බ්රිතාන්ය පාලන සමයේදී තේ වැවිලිකරුවන් විසින් විනෝදාංශයක් ලෙස ට්රවුට් මසුන් ඇල්ලිමට යොදා ගත් ස්ථානයක් වූ ෆිෂින් හට්ස් මස්කෙළිය මරේ වතුයායට හා ශ්රී පාද රක්ෂිතයට මායිම්ව පිහිටා ඇත.අසලින් ගලායන බත්තුලු ඔය පරිසරයේ අසිරිය වැඩි කිරීමට දායක වන අතර පරිසර ගවේෂකයන්ට කදිම තෝතැන්නකි.ෆිෂින් හට් මාර්ගය අතරමඟදී මස්කෙළිය ජලාශයට වැටෙන ගාට්මෝර් ඇල්ල හා ඇඩම්ස් පීක් ඇල්ල දැකගත හැකි අතර බත්තලු ඔය දිගේ ගමන් කිරීමෙන් තවත් දිය ඇලි දෙකක් දැකගත හැකිය.එමෙන්ම ශ්රී පාදයට ඇති කෙටිම මාර්ගය රජමාලේ මාර්ගය ආරම්භ වන්නේද මේ ආසන්නයෙනි.
