තලවකැලේ ග්රේට් වෙස්ටර්න් කදු මුදුණේ තිබි සොයාගත් කාන්තා මළ සිරුර කඳුමුදුනේ සිට පහළට රැගෙන ඒමට ගිය පිරිස අතර සිටි යුද හමුදා කෝප්රල්වරයකු හදිසියේ රෝගාතුරවී නුවරඑළිය රෝහලට ඇතුළත් කිරීමෙන් පසු මියගිය බව ළිඳුල පොලිසිය කියයි.
මෙසේ මියගොස් ඇත්තේ යුදහමුදා තුන්වන සිංහ රෙජිමේන්තුවෙන් කෝප්රල් හේරත් නමැති අනුරාධුර ප්රදේශයේ පදිංචිකරුවකු බව ද පොලිසිය කියයි.
ග්රේට් වෙස්ටර්න් කදුවැටියේ කදවුරු බැදිම සදහා (01) දින එම කදු වැටියට ගිය පිරිසක් ග්රේට් වෙස්ටර්න් කන්දේ එක් පසක ප්රපාතයට ආසන්නයේ කාන්තා මල සිරුරක් දැක තලවකැලේ පොලිසිය වෙත කරන ලද දැනුමට අනුව එම මළ සිරුර සොයාගත්තේය.
මේ සම්බන්ධයෙන් නුවරඑළිය මහේස්ත්රාත් අධිකරණය දැනුමත් කිරීමෙන් පසු පශ්චාත් මරණ පරික්ෂණය සදහා නුවරඑලිය දිස්ත්රික් මහ රෝහලේ විශේෂඥ අධිකරණ වෛද්යවරයා වෙත යොමු කරන ලෙස නුවරඑලිය මහෙස්ත්රාත් අධිකරණයේ වැඩ බලන මහෙස්ත්රාත් ජේ.අඹගහවත්ත මහතා ලිදුල පොලිසියට අද (2) දින නියෝග කළේය.
මල සිරුර තිබු ස්ථානයට ගිය නුවරඑලිය දිස්ත්රික් මහ රෝහලේ විශේෂඥ අධිකරණ වෛද්ය සංජය විරසේකර මහතා අධික්ෂණය යටතේ නුවරඑලිය පොලිස් කොට්ඨාසයේ ආපරාධ ස්ථාන පරික්ෂාගාර නිලධාරින් සහ ලිදුල පොලිසියේ නිලධාරින් සිරුර දැඩි පරිශ්රමයක් දරා යුද හමුදා සහ පොලිස් විශේෂ කාර්ය බළකායේ භට පිරිස් සහයෝගයෙන් කදු මුදුණේ සිට රක්ෂිතයෙන් පිටතට රැගෙන එනු ලැබුහ.
*****
මෙලෙස මියගොස් ඇත්තේ නුවරඑළිය ශ්රී ලංකා තුන්වන සිංහ රෙජිමේන්තුවේ රාජකාරි කරමින් සිටි කෝප්රල් කේ.එන්.එස්.කේ හේරත් නැමති අනුරාධපුර ප්රදේශයේ පදිංචි 36 හැවිරිදි නිලධාරියෙක්.
කඳු මුදුනේ තිබූ කාන්තා මළ සිරුර රැගෙන ඒම සඳහා පොලිස් නිලධාරීන්, යුධ හමුදා නිලධාරීන් මෙන්ම පොලිස් විශේෂ කාර්ය බලකායේ නිලධාරීන් රක්ෂිතය තුළට පිවිසෙන අවස්ථාවේ මෙම යුද හමුදා කෝප්රල්වරයා පසුපසින් ගමන් කර තිබුණා.
අනතුරුව ඊට පසු පසින් පැමිණි පුද්ගලයන් දෙදෙනෙකු යුද හමුදා නිලධාරියෙකු රක්ෂිතය තුළ වැටී සිටින බවට කළ දැනුම් දීමක් මතයි හමුදා භට පිරිස් වහාම ක්රියාත්මක වී කෝප්රල්වරයා නුවරඑළිය දිස්ත්රික් මහ රෝහල වෙත ඇතුලත් කිරීමට කටයුතු කර ඇත්තේ.
*****
කඳු මුදුනේ තිබූ මළ සිරුර මෙතෙක් හඳුනාගෙන නැහැ.
කිසියම් පිරිසක් සමග හෝ පුද්ගලයෙකු සමග පැමිණි මෙම කාන්තාව ජීවිතක්ෂයට පත් වීමෙන් පසු ඒ පිළිබඳ පොලිසියට වාර්තා නොකර ඔවුන් පළා ගොස් ඇති බවටයි සැක කෙරෙන්නේ.
එම පුද්ගලයන් හෝ පුද්ගලයෙකු පිළිබඳ තොරතුරු වෙතොත් ඒ සම්බන්ධයෙන් ලිඳුල පොලිසියට දැනුම් දෙන ලෙසට ජනතාවගෙන් ඉල්ලීමක් කෙරෙනවා.
එමෙන්ම මියගිය කාන්තාවගේ ඥාතින් වෙතොත් ලිඳුල පොලිසිය වෙත පැමිණෙන ලෙසට පොලිසියේ ස්ථානාධිපතිවරයා දැනුම් දෙනවා.
මේ අතර අද සිට අවසරයකින් තොරව ග්රේට් වෙස්ටර්න් කඳු මුදුනේ කඳවුරු බැඳීමට ඉඩ ලබා නොදෙන ලෙස නුවරඑළිය දිස්ත්රික් ලේකම් නන්දන ගලබඩ මහතා විසින් වන සංරක්ෂණ සහ වනජීවී නිලධාරීන්ට උපදෙස් ලබා දී තිබෙනවා.
Last edited:
ooh
