නෙලුම් කුමාරි;14818163 said:
චෝදනාව ඇත්තේ අවශ්යතාවයට කිරි බිමට හදාගන්නා වැස්සී කිරි බිමෙන් පසුව කර පින්නාගෙන යන යන තැන රැගෙන යාමයි
අලුත් අවුරුද්ද සැමරීම මිත්යා දෘෂ්ඨියක්ද ?
April 9, 2013 at 12:01 am | lanka C news
අපගේ කුඩා අවදියේ සෑම වසරකම පාහේ විචිත්රවත්ම කාලය වූයේ අලුත් අවුරුදු කාලයයි. පොඩි උන් ලෙස එකල අප අත් විඳි ඒ ආශ්චර්යය අදටත් මනසට නගා ගත හැකිය. ඒ අතීත සැමරුම් ඔස්සේ යද්දී සිතට නැගෙනා රූප වචනයෙන් ලියා තැබීම අසීරු මුත් එය සරලව මෙලෙස සටහන් කල හැක.ඔන්චිල්ලා, මකුණු දැල් කඩා පිරිසිදු කල ගෙදර , හොඳින් ඇමදූ ගේ දොර හා මිදුල ,කුස්සියේ බංකුවක වාඩි වී කැවුම් බදින අම්මා , කැවුමක් ලබා ගැනීමට ඒ අසල ගැවසෙන අපි,නැකතට අපටත් අම්මාටත් කවන අපේ තත්තා ,බුලත් දී දෙමාපියන් නමදින දරුවන්,උදේම අඟුරු කැබැලි පිච්ච මල් කිහිපයක් සමග කාසියක් ලිඳට දමා ලිඳ අලේ කරන අම්මා,සියලු දෙනා අලුත් ඇඳුමි,අහල පහල ගෙවල් දොරවල් වලට හුවමාරු වන කෑම පිඟන්. සියල්ල අතරතුර පසුබිමින් ඇසෙන කොවුල් නාදය. කොතරම් මනස්කාන්ත කාලයක්ද ඒ?
පොඩි උන් ලෙස එකල මේ අත්දැකීම් ඔස්සේ අප ලද වින්දන ශක්තිය දැන් මොට වී ඇතුවාට සැක නැත.නමුත් මේ භාග්යය අප විසින් අපගේ දරුවන්ට උරුම කර දීමට අප අත්යන්තයෙන් බැඳි සිටිමු.
අද ඇතැම් විචිත්රවත් ධර්ම කතිකයන් වහන්සේ නමක් අළුත් අවුරුදු චාරිත්ර පිළිකෙව් කරමින් තම ශ්රාවක සමාජයට ඒවා අත් හරින්නට පොළඹවමින් සිටින අයුරු පෙනේ.ඒවා මිත්යා දුෂ්ඨිය වර්ධනය වන ක්රියාමාර්ග ලෙස තම ශ්රාවකයන්ට දේශනා කරයි.ඒවා අසන බොහෝ ශ්රාවකයන්ද අවුරුද්ද මිත්යා දුෂ්ඨියකැයි කියා අලුත් අවුරුදු චාරිත්ර නොසලකා හරී. (නමුත් අලුත් ඇඳුම් මිලදී ගැනීම නම් අත් හොහරී )මේ ලිපියේ අරමුණ මේ සෞත්රාන්ත්රික අනුගාමිකයන් විවේචනය කිරීම නොව අලුත් අවුරුද්ද මිත්යා දුෂ්ටිය මත පදනම්ව ඇත්දැයි විමසා බැලීමයි.
එසේ නම් අප පළමුව විමසා බැලිය යුත්තේ මිත්යා දෘෂ්ඨි යනු මොනවාද යන්නයි.රාග,ද්වේශ ,මෝහ මූලික කර ගැනෙන එය වර්ධනය කරන යම් දෘෂ්ඨියක් වේද එය මිත්යාදෘෂ්ඨියක් යැයි තේරුම් ගැනීම සරලව නිවරදි යැයි සිතමු.රාග ද්වේශ මෝහ ප්රහීන කෙරෙන යම් දෘෂ්ඨියක් වේද එය සම්මා දෘෂ්ඨියයි.යමෙකු සම්මා දෘෂ්ඨියට පැමිණීමට නම් බුදු රදුන්ගේ ධර්මය අසා ඒ මග යාමට අදිටන් කර ගත්තකු විය යුතුය.සම්මා දුෂ්ඨියේද අවධීන් කිහිපයක් වෙයි.පූර්ණ සම්මා දුෂ්ඨියට පැමිණෙන්නේ රහතුන් වහන්සේලාය.
කරුණු මෙසේ නම් ලෝහ, ද්වේශ ,මෝහ මූලික කරගත් ඕනෑම දුෂ්ඨියක් ,දර්ශනයක් මිත්යා දෘෂ්ඨියක් වේ.එසේ බැලූ කල අප පාසල් , විශ්ව විද්යාල , පශ්වාත් උපාධි ආයතනවල ඉගෙන ගන්නා බටහිරින් ආනයනය කල කිසිඳු දෘෂ්ඨියක් සම්මා දෘෂ්ඨියක් වේද?ඒ සියල්ලද නැකැත් සාශ්ත්රය තරම්ම (සමහර විට ඊටත් වඩා ) මිත්යා දුෂ්ඨීන්ය. (අපගේ පරමාර්ථය වන නිවන ගැන සිතද්දී නැකැත් සාශ්ත්ර ,තාර්කා සාශ්ත්ර ආදිය බටහිර විද්යාව තරම් නීවරණ සංකල්ප නොවේ.එය සරලව පැදැදිලි කරන්නේ නම් ගෙම්බන් මීයන් ආදිය කපා නිර්මාණය කරන බටහිර වෛද්ය විද්යාව තරම් අවිහිංසාව මත පදනම් වන සිංහල වෙදකම අපගේ පරමාර්ථය වන නිවනට බාධකයක් නොවේ. නැකැත් සාශ්ත්රය- තාරකා සාශ්ත්රය අයත් වන්නේද මේ දෙවන ගනයටය.)
මේ සියල්ල අඩු වැඩි වශයෙන් නීවරණ දෘෂ්ටීන් යැයි කියා අප මේ සියල්ල ප්රතික්ෂේප කරන්නේද?ගිහි ගෙයි වසන අපට කල හැක්කේ ඒවා පරම සත්ය නොව සම්මුති ලෙස ගෙන – දැන හැකිතාක් ආධානාග්රාහී ලෙස ඒවායේ නොඇලී ඒවා අනුගමනය කිරීම පමණි.සම්මා දෘෂ්ඨිය වැඩී මාර්ගඵලලාභීන් වී එක් අවස්ථාවකදී ගිහි ගෙය හැරයාම සිදුවන්නේ මේ සියල්ලේ ඇති නිස්සාරබව සත්ය ලෙසම අවබෝධ වූ විටය.සංකල්පීයව මිත්යාදෘෂ්ඨීන් වන සියල්ලෙන් එක් දෙයක් හොඳ වී තවත් දෙයක් පමණක් අකැප වන්නේ එසේ සත්ය ලෙසම අවබෝධ නොකල ගත් විට පමණි .
නැකැත් සාශ්ත්රය මිත්යා දෘෂ්ඨියක් යැයි පතික්ශේප කරන්නේ නම් අප අපේ දරුවන්ට කියා දිය යුත්තේ නැකැත් සාශ්ත්රය පමනක් නොව් බටහිර විද්යව, ගණිතය,ආර්ථික විද්යාව සියල්ල ඉගෙන නොගන්න ලෙසයි,ඒවාට අනුකූලව නොහැසිරෙන ලෙසය.එසේ කල හැකි නම් අලුත් අවුරුද්ද නැකැත් සාශ්ත්රය මත පදනම් වී ඇතැයි කියා ප්රතික්ෂේප කල යුතුය යන තර්කය සමග අපද එකඟ වෙමු.
නමුත් එම අවබෝධයට පැමිනෙන තෙක්, ගිහි ගෙය වසන තෙක්, මේ සියලු විද්ය අවිද්යා බව වටහා ගනු මිස ඒවා අත්හැරීම කල නොහැකිය. සමාජීය සහජීවනයට අවැසි අත්යවශ්ය සලකුණක් ලෙස සිංහල අවුරුද්දද මෙන්ම ඒ හා බැඳුනු සිරිත් විරිත් ද අප අත් නොහළ යුත්තේ එබැවිනි.
යමෙකු මිත්යා දෘෂ්ඨීන් පිළිකෙව් කරනවා යැයි කියා සිංහල ජාතිය හා බැඳුනු යමක් වේද ඒවා පමණක් වෙන්ව ගෙන ඒවා මිත්යාදෘෂ්ඨීන් යැයි කියා තඩි බාමින් අනිත් බොහෝ මිත්ය්යා දෘෂ්ටීන් වල අසරණ අනුගාමිකයන් වීම අප වටහා ගත යුත්තේ කෙසේද?මේ සියලු අනුගාමිකයන් එසේ කරන්නේ සිංහල ජාතිය නැසීමේ එකම අරමුනෙන් යැයි අප චෝදනා නොකරමු.නමුත් අප මේ දෙස වඩා විචාරශීලීව බැලිය යුතුය.මිත්යා දුෂ්ඨීය වඩන ඉගැන්වීම් උගන්වන නිසා අප අපේ දරුවන් පාසල් නොයා සිටින්නේ නැත.එසේ නම් මේ සමහර ගුරුකුලවල ධර්ම කතිකයාණන්වහන්සේලා ඇතුලු බොහෝ දෙනා අපගේ බෞද්ධ දිවි පැවැත්ම හා සැබැඳුනු සංස්කෘතිකාංගවලට පමණක් තෝරාගෙන පහර දෙන්නේ, ප්රතික්ෂේප කරන්නේ ඇයි?මෙයින් කී දෙනෙක් උත්සව අවස්ථාවලදී ‘ලොකු’ හෝටල්යකට ගිය විට බුදුරදුන් ආහාර වැලඳූ ලෙස අතින් කෑම කෑමට ලැජ්ජා වේද?ඒ ලැජ්ජාව ඇති වන්නේ සම්මා දෘෂ්ඨිය නිසාද?මෙවා පරගැතිබව නැමති ඉතා අනර්ථ මිත්යාදෘෂ්ඨීන් නිසා ඇති වන ලැජ්ජාවන් නොවේද?
කොටින්ම අද සිංහලයන්ට සිංහලයන් ලෙස හැසිරීම ලැජ්ජ්ය.එය තේරුම් කල හැක්කේ සම්මා දෘෂ්ඨිය – මිත්යා දෘෂ්ඨිය වැනි ගැබුරු සංකල්ප වලින් නොව එහ හුදෙක් අධ්යාපනය සහ අනෙකුත් මාර්ගවලින් ලැබී ඇති නිවට කම නිසාම සිදුවන්නකි.
සිංහලයන් අවුරුදු සමරන්නේ කාලිංග මාඝ එය අප මත බලහත්කාරයෙන් පැටවූ පසුව බවටත් එය අප්රේල් 14 දෙමළ අවුරුද්ද සිංහලයන් මත බලෙන් පැටවූ එකක් බවටත් මේ සමහරුන් නගන පුහු තර්කවලට ඇති වටිනාකමේ සීමිතකම කොතෙක්ද යන්නට ශිරාන් දැරණියගල ආදී ඉතිහාසයන්ගේ කෘති සාක්ෂි දරයි. ලංකාවේ හැර දෙමළ ජනයා මෙතරම් ප්රචලිත ලෙස අවුරුදු සමරන්නේ වෙන කොහිද යන්න විචාරශීලීභාවය මඳක් වත් ඇත්නම් විමසා බැලිය යුතුය. (අනෙක් අතට අප්රේල් 14 දිනට සවි වූ අවුරුද්දක් කිසි දිනෙක මෙරට තිබී නැත, එය රොබර්ට් නොක්ස්ගේ කාලයේ තිබුනේ මේ කැලැන්ඩර වර්ෂයෙන් ගත් කල අප්රේල් මුලයි. අනාගතයේදී එය අප්රේල් 15 ටත් ඉන් පසු තවත් ඉදිරියටත් යනු ඇත. )
කරුණු මෙසේ තිබියදී සිරිත් විරිත් ගැන කතා කරනවා නම් මුලින්ම කතා කල යුත්තේ අපගේ හර පද්ධතිය හා නොගැලපෙන අපට ආගන්තුක පුහු ආටෝපවාදී සිරිත් විරිත් පිළිකෙව් කිරීම නොවේද?සාමූහිකත්වය, වැඩිහිටියන්ට උරු දෙගුරුන්ට ගරු කිරීම , හිත් අමනාපකම් අත් හැරීම ආදී අපගේ හර පද්ධතියට ගහට පොත්ත සේ සම්බන්ධ සංස්කෘතිකාංග සියල්ලට කලින් ප්රතික්ෂේප කිරීමෙන් අවසානයේ සිදුවන්නේ කුමක්ද?
සිංහල ජාතියත් බුද්ධාගමත් යනු ගහට පොත්ත මෙන් එකකට එකක් අත් හල නොහැකි දෙකකි. ගස නැතිව පොත්තටත් ,පොත්ත නැතිව ගසටත් පැවැත්මක් නොමැති බව අප වටහා ගත යුතුය.ජාතිය රැකෙන්නට නම් එහි මූලික හර පද්ධතීන් හා බැඳුනු සංස්කෘතිකාංග රැක ගත යුතුය. නැතිනම් ජාතිය අවජාතක වෙයි.එබැවින් කල යුත්තේ අප තුල පටවා ඇති අවජාතක සිරිත් විරිත් ඉවත් කර ජාතියේ ඉදිරි මගට අනුබලයක් වන අපේ උරුමය රැක ගැනීමය. අපි අලුත් අවුරුද්ද යහපත් ලෙස සමරමු….
- යුතුකමසංවාදකවය
actually these are not my words. I just share this. yeah i also agree with this articl... that's why i share this bro. thankyou!
දියරකුස් ඇයි උඹ මේවට උත්තර නොදෙන්නේ? ඉහත කරුණු මට හිතෙන පලියට හදාගත්තු දේවල් නෙමෙයි. ත්රිපිටකයේ තිබෙන කරුණු. උඹ ත්රිපිටකයේ තියන බ්රහ්මජාල සුත්රය සම්පුර්ණයෙන්ම වැරදි විදිහටයි අර්ථකථනය කරලා තියෙන්නේ. උඹ කියන විදිහටබුදු දහමේ ජෝතිෂ්යය, සාමුද්රිකා ශාස්ත්රය ප්රතික්ෂේප කරන්නේද? පිළිගන්නේද?
ඉහත ප්රශ්න දෙකටම පිළිතුර "නැත" යන්නයි.
ත්රිපිටකයේ දීඝ නිකායේ බ්රහ්ම ජාල සුත්රයේ මේ ශාස්ත්ර "පහත් ලාමක විද්යාවන්" ලෙස දක්වා තිබේද?
එයට පිළිතුර "ඔව්".
නමුත් ජෝතිෂ්ය, සාමුද්රිකා ශාස්ත්රය "පහත් ලාමක විද්යාවක්" ලෙස හඳුන්වා ඇතිවාක් මෙන් "(සැත්) කටු ආයුධ කටු ආදිය යොදා කරන වෙදකම, ශල්යකර්මය, දරු වෙදකම, බෙහෙත් මගින් කරන වෙදකම" ද මෙම සුත්රයේ පහත් ලාමක විද්යාවන් ලෙස අර්ථ දක්වා ඇත.
දැන් අප වටහා ගත යුතුයි ඇයි මේ සුත්රයේදී මේ ශාස්ත්රයන් "පහත් ලාමක විද්යාවන්" ලෙස හඳුන්වා තිබෙන්නේ? ඒ ප්රශ්නයට ගැලපෙන නිවැරදි පිළිතුරක් "බුද්ධ රශ්මි" කියන බ්ලොග් එකේ තිබිල මට හමුවුනා. ඉතින් ඒක මම මෙතන කෙලින්ම කොපි පේස්ට් කරනවා.
පහත් විද්යායනු මොනවාද?
විද්යාවන්, පහත් වන්නේ ඒ විද්යාවන්ගේ දෝශයක් නිසා නොවේ. පැවදි වන්නා පැවදි වනුයේ තමා පැවදි වීමේ අභිමතාර්ථය ඉටු කර ගැනිමට විනා ඉහතින් දක්වන ලද පරිදි විද්යාවන් දැක්විම සඳහා නොවේ. මෙම විද්යාවන් නිසා ඔහු පිරිමට යන බ්රහ්ම චර්යාවෙන් පහතට ඇද දමනා බැවින් හා ඔහු පිරිමට යන ජීවිකාවට අනුව එය වැරදි ජිවිකාවක් වන බැවින් එය පාදක වන විද්යාවද පහත් විද්යාවක් වන බව සැලකිය යුතුයි. පැවිද්දන් නොවන අය සමිබන්ධයෙන් මෙම ඉහතින් දක්වන ලද කරැණු අදාල නොවේ. ගිහිගෙය බ්රහ්ම චර්යාව පිරිමට නුසුදුසු ස්ථානයක් වි ඇත්තේ මෙම ඉහතින් සදහන් කල ක්රියාවන් මගින් මිනිසුන්ට ජීවිකාව පැවැත්විමට සිදුවිම නිසයි.
ඉතින් දැන් පැහැදිලියි නේද ඇයි මේ ශාස්ත්රයන් මේ සුත්රයට අනුව "පහත් ලාමක විද්යාවන්" ලෙස හදුන්වා තිබෙන්නේ කියල.
බුදු දහමේ ජෝතිෂ්යය, සාමුද්රිකා ශාස්ත්රය, යන්ත්ර මන්ත්ර පිළිනොගත්තා උනාට ත්රිපිටකයේ තිබෙන මම/ඔබ දන්නා කරුණු දෙකක් නිසා එම ශාස්ත්ර "ප්රතික්ෂේප නොකරන" බවට සාධක හමුවෙනවා.
1. ඇයි පිරිත් කියල "නක්කත්ථ යක්ඛ භුතානං පාපග්රහ නිවාරනන්" කියල ග්රහ දෝෂ නිවාරණය කිරීමට සෙත් පතන්නේ?
2. දිනක් ආනන්ද හාමුදුරුවන් පිඩුසිඟා වඩිද්දී මග අසල ළිඳක් දැක පැන් ටිකක් ලබා ගන්නට ඒ අසලට වැඩම කල සේක. එවෙලේ එහි සිටි රොඩී තරුණියක් ආනන්ද හාමුදුරුවන්ගේ අසමාන රූපකායට වශී වූවාය. ආනන්ද හාමුදුරුවන් නික්ම ගිය සැණින් තරුණිය මව සොයා දිව ගියාය. ඇගේ මව මන්ත්ර ගුරුකම් ශාස්ත්රයෙහි කෙළ පැමිණි තැනැත්තියකි. මව මුණගැසුණු තරුණිය කෙසේ හෝ තමාට ඒ භික්ෂුව ලබාගත යුතු යැයි ඇවිටිලි කළාය.
දුවගේ ඉල්ලීම සැලකූ මෙම මන්ත්ර කාරිය නිවස මිදුලේ බලගතු අටකොන් යන්ත්රයක් ඇඳ ඒමත ගිනි දල්වා සූරිය මල 108 ක් මතුරමින් ඒමත දැමුවාය. මන්ත්රය 108 වර ජප කරද්දී ආනන්ද හාමුදුරුවන්ගේ සිත වෙනස්වී නැවත පැමිණි බවත් ඒ දුටු මන්ත්ර කාරිය කාමරයක් සූදානම් කරන්නැයි දියණියට කී බවත් බෞද්ධ සාහිත්යයේ සඳහන් වේ.
සිදුවන්නට යන විනාශය දිවැසින් දුටු බුදුන් වහන්සේ මෙම නීචකුල බන්ධනය ඇතුළු සර්ව ලෝක බන්ධන බිඳීයනුවස් ජලනන්දන පිරිත දේශනා කළ බව කියැවේ.
ජලනන්දන පිරිතේ පාඨ කිහිපයක් පහත දැක්වේ..
*පාරමී තේ ජලං හෝතී සර්ව බන්ධන ඡේදනං
*..... සයනේ බන්ධන විධ්වංසනං....
*යන්ත්ර මන්ත්ර හරං කත්වා - විනාසං බුද්ධානු භාවතෝ
හැබැයි මේ ජෝතිෂ්ය වගේ ශාස්ත්ර පසු පස්සේ ඕනෑවට වඩා යාමෙන් එදිනෙදා වැඩකටයුතු අවුල් කර නොගත යුතු බවත් බුදුහාමුදුරුවන් දේශනා කළා..
නක්ඛත්තං පතිමානෙන්තං අත්ථො බාලං උපච්චගා අත්ථො අත්ථස්ස නක්ඛත්තං කිං කරිස්සන්ති තාරකා
අර්ථය:- නැකැත් බලමින් කළ යුත්ත පසු කරන්නා වූ මෝඩයා හට අර්ථය ඉක්ම යන්නේ ය. බලාපොරොත්තු වන අර්ථය සිදු වේ නම් එයම නැකත ය. අහසේ තරු කුමක් කෙරේද?
නෙලුම් කුමාරි;14817727 said:
