බුදු සිරිත හා බුදුදහම විකෘති කිරීම !

Chinthaka_tc

Member
Jul 17, 2010
4,512
516
0
31
සෙoකඩගල පුරවරය
බුදු සිරිත හා බුදුදහම විකෘති කිරීම !



බුදු සිරිත හා බුදුදහම විකෘති කිරීම!








sanga.jpg


ආචාර්ය වෙලේගම්මැද්දේ
ශ්‍රී විමලජෝති නාහිමි

ජීවිතය ජයගනිමු යන පොතින් නොවියත් හුදී ජනතාවගේත් අනාගත රට භාරව සිටින දරුවන්ගේ බුදුදහම පිළිබඳව ඉතාම සංවේග ජනක අදහස්‌ පළකරමින් කටයුතු කිරීම පිළිබඳව සියලු දෙනා වෙනුවෙන් තම අදහස්‌ පළකරන්නේ හිටපු විදුහල්පති හා පරිවෙණාධිපති වූත් කොළඹ නව කෝරළේ හා නව තොටමුණ ප්‍රධාන සංඝනායක වූත් කොළඹ 10, වැලිවිට ශ්‍රී සරණංකර සංඝරාජ විහාරාධිපති වූත් ත්‍රිපිටකාචාර්ය දර්ශන විශාරද රාජකීය පණ්‌ඩිත ආචාර්ය වෙලේගම්මැද්දේ ශ්‍රී විමලජෝති නාහිමිපාණන්ය. බී. ඒ. ගෞරව - එම්. ඒ. එම්. පිල්. පී. එච්. ඩී. උපාධිධාරී නාහිමිනමකි.

ශ්‍රී ලංකාව තෙවරක්‌ම බුදුන් වහන්සේ වැඩම කළ රට පමණක්‌ නොව නිර්මල බුqදුදහම සුරක්‍ෂිතව තිබෙන රට ලෙස ද ප්‍රසිද්ධය. එහෙත් ශ්‍රී ලංකාවේ ඒ උතුම් බුදු දහමට නිගා කරන විවිධ බලවේග අදටත් ක්‍රියාත්මක වේ. පසුගිය දිනක අහම්බයකින් මෙන් අපට එක්‌ පොතක්‌ කියෑවීමට ලැබුණි. පොත නම් කර තිබුණේ "ජීවිතය ජය ගනිමු" යනුවෙනි. බැලූ බැල්මට බෞද්ධ කරුණු අඩංගු ග්‍රන්ථයක්‌ සේ පෙණුනත් එය බෞද්ධ ධර්මයට නිර්දය හා අසත්‍ය විවේචන එල්ල කිරීමට ගත් වෑයමක්‌ සේ පෙනේ.

බුදුන් වහන්සේ තරම් පුද්ගල මනස විග්‍රහ කළ දාර්ශනිකයෙක්‌ නොවූ තරම්ය. සිත, කය, වචන යන තුන් දොර පාලනය යහපත් සමාජ පුරවැසියකුගේ මූලික ලක්‍ෂණ බව බුදුන්වහන්සේ පෙන්වා දුන් සේක. එහෙත් නූතන සමාජය තුළ මෙම බෞද්ධ සාරධර්ම පමණක්‌ නොව බෞද්ධ සංස්‌කෘතිය ද විකෘති කරන පොත් පළවීම පිළිබඳව රාජ්‍ය හෝ අදාළ බලධාරීහු අවධානය යොමුකරති යි කිව හැකිද?

බෞද්ධ සමාජයේ ගිහියන් සඳහා අනුමත පන්සිල් පිළිබඳව මෙම ජීවිතය ජය ගැනීමට උපදෙස්‌ දෙන ග්‍රන්ථයේ සාහසික විකෘතීන් දැක්‌වේ. විශේෂයෙන්ම ගණිකා වෘත්තිය කිසිම විටෙක බෞද්ධ ඉගැන්වීම් සමඟ එකඟ නැත. බෞද්ධ සාහිත්‍යයේ එන සිරිමා නමැති අබිසරුලිය පිළිබඳ පුවත එයට එක්‌ නිදසුනක්‌ පමණි. සිරිමා නමැති අබිසරු ලියගේ පහස පතා පැමිණි පිරිස බොහෝ වූහ. එහෙත් ඇය මියගිය පසු ඇගේ මළ සිරුර වෙන්දේසි කිරීමේ සිද්ධිය අපට පෙන්වා දෙන්නේ එබඳු කාන්තාවන් සොයා යැමේ විනාශයයි. එසේ නම් ගණිකා වෘත්තිය බෞද්ධ ඉගැන්වීම්වලට එකඟ වන්නේ කෙසේද?

බුදු සමය හා හින්දු සමය අතර තිබෙන බරපතළ වෙනස්‌කම් අපි දනිමු. ධර්ම, අර්ථ, කාම, මෝක්‍ෂ යන සංකල්ප පිළිබඳව වුවද බෞද්ධ ආකල්ප වෙනස්‌ය. "කාම" යන්න කිසි විටෙක බුදුන් වහන්සේ අනුමත කළ දෙයක්‌ ද නොවේ. කාමභෝගී ජීවිතය නොමැනවැයි ගිහියන්ට අවවාද කළත් එහි යහපත් සීමා එදාත් අනුමත විය. එහෙත් ගණිකා සේවනය කාම මිථ්‍යාචාරයකි. බුද්ධකාලීනව ගණිකාවෝ සිටියහ. ඇතැම් ගණිකාවෝ සසර කලකිරීමෙන් බුදුසසුනට ද එක්‌වූහ.

මෙම ජීවිතය ජය ගනිමු කෘතිය බොදු වෙස්‌ ගැන්වූ බොදු මගට එරෙහි කරුණු වලින්ම පිරී තිබේ. බෞද්ධ පිළිවෙතට අදාළ ආමිස පිළිවෙතට මෙහි දැඩි ප්‍රහාරයක්‌ එල්ල කරයි. බෞද්ධයා බෞද්ධ මාර්ගයෙන් ඈත් කිරීම එහි අරමුණ බව පෙනේ. බෝසත් සිරිත මෙහිදී උපහාසයට ලක්‌ වේ.

ජාතක කතා බුදුදහමට විරුද්ධ බව ද මෙහි දැක්‌වේ. පන්සිල් හා පිරිත් ඇසීම ද නිෂ්ඵල බව කියා තිබේ. එසේම බුදුසිරිතේ විවිධ අවස්‌ථා කල්පිත ඒවා ලෙස ද දැක්‌වේ. බුදු සිරිතේ එන දේවල් වැරදි බව ද එම පොතේ සඳහන් වේ. ජාතක කතා යනු සිංහල බෞද්ධයන් විසින් ඉතා ගෞරවයෙන් සිහිපත් කෙරුණු පරමාදර්ශී කතා සංග්‍රහයකි. බුදුන්ගේ පූර්ව ජන්ම තොරතුරු සමඟ බැඳුණු ඒ කතා බෞද්ධ සමාජය හැඩගැස්‌වීමට මහත් අනුබලයක්‌ විය.

මෙම පොත ඒ සියලු දේවල් ප්‍රතික්‍ෂෙප කරන්නේ දුෂ්ට ෙච්තනාවකිනි. ඒ බෞද්ධ මනස අවුල් කිරීමටය. බුදුන්ගේ දෙතිස්‌ මහා පුරුෂ ලක්‍ෂණ බුද්ධත්වයට පැමිණි ගතකළ සත් සතිය වැනි දේවල් ද මෙහි සැකයට භාජන කර තිබීම නිදසුන්ය. සිදුහත් කුමාර උපත අසිරිමත් සිදුවීමක්‌ බව බෞද්ධයෝ පිළිගනිති. ලෝකයේ ආශ්චර්ය දේවල් අතර බුදුවරයකුගේ පහළවීම උතුම් දෙයක්‌ බව බෞද්ධ අදහසය.

බෞද්ධ පදනම බිඳ දැමීමට මෙබඳු පොතකින් ඉඩ නැති බව නිසැකය. එහෙත් අලඡ්ජී ලෙස එබඳු මතවාද ඉදිරිපත් කිරීම අප විමසීමෙන් තේරුම් ගත යුතුය. බුදුන්වහන්සේ ජීවත් වූ දඹදිව සමාජය තුළ ද විවිධ දෘෂ්ටිවාද ඇදහිලි බහුලව තිබුණි. ෂඩ් ශාස්‌තෘවරු ජනතා අවධානය දිනාගත් පිරිසක්‌ ලෙස ප්‍රසිද්ධව සිටියහ. නිගණ්‌ඨනාථ පුත්‍ර වැනි අය එකල පාලකයන්ගේ අවධානයට පවා යොමුවී සිටි බව නොරහසකි. එහෙත් ඒ කිසිවකුට බුදුන් වහන්සේට හෝ බුදුදහමට අභියෝග කළ නොහැකි විය.

බුදුහු මානව නිදහස මෙන්ම චින්තන නිදහස ද ගරු කළහ. කාලාම සූත්‍රය එයට නිදසුන්ය. යමක්‌ විමසා බලා පිළිගන්න යනු එයින් උගන්වයි. බුද්ධිය සමඟ ගැලපෙන දර්ශනයක්‌ ලෙස අද බෞද්ධ දර්ශනය ජාත්‍යන්තරව ද ගෞරවයට පාත්‍ර වී තිබේ. එහි වූ විදුහුරු බවම එයට හේතු වේ. මානව සංහතිය පිළිබඳ පමණක්‌ නොව ලෝක ස්‌වභාවය ද අතැඹුලක්‌ සේ විග්‍රහ කළ දාර්ශනිකයා බුදුන් වහන්සේය. සරල, චාම් ජීවිතය මෙන්ම තෘෂ්ණාව දුරලීම අර්ථවත් ජීවිතයකට වුවමනා ශක්‌තිමත් පදනමක්‌ බව අද බටහිර සමාජය පවා පිළිගෙන තිබේ. බුදුන්ගේ දේශය ලෙස ඉන්දියාව මෙන්ම ශ්‍රී ලංකාව ද ඔවුහු පිළිගනිති. එය කිසිදු ප්‍රචාරයකින් හෝ මෙහෙයුමකින් ලැබුණු දෙයක්‌ නොව බුදුන් වහන්සේ හා බෞද්ධ දර්ශනය පිළිබඳ ලැබුණු අවබෝධය නිසා සිදුවන දේවල්ය.

ශ්‍රී ලංකාවේ තිබෙන ථෙරවාදී බුqදුදහම වෙනස්‌ කර ගැනීමට වුවමනා පිරිස්‌ ද සිටිති. ජපානය වැනි රටවලින් ලැබෙන ප්‍රතිලාභවලට ගිජු වූ භික්‍ෂූන් වහන්සේලා ද සිටිති. එහෙත් මේ රටේ මුල්බැසගෙන තිබෙන ථෙරවාදී සම්ප්‍රදාය සුරැකීම අපගේ වගකීම හා යුතුකම බව ද කිව යුතුය. 2600 බුද්ධ ජයන්තිය අනුස්‌මරණය කිරීමටත් එමගින් බෞද්ධ ප්‍රබෝධයක්‌ ඇති කිරීමටත් කටයුතු යෙදෙන මෙබඳු වකවානුවක අශාස්‌ත්‍රීය හා අසත්‍ය කරණු බුද්ධ භාෂිතය හෝ බුදුන් වහන්සේගේ දර්ශනය ලෙස හෝ පොත්පත් හෝ ලිපි ලේඛන මගින් ජනතාවට ලබාදීම ඉතා දුෂ්ට ව්‍යාපාරයකි. රජය මේ ගැන විශේෂයෙන් සලකා බැලිය යුතුය.

මෙම මිථ්‍යා ප්‍රබන්ධයෙහි අපගේ මහාවංශ, දීපවංශ වැනි ග්‍රන්ථ ද අසත්‍ය බව දක්‌වා තිබේ. බෞද්ධ සදාචාර පදනම වනසා දමා සමාජය වල්මත් කිරීමට මෙම ග්‍රන්ථය හේතුවන බව ද කිව යුතුය. බුදුන් වහන්සේට නිගාදීම මෙන්ම බුදු සිරිත විකෘති කිරීමෙන් කෙනෙකුට ලැබෙන සතුට කුමක්‌ද? එහෙත් අධම මානසිකත්වයකින් පෙළෙන ඇතැම් අය අදත් ඒ දුෂ්ට ව්‍යාපාරවලට අනුබල, අනුග්‍රහ දක්‌වති.

 

kellsupun

Member
Feb 12, 2010
71,877
3,834
0
Disce aut Discede
ඇත්ත කතාව දැන් ආගම් විකෘති කරන්න ගොඩක් අය මාන බලනවා ගොඩක් වටිනවා මේ පෝස්ට් එක
 

dimu999

Member
Dec 9, 2010
1,631
122
0
somewhere in this earth.
අපේ බුද්ඩාගම ...ආගමක් නෙවෙයි...
එක දර්ශනයක්.... අගම් තමා අදන්නේ....නමුත් දර්ශනය පිලිපෑදීය යුතු දෙයක්....
අපේ බුද්ඩාගම විකුර්ටති කරන්න අන්යාගමියෝ ට්ර්යි කරන්නනේ...අපෙ ආගම හරිම විද්යාත්මක.... ප්රායොගික ආගමක් නිසා.... මොකාද ?? එයලට බයයි.... එයලගෙ ආගම නෑති වෙයි කියල...
 

Destiny Found

Member
Feb 17, 2011
729
123
0
අපේ බුද්ඩාගම ...ආගමක් නෙවෙයි...
එක දර්ශනයක්.... අගම් තමා අදන්නේ....නමුත් දර්ශනය පිලිපෑදීය යුතු දෙයක්....
අපේ බුද්ඩාගම විකුර්ටති කරන්න අන්යාගමියෝ ට්ර්යි කරන්නනේ...අපෙ ආගම හරිම විද්යාත්මක.... ප්රායොගික ආගමක් නිසා.... මොකාද ?? එයලට බයයි.... එයලගෙ ආගම නෑති වෙයි කියල...

බහු වචනයෙන් කතා කරන්න එපා. එහෙම කරන අයත් ඇති. හැමෝම එහෙම නැහැ. කසිප්පු බොන බෞද්ධයෙක් දැකල මම කිව්වොත් අපෝ බෞද්ධයො කියන උන හැමෝම එහෙමය් උන්ගෙ වැඩේම කසිප්පු බොන එක කියල, ඒක සාධාරනද? ඒක නිසා එක්කෙනෙක් කරන වැරදි වලට හැම අන්‍යාගමිකයටම අපහස කරන්න එපා
 
Last edited:

laknath123

Well-known member
  • Jun 23, 2007
    18,574
    2,870
    113
    click here
    අපේ බුද්ඩාගම ...ආගමක් නෙවෙයි...
    එක දර්ශනයක්.... අගම් තමා අදන්නේ....නමුත් දර්ශනය පිලිපෑදීය යුතු දෙයක්....
    අපේ බුද්ඩාගම විකුර්ටති කරන්න අන්යාගමියෝ ට්ර්යි කරන්නනේ...අපෙ ආගම හරිම විද්යාත්මක.... ප්රායොගික ආගමක් නිසා.... මොකාද ?? එයලට බයයි.... එයලගෙ ආගම නෑති වෙයි කියල...

    me basawa mokakda ban...:P:P
     

    hansa1018

    Member
    Sep 9, 2008
    15,294
    1,667
    0
    Colombo
    දැං කොහොමත් යන්නේ ඔය පොත තමා........
    තමං අති බෞද්ධ පාට් දාගෙන එන්නේ බුදධ ධර්මය විකෘත්ති කරන්න.....
    ඒ වගේම තවත් කට්ටියක් ඉන්නවා අවාවාද අනුශානසනා දේන්නේ අනුන්ව පහත් කරලා......
    හෙලා දැකලා.........
    මේ කාටත් කියන්න තියෙන්නේ මෙච්චරයි.............
    ධර්මය විකෘත්ති කරලා අනන්තර්ය පාප කර්මයට කර ගහන්න එපා..........
    බුදුරජානන් වහන්සේ හිටියනං ඔය ඔක්කොටම අනුකම්පා කරල යහමගට ගනිවී........
     

    laknath123

    Well-known member
  • Jun 23, 2007
    18,574
    2,870
    113
    click here
    ඇත්ත කතාව දැන් ආගම් විකෘති කරන්න ගොඩක් අය මාන බලනවා ගොඩක් වටිනවා මේ පෝස්ට් එක

    aniwa machan..aluth aluth artakatana denna maara try eka....
     

    laknath123

    Well-known member
  • Jun 23, 2007
    18,574
    2,870
    113
    click here
    දැං කොහොමත් යන්නේ ඔය පොත තමා........
    තමං අති බෞද්ධ පාට් දාගෙන එන්නේ බුදධ ධර්මය විකෘත්ති කරන්න.....
    ඒ වගේම තවත් කට්ටියක් ඉන්නවා අවාවාද අනුශානසනා දේන්නේ අනුන්ව පහත් කරලා......
    හෙලා දැකලා.........
    මේ කාටත් කියන්න තියෙන්නේ මෙච්චරයි.............
    ධර්මය විකෘත්ති කරලා අනන්තර්ය පාප කර්මයට කර ගහන්න එපා..........
    බුදුරජානන් වහන්සේ හිටියනං ඔය ඔක්කොටම අනුකම්පා කරල යහමගට ගනිවී........

    EK eketh oyawage Threads demmane kastiyak......:P