දිනය: 2023 පෙබරවාරි 04
"NGC 2626" යනු ක්ෂීරපථය (Milky Way) මන්දාකිණියෙහි දකුණු දෙසට වන්නටව පිහිටා තිබෙන දීප්තිමත්, නිල් පැහැ ආලෝකය පරාවතනය කරනු ලබන පරාවර්තන නිහාරිකා (blue reflection nebula) ගනයට අයත් වන නිහාරිකාවකි. පහත දැක්වෙන දුරේක්ෂීය ඡායාරූපයේ මධ්යයයට වන්නටව දිස්වන මෙම "NGC 2626" නම් වූ පරාවර්තන නිහාරිකාව පෘථිවියේ සිට ආලෝක වර්ෂ 3200 ක් ඈතින්, 'Vela' නම් තාරකා රාශියට අයත්ව පිහිටා තිබේ. මෙම නිහාරිකාවට යාබදව පවතින අඳුරු දූවිලි වළාව හා එය වටා දැකගත හැකි රතු පැහැයෙන් දිස්වන හයිඩ්රජන් විමෝචනය සිදුවන ප්රදේශය, "RCW 27" නම් වූ "H II region" ගනයේ ප්රදේශයක් වන අතර අණුක දූවිලි වළා සංකීර්ණයක් ලෙස සකස් වී ඇති මෙම ප්රදේශය හදුන්වනු ලබන්නේ "Vela Molecular Ridge" ලෙසිනි.
අයනීකරණයට ලක්වූ අන්තර්තාරකා පරමාණුක හයිඩ්රජන්වලින් සමන්විතව පවතින ප්රදේශයක් මෙහිදී "H II region" ගනයේ ප්රදේශයක් ලෙස හදුන්වනු ලබයි. මෙම "NGC 2626" පරාවර්තන නිහාරිකාව නිතැතින්ම අනතර්තාරකා දූවිලිවලින් සැදුම්ලත් වළාවක් ලෙස හැදින්විය හැකි අතර නිහාරිකාව තුළ පිහිටා ඇති උණුසුම්, යොවුන් තාරකාව (ඡායාරූපයේ දිස්වන, නිහාරිකාවේ මධ්යයයේ පිහිටා ඇති දීප්තිමත් තාරකාව) මගින් නිකුත් කරන ආලෝකය මෙලෙස නිල් පැහැති ආලෝකය ලෙස පරාවර්තනය කිරීම නිහාරිකාව මගින් සිදු කරයි. "NGC 2626" පරාවර්තන නිහාරිකාව මෙම මධ්ය තාරකාවට අමතරව බොහෝ යොවුන් තාරකාවන්ගෙන් හා නව තාරකාවන් උපැද්දවීම් සිදුකරන ප්රදේශයකින් ද (star-forming region) සැදුම්ලත්ව නිර්මාණය වී තිබේ. පහත දැක්වෙන ඡායාරූපයෙන් "NGC 2626" පරාවර්තන නිහාරිකාව හා "Vela Molecular Ridge" අණුක වළා සංකීර්ණයට අයත් ආලෝක වර්ෂ 30 ක පමණ වූ වපසරියක් නිරූපණය කොට තිබේ.
Image Credit & Copyright: Mike Selby & Mark Hanson
Young Stars Associated with the Reflection Nebula NGC 2626
Vela Molecular Ridge
H II region
"ඔරායන්' තාරකා රාශියේ ඇති මනරම් පරාවර්තන නිහාරිකා: "NGC 1977, NGC 1975, සහ NGC 1973" 
