රටට සම්සම්බාධක පනවා හෝ අගමැති පුටුව ලබා ගැනීමට රනිල් සූදානමක…
රටට හෙටක් සංවිධානය විසින් නිකුත් කරන ලද මාධ්ය නිවේදනයක් මෙහි දැක්වෙයි.
සම්බාධක පනවා ජනතාව බඩ ගින්නේ තබා හෝ තම තනතුර ආපසු ලබා ගැනීමට රනිල් වික්රමසිංහ මහතා දරන උත්සාහය දැඩි පිළිකුලෙන් යුතුව හෙළා දකින බව රටට හෙටක් වැඩසටහනේ සංවිධායක සරත් කලුගමගේ මහතා පවසයි.
ඒ මහතා කියා සිටියේ රනිල් වික්රමසිංහ මහතා විශ්වාසය තබා සිටින්නේ ජනතාව කෙරෙහි නොව විදේශ රටවල් කෙරෙහි බවයි. පරගැති දේශපාලන නායකයකු බවට රනිල් වික්රමසිංහ මහතාට කලක් තිස්සේ එල්ල වෙමින් තිබෙන චෝදනාව මේ වන විට ඔහු විසින් ප්රත්යක්ෂ කොට ඇත.
දිනපතාම විදේශ තානාපතිවරුන් හමු වෙමින් මෙරටට ණය හෝ ආධාර ලබා නොදෙන ලෙසත් මෙරටට සම්බාධක පනවන ලෙසත් ඉල්ලා සිටීම ප්රභාකරන් පන්නයේ ත්රස්තවාදී ක්රියාවකි. රටේ ජනතාව බඩ ගින්නේ තබා එහි පීඩනය ආණ්ඩුවට එල්ල කොට ඒ හරහා අහිමි වූ අගමැති තනතුර යලි ඩැහැ ගැනීම ඔහුගේ එකම අරමුණ වී තිබේ. ඔහුට රටක් හෝ ජනතාවක් පිළිබඳව කිසිදු හැඟීමක් නැත. වේලුපිල්ලේ ප්රභාකරන් ද සිය ඉලක්ක ජය ගැනීම සඳහා මෙරට ආර්ථිකය දුර්වල කිරීමට විවිධ උපාය මාර්ග භාවිත කරනු යුද සමයේ අප විසින් අත් දක්නා ලදි. රනිල් වික්රමසිංහ මහතා ඇතුළු විපක්ෂ කණ්ඩායම් මේ මොහොතේ අනුගමනය කරමින් සිටින්නේ ද වේලුපිල්ලේ ප්රභාකරන් විසින් අනුගමනය කළ ආර්ථිකය දුර්වල කිරීමේ එම උපාය මාර්ගමය.
එක්සත් ජාතික පක්ෂය ආණ්ඩු කළ ගතවූ වසර තුනේදී කිසිදු අවස්ථාවක මහින්ද රාජපක්ෂ මහතා විදෙස් රටවල් පසුපස ගොස් ගතු කියා රටේ ආර්ථිකය දුර්වල කිරීමට උත්සාහ කළේ නැත. මහින්ද රාජපක්ෂ මහතා සෑම විටම සෑම රටකින් ම ඉල්ලා සිටියේ පවතින ආණ්ඩුව කුමක් වුවත් රටට ලබාදෙන ආධාර උපකාර නොඅඩුව ලබාදෙන ලෙස යි.
නමුත් රනිල් වික්රමසිංහ මහතා තමන්ට බලය ලබා ගැනීම සඳහා අවශ්ය ඕනෑම වේලාවක කොන්දේසි විරහිතව විදෙස් රටවලට කේලාම් කියන පුද්ගලයකු බවට පත්ව සිටී. ඔහු විසින් විදෙස් රටවලට කේලාම් කීම් පිළිබඳව පහුගිය කාලයේ විකිලීක්ස් වෙබ් අඩවිය විසින් ද හෙලිදරව් කර තිබෙනු අපට දැකගත හැකි විය.
තමන්ගේ තනතුර අහිමි වීම පිළිබඳ ප්රශ්නය රට තුළ විසඳා ගන්නා ලෙසත් ජනතාව බිල්ලට දී ජනතාව පලිහක් බවට පත් කරගෙන කෙසේ හෝ අගමැති පුටුවේ හිඳගැනීම ට දරන උත්සාහය දැඩි පිළිකුලෙන් යුතුව හෙළා දකින බවත් රටට හෙටක් සමාජ සත්කාරක වැඩසටනේ සංවිධායක සරත් කලුගමගේ මහතා වැඩිදුරටත් අවධාරණය කරයි.
සරත් කලුගමගේ
සංවිධායක
රටට හෙටක්
