උන්ට පිස්සු ද බං?
_____
‘‘ රතු තරුව ‘‘ ජංගම පුස්තකාලය ...
පුංචි පොත් රාක්කයක් ස්කූටියක බැඳගෙන,
සුකුමාර තරුණියක් ගම පුරා ඇවිදිනවා.
මං අහපි, ‘‘මක්කයි නංගි ඔය පෙට්ටියේ! චූන් පාන් ද ..? ‘‘ කියලා.
කෙල්ල හිනා වෙලා මට කියපි,
‘‘ අය්යේ, මේකෙ තියෙන්නෙ පොත් ‘‘ කියල.
‘‘මේ කොරෝනා අස්සේ ඕව මිනිස්සු සල්ලි දීල ගන්නවද නංගී? ‘‘
නෑ! විකුණන්න නෙවෙයි!මිනිස්සුන්ට කියවන්න, නොමිලයේ දෙන්න‘‘
‘‘ මේ වසංගත අස්සෙ ඕක අරං ගියාම නංගිට මොනවද ලැබෙන්නෙ .. ?‘‘
‘‘ අයියෙ, මට කිසි දෙයක් ලැබෙන්නෙ නෑ! හැබැයි මිනිසුන්ට ප්රඥාව ලැබෙනවා.අපි සතුටක් ලබනවා. එච්චරයි! ‘‘
පොත් කියෙව්වාම ප්රඥාව ලැබෙනවාලු!
මං ඇහුවා, ඔයිට නරකද සැමන්,පරිප්පු,සීනි,තේ කොළ ටිකක් බෙදුවානම් ...?
ඇත්තටම උන්ට පිස්සු ද බං?
