ගුටිකන සුළු ප්රශ්නය - ඔබ ඔබේ රටේ නායකයාගේ ආයාචනයට ඇහුම්කන් දී විදුලි අර්බුදය විසඳීමට උදව් කලේද?
කන්කළු කතාවක් කරපු නායකයාට Demand Side Management එක කතාවෙන් කර ගන්නට පුළුවන් වුණේ ද?
පොඩ්ඩක් විමසා බලමු දත්ත ඇසුරින්!
AKD ජනාධිපතිවරයා මාර්තු 17 වැනි දින ජාතිය අමතා රාත්රී කාලයේදී විදුලි වාහන හිමියන් සහ හුදී ජනයාගෙන් කරන ලද ඉල්ලීම - රෑට වාහන චාජ් කරන්න එපා. පුළුවන් විදිහට රෑට විදුලි ඉල්ලුම අඩු කරන්න.
මේක සාධාරණ ඉල්ලීමක් (කතාව ලියලා දුන්න කෙනා සරල විදුලි ඉල්ලීම ගණං හදන්න දැන් හිටියේ නැති වුණාට) - රටේ නායකයා ගෙන්.
දැන් කියන්න යන්නේ දත්ත (data) කියන ගුටි කන කතාවය -
දැන් කතාවෙන් පස්සේ රෑට රෑට පීක් එක අඩු වුණාද? තාමත් එහෙම වෙලා නැත. කතාවෙන් පසු නයිට් පීක් එක වැඩිවෙන ප්රවණතාවක් ඇත. මේ සතියේ වැඩිම රාත්රී විදුලි ඉල්ලුම ද වාර්තා කරන ලදී.
පහුගිය සති 4 රෑ පීක් එක සහ රෑ පීක් එකට දවල් පීක් එකේ අනුපාත ප්රස්ථාර පල්ලෙහා දාලා තියෙනවා. මේවා රජයේම ආයතනවල දත්තය - මම හදපුවා නොවේය.
ඇයි එහෙම වෙන්නේ??
බිග් කුච්චන්
මෙවැනි නායකයන් පිට පිටම පත්කරගත් ඔබට දැන් (ඉස්සරහට කලුවරේ) හිතන්න වේලාවයි මේ. තව නොබෝ දිනකින් ලයිට් බිල් ද වැඩි කොට ලයිට් ද කපනු ඇත. ඉරාන යුද්ධය ආවත් නැතත් මේක මේ විදිහටම සිද්ධ වෙන්නට නියමව තිබුණේය.
ඔක්කොම කුණු බේරේ වැවට කියා "ඉරාන යුද්දේ.... යුද්දේ" කියලා බේරෙන්නට හැදුවාට සහ බුද්ධියෙන් ප්රස්ථාර දෙස බැලුවහොත් කතාව පේනවා ඇත.
බාල ගල් අඟුරු ගෙනැවිත් ඩීසල් වලින් විදුලි ජනනය වැඩි කොට මේ විනාශ කරන්නේ ජාතික ධනයයි. ඔබේත් අපේත් අනාගත පරම්පරාවේ අනාගතයයි. සුදු වෙනකං හේදුවාට දවසට මෙගාවොට් 150-200 අඩුවෙන් ගල් අඟුරු බලාගාරයේ විදුලි ජනනය අඩු වෙන එක පිරිමසාගන්නේ ඩීසල් සහ අනිකුත් ඛනිජ තෙල් වලිනි.
හැට අට ලක්ෂයක් නැතහොත් විදුලි පාරිභෝගිකයින්ගෙන් 2/3 ක අසාහය නායකයා කල ඉල්ලීමට ඔබත් තනි තනිව හෝ සාධාරණයක් ඉෂ්ට කොට නැත - කොටින්ම අහක බලා ඇත. අඩුම ගානේ 2/3 තියා, ඔබලාගෙන් භාගයක්, කාලක් නොව අරික් කාලක්වත් කියපු දේ අහලා නැත.
පුංචියට හිතන නායකයන්ට මේ වගේ කතාවක් පවත්වනවා ඇරෙන්නට වෙන ලොකු ලොකු දේවල් කරන්නට දැක්මක් - විෂන් එකක්, සිස්ටම්ස් තින්කින් එකක් තබා කෙටි කාලීනව අර්බුදයට පිළියම් යෙදීමටවත් හැකියාවක් නැත. මේ වගේ කතාවක් පවත්වනවාට වඩා දෙයක් කරන්න කැපෑසිටිය නැතිය.
ඉතිං කියන්න තියෙන්නේ ඔබේ විදිහටම සරිලන නායකයෙක් "නැවතත්" ඔබලා පත්කරගෙන ඇත.
මාධ්ය සංදර්ශන තබා ඔබේ නායකයා ඔබව සැනසුවාට - කිසිවක් සිදුවී නැත. අඩුම ගානේ ඔබලාත් තනි තනිව හෝ මේ අර්බුදය විසඳාගැනීමට දායක වී නැත. හැමෝම බලා ඉඳින්නේ අනික් අය කට්ට කාගෙන ගොඩ දමන තෙක්ය. නැත්නම් දේශපාලකයා ගොඩ දාලා දෙන තෙක්ය.
ඔබ වැනිම චින්තනයක් ඇති ඔබේ නායකයා (සහ ගෝල බාලයන් රැල) බලා සිටින්නේ ඔබලා සාමූහිකව එකතුවී මේ නස්පැත්තියෙන් ගොඩ යන තෙක්ය.
"ඔබේ ආරක්ෂාව ඔබම සලසා ගන්න" - මේක කෙලින්ම කියන්න කොන්ද පණ තිබූ නායකයන් පන්නා ගත් අපි දැන් මේ පුංචි මිනිස්සු පුංචි මොළවලින් රට ගොඩ දාන්න ට්රයල් එක කරමින් සිටිමු.
අවසානයේ අද රට තියෙන්නේ රට තිබිය යුතු තැනය. මීට කලින් නායකයා වගේම ඔබටත් අපටත් (බහුතරයට) අවශ්ය අප වාගේම නායකයන් පිරිසක් මේ පාරත් පත්කරගෙන ඇත.
අප තනි තිනිව වෙනස් නොවෙනතාක්කල් මේ රට මෙලෙසම පවතිනු ඇත.
හැබැයි මේ රට වෙනස් කරන්න පුලුවන්. ඒකට අපි තනි තනිවත් වෙනස් වෙන්න වෙනවා - නැතුව රටවත්, අපේ නායකයන්වත් වෙනස් වෙන්නේ නෑ.
දත්ත මූලාශ්ර -PUCSL ඩෑෂ් බෝඩ්, CEB
#අරගලය ඉවරයි #විප්ලවය (විඤ්ඤාණ) තාම පටං අරං නෑ
