“හම්බන්තොට නැන්දම්මට දූලා තුන් දෙනයි
එකෙකුට මැහුම් පුළුවනි
එකෙකුට ගෙතුම් පුළුවනී
එකෙකුට ඉවුම් පුළුවනි
කොහොම වුණත් හොඳ
දීගෙක දෙන්න පුළුවනී
අරිවිල තිරිවිල තිරච්ච කොණ්ඩං
ඇල් හාලේ බත් පිරිමින්ටයි
ඇල්ල මැල්ල කොළ හඳ පානා කොළ
හීං පින්න ගැට ගෑනුන්ටයි...
තාක්ක තෙයි තෙයි - තාක්ක තෙයි තෙයි
තේක්ක මල් පිපිලා - අන්න බලන් සකි
මෙන්න බලන් සකි
පාරට අතු නැමිලා
අත්තක රතුමල් - අත්තක සුදුමල්
වලු මල් බෙලි මල් - නැන්දාගේ
වත්තේ හැදෙන කිතුල් මල්
තකදොං තරිකිට තකදොං තරිකිට
තකදොං තං තකදොං තං...
පොල් අත්තක් උඩ
පොල් කිච්චන් ඉඳ
කිචිං බිචිං බොල
කිචිං බිචිං...
මලින් මලේ රොන් ගන්නා
බමරු බමන්නා
රුලින් රුලේ මොනරුන් පිට පිල්
විහිඳින්නා
වලින් ගොසින් වලි කුකුලන්
පිල් විහිදන්නා
රබන් ගසන්නා අන්දම බලා සිටින්නා...
බුබුල් බුබුල් බණ්ඩක්කා
තුට්ටු දෙකට මං ගත්තා
තුට්ටු දෙකට මං අරගෙන
තුට්ටු දෙකට මං වික්කා
ඉඳන් පෙත්ත ඉඳ පර්වත
දෙකට කැපූ ළූනු පෙත්ත
කොණ්ඩ පරෙයියා තකදොං
කොණ්ඩ පරෙයියා...
