අපේ රටේ මිනිස්සු හරි වෙනස් !!

[sriboysl]

අපේ රටේ මිනිස්සු හරි වෙනස් !!

"අපේ රටේ මිනිස්සු හරි වෙනස් "

මෙහෙම කිවිවහම වෙළද දැන්වීමක් මතක් වුනත්,
මේ තවත් විදියකින් ඒ වෙනස යළි මතකයට නගාගන්න හදන උත්සාහයක්!!

අපේ රටේ මිනිස්සුන්ගෙ තිබුණ ඒ වෙනස මොකක්ද?
අද ඒ වෙනස තවමත් තියනවද?

මීට දශක හතරකට එහා ඉපදුන කෙනෙක් විදිටය මම ඒ වෙනස අත්දැක ඇත්තෙමි!!

මේ වෙනසෙන් පිළිබිඹු වූයේ අපේ මිනිසුන්ගෙ පරාර්ථකාමීත්වයම නේද??


නමුත්, වක්කඩ කැඩුවා වගේ රට තුළට ගලාගෙන ආව විවෘත ආර්ථික රැළ්ළත්,
බල්ලන් බලලුන් වත් නොමරන විදියට පාරේ තැන්තැන් වල අපේ මිනිසුන් මරා දැමූ අධම සංස්කෘතියත්,
අපට උරුම වූ ඒ වෙනස අපෙන් උදුරා ගත්තේ අපේ ඇස්පනා පිටමය!!!

ඔබ විද ඇති, දැක ඇති, අසා ඇති අපේ රටේ මිනිස්සුන්ගෙ ඒ වෙනස මෙහි ලියන්න!!!!!

 

[sriboysl]

අපේ කුඹුරක ගොයම් කැපුවහම ළියද්දක මුල්ලක ගොයම් ටිකක් නොකපා ඉතුරු කලා.
පළතුරු ගහක ගෙඩි කැඩුවත් එහෙමයි.
ඒකට කිව්වෙ කුරුලු පංගුව කියලා.
අපි විතරක් කාලා හරියන්නෙ නෑ නේ කියලයි වැඩිහිටියො කිව්වෙ!!

 

[ileperuma]

මේවා නැත්තම නැති කලේ J.R ගේ විවුර්ත ආර්ථිකය තමා

 

[sriboysl]

පාරක අපට ඉදිරියෙන් වාහනයක් හෙමින් යනකොට, ඉදිරිය පැහැදිළි නම් අපට ඉස්සර කර යන්න හැකිවනසේ වාහනය මදක් අයිනට ගෙන අතින් සංඥා කලා. ඒ වාහනය පසුකර යන ගමන් ස්තූතියි කියලා හෝන් එක ගැහුවහම නිහතමානිව ඒය භාරගෙන අපට ප්‍රතිස්තූති කලෙත් හෝන් එකෙන්මයි.

 

[mudrana]

මීට දශක හතරකට එහා ඉපදුන කෙනෙක් විදිටය මම ඒ වෙනස අත්දැක ඇත්තෙමි!!

බොහොම සන්තෝසයි. අපේ බෝට්ටුවෙ තව කට්ටිය ඉන්නව........

 

[sriboysl]

පන්සලක් බෝධියක් ගානේ බස් එකෙන් හෝ වාහනේකින් යන අය අසුනෙන් නැගිට්ටා.
සමහරු අපට කිව්වා "පුකෙන් වදින බවුද්දයෝ" කියලා.
නමුත් අපේ මිනිස්සුන්ගෙ හිතේ තිබුනෙ බුදු ගෞරවය!!!

 

[kaladuwannam]

Honda thread ekak. Digatama karagena yanna.

 

[sriboysl]

පාරෙ බල්ලෙක් බලලෙක් මළාම අපේ මිනිස්සු ඉන්න තැනකනම් ඒ මළකද උඩින් ආයෙ වෙන වාහන යන්න ඉඩ තියන්නෙ නෑ. කව්රුන් හෝ ඉදිරිපත් වී එය ඉක්මනින් භූමදානය කලා.
බල්ලෙකුට පූසෙකුට උනත් අපේ මිනිස්සුන්ගෙ ගෞරවයක් තිබුණා.

 

[Honest-killer]

දැන් දැන් අම්මලා තාත්තලා තමන්ගෙ ලමයි මරන්න තරම් තත්වෙ දරුනුයි

 

[sriboysl]

කඩපිලක් අහල පහලක නැති පාරක් අද්දර තියෙන ගෙදරක පාර අයිනෙ පොල්කටුවක් වැසූ වතුර කළයක් තබා තිබුණා. ඒකට කිව්වෙ පිංතාලිය නැත්තම් පැන්තාලිය කියලා. ඒ පාරෙ පයින් යන මිනිස්සුන්ට තිබහට වතුර ටිකක් බොන්න.

 

[sriboysl]

පාරේ අවමංගල්‍ය පෙරහැරක් යන විටත් අපේ අය වාහනේ අසුනෙන් නැගිට්ටා.
එහෙම කලේ ආයෙ කවදාවත් මැරිලා ඉන්න කෙනාට ගෞරවයක් දක්වන්න අවස්තාවක් වෙන නොලැබෙන නිසා.

 

[chanaka chana]

ආර්ථිකයයි තරගකාරිත්වයි නිසා අපෙන් අහිමි වෙලා යන අපේ කම....

සිංහලයෙකු විමත් බෞද්ධයකු විමත් ආඩමිබරයක් සේම නැතිවි යන සිංහලකම, බෞද්ධ සංස්කෘතිය රැකගම්මු....

 

[sriboysl]

අපේ ගෙදරක කෙනෙකුට වසංගත රෝගයක් ඒ කිව්වෙ දෙයියන්ගෙ ලෙඩක් හැදුනොත් ගෙදර දොරකඩ කොහොඹ අත්තක් එල්ලුවා. ඒ ගෙදරට පිටතින් එන කෙනෙකුගෙ ආරක්ෂාවට සංඥාවක් වශයෙන්.

 

[kaladuwannam]

මේ ත්‍රෙඩ් එක ගොඩක් වටිනවා අය්යේ. අපේ රට දැන් ගොඩක් වේගෙන් පිරිහෙනවා. පත්තර වල තියෙන දේවල් දැක්කම ඇත්තටම කළකිරෙනවා.

අපිට මුළු රටම එක පාර හදන්න බෑ තමයි. ඒත් අපි තනි තනිව හරි ධාර්මික වුනොත් තමයි රට හැදෙන්නේ. ඒ නිසා මම හිතන්නේ ආයෙත් අපේ රට පරණ තත්වෙට ගන්නනම් අපි හැමෝම ඉක්මනින්ම අපේ ජීවිත පුළුවන් තරම් ධාර්මික පැත්තට වෙනස් කරගන්න ඕනෙ කියල.

අපි අඩුම ගානෙ පන්සිල්වත් දිවි හිමියෙන් රකින්න අදිෂ්ඨාන කරගන්න ඕනෙ.

 

[PMUB]

කොස් ගෙඩියටටත් මිනීමරා ගත්ත
පාලකයෝන්ගේ ළමාතැන පිට රටවල අද්‍යාපනය ලබන කොට අපි සාම්ප්‍රදායක අද්යාපනයක වනපොත් කරා
වෙල ශේප් කරගන්න පොලින්වල රස්තියාදු උනා
ගර්බනී බව දරුවෙක් බිහි කිරීම අනෙක් රට වලට සාපේක්ෂව අවදානමක් උනා​

 

[L KNG]

100% ක් හරි මචන්. දැන් දැන් ඒ ගතිගුණ මිනිස්සුන්ගෙන් ගිලිහිලා යමින් පවතිනවා.
ඒ ගැන නම් දුකයි.

 

[sriboysl]

හැම ගෙදරකම වාගේ කුනු වලක් තිබුණා. ඒක පිරුණහම ගොඩ දාලා ගස් කොළන් වටේ පොහොරට දැම්මා. දිරන්නෙ නැතිව ඒකේ බොහෝ විට ඉතිරිවෙලා තිබුණෙ පරණ බැටරි කෑල්ලක් දෙකක් විතරයි. බෝතල් කටු පිගන් කටු දැම්මෙ වැසිකිළි වලට. ඒ කවදා හරි කාගේ හරි ඇණෙයි කියලා හිතලා.

 

[asanka10]

අපේ රටේ මිනිස්සු හරි වෙනස්
ඕනෑම දෙයක් අමතක වෙන්න යන්නේ සති 2
ඉතින් අපිට කගේ සරණක්ද.... අපේ හෙළ ගති දැන් අපට නැත..
ඒ වෙනුවට පරින්ගේ ගති හිසට උඩින් පිළිගන්න පරගත්තන් බවට
පත් වී ඇත.. එබැවින් යකෝ මේවා අතීතයට පමණි.
නැවතත් මෙවන් ඉතිහාසයක් සිහිනයක් පමණි..
දැන් අපේ ගති නෙමේ පරගති අප සතුව ඇත..

 

[Pink panther]

සිරි අයියා කාලෙකින් දැක්කේ.... කොහොමද වාස දේස....

 

[ncpasan]

තවමත් ඒ වෙනස ස්වල්ප වශයෙන් හෝ දක්නට ඇත. නමුත් එයද වේගයෙන් ක්ෂය වෙමින් පැවතීම කණගාටුවට කරුණකි.