2015 වසරේදී ලොවපුරා තිරගත George Miller ගේ විශිෂ්ට අධ්යක්ෂණයෙන් හැඩවුණු "Mad Max: Fury Road" චිත්රපටය ලොවපුරා වූ සිනමා ප්රේක්ශකයන්ගේ මෙන්ම විචාරක පැසසුමට ද විශාල ලෙස පාත්ර වූ චිත්රපටයක් ලෙස හදුන්වන්නට පුළුවන්. ඩොලර් මිලියන 150 ක් වැයකරමින් නිෂ්පාදනය කළ (නිෂ්පාදන වියදම පමණි) "Mad Max: Fury Road" චිත්රපටය ලොව පුරා බොක්ස් ඔෆිස් ආදායම ලෙස ඩොලර් මිලියන 375.7 ක් ඉපයීමට සමත් වූ අතර 2016 වසරේ පැවති 88 වන ඔස්කාර් සම්මාන උළලේදී වසරේ හොදම චිත්රපටය, හොදම අධ්යක්ෂණයට හිමි ඔස්කාර් සම්මානයන් ඇතුළුව ඔස්කාර් සම්මාන 10 කට නිර්දේශ වෙමින් ඉන් සම්මාන 6 ක් දිනාගැනීමට ද සමත් වුණා.
ප්රවීණ චිත්රපට අධ්යක්ෂ "George Miller"
"Mad Max" චිත්රපට මාලාවෙහි හතරවන චිත්රපටය වූ "Mad Max: Fury Road" චිත්රපටය ලබාගත් මේ සාර්ථකතවය හේතුවෙන් එහි තවත් කොටසක් නිර්මාණය කරන්නට චිත්රපටයෙහි නිෂ්පාදන හා බෙදාහැරීමේ කටයුතු සිදුකළ Warner Bros. Pictures ආයතනය තීරණය කළ අතර පසුගිය චිත්රපටයේ ප්රධාන චරිතයක් වූ Charlize Theron රගදැක්වූ "Furiosa" චරිතය පසුබිම් කරගනිමින් ඇයගේ ජීවිත කථාව නිරූපණය වන මෙම චිත්රපටයේදී (spin-off / prequel) තරුණ "Furiosa" ගේ චරිතයට පණපෙවීම සිදුකරන්නෙ හොලිවුඩයේ නැගී එන තරුණ රංගන ශිල්පිණියක් වන Anya Taylor-Joy විසිනුයි.
පසුගිය 2020 වසරේදී "Furiosa" චිත්රපටයෙහි නිෂ්පාදන කටයුතු ආරම්භ කළ ද කොවිඩ් වසංගතය හේතුවෙන් රූපගත කිරීම් කීප වරක්ම ප්රමාද වූ අතර අවසානයේදී එහි රූපගත කිරීම් නිල වශයෙන් ආරම්භ වුණේ මේ පසුගිය ජූනි මාසයෙහි පළමුවනදායි, ඒ ඕස්ට්රේලියාවේ Silverton නම් ප්රදේශයේදීය. ප්රවීණ චිත්රපට අධ්යක්ෂක George Miller අධ්යක්ෂණයෙන් මෙවරත් හැඩවුණු "Furiosa" චිත්රපටයට Anya Taylor-Joy ට අමතරව Chris Hemsworth, Tom Burke, Nathan Jones හා Angus Sampson යන රංගන ශිල්පීන් ඇතුළුව විශාල රංගන ශිල්පීන් ප්රමාණයක් තම රංගන දායකත්වය ලබාදෙන අතර පසුගිය චිත්රපටයට සංගීත අධ්යක්ෂණයෙන් දායක වූ "Junkie XL" මෙවරත් තම දායකත්වය "Furiosa" චිත්රපටයට ලබා දීමට එක්වී තිබෙනවා. "Furiosa" චිත්රපටය 2024 වසරේ මැයි 24 වනදා සිට ලොවපුරා තිරගත කිරීමට නියමිතව තිබෙනවා.
රූපගත කිරීම් අතරතුර
Chris Hemsworth ගේ නවතම පෙනුම
චිත්රපටයේ අධ්යක්ෂ George Miller
📽
"Furiosa (2024)" ("Mad Max" spin-off / prequel) සිනමාපටයේ ප්රධාන චරිතයට පණපොවන "Anya Taylor-Joy" ගේ නවතම ඡායාරූප හා තවත් තොරතුරු 
