දිවයින පුරා ලාෆ් ගෑස් බෙදාහැරීමේ දැඩි හිඟයක් මතුව ඇති බවට වාර්තා වේ. සති කිහිපයක සිට ගෑස් සැපයුමක් නොලැබෙන බවට අලෙවිකරුවන් පවසන අතර, මේ හේතුවෙන් පාරිභෝගිකයන් දැඩි දුෂ්කරතාවලට මුහුණ දී සිටිති.
ලාෆ් ගෑස්, ශ්රී ලංකාවේ ද්රව පෙට්රෝලියම් ගෑස් (LPG) වෙළඳපොළේ ප්රධාන සැපයුම්කරුවෙකු වන අතර, වෙළඳපොළ කොටසින් සැලකිය යුතු ප්රතිශතයක් හිමි කර ගනී.
මෙරට LPG වෙළඳපොළේ ප්රධාන සමාගම් දෙක වන්නේ ලිට්රෝ ගෑස් ලංකා සමාගම සහ ලාෆ් ගෑස් සමාගමයි.
2024 දත්ත වලට අනුව, ලිට්රෝ ගෑස් සමාගම වෙළඳපොළෙන් 80%කට ආසන්න ප්රමාණයක් හිමි කරගෙන සිටින අතර, ලාෆ් ගෑස් සමාගම ඉතිරි 20%ක පමණ වෙළඳපොළ කොටසක් නියෝජනය කරයි.
මෙම හිඟය, ලාෆ් ගෑස් භාවිත කරන පාරිභෝගිකයින්ට සෘජුවම බලපා ඇත.
ගෑස් නොමැතිවීම හේතුවෙන් නිවෙස්වල දෛනික කටයුතු ඇණහිට ඇති බවත්, අවන්හල් සහ කුඩා පරිමාණ ව්යාපාර ද දැඩි අර්බුදයකට මුහුණ දී ඇති බවත් වාර්තා වේ.
මෙම හිඟයට හේතුව මෙතෙක් නිල වශයෙන් ප්රකාශයට පත් කර නොමැති වුවද, සැපයුම් දාමයේ ගැටලු, ආනයන සීමා කිරීම් හෝ සමාගම අභ්යන්තර ගැටලු ඊට හේතු විය හැකි බවට විවිධ පාර්ශව අනුමාන කරයි.
