ලාංකීය ජන සමාජයේ බොහොම හුරු පුරුදු නෑන මස්සිනා ආදර කථාවකට මුල පුරන්නයි හදන්නේ. (577 ඉල්ලීමක් දුටුව නිසා සහ කව්රුත් තවම ප්රතිචාර නැති නිසා. කුස පබාවතී ජාතක කථාවේ කථාවම තමයි මචන්)
එහෙනම් මුල් ලියුම්කරුවන්ගෙන් සහ එළකිරි වාසීන්ගෙන් අවසරයි.....
මේ සින්දුව බැලු බැල්මට නෑන මස්සිනා කතාවක් කියලා තේරෙනවා
ඒත් සුන්දර ආදර කතාවක් නෙමෙයි......
එහෙනම් මොකද්ද මේකේ ඇතුලේ තියෙන සිද්දිය ????
සුදු නැන්ද ඇයි මම එනවා දැකලා දොර වැහුවේ ?
කවදාවත් නැතුව මාමණ්ඩි මග ඇරලා ගියේ ඇයි ?
කෙල්ල ගෙයි ඉඳන් අඬනවා ඇහෙන්නේ ඇයි ??
සුදු නැන්දා ඇයි ගෙයි දොර වැහුවේ
මාමණ්ඩි මට ඇයි මගහැරියේ
හීන් හඬට ඉකිබිඳුම් ඇහෙන්නේ
හීන් නගා ඇයි ගෙයි මුල්ලේ.....
නෑන මස්සිනා ආදරය දළුලාගෙන එනවා...
මස්සිනා නගරෙට යනවා රැකියාවකට
ආදයමක් අතට අරගෙන නෑනව සහේට ගන්න හිතාගෙන.
නැන්ද මාම උනත් කැමැත්ත දීලයි තියෙන්නේ,
දැන් ගෙයක් දොරක් හදාගෙන මගුල ගන්නයි තියෙන්නේ.
හැමදාම නගරේ ඉඳන් ඇවිත් ඉස්සෙල්ලම කරන්නේ හීන් නගා බලන්න එන එක.
ඒ එනකොට මොනවම හරි අරන් එනවාමයි.
නැන්ද මාම මම එනකම් බලන් ඉන්නවා විස්තර දැනගන්න....
දුවගේ අනාගතේ ගැන කථාබහ කරගන්න
වෙනදා මම ආව කියල දැනගත්තම ගෙදරට එනකම් මිදුලේ කඩුල්ල ලඟට වෙලා බලාගෙන ඉන්න හීන් නගා.....
අද මොකද ගෙයි ඉඳන් අඬනවා ඇහෙන්නේ ?
ඇයි කඩුල්ල වහල දාල ?
ගෙදර ඉන්න හරකවත් ඇයි මගේ ගැන තැකීමක් කරන්නේ නැත්තේ....???
වෙනදා ඉඳිකඩ අද මට හරස් වෙලා
වයිරා දොරකඩ නොබලයි ඉව අල්ලා
රිදී පොටක් හංගාගෙන ආවා
හීන් නගේ නුඹ නැහැ දන්නේ
හීන් නගේ නුඹ නැහැ දන්නේ
ගෙයි දෙවනත් වෙන්න අඬලන කුකුළා මොකද ගුලි ගැහිලා කුඩුවට වෙලා නිදි ?
හෙප්පුවත් කනප්පුවෙන් බිමට වැටිලා, කව්රුවත් අරන් තියලා නැත්තේ ඇයි ?
පාන් පැලේ තියෙන්නේ පර වුන මල්.. ඇයි මල් ටිකවත් අස් කරලා නැත්තේ ?
මේ ගෙදර මිනිස්සුන්ට මොකක් වෙලාද ???????
තටු පොරවාගෙන සැලයා කූඩු වෙලා
කනප්පුවෙන් පැන හෙප්පුව බිම වැටිලා
පාන් පැලට අද පර මල් වැඩලා
ගලේ විහාරෙත් ගොලු වීලා
ගලේ විහාරෙත් ගොලු වීලා
වෙලා තියෙන්නේ මෙන්න මේකයි.
නෑනා.... ඔව් මස්සිනා නැති අතරේ වෙනත් හාදකමක පැටලිලා
එකෙන් වෙන්න ඕනේ හරිය කරගෙන, ඒක ගෙදරට ආරංචි වෙලා.
මේ අව් අස්සෙම දුවගේ අත දෙන්න පොරොන්දු වෙලා හිටපු මනමාලයා, නෑකමට බෑනා නගරේ ඉඳන් ගෙදර එනවා
කෙල්ල කරගෙන තියෙන වැඩේ හැටියට කොහොමද ඒ ළමයට අර දෙමව්පියෝ මුණ දෙන්නේ ?
එකයි මාමණ්ඩි මග ඇරලා ගියේ....
නැන්දා බෑනා ගෙට එන්න කලින් දොර වහලා දැම්මේ...
ඒ කොල්ලගේ හොඳ කියා කියා දුවට බනිනකොට කරපු මෝඩකම් තේරිලා
දුව අඬන සද්දේ තමයි බෑනාට ඇහෙන්නේ.
ඔන්න ඕකයි මේ ගීතයේ කතාවට මුල.
වැඩි හරියක්ම තියෙන්නේ උපමා රූපක
ලාංකීය සංස්කෘතියේ කාන්තාවකට තියෙන වැදගත්ම කාරනාව අහිමි වීමෙන් සහ
ඒ සමගම ලෝකයට, දුව දෙන්න පොරොන්දු වෙලා හිටපු තරුණයට මුහුණ දීමේ
අපහසුවෙන් පෙලෙන පවුලක් ගැනයි මේ ගීතයෙන් කියන්වෙන්නේ.
මේ කාරණාව මුළු ගෙදරම ගිලගෙන තියෙන ආකාරයයි උපමා වලින් හැඩ ගන්වලා
තියෙන්නේ.
හොඳම උදාහරණය ගෙදරක පහන් පැලට උදේ හවස මල් පුජා කරනවා,
ඒත් මේ දවසේ තරුණයා එනකොට පහන් පැලේ තියෙන්නේ පරවුන මල්.
ඒ කියන්නේ ගෙදර මිනිස්සුන්ට බුදුන්ට මලක් පහනක් තියන්න බැරි තරම් බැරෑරුම් ප්රශ්නයක් වෙලා තියෙනවා.
තරුණයට තියෙන ගැටලුව ඒ මොකද්ද කියලයි ?
{මේ කථාව මට දැනගන්න ලැබුනේ මම අයියලා වගයක් එක්ක සහභාගී වුන සාදයකදී වෙරි වුන නිතිඥය මහතෙක් ගෙන්. එතුමා කිවේ මේක සත්ය කථාවක් ඇසුරෙන් රචනා වුවක් කියලයි.}
ස්තූතී... පොඩි නිවැරදිකිරීමක්.
මේ ගීතයේ කොතනකවත් සදහනක් නැහැ තරුනයා ගම දාලා නගරයයට හම්බකරන්න යනවා කියලා.. අනික සැලයා යනු සැලලිහිනියාය.
අනික මේකෙ ගොඩක් ව්යංගාර්ථ තියෙනවා.
කනප්පුවෙන් පැන හෙප්පුව බිම වැටිලා කියන්නේ සුහදව කතාබහ,සතුටු සාමිච්චියේ උන් කාලය ඉවරයි , නැතිනම් මගුල් තුලා ප්රතික්ශේපයි කියන එක.
පාන් පැලට අද පර මල් වැඩලා කියන්නේ වෙනදා නොමැති මල් වර්ගයක් (ආගන්තුක) පැමින ඇති වග මිස මල් පරවී ඇතිවග නොවෙයි.
මේ ගීතයේ කොතනකවත් සදහනක් නැහැ තරුනයා ගම දාලා නගරයයට හම්බකරන්න යනවා කියලා.. අනික සැලයා යනු සැලලිහිනියාය.
අනික මේකෙ ගොඩක් ව්යංගාර්ථ තියෙනවා.
කනප්පුවෙන් පැන හෙප්පුව බිම වැටිලා කියන්නේ සුහදව කතාබහ,සතුටු සාමිච්චියේ උන් කාලය ඉවරයි , නැතිනම් මගුල් තුලා ප්රතික්ශේපයි කියන එක.
පාන් පැලට අද පර මල් වැඩලා කියන්නේ වෙනදා නොමැති මල් වර්ගයක් (ආගන්තුක) පැමින ඇති වග මිස මල් පරවී ඇතිවග නොවෙයි.
)
