන්න බාබර් කෙනක්…එත් එදා නම් හිටියෙ පුරුදු බාබර් වෙනුවට මිනිහගෙ ගෝළයා….මේකා රැවුලට වඩා කපන්නෙ කම්මුල.

ඔන්න එක කම්මුලක රැවුල කපන්න ගත්තා..මූණ ටිකක් විතර කැපුණම මිනිහ පුළුන් කෑල්ලක් එතනින් තියලා ලේ ගමන යන්තම් නවත්ත ගත්තා….ඔන්න තව ටිකකින් තව තැනක්!…එතනත් යන්තම් පුළුන් කෑල්ලක් තිබ්බම ශේප්….ඊ ළගට තවත් තැනක්…අනේ මන්දා…ටික වෙලාවක් යනකොට නස්රුදීන්ගෙ එක කම්මුළක් පුළුන් වලින් වැහිල ගියා. එත් නස්රුදීන් නෙමෙයි වචනයක් වත් කිව්වෙ..

ඔන්න ඊළගට බාබර් ගෝළයා අනිත් පැත්තෙ කම්මුලෙත් රැවුළ කපන්න සෙට් වුනා….

“හෝව්….හෝව්….”
-”ඇයි සර්…මේ පැත්තෙ කපන්න එපාද..?”

“ඕන නෑ…ඕන නෑ..!!……….ඔහේ එක පැත්තක පුළුන් වගාවක් දැම්මනෙ…. මම හිතන් ඉන්නෙ අනිත් පැත්තෙ පුළුන් වෙනුවට බාර්ලි වවන්න….” ​

 

[vidura99]

දවසක් නස්රුදීන් ලුණු වගයක් බූරුවාගේ පිටේ පටවාගෙන වෙලඳ පොළට අරන් ගියා, විකුණන්න. බූරුවා කියන දේ නාහන දඩබ්බර එකෙක්.

ඒ යන අතරමගදී ඌ නස්රුදීන්වත් ඇදගෙන දිය පාරකට පැන්නා. ලුණු ටිකක් දියවෙලා බර අඩු වුණා. එයින් ලැබුණු සහනය ගැන ඌට සංතෝස හිතුණා.

ඒත් ලුණු වල බර අඩුවීම ගැන නස්රුදීන් සතුටු වුණේ නෑ.

ඊළඟ වතාවේ ඔහු මේ මගම ගියේ බූරුවාගේ පිටේ කපු පුලුන් තොගයක් පටවාගෙනයි. එදත් කලින් වතාවේ වගේ දිය පාරෙන් යන්න බූරුවා කල්පනා කළා.

ඒත් එදා තිබුනේ පුළුන් හින්දා ඒවා වතුරෙන් පෙඟිලා ඒවයේ බර වැඩි වුනා. තෙත බරි වුණු පසු ඒ බර තවත් වැඩි වුණු බව බූරුවාටත් හොඳින්ම දැණුනා. ඌ ඒ අමාරුව පිටතටත් පෙන්නුවා. ඒක දැකලා නස්රුදීන් හිනා වුනා. "හා!හා! උඹ හිතුව නේද හැම තිස්සෙම වතුරෙන් ගියාම බර අඩු වෙනවා කියලා? හොඳ වැඩේ!" නස්රුදීන් බූරුවාට කිව්වා. ​

 

[vidura99]

වරක් නගරයේ මිනිසුන් සමග නිළධාරීන් පිළිබදව සාකච්ඡා කරමින් නස්රුදීන් උපහාසාත්මකව මෙසේ කීවේය.
“මගේ මිත්‍රවරුනි, මම ඔබට කියා සිවිනවා මගේ බුරුවා පවා ඇමතිවරයාට වඩා ඥාණවන්ත බව.”
බොහෝ ඉක්මණින් මේ වදන් ඇමතිවරයාගේ සවන් වැකුණි. කවටයා අත්අඩංගුවට ගැනීම සදහා තම සොල්දාදුවන් යැවු අතර, ඔවුන් අධිරාජයා වෙත කවටයා ඇදගෙන එන ලදී. එහිදී තමන්ට දරුණු ලෙස අපහස කළේ යැයි කවටයාට චෝදනා කළ අතර, ඔහුට තදින්ම දඩුවම් කරන ලෙස අධිරාජයාට සැළකර සිටියේය.
“මගේ ඇමතිවරයා බුරුවා තරම් ඥාණවන්ත නොවන බව නුඹ ප්‍රකාශ කළාද? නුඹට එය ඔප්පු කිරීමට සාධක තිබෙනවද? එසේ සාධක නොමැති නම් මම නුඹේ හිස ගසා දමනවා” යයි කෝපයට පත් අධිරාජයා කවටයාට දන්වා සිටියේය.
“ඇත්තෙන්ම මට සාධක තියෙනවා.” කවටයා පිළවදන් දුනි.
“ වරක් මම මගේ බුරුවා පිට නැගී ලෑලි පාලමක් හරහා යද්දී උගේ කකුල එහි ඇති සිදුරක හිරවුණා. සෑහෙන උත්සාහයකින් පසුව ටික වෙලාවකින් තම කකුල එළියට ඇද ගැනීමට බුරුවා සමත් වුණා. ඊට නොබෝ කාලයකින් පසුව මට නැවතත් එම පාලම හරහා යාමට සිදුවුණා. ඉතින් ඔබතුමා දන්නවද සිදු වු දෙය? මේ කදිම සිව්පාවා එම සිදුරට නැවත වරක් පා නොතිබීමට බොහෝ සේ ප්‍රවේසම් සහගත වුණා. එහෙත් ඔබේ අගමැතිවරයා දෙස බලන්න. මිනිසුන් උදේ සිටම රෑ වන තුරුම එහුට කියන්නේ සොරා කියලයි. ඒ වුනත් තවම ඔහු ඔවුන් කොල්ලකන එක නවත්වන්නේ නැහැ. දේවයන් වහන්ස ඉතින් වඩා ඥානවන්ත මගේ බුරුවා නොවේද?
“හ්….ම් ඒක ඇත්ත.” අධිරාජයා හෙමින් පැවසුවේය. අගමැතිවරයා දෙසට හැරී එහු මෙසේද කීවේය.
“නස්රුදීන් හරි අද සිටවත් ඔහුගේ බුරුවාගේ ආදර්ශය අනුගමනය කරන්න.”



​

 

[vidura99]

වරක් නස්රුදීන් මිතුරෙකුගේ නිවසෙහි රාත්‍රී භෝජන සංග්‍රහයකට ඇරයුම් ලැබුවේය. සත්කාරකයා අත් ප්‍රණීත ආහාර වර්ග සුදානම් කොට තිබිණි. බත්, එළු සුප්, ජල්ලි, වෙල්ලවැහුම්, මස් රෝල්ස් සහ බොහෝ පලතුරු වර්ග සුදානම්ව තිබුණි. ආහාර ගන්නා වෙලාව පැම්ණිවිට සත්කාරකයා අමුත්තන්ට කියා සිටියේ සිටගෙන නොසිට රිසිසේ ආහාර බෙදාගෙන භුක්ති විදින ලෙසයි.
කවටයා සමීපයෙහි හිද සිටි මිනිසා ඉක්මනින් තම කුස පුරවා ගත්තා පමණක් නොව අසල ඇත් සියල්ලෙන් හේ තම සාක්කු පුරවා ගත්තේය. නිහඩව තේ පෝච්චිය අතට ගත් කවටයා තමන් අසල සිටි තැනැත්තාගේ සාක්කුවට තේ වත්කරන්නට වන්නේය.
“ඔබ මොනවද කරන්නේ? ඔබට පිස්සුද?” මිනිසා කෝපයෙන් කෑ ගැසුවේය. “ඔය වගේ විහිලු කරන එක හොද නැහැ. විශේෂයෙන්ම වෙනත් කෙනෙකුගේ අමුත්තෙක් හැටියට ඉන්න අතරේ.”
“සමාවෙන්න මම කිසි වැරැද්දක් කළේ නැහැ.” කවටයා පැවසුවේය. ඔබේ සාක්කු මේ තරම් කුසගින්නේ සිටින බැව් දැකල මට හිතුණා ඔවුන් පිපාසයෙනුත් ඉන්න ඇති කියල.”




​

 

[vidura99]

දිනක් කවටයාගේ නිවසට මිනිහෙක් දුවගෙන ආවේය. හේ නිවසේ එළි පත්ත පසු කරනවාත් සමගම මෙසේ කෙදිරි ගාන්නට පටන් ගත්තේය. “මට එය තව දුරටත් ඉවසන්න බැහැ. අපොයි මගේ බඩ. නස්රුදින් කරුණාකරල මට මොනව හරි දෙන්න.” “මේක සිද්ධ වුනේ කොහොමද?” කවටයා විමසුවේය. “ ඔබ දිරවන්නට අමාරු මොනව හරි දෙයක් කෑවද? එහෙම නැත්නම් අපිරිසිදු මොනව හරි කෑවද?” “මම මොකුත්ම කෑවේ නැහැ. කෑව නම් කෑවේ …..ආ…..මම නරක් වෙච්ච ලොකු කේක් කෑල්ලක් ගිල දැම්මා.” “අහ්.” මෙසේ කී කවටයා වෙනත් කිසි ප්‍රශ්ණයක් ඇසුවේ නැත. තම කුඩා අත් බෙහෙත් පෙට්ටිය ගෙන ඇසට දමන බෙහෙත් බෝතලය ගත්තේය. “එපා.එපා.” මිනිසා විරෝධය පෑවේය.” වේදනා දෙන්නෙ මගේ බඩ මිසක් ඇස් නොවෙයි.” “මට කිසි වැරදීමක් සිදුවෙලා නෑ.” කවටයා සිතුවේය. “ඔබේ ඇස් රෝගී වෙලා නොතිබුණා නම් ඔබ ඔය නරක් වෙච්ච කේක් කෑල්ලක් කන්නේ කොහොමද.”



​

 

[TakurZ]

එල එල , ඔහොම යං

 

[vidura99]

එක්තරා ශීත සමයක ආහාර මුදල් නොමැතිවීම නිසා තමන්ගේ හරිතාගාරය පිළියෙල කර ගත් කවටයා කොමඩු වගා කළේය. ඒවා ඉදුණු පසු ඉන් හොදම ගෙඩි තෝරා ගත් හේ අධිරාජයාට විකිණීම පිණිස ගෙන ගියේය. අධිරාජයා සතයකුදු නොගෙවනු ඇතැයි කා හට නම් සිතිය හැකිද? කවටයාට බොහෝ සේ ප්‍රශංසා කළ අධිරාජයා ප්‍රකාශ කොට සිටියේ ඇත්ත වශයෙන්ම ඔහු ඉතා වැදගත් පුරවැසියෙකු බවයි. ඉක්බිතිව තම මුව තුළ තවමත් පිරී ත්බුණු පැණි කොමඩු වලින් යුතුව “අනර්ඝයි…..අනර්ඝයි…..” අධිරාජයා කීවේය. කවටයා එතනින් නික්ම ගියේ තම සාක්කුව තුළ සතයකුදු නැතිව වෘකයකු මෙන් සාගින්දරෙනි. මොහොතක් කල්පනා කළ හේ ආපනශාලාවකට ගොස් එළුමස් රෝල් විස්සක් ඇණවුම් කළේය. එහිම හිදගත් හේ සියල්ල කා දැමුවේය. ඉක්බිතිව නැගී සිටි හේ දොරටුව වෙත පියනැගුවේ “ අනර්ඝයි! අනර්ඝයි! අනර්ඝයි!” යන්න හඩනගා පවසමිනි. ඒයි මගේ සල්ලි! අවන්හල් හිමියා මොර ගෑවේය. “මොකක්? මම ඔබට මේ දැන් ගෙව්වා.” පුදුමයට පත් වු බවක් මවා පාමින් කවටයා පැවසීය. ඔහු අල්ලා ගත් අවන්හල් හිමියා ඔහු ඇදගෙන විත් අධිරාජයා ඉදිරියට පැමිණිවීය. කවටයා මුදල් නොගෙවා කෑම කෑ බව ඇසීමෙන් අධිරාජයාගේ මුහුණ අදුරු විය.
“එහෙමනම් නුඹ කෑම කාලා මුදල් ගෙව්වේ නැද්ද?”
“දේවයන් වහන්ස, මාව විශ්වාස කරන්න. මා විසින් වැරදි කිසිවක් කර නැහැ.” කවටයා පිළිතුරු දුන්නේය.
“මේ මිනිහ කෑදරයි. එපමණයි මම ඔහුගේ රෝල් අනුභව කළ එක ඇත්ත තමයි. ඒත් ඔබ වහන්සේ මා වෙත පිරිනැමු අනර්ඝයි කියන වචන තුනෙන් මම ඔහුට ගෙව්වා. ඉන් එක් වචනයක්වත් මම මා සදහා තියාගත්තේ නැහැ..”
අධිරාජයා කෝපයෙන් හිස සැලුවත් ඔහුට වචනයකුදු කියාගත නොහැකි විය​

 

[vidura99]

පළාතේ මහේස්ත්‍රාත්වරයා ඉතා තදින් රෝගාතුරුව සිටියේය.බොහෝ දක්ෂ වෛද්‍යවරුන් ඔහුට ප්‍රතිකාර කළ අතර, ඉතා මිල අධික ඖෂධ වර්ග නියම කෙරුණි. මේ සියල්ල තිබියදී ඔහුගේ රෝගය තව තවත් උස්සන්න වු අතර, ඒ සදහා කිසිදු ප්‍රතිකාරයක් නොමැති බව පෙනිණි. ඉන් පසු කිසිවෙකු කවටයා කැදවීමට තීරණය කළේ ඔහු විසින්ද බොහෝ මිනිසුන් සුව කර තිබු බැවිනි.
කවටයා පැමිණියේය. ඇදෙහි වැතිරී සිටින මහේස්ත්‍රාත්වරයා දුටු ඔහු කෝපයෙන් රෝගියාගේ පවුලේ සාමාජිකයන් වෙත හැරී මෙසේ කීය.
“වෛද්‍යවරු සුව කරන්නේ පණ පිටින් සිටින මිනිසුන් විතරයි. ඉතින් ඔබ සැම මට කියනවා මළ මිනියක් සුව කරන්න කියල.”
භීතියට පත් මහේස්ත්‍රාත්වරයාගේ පවුලේ සාමාජිකයෝ මෙසේ කියා සිටියේය.
“ඒත් නුඹට පෙනෙන්නේ නැද්ද මහේස්ත්‍රාත්වරයා පන පිටින් සිටින බව?”
“ඇත්ත තමයි. මුලින්ම දකින කොට ඔහු මළා වගේ පෙනෙන්නේ නහැ.” තවටයා පිළිතුරු දුන්නේය. “ ඒත් මිනිස්සු කියනවා මහේස්ත්‍රාත් වරයාට හදවතක් නැහැ කියල. ඉතින් ඔහු පණ පිටින් කියල කියන්නේ කොහොමද?”
​

 

[vidura99]

එකල සිටි දර්ශනවාදීන් අතර නස්‌රුදීන්ට හිමිවුණේ ඉහළ නැනක්‌. ඒවගේම නස්‌රුදීන් මදි නොකියන්න ගැහැනියයි මී විතයි ආශ්‍රය කළා. ඔහු ඉහළ පවුල්වල ලස්‌සන තරුණියො සමග මධුසාදවලට සහභාගි වුණ වාර ගණන නිමක්‌ නැහැ.

දිනක්‌ පුවත්පත්වල පළවෙලා තිබුණ පුවතක්‌ දැකල නස්‌රුදීන්ගෙ පියාගේ කෝපයේ රතු කට්‌ට පැන්න. පුවත වුණේ නස්‌රුදීන් මුහුදු වෙරළේ රූමත් නළඟනකගේ තුරුළේ නැළවුණා කියන සිද්ධියක්‌. පියා වහාම තමා හමුවන ලෙස නස්‌රුදීන්ට පණිවිඩයක්‌ යෑව්වා. නස්‌රුදීන් පණිවිඩ ප්‍රකාර පියා හමුවට පැමිණියා පමණයි පුපුරණ කෝපයෙන් පියා නස්‌රුදීන්ට දොස්‌ තබන්න පටන් ගත්තා. කාන්තාවන් සමග එසේ ප්‍රසිද්ධියේ හැසිරීම් තදබලවරදක්‌ බවත් දර්ශන වාදියෙක්‌ වැනි රට පිළිගත් අයෙක්‌ එසේ හැසිරීම ගැන හිතාගන්නවත් බැරි බවත් පියා දොස්‌ පවරමින් කීවා. තවදුරටත් කතා කළ පියා කීවේ එසේ කාන්තාවන් සමග මධුවිතත් අරන් හැසිරෙන්න ගියොත් අනාගතයේදී දර්ශනවාදී හැඟීම් පහළ වෙන්න කොහෙත්ම ඉඩක්‌ නොලැබේවි යන්නයි.

මෙතෙක්‌ වේලා බිම බලාගෙන පයින් පොළවේ ඉරි ඇඳ ඇඳ උන්න නස්‌රුදීන් හිස නොඹසාවාම මෙහෙම කීවා.

මම ඔය සියලු දර්ශන පහල කර ගත්තේ ගැහැනියයි මී විතයි තුළින්. මේ දෙක නොතිබුණා නම් නස්‌රුදීන්ට මොන දර්ශනවාදද?​

 

[vidura99]

නස්‌රුදීන් දිනක්‌ උන්මන්තකාගාරයට (මානසික ආරෝග්‍ය ශාලාව) ගියා එයාගෙ හිතවතකු බලන්න හිතවතා නස්‌රුදීන් නොදන්න හේතුවකට මෙහි නේවාසිකව ප්‍රතිකාර ගන් බව දැනගන්න ලැබිල. හිතවතා දකින්න නස්‌රුදීන්ට උන්මන්තකාගාරයේ සෑම තැනම වාගෙ ඇවිදින්න සිදුවුණා. එහි ඉන්න නේවාසික රෝගීන් දැකල නස්‌රුදීන් දැඩි ලෙස කල්පනාවට වැටුණා. ඊළඟට ඔහු ඇවිදින ගමන්ම මේ විදියට මුමුණන්න පටන් ගත්තා.

ඇත්තටම ඇයි මිනිසුන්ට පිස්‌සු හැදෙන්නෙ. ඒකත් හරියට බෝවෙන ලෙඩක්‌ වගේ. මිනිස්‌සු අතරෙමයි පිස්‌සුව තියෙන්නෙ. ඒක තමා මේ හොඳින් ඉන්න අයත් එක පාරට පිස්‌සු වැටුන වගෙ හැසිරෙන්නෙ. මිනිහෙක්‌ කෙළින් ඉන්නෙ නැතිව දකුණට බර වුණත් වැරැදියි වමට බර වුණත් වැරැදියි. ඒත් කීයෙන් කී දෙනාටද හරි කෙළින් ඉන්න පුළුවන්.

මේ ලෙසට හිත හිතා මුමුණ මුමුණා යන නස්‌රුදීන් තමා වෙතට වේගයෙන් එන වෛද්‍යවරයකු වගේ අයෙකුයි. මූණේ කිසිම හිනාවක්‌ තෙත් ගතියක්‌ නැති ගොරහැඬි දෙන්නෙකුයි දැක්‌ක. ඒත් ඒ ගැන නස්‌රුදීන් එතරම් තැකීමක්‌ කළේ නැහැ.

එක පාරටම නස්‌රුදීන්ට තද පහරක්‌ වැදුනා ඒ පහරින්ම ඔහු බිම පතිත වුණා. ඒත් සමග කඹයකින් ඔහු වෙලා දැමුණ. මේ තුන්දෙනා මේ අලුත් පිස්‌සා සනීප කරන්න වගෙ නස්‌රුදීන් හිතුවා.

මාස කීපයකට පසු නස්‌රුදීන්ගේ ටිකට්‌ කැපුවා. ඒ වෙනකොට නස්‌රුදීන් දිහා බලන්න බැරි තරම් අජූවයි. තට්‌ටෙ පෑදිලා, හොරි හැදිල. රැවුළු වැවිලා. කෙට්‌ටුවෙලා ඇස්‌යට ගිලිල. ප්‍රධාන පාලකයා ඇතුළු පිරිස නස්‌රුදීන්ට යන්න අවසර දුන්න. හ්ම් දැන් සනීපයි යන්න.·

ඒ වෙනවිට නස්‌රුදීන් හිටියෙ තරමක කලකිරීමෙන්.

තමුසෙලට බොහොම ස්‌තුතියි මගෙ පිස්‌සුව සනීප කළාට. හැබැයි මට තියෙන ප්‍රශ්නය මේකයි. තමුසෙලා පිස්‌සුව හැදිල සනීප කරගන්න මේ පිස්‌සන් කොටුවට ආව අයද එහෙම නැතිනම් පිස්‌සුව හැදුණ අය සනීප කරන්න ආව අයද කියන එකයි.

නස්‌රුදීන්ගේ මේ කතාව ඉවර වෙන්න ලැබුණෙත් නැහැ. නස්‌රුදීන් දැක්‌ක පොලුයි කඹයි අරගෙන ආයෙත් මෙහෙයුමකට නස්‌රුදීන් වෙතට කට්‌ටිය දුවගෙන එනවා. පණ එපා කියල දෙපයට පිං දීල එළියට දුවන ගමන්ම නස්‌රුදීන්ට මෙහෙම හිතුණා.

"මගෙ පිස්‌සුව තවම සනීපවෙලා නැතුව ඇති."​

 

[vidura99]

ඒ රාජ කුමාරයා හැඩි දැඩි සිරුරකින් යුක්‌ත තේජවන්ත පෙනුමැති පතල කීර්තියක්‌ තිබුණ යුද්ධ සෙන්පතියෙක්‌ වුණා. කුමාරය නස්‌රුදීන් හොයාගෙන එනවිට කුමාරයගෙ මුහුණ ශෝකයෙන් පිරිල තිබුණ. ඇස්‌ කඳුලින් බොඳවෙලා හඬ භග්න වෙලා. වත මැලවිලා. නස්‌රුදීන් ඉදිරියේ අපහසුවෙන් කටහඬ අවධි කළ කුමාරය ඉතා බැගෑපත්ව ඉල්ලා සිටියෙ ඒ රුවින් පිරි සුකොමල කුමරියගෙ හිත දිනා ගැනීමට උපදේශයක්‌ දෙන ලෙසටයි.

නස්‌රුදීන් කල්පනාවට වැටුණා. මෙතරම් තේජවන්ත පෙනුමක්‌ තියෙන හැඩි දැඩි කාය ශක්‌තියෙන් පිරි සේනාපතියකුට හිත නොයන්න නම් කුමරිය මොන වගෙ අදහස්‌ රුචි අරුචිකම් පිරි කෙනෙක්‌ විය යුතුද? ඊළඟ මොහොතේ කුමරාගේ මුහුණදෙස කෙළින්ම බැලූ නස්‌රුදීන් මෙහෙම කිව්වා.

"බඹරුනට මුකුලිත වන මල් සමනලුන්ටයි විකසිත වන්නේ"​

 

[vidura99]

මේ කාලය වනවිට නස්‌රුදීන් හිටියෙ දේශකයෙක්‌ ලෙසට. ඔහු ගමක්‌ ගානේ දේශන පවත්වමින් ගියා. මෙහෙම යනකොට එක ගමකදී ඔහු දැක්‌ක නීතියෙන් වරදකරු වෙලා මරණයට නියමවුණ වරදකරුවෙක්‌ ඝාතන ස්‌ථානයට කැඳවාගෙන යනවා.

නස්‌රුදීනුත් ඝාතන ස්‌ථානයට ඇදෙන මිනිසුන් සමග ගියා මේ මරණය ගැන බලාගන්න. යන ගමන් ඔහු මේ අවාසනාවන්ත වරදකරු දිහා බැලුවා. ඔහුගේ ශරීරය සම්පූර්ණයෙන්ම වදමල්වලින් සරසල හිසෙත් වදමල් ඔටුන්නක්‌ පළඳවලා. ඔහු ගියේ හරිම අපහසුවෙන්. ඔහු දැඩි ලෙස වේදනාවෙන් පෙළෙන බව දකින ඕන කෙනකුට තේරුම් ගන්න පුළුවන්. නස්‌රුදීන් කල්පනා කළේ මේ අසරණයා එකපාරටම මරණයට පත් නොකර ඇයි මේ විදියට වද දෙන්නෙ කියල.

වධක ස්‌ථානයේදී කීපදෙනෙක්‌ම දේශනා පැවැත්තුවා. හැමදෙනාම පාහේ පව්කාරයට ගල් ගහන්නත් අත හෝදගන්නත් පසුබට වුණේa නැහැ. ඒත් දේශකයෙක්‌ ලෙසට ප්‍රසිද්ධ නස්‌රුදීන් කළේ ඝාතනය ගැන විග්‍රහයක්‌ ඉදිරිපත් කිරීම පමණයි.

මිනී මැරීමේ ක්‍රම කීපයක්‌ම තියෙනවා.

1. ක්‍ෂණික කෝපය නිසා

2. ආත්මාරක්‍ෂාවට කියල බයටම කරන ඒවා

3. කුමන්ත්‍රණය කරල කරන ඒවා

4. උසාවියක්‌ මගින් නඩු අහල


මේ කොයි ක්‍රමයට කළත් ඒකත් ඝාතනයක්‌.

"එතකොට ඔය හතරෙන් වඩාත්ම භයානක එහෙම නැත්නම් වැඩිදෙනෙක්‌ම ප්‍රාණගාත පාපය සිදු කරගන්න ක්‍රමය මොකක්‌ද?" කෙනෙක්‌ ඇහුවා. "නඩු අහල මරණ එක." නස්‌රුදීන් උත්තර දුන්නා.
​

 

[wikum001]

 

[vidura99]

මේ සිද්ධිය වුණේ නස්‌රුදීන් ගුරුවරයෙක්‌ වෙලා සිටිය කාලේ. නස්‌රුදීන් සිසු දරුවන්ට උගන්වමින් ඉන්නකොට ඔහුගේ ඉගැන්වීමේ කටයුතු පරීක්‍ෂා කරන්න පාසල් පරීක්‍ෂකවරිය ඒ පංතියට ආවා.

ඇය පංතියට එනවිට මුළු පංතියම සුවඳින් පිරීගියා. වෙන කිසිවකින් නොවේ, ඇය ඇඟේ උලාගෙන හිටිය සුවඳ විලවුන්වලින්. ඇය දිහා බැලුවාම පංතියම අන්දමන්ද වෙලා ගියා. අවශ්‍ය ප්‍රමාණයට වඩා කර පළල අත් රහිත හැට්‌ටය. ඉනට බොහෝ පහළින් දවටා ගෙන ඒ කාලයේ ඔබේ තීරය යෑයි කියූ පෙදෙස මනාව එළි දැක්‌වූ සාරි විලාසිතාව. ඉදුණුq තක්‌කාලි වැනි දෙතොල, ස්‌වභාවික ඇහිබැම උදුරා දමා කෘත්‍රිම සායමකින් ලාලිත්‍යය වෑහෙන සේ ඇඳ තිබූ ඇහි බැම් රේඛාව, අප්‍රිකානු ගෝත්‍රික කාන්තාවන් සිහිපත් කරන වර්ණ ගැනවූ නිය මේ වැනි විසූක දස්‌සන නිසා ඇය පෙනුනේ පාසල් පරීක්‍ෂකවරියකට වඩා නිරූපිකාවන් දස දෙනකු එකතුකරල හදපු අමුතුම නිරූපිකාවක්‌ වගෙ.

මේ විගඩම දැකල නස්‌රුදීන්ට හරිම හිතට අමාරුයි. ඔහු සිසුන්ට ඉගැන්නුවෙත් ලාලිත්‍යයෙන් පිරි ලස්‌සන ලගන්නා ලතාවකට. හැම වදනෙම ශෘංගාරය පිරිල තිබුණා. ඒත් නස්‌රුදීන් දැනගෙන හිටියා ළමයි මත්වෙලා ඉන්නෙ තමන්ගේ වචන හරඹය නිසා නොව පරීක්‍ෂකවරියගේ ප්‍රදර්ශනය නිසා කියල.

පරීක්‍ෂකවරිය පාඩම අවසානයේ ළමයින්ගෙන් ප්‍රශ්න අහන්න ගත්තා. ඒත් ඒ ප්‍රශ්වලට ළමයින්ගෙන් නිසි පිළිතුරු ලැබුණේ නැහැ. ඒ මදිවාට නස්‌රුදීන් ඉඟි මගින් ළමයිනට උගන්වලත් තිබුණ නිසි පිළිතුරු නොදෙන ලෙසට. තමා ආ කාර්යය සඵල වුණා කියල පස්‌වනක්‌ ප්‍රීතියෙන් පිනා ගිය පරීක්‍ෂකවරිය නස්‌රුදීන්ගේ ඉගැන්වීම අසාර්ථකයි කියල වහාම නිදහසට කරුණු ලි�තව ලබා දෙන ලෙසට ඉල්ලා සිටියා. නස්‌රුදීන්ගෙ පිළිතුර මෙවැනි ලි�ත සටහනක්‌ වුණා.

ශිෂ්‍යයන් තම ශිෂ්‍ය ජීවිතයේදී ලබාගත් අධ්‍යාපනයේ ප්‍රතිඵලයක්‌ ලෙස ලැබෙන රැකියාවෙන් ධනයෙන් ලබාගත යුතු රන් රුවන් මුතු මැණික්‌. දුහුල් සළු, සුවඳ විලවුන්, අනුරාගි බැලුම්, කාමය අවුස්‌සන නාරි දසුන් ශිෂ්‍ය ජීවිතයේදීම ලැබේ නම් ඔවුන් ශිල්ප ශාස්‌ත්‍ර කෙරේ යොමුවෙතැයි යන්න මට නම් සිතාගත නොහැකිය.​

 

[vidura99]

අලුත් පැෂන් එකක්‌ බෝවෙලා රට පුරාම වේගයෙන් පැතිර යනවා. ඒක තමා ගෙවල්වල තියෙන පාරම්පරික ගෘහ භාණ්‌ඩ පැත්තකට විසි කරල නවීන පන්නයේ ගෘහ භාණ්‌ඩ ගෙනත් නවීන පන්නයටම තැබීම. නස්‌රුදීන්ටත් මේ අමුතු වසංගතයෙන් බේරෙන්න බැරි වුණා. එයාගෙ බිරියගේ කීම මත නස්‌රුදීනුත් ගෙදර තිබුණ පැරැණි ගෘහ භාණ්‌ඩ කාමරයකට දමල අලුත් අලුත් නව පන්නයේ ඒව ගෙදරට ගෙනාව.

මේක ආරංචි වුණා විතරයි ගමේ හිටිය නෑදෑයොයි යාළුවොයි අසල්වැසියොයි නස්‌රුදීන්ගේ ගෙදරට එන්න ගත්තා. ඊළඟට බඩු ගැනයි බඩු තියෙන තැන් ගැනයි තම තමන්ගේ විවේචන විග්‍රහ ඉදිරිපත් කරන්න ගත්තා. නස්‌රුදීන්ට මේව අහල හිසේ රදේ හැදුනත් ඔහු බොහොම අමාරුවෙන් කටපියාගෙන හිටියා.

අල්ලපු ගෙදර හාදය කමුර් ආවා. "හා නස්‌රුදීන් නානා. අලුත් බඩු ගෙනැල්ලා වගෙ අනේ හො¹. ඒ වුණාට මේව තිsයල තියෙන ක්‍රමේ නම් හරි නැහැ. මේ පුටු සෙට්‌ එක නම් මෙතැනට කොහොමත්ම ගැලපෙන්නෙ නැහැ" එහෙම කීවේ නවුෆර්.

"මේ අල්මාරියෙ කැටයම් පේන්නෙ නැහැනෙ ඔය තියල තියෙන විදියට" ඒ ෆවුසිගෙ අදහස.

අලුත් ඩබල් ඇඳ නම් හරියන්නෙම තමන්ගෙ කාමරයට බව නස්‌රුදීන්ගෙ අලුත් බිරියගෙ අදහස වුණා. ඒක මොනම ක්‍රමයටවත් ඒ කාමරයට නොගැලපෙන බව කීවෙ නස්‌රුදීන්ගෙ පරණ බිරිඳ උම්මා. කණ්‌නාඩි මේසෙ තියන්න ඕනෙ එන එන අයට පෙනෙන ලෙසටනේ කණ්‌නාඩියෙන් තමන්ගෙ රූප සොබාව නරඹන ගමන් එහෙම කීවේ නස්‌රුදීන් සමග බලෙන්ම කතාවට එල්ලෙන ෆරීනා.

දැන් බැලුවාම එක බඩුවට අදහස්‌ 10-12 ගානෙ තියෙනවා. කොහොම වුණත් නස්‌රුදීන් පොරොන්දු වුණා අදහස්‌ දුන් කවුරුත් සතුටු වෙන ආකාරයට බඩු ටික තියන්න. ඔන්න පසුවදාත් කට්‌ටිය එන්න ගත්තා. බඩු තබා තිබූ ආකාරය බලල නොමසුරුව තවත් උපදෙස්‌ මාලාවක්‌ වුවත් දෙන්න බලාගෙන. ගෙදර කිසිම කාමරයක කිසිම බඩුවක්‌ නැහැ. නිකම්ම හිස්‌ කාමර. කට්‌ටිය එකවරම වගේ ප්‍රශ්න කළා කෝ මේ ගෙදර තිබූ බඩු ටික. එකක්‌වත් පේන්න නැහැනේ. මොකද කළේ.

ඉදිරියට ආව නස්‌රුදින් ඒ බඩු තියන්න මේ ගෙදර තැනක්‌ නැහැනෙ. කොතන තිබ්බත් වැරැදිනේ. මම ඒව ඔක්‌කොම දර මඩුවෙ අඩුක්‌ කළා.​

 

[laknath123]

ela.ela...............................yamu..yamu.......................digatama..................

 

[RAT 16F88]

miyamai elakiri keep up machang niyamai