Walk on the heaven - (Ohiya Rail hike and Kotmale Dam) Team ElaKiri Traveler

[jkadithya]

ලංකාව කියන්නේ කොච්චර සුන්දර රටක් ද කියල මට හිතුනේ ඉන්දියා සංචාරෙන් පස්සෙ..කලිනුත් මං දන්නව..ඒක ඔප්පු උනා මට ඒ සංචාරෙන්..

මං කියන්න වගේ.. ලංකාවෙ මිනිහෙක් නං, සිංහල කතා කරන්න ඕන, සීගිරියට නැගල තියෙන්න ඕන, දුම්රියෙන් බදුල්ලට ගිහින් තියෙන්න ඕන...

ඉතිං මෙදා සැරේ අපි සූදානම් උනේ ඒ සුන්දර ලංකාවේ මං අන්තිමට කිව්ව ඒ කෝච්චි පාරේ පොඩ්ඩක් ඇවිදල..කොත්මලේ වේල්ල බලන්න යන්න..


ඉතිං අපේ සංචාර කඩිමුඩියේ නේ කරන්නේ..මෙන්න මෙහෙමයි මෙදා සැරේ අපේ සංචාරේ පටන් ගත්තේ..

................................

වෙලාව දවල් 12.20ට විතර ඇති..පෙරා කෝල් කලා..

JK 5ට කො‍ටුවට එන්න පුලුවන්ද?

අඩේ මට තාම ශුවර් කරනන් බෑ..ඔ‍ෆිස් ඉවර වෙලා meeting එක ගොඩක් වෙලා තිබ්බොත් නම් ඉවරයි..

එල එල..බලපන් කෝ..මං චමීට එන්න කියන්නම්..

එල පොරට එන්න කියනන..මං කොහොම හරි එනව..

හවස 5.15යි..

Brother..මං off උනා..කට්ටිය කොහාටද සෙට් වෙන්නේ..?

පෙරා : උඹයි දිලුමයි මරදානට සෙට් වෙයන් ..මං චමීව අරන් කො‍ටුවෙන් සෙට් වෙන්නම්...

ඔන්න ඔහොමයි අපි සෙට් උනේ..

මායි දිලුමයි මරදානෙන් කෝච්චියට නැගල කො‍ටුවට ගියා , එතනින් අපිට චමි සහ පෙරේරා සෙට් උනා..මෙදා සැරේ අපේ සංචාරයට අපේ සහෝදරයා බෝල්ට් එකතු උනේ නෑ පෞද්ගලික හේතුවක් නිසා..ගම්පොලින් බංඩ සෙට් උනා...ඒ නිසා මෙදා සැරේ අපේ team එක 5යි

MR PERERA , Chamikawp, JaasBandara, BC_Dilum, Pathum87 ,
හා
මේ මම (jkadithay)


.........................

* අරමුන... / Mission

ඔහිය සිට ඉදල්ගස් හින්නට දුම්රිය මාර්ගය දිගේ යාම සහ කොත්මලේ ජ්ලාශය නැරඹීමත්, ලංකාවේ සුන්දරත්වට අත්වීදීමත්ය..


* යන්නේ කොහොමද? Transport

අපේ සාමන්‍යයෙන් ගමන් කරනේ කොච්චියෙන් සහ බස් එකෙන් තමා...

කොළඹ සිට ඔහිය දක්වා දුම්රියෙන්
ඔහිය සිට ඉදල් ගස් හින්නට පයින්..
ඉදල් ගස් හින්නේ සිට ගම්පොල දක්වා දුම්රියෙන්
ගම්පොල සිට කොත්මලේ දක්වා සහ නැවත කොළඹ දක්වා බසයෙන්..


* ගමන් මාර්ගය.. Route

* නවාතැන්...Accommodation

අපි මෙදා සැරේ සංචාරයේදී නැවතුනේ අපේ ගෙදර..ජාස් ගේ අම්මට ගොඩක් ස්තූති වන්ත වෙන්න ඕන අපිට රසම රස කෑම හදල දුන්නට..ඒ වගේම ජාස් ගේ පවුලේ ඔක්කොටම ගොඩක් ස්තූති වන්ත වෙනන් ඕන හැම දේකටම

* අරන් යන්න ඕන මොනාද? what should we bring with us


බිං ගෙවල් ඇතුලෙන් යද්දි කලුවරයි..ව්දුලි පන්දම් අරන් යන්න අමතක කරන්න එපා..

වැඩි දෙයක් නෑ.වතුර බෝතලයක්, මග් තොටදි කන්න දෙයක් අරන් යන්න..හරිම සැහැල්ලුයි, සරලයි..නිදහසයි..


* special notes


ගමනාන්තය දක්වා ටිකට් පත ළග තබා ගන්න..

මේ සංචාරය ඉතාමත් budget සංචාරයකි..

* ඔයාලට ඔහියේ ඉන්දන් ඉදල් ගස් හින්නට යන්න අවසරයක් ඕනේ රේල් පාර දිගේ යන්ව නම්...මේක ටිකක් අවදානම් වැඩක් ..

......................

එහෙනම් අපේ සංචාරය පටන් ගමු....

අපි රෑ 8ට කො‍ටුවෙන් පිටත් උනේ...කනන් බොන්න දේවල් අපි කො‍ටුවෙන් ගත්ත ඒ වෙලේ..

ඔ‍ෆිස් ඉවර වෙලා නිසා කට්ටිය හොද මහන්සියෙන් හිටියේ..අපිට මෙදා සැරේ නම් ඉදගන්න සීට් හම්බුනා..ඒ නිසා අපි හොද නින්දක් දාන් යන්න කියල තමා කතා උනේ..

අපි ඉන්දන් ඉද්දි මෙන්න එක පාරටම මනුස්සයෙක් ඇවිත් සීට් 2 මැද්දේ බිම නිදා ගත්ත..ඒ මනුස්සය නිකන් ගෙදර ඇදක නිදා ගන්නව වගේ නිදා ගත්තෙ කිසිම ගානක් නැතුව...

ගම්පොලින් බංඩ සෙට් උනා...

මගදි පොඩි බඩ ගින්නක් සෙට් උනා..පෙරා ගෙනත් තිබ්බ පොඩි කෑමක් ..ඔන්න ඉතිං චාමිකය මුල පිරුව ඒක කන්න..

අර නිදන් හිටපු මනුස්සය ඒ වෙද්දි ඇහැරිලා..ඉතිං අපි ඒ මනුස්සයටත් කන්න දුන්න අපි කාපු එකෙන්..
අපේ චාමික හිත හොද සංගීතයට ලැදි කොල්ලනේ..

චාමික නිකන් අර මනුස්සය එක්ක කතාවක් දාල සිංදුවක් කියමුද ඇහුව..බැලින්නම් මිනිහ විශාරද කෙනෙක් .

කොහොම හරි චාමිකට කෝව්වියක් ඇතුලෙදී ප්‍රථම වතාවට track එකක් release කරන්න පුලුවන් උනා.. check this out..

Chamikawp Ft R.Sami...


angry:)

කොහොමද හැකියාව..?? ඔතනදි මං කියපු ට්ක පෙරා ගෙන් අහ ගන්න පුලුවන්..

මහ රෑ 2ට විතර ඒ පෙට්ටියේ හොදට නිදාගෙන හිටපු මිනිස්සු උඩ ගිහින් ඇහැරුනේ..මාරම හැකියාවක්..

තව පොඩ්ඩේන් අපිටත් හොද ප්‍රේක්ශක ප්‍රතිචාර බලා ගන්න තිබුන..

ඒ අස්සේ එහා පැත්තේ තව මනුස්සයෙක් ට තැබිලි ගැන ප්‍රශ්නයක් වෙලා..ෆුල් ෆන් ..

කොහොම හරි උදේ පාන්දර 5ට විතර අපි ඔහිය දුම්රියපොලෙන් බැහැ ගත්ත..

එතනදි අපට හමුබුන මේ අන්කල් කෙනෙක් අපිට එයාලගෙ ගෙදර එන්න ආරාධනා කලා තේ එකක් බොන්න..බලන්න ලංකාවේ කොච්චර සුන්දර මිනිස්සු ඉන්නවද කියල.

වැලිමඩ එහෙම යනවන්ම් ඔන්න එතන බස් එකක් තියනව

කඩියා..

මේ තියෙන්නේ ඔහිය දුම්රිය ස්ථානය

මේ හෝටන් ප්ලේන්ස් අඩවියයි..ඔතනින් ඉස්සරහින් වමට ගියාමත් අපිට හෝටන් ප්ලේන්ස් යන්න පුලුවන්..

අපි කට්ටිය හොද බඩ ගින්නේ හිටියේ..එතන ඉස්සරහම කඩයක් තියනවා..

කියවීම මිනිසා සම්පුර්ණ කරයි

අපි සුපුරුදු පරිදි තේකක් බීල අපේ කලින් සංචාරයක වගේ රොටී කෑවා..

මෙන්න උණු උණු රොටී

කා බෑ.

අපි උදේ හොදට සප්පායම් වෙලා අපේ hike එක පටන් ගත්ත..

ඔයාලට ඔහියේ ඉන්දන් ඉදල් ගස් හින්නට යන්න අවසරයක් ඕනේ රේල් පාර දිගේ යන්ව නම්...මේක ටිකක් අවදානම් වැඩක් ..
කොච්චි එන වෙලාව ගැන අවබෝධයක් තියෙන්න ඕන..
කි.මී. 9ක් ඇවිදින්න පුලුවන් වෙන්න ඕන..
බය කියන දේ අදුනන් නැති වෙන්න ඕන...
උත්සහය සහ ආසාව කියන දේ තියෙනන් ඕන..

අපි උදේ 6ට තමා අපේ පා ගමන පටන් ගත්තේ..
8 වෙද්දි ඉදල්ගස් හින්නට කෝච්චිය එනව..ඊට කලින් අපි එතනට යනන් ඕන..

මෙන්න අපි hike එක පටන් ගත්ත..

මෙහි තියන විශේෂත්වය තමා...කි.මී. 9ක් අතුලත බිංගෙවල් 14ක් හමු වීම...ඉතා දිගු බිං ගෙවල් සහ පොඩි බිං ගෙවල් හම්බෙනව...

ඒ වගේම අපිට යන්න තියෙන්නේ කැලෑ මාර්ගයකින්...අපිට මෙ ගමන ගැන සම්පුර්ණ වගකීම ගමන යන කට්ටිය බාර ගන්න ඕන..

බිං ගෙවල් අතුලෙන් යද්දි එකටම යන්න..ඒ වගේමයි, මේක හරියට ගේම එකක් වගේ..අපි 8 වෙද්දි ඊළග දුම්රිය නැවතුමත් යන්න වෙනව,..

නැත්නම් ආයේ පැය 3කට කෝච්චියක් නෑ..


(මේ බිං ගෙවල් 14 ගැනම සම්ග මේ කොච්චි පාරේ විස්තරය..)

ඔන්න කෑලෑව අතුලට

මෙන්න මෙතන නම් හරිම ගුප්ත තැනක්..හරිම අමුතුයි...

බිංගෙයක් ඉදිරියෙනි..

අදුරෙන් එලියට..

කොච්චර නම් කෝච්චි ගිහින් ඇත්ද?

බිංගෙයක් තුලින් යමු...

බිං ගෙය ඇතුලේ වවුල් රාජධානියක්..

වවුල් බෙටිත් ඕන තරම්

හදිස්සියේ හරි කෝච්චියක් ආවොත් ඉන්න පුලුවන් ආරක්ශිත කුටි තමා මේ..

ඈතිං ආලොකයක්

බිං ගෙයින් එලියට

ගමන ඉවර නෑ...

සංචාරයයෝ ඉදිරියටම...

බිං ගෙයක් තුලින් තවත් බිං ගෙයකට

පාලමක් ඉදිරියෙන්..

සිහියෙන් ගියේ නැත්නම් අවසානය තමා..

වට පිට ලස්සන..

තවත් පාලමක්

Alions?

අපි සංචාරේ...

එකක් තුලින් එකක්..

ආ මග කෙටියි... යා යුතු මග දුරයි...

"සංසාරෙන් අපි සමුගන්නා දා...ඒ ගමනත් අපි එකට යමු.."

මේ මොනවද මේ?

new songster Chamikawp

enjoy of hiking...

උඩුවේරිය තේ වත්ත..

තාම කී දාහක් මේ පාරේ යනවද?

මෙතන ඉදන් හපුතලේ පේනව,,

අපි මෙතනට එද්දි හරියටම 8 වෙලා...අපිට් මගදි පොඩි මල්ලි කෙනෙක් හම්බ උනා..එයාගේ උදව්ව නිසා තමා අපිට කෝච්චිය අල්ල ගන්න පුලුවන් උනා..අපිත් එක්ක ස්ටේශන් එකටම දුවන් ආව.. ඒ මල්ලියාට ගොඩක් ස්තූති වන්ත වෙනන් ඕන අපි..එයාට අපිට උදව්වක් කරන්න බැරි උන එකට නම් ගොඩක් දුකයි..

දුවල් දුචල ගිහින් කෝච්චිය අල්ල ගත්ත නිසා අපිට ඉදල්ගස් හින්නේ ෆොටෝස් නම් ගන්න උනේ නෑ..ලංකාවේ තියන ලස්සම දුම්රිය ස්ථානයක් තමා ඉදල්ගස් හින්න කියන්නේ..

​

 

[jkadithya]

අපි එතනින් කොහොම හරි ගම්පොළ බලා එන්න පිටත් උනා..ඒකටත් සෑහෙන වෙලාවක් යනව..

ගිය පාර අපි සැමන් සලාදේ හැදුවේ මෙතන ඉදන් තමා..

පට්ටි පොළ ..දැන්නම් නිකන් ගෙදර වගේ..

දුම්රිය ගමනේ..

මේ මගේ ලංකාවයි...බලන්න වට පිට ලස්සන...

පාලමක් මතින්...

ලංකාවේ ලස්සන බලන්න, යන්න දුම්රියෙන් බදුල්ලේ..

මීදුම් මැදින්...

අඹේවෙල..පුංචි නවසීලන්තය..

චාමික සහ වඩේ...

නැවතත් ගමනේ..

ග්‍රේට් වෙස්ට්ර්න් වෙත...

මහන්සිද මංද

සැට් එක..

දුම්රිය දෙකක් අතර...

ඔන්න අපි ගම්පොළ දුම්රිය ස්ථානයට ආව...

මෙතනින් බැහැල අපි දවල්ට කාල ජාස්ලගෙ ගෙදර යන්න බස් එකට නැග්ග...අපේ පොඩි එවුන්ට අයිස් පැකට් කන්න ආසවක් ආව ඒ වෙලේ..

අපි ජාස්ලගේ ගෙදර ගිහින් අපේ ෆෝන් චාජ් කරගෙන, සමහරු FB ස්ටේටස් අප්ඩෙට් කරල, වොශ් එකක් දාල චේන්ජ් එකක් දාල හවස දළදා මාලිගාවට ගියා...

කඩියාගේ ෆොටෝගැපි..

අපි ඊට පස්සේ Kandy City Center එකට පොඩ්ඩක් ගියා කෑම ජාති කීපයක් ගන්න..

ඒක ඇතුලේ ෆෝටෝ ගන්න දෙන්නේ නෑලු ඕන්..​

 

[jkadithya]

සංචාරයේ අවසාන දවස...අපේ අද දවසේ බලන්න යන්න කියල හිටියේ කොත්මලේ ජලාශය..

උදේ වෙනකල් ටිකක් නිදා ගත්ත අපේ සෙට් එක..ඊට පස්සේ ජාස් ලගේ ගෙදරින් උදේටත් කාල අපි පිටත් උන ගම්පොළ නගරයට යන්න..

අපිට අපේ සංචාරයට අලුත් එලකිරි යාලුවෙක් එක් උනා දෙවනි දවසේ දී..ඒ තමා pathum87

ඈතින් පෙන්නේ අම්බුලුවාව...

අපි මෙතනට ආවේ උදේ 09.15 තියන බස් එක අල්ල ගන්න..අපි එතනට එද්දි 09.10..බස් එක වෙලාවටත් කලින් ගිහින්..

ඒක නිසා අපිට වෙන බස් එකක් හොයන් යන්න උනා...

බස් එකෙන් එකට කියල ටිකට් ගත්තම හරි...

බස් එක ඇතුලෙදි චාමික එක එක හපන්කම් ගොඩක් කලා...

මං කලින් කිවුව වගේ චාමික සංගීතයට බොහොම් ලැදි කෙනෙක් නේ...ඒ වගේම තමා ඉතාමත් ලස්සනට විස්තර කරන්න හැකියාවත් චාමිකට තියනව..බස් එකේ ගිය සිංදුවක් විස්තර කල අපුරුව.. (අපිට නම් නෙවේ..ලග හිටිය ඇන්ටිට)

මෝඩයාගේ පාලම

කොහොම කොහොම හරි බස් එක සෑහෙන වෙලාවකට පස්සේ ඕන් ආව අපේ ගමනාන්තයට..

කවදත් වැදගත් පනිවිඩයක් ගෙනෙන අපේ කෙනෙක්..

view point එකට ඇතුලු වෙන්නේ මෙතනින්..

ටිකට් ගත්ත...රු.30 ටිකට් එකක්..

මේ තමා view point එක..මෙතන ඉන්දන් බැලුවම පේන්නේ මෙහෙමයි...

අපේ සැට් එක මෙදා සැරේ...

මෙදා සැරේ සංචාරයට එකතු උන pathum87

මෙතන කොත්මලේ ජලාශයට අදාල කෞතුකාගාරයක් තියනව..පාසල් ළමයින්ට ගොඩක් වැදගත් වේනව ඒක..

අනාගතය වෙනුවෙන් චාමික..

සැකැස්ම..

මෙතනින් පස්සේ අපි ගියේ මහවැලි මහා සෑය බලන්න..ඒ සදහා අපිට කි.මි.1.2 පයින් යන්න තියනව..බෑග් උස්සන් කදු නගින එක තමා අමාරුම වැඩේ..

ඔන්න අපි මහවැලි මහ සෑය වදින්න පයින්ම යනව..

මිනිසා සහ පරිසරය

ලස්සන දර්ශනයක අපේ එකෙක්

එක දිගටම කන්ද

දැන් ලගයි..

ඔන්න අපි මහවැලි මහ සෑය ලගටම ආව

දහම් පාසල

මෙන්න මහවැලි මහ සෑය,...


"සිංහල රජ දවස සෞභාග්‍ය යළි ඇරඹුණේ අවසන්වරට වාරි හා දැගැබ් කලාව සිදුවී වසර 1700 කට පසුව ය. එනම්, 1983 මාර්තු මස 20 වන දින හිටපු මහවැලි සංවර්ධන අමාත්‍ය දිවංගත ගාමිණී දිසානායක මැතිතුමාගේ සංකල්පයක් අනුව පෙරකන්ද උඩරට රාජධානියට අඩුවක්ව පැවති අඩි 289ක් උසැති කොත්මලේ මහවැලි මහා සෑ ව්‍යාපෘතිය ආරම්භ කරන ලදී. මහවැලි සංස්කෘතික පදනම් භාරයේ හිටපු සභාපති ඉංජිනේරු ක්ෂේත‍්‍රයට මහත් සේවයක් කළ දිවංගත විද්‍යාජෝති ආචාර්ය ඒ. එන්. එස්. කුලසිංහ මහතා විසින් රුවන්වැලි මහා සෑයට උසින් අඩි දෙකක් අඩුවෙන් මහවැලි මහා සෑය නිර්මාණය කරන ලදී.


මේ පුණ්‍ය කටයුත්ත සඳහා පින්වත් ඔබට දායක විය හැකිය. ඒ සඳහා මහවැලි සංස්කෘතික පදනම් භාරය, මහවැලි මහා සෑ ව්‍යාපෘති කාර්යාලය, මහවැලි කේන්ද්‍ර පරිශ‍්‍රය, 96, ආනන්ද කුමාරස්වාමී මාවත, කොළඹ 07 යන ලිපිනයටත් 011 – 2665650 දුරකථන අංකයටත් ඹඹඹ.ථචඩචඹඥතඪ. ඨධම.තඬ වෙබ් අඩවියටත් ඇමතිය හැකි ය.

අපූර්වතම නිර්මාණයක් වන මහවැලි මහා සෑය බුද්ධ වර්ෂ 2553 දී සාදා නිම කිරීමට අප සියලු දෙනාටම ශී‍්‍ර දළදා වහන්සේගේ ආශිර්වාදය ශක්තිය හා ධෛර්යය ලැබේවා ! "

(උපුටා ගැනීම සහ වැඩිපුර විස්තර)

මහවැලි මහ සෑය ගැන අපේ විස්තර ටිකක්

( උපුටා ගැනීම Kingdewi අයියගේ බඳිමු වඳිමු අපි මහවැළි මහ සෑය )


මේ මහවැළි මහා සෑයෙ උස ප්‍රමාණය දෙවැනි වෙන්නෙ රුවන්වැලි මහා සෑයට විතරයි. ඒත් අඩි 2 කින් විතරයි, රුවන්වැලිසෑයට කරන ගෞරවයක් විදියටලු මේ සෑයෙ උස අඩි දෙකකින් අඩු කරල තියෙන්නෙ
මහවැළි මහා සෑය උස අඩි 289
වට ප්‍රමාණය අඩි 628

මේ සෑයෙ ගර්භය කොන්ක්‍රීට් තහඩු වලින් හදල සෙරමික් ටයිල් අල්ලල තමයි නිර්මානය කරල තියෙන්නෙ

නවීන තාක්ෂනය උපයෝගී කරගෙන හදපු මේ සෑයෙ පාදම තනි පේසාවලල්ලකින් යුක්ත වීම..
මේ පේසාවලල්ල ඇතුලතින් චෛත්‍යය තුලට ඇතුල් වෙන්න පුලුවන්..

දෝංකාරය දෙන සහිතව නිමවලා තියන මේ විශිෂ්ඨ නිර්මානය දැක්කම ඇත්තටම ලාංකිකයකු වීමේ ආඩම්බරය හිතට දැනෙවා..

කොත් කැරැල්ල රඳවල තියෙන්නෙ යකඩ අටල්ලක් උඩ.

මහවැලි මහ සෑය වැදගත් අපි ආපසු කොත්මලේ වේල්ල බලන්න එන්න පිටත් උනා..

ඒ එන මග තිබ්බ පොඩි පලතුරු කඩේකටත් අපි ගොඩ වෙලා එහෙම තමා ආවෙ...

ඒ එන අතර මග ජීවිතේටම කූඩැල්ලෙක් නොකාපු අපේ එකෙක්ව කූඩැල්ලෙක් කාල..

කඩියාගේ ගොඩ වෙදකම් නිසා යාන්තමින් ලේ යන එක නතර කර ගත්ත..

​

 

[jkadithya]

මහවැලි මහ සෑය වැදල අපි ආපහු පල්ලම් බහින්න පටන් ගත්ත කොත්මලේ වේල්ල බලන්න...

සංචාරකයෝ ගමනේ..

යමු යමු..

ඉරිද නිසා බස් ගොඩාක් අඩුයි..

ජීවිතේ මල් මාවතේ...

"මේ මැයි ගහ යට..."

අපි කලින් ගත්ත ටිකට් වලින්ම මෙතනටත් යන්න පුලුවන්...

පිවිසුම් දොර‍ටුච

ඔන්න අපි ඇතුලට ආව...

පුරාණයේ සිට අපේ පැවත එන ජලය සහ නාග රූපය..

වෙල්ල , ජලාශය සහ අවට...

පූර්ණ අධීක්ෂනයක්..

ජල කද..

වැවයි දා ගැබයි සංකල්පය මතක් කරමින්...

Travelers

ජලාශයේ දොර‍ටු සහ අනෙකුත් අංග..

කොත්මලේ වේල්ල බලල අපි ආයේ යන්න පිටත් උනා..

අපිට වේල්ල බල්ල එලියට ඇවිල්ල මුහුණ දෙන්න උන ලොකුම ගැටලුව තමා ආපහු ගම්පොළ නගරයට යනන් විදිහක් නැති වීම..එදා ඉරිද දවසක් නිසා බස් ගොඩක් අඩුයි...ඉතිං බං එකක් එනකල් අපි චාමිකගේ චුල්ල පදුම ජාතකට සවන් දුන්න...පැයක විතර බඩගින්නත් එක්ක බලන් ඉදල අන්තිමට අපිට බස් එකක් හම්බුනා ගමොපොලට යන්න..ගම්පොළට ගිහින් අපි දිවා ආහරය 4.30ට විතර අරගෙන නැවතත් කොළඹ බලා පිටත් උනේ හි 4 වෙනිඋ Team ElaKiri Travelers ලගේ 4 වන සංචාරයත් සාර්ථකව නිමා කරමිනි..

ඉතිං සංචාරයකයෝ ඉදිරියටත් හැකි හැම අවස්ථාවකම අලුත් , නොදු‍ටු දෙයක් හොයාගෙන පුලුවන් හැම වෙලාවකම මේ වගේ නැවුම් සංචාරක අත්දැකීමක් අරන් ඔබ හමුවට එන්නම්..

එතෙක් ‍රැදී සිටින්න අප සමග......

​

________________________________

​

​

​

We Highly Appreciate Your Ideas..
send your Suggestions and ideas :-

[email protected]

​

Special Thanks goes to :-

All My Team members..
JASS's Family memebers.
The Kid who helped us near Idalgas Hinna.
Kindly station master of Ohiya station.
and all others who helped us while this journey..

Many photos were taken by MR PERERA

( some photos are mine )

Video will soon on ( JassBandara)

 

[Mr PERERA]

දවල් 12 වෙනකන්ම කිසිම අදහසක් තිබුනේ නෑ රේල් හයික් එකක් කරන්න. ඒත් හැමදාමත් කියනවා වගේ අපේ ටීම් එක යන්න කතා කරන ඕනම තැනක යන්නට එක පයින් සූදානම්. ඒ ගමන කොයි තරම් අමාරු අවදානම් ගමනක් උනත් ප්‍රශ්නයක් නෑ. එක පයින් එයාලා කැමතියි. ඇත්තටම ගොඩාක් සන්තෝස වෙනවා මේ වගේ සහෝදරයන් පිරිසක් මගේ ජීවිතයට එකතු වෙච්ච එක ගැන. යාළුවන්ට වඩා මගේම සහෝදරයන් වගේ.

ඒ වගේම තව දෙයක් කියන්න ඕන හයික් එක බලන අයට බොහෝම සර්ල දෙයක් වගේ තේරෙයි. ඒත් ඒක අවදානම් ගමනක්. අපේ ටීම් එක දන්නවා ඔහින ඉඳලා උඩවේරිය වත්ත ගාවට වෙනකන් කිසිම මිනිස් වාසයන් නෑ. ඒ වගේම තමයි බිං ගෙවල් තුලින් යනකොට ගොඩාක් ප්‍රවේසම් වෙන්න ඕන. දුම්රියෙන් වගේම සතා සිව්පාවාගෙනුත්. විශේෂයෙන්ම දුම්රිය ගමන් වෙලාවල් ගැන හොඳ අවබෝධයකින් ගමන් කරන එක නුවනට හුරුයි. ඒ වගේම ඉදල්ගස්හින්නට බස් නෑ. තියෙන්නේ දුම්රිය විතරයි. දුම්රියක් මඟ හැරුනොත් සෑහෙන වෙලාවක් ඉන්නට වෙනවා. නැත්තම් හපුතලේට හරි ඔහියට හරි යන්න වෙනවා බස් එකක් ගන්න. ඒ බස් වෙලාවෙන් වෙලාවට තමයි තියෙන්නේ.

ඒ වගේම බෝල්ට් ගැන සඳහන් කරන්න ඕන. බෝල්ට් නැති අඩුපාඩුව මට වගේම අපේ ටීම් එකේ හැමෝට එක වගේ දැනුනා.


ඒ වගේම තව දෙයක් කියන්න ඕන Best thread Poster කඩියා ගැන. හැමදාමත් කියනවා වගේ අදත් කියන්න තියෙන්නේ, මල්ලි උඹ වගේ ත්‍රෙඩ්ස් පෝස්ට් කරන්න පුළුවන් එකෙක් මේ සයිට් එකේ නෑ. "අ" ඉඳලා ට්‍රිප් එකේ විස්ථර ටික ලස්සනට පිළිවෙලට ඉදිරිපත් කරලා තියෙනවා. ත්‍රෙඩ් එක කියවන හැමෝටම තමනුත් මේ සංචාරයට එකතු උනා වගේ කියලා දැනෙයි කියලා මට විශ්වාසයි.

ඒ වගේම තව එක දෙයක් කියන්න ඕන.

​

Thanks Gehan for taking this nice pic
​

මේ තියෙන්නේ ඕමන්ත දුම්රිය නැවතුම. ඉදිරි දින කිහිපය ඇතුලත එලකිරි සංචාරකයා යාල්දේවි දුම්රියේ ගමනක් යන්නයි සූදානම. මේ තියෙන්නේ අපේ Destination එක.

ඒ තොරතුරුත් අරගෙන ඉක්මනින් එන්නම් ඔයාලා හමුවට.


​

 

[Banks PLK]

DAMN MY PARENTS NEVER TOOK ME TO THOSE PLACES

 

[- Mysterious -]

nice

 

[chamikawp]

oh yeah!
පිස්සු කොර ට්‍රිප් එක!

ස්තුතියි ජේකේ නියම වැඩක්!

​

 

[malibu]

machan meka nam maru. apitath barida traveler ekata join wenna

 

[migaramk]

well done....
කියන්න කැමතියි තවත් අයට ඉඩක් ලබාදෙන්න කියලත්, ගොඩක් අය කැමති ඇති travelers එක්ක රවුමක් දාන්න

 

[malinrock]

nice pictures

 

[සුදු මහත්තයා]

අඩෝ... කෝච්චියෙ බදුලු යන ගමන තමා පට්ටම ගමන.

අපිත් සැරයක් සෙට් වෙලා හොර්ටන්තැන්න බලන්න ගියා. ඔහියෙන් බැහැලා එතන ඉඳන් පයින් ගියේ. ඉස්ටේෂම ඉස්සරහ කඩෙන් රොටි කෑවා මාර රහයි. ඒකනම් නියම ට්‍රිප් එක. අපිත් ගියේ රෑ මේල් එකේ.ඊට පස්සෙ පට්ටිපොලට ඇවිත් බදුලු ගියා.

 

[jkadithya]

DAMN MY PARENTS NEVER TOOK ME TO THOSE PLACES

oh why is that?

 

[amila325]

WOW machan...... maxxa really loved this thread... you guys r so lucky to experience such things .... Even I sometimes say I don't have time to do such things and all.... but you guys are so good example for proving that wrong .... If you really need to do something you will find enough of time to do it .... stay safe brothers

 

[jkadithya]

well done....
කියන්න කැමතියි තවත් අයට ඉඩක් ලබාදෙන්න කියලත්, ගොඩක් අය කැමති ඇති travelers එක්ක රවුමක් දාන්න

aniwa api idak denwa..api meeka yanna kalinuth yanwa kauda enne kiyala ahuwa..eeth godak kattiya enawa kiyala anthima mohothe ba kiyanwa..eeaki..nathwa api ekkan yanna akamattak athuwa ehema newe..

 

[මාතර කිඹුලා]

බම්ප් !

 

[nagaya]

ela ela macho maxxa

 

[jkadithya]

අඩෝ... කෝච්චියෙ බදුලු යන ගමන තමා පට්ටම ගමන.

අපිත් සැරයක් සෙට් වෙලා හොර්ටන්තැන්න බලන්න ගියා. ඔහියෙන් බැහැලා එතන ඉඳන් පයින් ගියේ. ඉස්ටේෂම ඉස්සරහ කඩෙන් රොටි කෑවා මාර රහයි. ඒකනම් නියම ට්‍රිප් එක. අපිත් ගියේ රෑ මේල් එකේ.ඊට පස්සෙ පට්ටිපොලට ඇවිත් බදුලු ගියා.

ethanta wada machan pattipola api kaawa bala thanakin Roti..ethana num patta rasai..


meeka balapankoo

http://www.elakiri.com/forum/showthread.php?t=932736

 

[jkadithya]

WOW machan...... maxxa really loved this thread... you guys r so lucky to experience such things .... Even I sometimes say I don't have time to do such things and all.... but you guys are so good example for proving that wrong .... If you really need to do something you will find enough of time to do it .... stay safe brothers

hey bro...how are you ? Thanks for your valuable comments..we all are so busy..but see how we found the time..we just need to give a try to find these kind of beauty.. hope you are busy with works nowadays..im also finding new job now..

b saf bro..

 

[Mr PERERA]

well done....
කියන්න කැමතියි තවත් අයට ඉඩක් ලබාදෙන්න කියලත්, ගොඩක් අය කැමති ඇති travelers එක්ක රවුමක් දාන්න

මගුලක් කතා කරනව උඹ. එන්න කියනවා. එන්න කැමතී කියලත් PM එවනවා. අන්තිමට ට්‍රිප් එකේ විස්ථර කියලා PM එකක් දැම්මාම එදාට උන්ට මොකක් හරි වැඩක්. ආයේ එකෙක්ටවත් කතා කරන්නේ නෑ ට්‍රිප් යන්න. අපේ ටීම් එක විතරයි.