Windows 8 සමග පැමිනෙන මෙම modern apps වල ඇති විශේෂ ලක්ෂණයක් වන්නේ ඒවා පරිගනක තිරය පුරාම ක්රියාත්මක වීමත් Close,Minimize,Maximize buttons දක්නට නොලැබීමත්ය. එතකොට කොහොමද මේ කරන්නේ. ? ඔව් ඇත්තටම මෙම apps close කිරීමේ හැකියාවක් windows 8 තුල දක්නට නැහැ. ඒවා මෙහෙයුම් පද්ධතිය විසින්ම නවතා දමනු ලබනවා. ඔබ විසින් run කරන ලද application එකක් නිශ්චිත කාලයක් තුල ඔබ විසින් භාවිතා නොකරන්නේ නම් මෙහෙයුම් පද්ධතිය විසින් එම අදාල මෘදුකාංගයට අදාලව RAM එකෙහි ඇති සියළු දත්ත hard disk එකට කොපි කර RAM මතකයෙන් එම application එක ඉවත් කරනු ලබනවා. පරිශීලකයා විසින් නැවත එම application එක භාවිතා කිරීම ආරම්භ කරනවාත් සමග hard disk එකෙහි ඇති දත්ත නැවතත් RAM එකට කොපි කර ක්ෂණිකවම එම application එක නැවත open කිරීමට Windows 8 සමත්. ඒ නිසා තව දුරටත් application close කර කර වද වෙන්න උවමනාවක් නෑ.
වින්ඩෝස් 8 මෙහෙයුම් පද්ධතිය ප්රධාන සංස්කරණ 4කින් නිකුත් වේ.
- Windows 8
- Windows 8 Pro
- Windows 8 RT
- Windows 8 Enterprise
මෙයින් ප්රධානම වෙනස් කමක් Windows 8 RT තුල දක්නට ලැබේ. එනම් එම මෙහෙයුම් පද්ධතිය වඩාත්ම ගැලපෙන්නේ ARM Processor Architecture එක පාදක කරගත් උපකරණ (Tabs, සමහර Pcs) වලටය. මෙම සංස්කරණය තුල සාමාන්ය පරිගනක පද්ධති තුල භාවිතා කෙරෙන desktop application භාවිතා කල නොහැක. මේ සඳහා භාවිතා කල හැක්කේ windows store තුලින් ලබා දෙන modern apps පමණි.
Windows 8 RT මෙහෙයුම් පද්ධතිය වින්ඩෝස් 7 මෙහෙයුම් පද්ධතියේ කිනම් හෝ සංස්කරණයක සිට upgrade කල නොහැක. Windows 8 සංස්කරණයට upgrade කල හැක්කේ වින්ඩෝස් සෙවන් Windows 7 වල Starter, Home Basic, Home Premium යන සංස්කරණ පමනකි. Windows 7 Professional , Windows 7 Ultimate සංස්කරණ වල සිට Windows 8 Pro සංස්කරණයට upgrade කල හැකි අතර යන වින්ඩෝස් සෙවන් Professional, Enterprise සංස්කරණ දෙකෙහි සිට Windows 8 Enterprise සංස්කරණයට upgrade කල හැක.
වින්ඩෝස් පෙර මෙහෙයුම් පද්ධති වල ආරම්භයේ දක්නට ලැබුණු ඩෙස්ක්ටොප් එක වෙනුවට Metro-style touch-based interface එක ආදේශ වී ඇති අතර ඒතුල Desktop එක වෙත පිවිසීමට අවශ්ය පහසුකම් සලසා ඇත. Start මෙනුව වෙනුවට Metro-style touch-based interface එක ආදේශ වී ඇති අතර Windows 8 තුල Start Menu එකක් දක්නට නොමැත. සියළුම Apps වෙත පිවිසිය යුත්තේ Metro-style touch-based interface එක තුලිනි. සාම්ප්රදායික Start Button එක වෙනුවට තිරයේ වම් පහල කෙලවරේ නව button එකක් දැකිය හැකි අතර එය ක්ලික් කිරීමෙන් පිවිසෙන්නේද මෙම Metro-style touch-based interface එකටම වේ.
Metro-style touch-based interface මීට අමතරව දකුණු අත පැත්තේ Charms Bar එක නමින් හඳුන්වන නව මෙනුවක් දැකිය හැක. Mouse Pointer එක තිරයේ දකුණු පස කෙලවරට ගෙන යාමෙන් මෙම මෙනුව ලබාගත හැකි අතර ඒ තුල Search, Sharing, Accessing the Start Screen, Managing Devices, සහ Settings දක්නට හැක. Win Key + C මේ සඳහා කෙටි මං වේ.
Windows Explorer එකෙහි පෙර දක්නට ලැබූ මෙනු බාර් ඉවත්කර එයට Office 2007 සමග හඳුන්වාදෙනු ලැබූ රිබන් මෙනු ආකාරයේ Menu එකක් ඇතුලත් කර ඇත.
Windows Explorer Login Screen එකද පෙර මෙහෙයුම් පද්ධතිවලට වඩා වෙනස් අතර දිනය, වෙලාව, දැනට ක්රියාත්මක වෙමින් පවතින වැඩසටහන් ආදිය ඇතුලත්ව වඩාත් තොරතුරු සහිතව Lock Screen එක නමින් ඉදිරිපත් කර ඇත. ඔබට windows Accඑකක් ඇත්නම් එය වින්ඩෝස් 8 පරිගනකයේ user account එකක් ලෙස භාවිතා කිරීමේ පහසුකමද ඇත.
Lock Screen මීට අමතරව වඩාත් වැඩි දියුනු කරන ලද Task Manager එකක් වින්ඩෝස් 8 තුල දක්නට හැක. වින්ඩෝස් 8 සමග පැමිනෙන default web browser එක Internet Explorer 10 වන අතර Modern apps හා සාමාන්ය desktop application එක යන ආකාර දෙකෙන්ම එය දක්නට ලැබේ.
Task Managerතවද Blue Screen of Death එක වඩා වෙනස් ආකාරයකින් තාක්ෂණික තොරතුරු අවම කර ඉදිරිපත් කර ඇත. Dual boot OS selection menu එකද වැඩි දියුණු කර ඇති අතර මවුසය භාවිතා කිරීමේ පහසුව ඇත.
Blue Screen of Death දැනට Developer Preview , Consumer Preview, Release to manufacturing (RTM) යන සංස්කරන නිකුත් කර ඇති අතර එය සාමාන්ය ජනතාවට නිල වශයෙන් නිකුත් කරනු ලබන්නේ 2012 October 25ය.
Last edited:
