Onmax සදහා පුද්ගලයන් විශාල ප්රමානයක් බදවා ගත් බව කියන රන්න ප්රදේශයේ පදිංචි පුද්ගලයෙකුට අයත් BMW වර්ගයේ මෝටර් රථයක් කිසියම් පිරිසක් විසින් ඊයේ (21) රාත්රී 11.30ට පමණ නිවස ඉදිරිපිට නවතා තිබියදී ගිණි තබා විනාශ කර තිබේ..මෙම පුද්ගලයා onmaxDT ආයතනය සදහා වැඩි ලාබයක් අත්කර දෙන බව පවසා විශාල පිරිසක් මේ සදහා බදවාගෙන ඇති අතර මේ වන විට ඊට අදාල මුදල ලබා නොදීම නිසා කුපිත වූ පිරිසක් මෙම ගිනි තැබීම සිදු කර තිබේ. Onmax නැමති නීති විරෝධී මූල්ය ආයතනයට දකුනේ නායකත්වය දෙමින් රුපියල් කෝටි ගානක මුදලක් ජනතාවට වංචා කිරීම සම්බන්ධයෙන් චෝදනා එල්ලව සිටින රන්න පදිංචි පින්තාරු බාස්ගේ බිරියගේ නමට මිලදී ගෙන තිබූ කෝටි දෙක හමාරකට වැඩි වටිනාකමක් ඇති කාර් රථය ගිනි තැබුවාද ....එසේත් නැතිනම් මෝටර් රථයට හිමි රක්ෂණ මුදල ලබා ගැනීමට ඔවුන් විසින්ම ගිනි තබා ගත්තාද පරීක්ෂණ ආරම්භ කරයි.මෝටර් රථය විකුනා මුදල ලබා දීමට සූදනම්ව සිටියදී මෙය සිදුව ඇති බව පොලීසියට පැමිනිලි කර තිබේ.
