පද පේළී - EK LYRICS THREAD PART 2

[kellsupun]

අසුරු සැනින් එක මොහොතකදී
කාලය නැවති යලි ඇරඹී
විශ්වය අලුතින් බිහිවේවා
ඔබේම වී මා මගේම වී ඔබ
අපේම වී අප ඉපදේවා.....

What a song..

 

[thilina91]

Listen to it. You'll feel it.

 

[kellsupun]

Listen to it. You'll feel it.

 

[shaminda peiris]

එපා හිරු පායන්න අදින් පසු මගෙ ලොවට,
අදයි අවසන් දවස ඇගෙන් මා හා මගෙන් ඈ සමුගන්න..

සැඳෑ තරු නොදිලෙන්න සරා සඳ නොනගින්න,
වෙලී යුගඳුර සතර අනු දිසා ගිලගන්න..
ගලා යන නදී දොළ මිදී මිදී නැවතී ඉන්න..

ලිය මඩල තුරු සිරස එපා මල පළඳින්න,
වසන්තය නිමාවී කොවුලනේ ගොළුවන්න..
සොබාදම් නෑසියනි සැලී සැලී කම්පාවන්න..!!!!

 

[kellsupun]

සිරිමා බෝ මැඩ මුනිඳුන් වැඩ හිඳ
දස මර සේනා දිනූ බෙලෙන්
ජයපැන් කරඬුව දෝත දරා
නිදන්න දූ කුමරී

බක්කුල මහ තෙරිඳූ බෙලෙන් නිදුක් නිරෝගී වේවා
සූවිසි මුනිඳුන් පින් මහිමෙන් නිරතුරු ආයු වැඩේවා
අසූ සාර දහසක් දම් තෙද කඳ සෙවණ දෙවා සුරකීවා

සිරි දළදා සමිඳූ නමින් ළතෙත් ගුණය ඉතිරේවා
වම් සිරිපා රන් පද්ම බෙලෙන් අනන්ත නුවණ වැඩේවා
මහා සීවලී මහිමි අනුහසින් ඉසුරු සැපත් බෝ වේවා

ගේය පද - ආචාර්ය අජන්තා රණසිංහ
තනුව හා ගායනය - ආචාර්ය වික්ටර් රත්නායක

 

[shaminda peiris]

ගිමන් හරින දියඹ දිගේ
සුසුම් හෙලන වෙරළ ඉමේ
බැස යන හිරු අඩෑසි සඳට රහස් කියනවා
සද ආදරයෙන් අහස පුරා රටා මවනවා

හිත් දැහැනේ වෙලී තිබුණු
නෙත් දැහැනේ ගලා හැලුණු
මියැදෙන්නට බලා ඉඳපු ආදරයද මේ
හිරු රහසේ කියා දුන්නු ආදරයද මේ

නිල් කටරොළු නිල නැහැවුණු
මල් බර මුදු සුව රැඳවුණු
තොල්පෙති මල් ඵලදාලන ආදරයද මේ
නුඹ රහසේ කියා දුන්නු ආදරයද මේ

ගිමන් හරින.....

 

[Hora_Nariya]

කුරහන් යායේ සඳ උතුරාගෙන
හිතට දුකක් ගලනා වේලේ...
රෑ තුන් යාමේ ගැයෙනා මේ ගී
නුඹට ඇසේවා සුදු නෑනේ...

එදා වගේ සැඳෑ අඳුර
වැව් බැම්මෙන් ගලා ඇවිත්
උණ පඳුරේ සෙවන සදනවා...
කීව කතා රහසේ යළි
සිතට නැගෙනවා....

මගේ පැලේ හිනැහීගෙන
සිටිනා ලෙස නුඹේ රුවින්
නිදි පැදුරේ සිහින පෙනෙනවා....
ඈත සිටින නුඹේ නාමෙන්
දෑස තෙමෙනවා....

ගායනය - ටී. එම්. ජයරත්න

 

[Hora_Nariya]

දවසක් පැල නැති හේනේ
අකාල මහ වැහි වැටුනා
තුරුලේ හංගාගෙන මා
ඔබ තෙමුනා අම්මේ
පායන තුරු හිටි පියවර
හිටියා ඔබ අම්මේ...

නුවර වීදි යට කරගෙන
නින්දා වැහි වැගිරුන දා
බිරිඳකගේ සෙනෙහෙ ගියා
යෝධ ඇලේ නැම්මේ
ඔබෙ සෙනෙහස සුවඳ දි දී
දැනුනා මට අම්මේ...

කොළඹ අහස කලු කරගෙන
මුහුදු හුළඟ හඬලනකොට
ඔටුන්න බිම දා දුවගෙන
එන්නද එක පිම්මේ
මං එනතුරු ඉඳිකඩ ළඟ
ඉන්නවාද අම්මේ....

ගායනය - විශාරද ගුණදාස කපුගේ

 

[Ithika mithika]

සිරිමා බෝ මැඩ මුනිඳුන් වැඩ හිඳ
දස මර සේනා දිනූ බෙලෙන්
ජයපැන් කරඬුව දෝත දරා
නිදන්න දූ කුමරී

බක්කුල මහ තෙරිඳූ බෙලෙන් නිදුක් නිරෝගී වේවා
සූවිසි මුනිඳුන් පින් මහිමෙන් නිරතුරු ආයු වැඩේවා
අසූ සාර දහසක් දම් තෙද කඳ සෙවණ දෙවා සුරකීවා

සිරි දළදා සමිඳූ නමින් ළතෙත් ගුණය ඉතිරේවා
වම් සිරිපා රන් පද්ම බෙලෙන් අනන්ත නුවණ වැඩේවා
මහා සීවලී මහිමි අනුහසින් ඉසුරු සැපත් බෝ වේවා

ගේය පද - ආචාර්ය අජන්තා රණසිංහ
තනුව හා ගායනය - ආචාර්ය වික්ටර් රත්නායක

Ade patta machan..

 

[Hora_Nariya]

ගමනේ ගිම් නිවූ එදා
සැනසුම් පවන් සළා
ඔබ මා දවයි දිවා රෑ
හද සෝ සුසුම් හෙළා...

මතකේ තිබේද ඒ යුගේ මාගෙ චේතනා
වැටහෙන්නෙ දැන්ද ආදරේ සෝක වේදනා
ඝණ අන්ධකාරයේ පාළුවේ කිමිදුණා
තනි වූයෙ ඔබ නො වේ
මා පවා තනි වුණා...

ඔබ මං මුලා වෙලා ගියා පෙම් පහන් නිවා
අහිතක් හිතන්නෙ නෑ පි‍්‍රයේ සිහිනෙකින් පවා
අද ඔබගෙ ජීවිතේ කතරකී වාලුකා
හිනැහෙන්න යළි දිලෙයි
දෛවයේ තාරකා...

ගායනය - මිල්ටන් මල්ලවාරච්චි

 

[lankanatha]

ඔබට වරම් නැති මටද වරම් නැති
සෙනෙහස කොතැනද සැඟව ගියේ
ඉවත ගලා ගිය කඳුලක දියවී
ප්‍රථම ප්‍රේමයයි බොඳව ගියේ...

ඔහුට පුදන්නට පූජාසනයේ
නොකිලිටි මල් පිපුනිද ලඳුනේ..
පෙති ගිලිහී ගිය පරසතු කුසුමක
සුවඳ කොහේ කොතැනද රැදුනේ...

ආ මඟ වැරදී ඔහුද ඔබද මා
දෛවයේ තුන්මංසල හමුවී..
බලා හිඳිනු මිස හඬාවැටෙන්නට
කඳුලක් නැ දෙනුවන පිපුනේ...

 

[Hora_Nariya]

බඹරිඳු බඹරිඳු කුමට වඩින්නේ
වන මල් කැකුළිය සොයා වඩින්නේ
වන මල් කැකුළිය කුමට සොයන්නේ
ලැබුණොත් ඇය පෙම් පවස නිවෙන්නේ...

සැඟවුණු රසමදිරා තුඩ ගාවා
පෙම් මකරන්දය මුළු වත නාවා
බඹර කුසුම් හදවත් යුග යාවා
දෙමිය පියුම් ලොව හැම රස පාවා...

අන් මලකට මකරන්දය ගාවා
ඔබෙන් ගෙනා බව මලට නොකීවා
අප පෙම එ මලින් මල්පල වේවා
ලස්සන ලස්සන මල් සුපිපේවා...

බඹරුන් නැති ලොව මල් නොපිපෙන්නේ
මලක් නොළත් ගස නෑ පළ දෙන්නේ
ගසක් මලක් නැති ලොව කොයි වැන්නේ
මෙත් ගුණ නැති රළු කතරක් වැන්නේ...

ගායනය - පණ්ඩිත් අමරදේව සමඟ විශාරද නන්දා මාලිනී

 

[Hora_Nariya]

කිරි සුදු සේලේ
ඇඳි ඇගෙ ලෝලේ
ගෙල බැඳි මාලේ
ඇගෙ නෙතු දෑලේ
පියකරු ලීලේ…

ආයන්න කියවන්නෙ ඈ
මී බින්දු රස දෙන්නෙ ඈ
සිත පුංචි රිදවන්නෙ නෑ
පංතියේ…

ඔබෙ පුංචි ඒ පංතියේ
ඉඳගන්න සිතෙහි තියේ
ඉඩ දෙන්න බැරිදෝ ලියේ
පංතියේ…

ගායනය - ක්ලැරන්ස් විජේවර්ධන

 

[Hora_Nariya]

ආදරේ නෑ ආදරේ
කවුරුවත් නෑ ආදරේ...

වීථියේ අතිනත වෙලා
තුරුලු වී හිඳ හිනැහිලා
පෙම්වතුන්ගේ ඒ සුවේ නෑ
මගේ හදවත තනිවෙලා...

පාළුවේ හිඳ මග බලා
දෑස කඳුළින් බොඳවෙලා
ආදරේ සුව මට උරුම නෑ
හඬයි හදවත තනිවෙලා...

ගායනය - සනත් නන්දසිරි

 

[Hora_Nariya]

අද හමු නොවුණත් හෙට හමු නොවුණත්
කවදා කොතැනකදී හෝ හමුවෙමු
සංසාරේ .......

දෑතේ ගෑවෙයි ඔබ ඉන්නා දුර
එනමුත් ඒ දුර ගව් ගණනාවකි
වග වළසුන් පිරිලා ඒ පාර දිගේ
කටු කොහොලින් වැසිලා
මං පෙත නොපෙනේ

දෑසේ පැටලෙයි දිනෙන් දිනම ඔබ
එනමුත් මා දෑසට ඔබ හිමි නැත
සිතිජය සේ අප සමීප වී ඉන්නේ
මිරිඟු දියෙනි සා පවස නිවා ගන්නේ

ගායනය - විශාරද නන්දා මාලිනි

 

[^Buddhika^]

නුහුරු නුපුරුදු රහස පිළිබඳ
මිහිර ආදරයයි කියා..
පවුරු බැඳ ගෙන සිතක වැජැඹුණු
රසවතී නෑ කොයි ගියා...

අසිරිමත් ලෙස ඇඳුණු දේදුනු
කළු‍ වලාවෙන් යට වුණා
මිහිරියාවිය අනේ දවසක
ඔබේ හදවත ගොළු වුණා...

 

[kellsupun]

Ade patta machan..

 

[Hora_Nariya]

අමරණීයම රිදුම ජීවිතයේ
මා ඔබෙන් ලද
ආදරේ... ආදරේ...

මතකයේ කටු තුඩ ඇනී ළය
පාරවයි හැඟුමන්
වේදනාවේ ගැහෙන හදවත
පෙන්වන්න හැකි නම්...

නොරිදෙනා ආදරේ ආයුෂ
නොරිදේවි හැම කල්
කුමටදෝ ජීවිතය මට
මේ රිදුම නැති නම්...

ගායනය - විශාරද අමරසිරි පීරිස්

 

[~Titi~]

♥ ❤ ❥ ❣ ❦ ❧හීන හැන්දෑව මේ නෙතු පුරා විඳිනා
සේද සඳ වියමනේ ඔබ හෙමින් වඩිනා
සීත මුතු බිංදු පින්න අතරේ උණුහුමේ තෙරපෙනා
නුඹගෙ හද ගැහෙන රිද්ම අතරේ ජීවිතේ දැනෙනවා

රෑ නවතින්නෑ ඔබ මා තුරුලෙ තියා
නෑ නිමවෙන්නෑ සෙනෙහේ මගෙම නිසා
නවතින්නම් ඔය හදවත හමුවේ ආදරේ වීලා
විඳගන්නම් හැම මොහොතම ගෙවෙනා හීනයේ රැඳිලා

ස්වේත සෙනෙහස මගේ සිත පුරා දැනෙනා
ගීත උද්‍යානයේ ඔබ නිසා ගැයෙනා
කුරුටු පද පේළි මතක අතරේ මැවි මැවී සිහිවෙනා
නුඹගෙ නෙතු කැල්ම බැල්ම හමුවේ ආදරේ දැනෙනවා
♥ ❤ ❥ ❣ ♥ ❤ ❥

-Udaya sri

 

[Hora_Nariya]

ගඟ අද්දර මා සිහිල් සෙනේ සැනහී
හද සන්තක විය අනුහස් ආසිරි ගී
ඔබ හමුවේ මා මුව ගොළු වූවා….

ගඟ අද්දර පෙම් කැඳවුම් රස දැහැනේ
ඉහ ඉද්දර පිපි ප්‍රාර්ථනා සිහිනේ
පිබිදුනි ආශා ගිනිසිළු සේමා…..

මල්සර දුනුවර ළමැද හොවාලා ඉරණම් පවස නිවා
සංසුන් වූ තරමින් නොසැලෙනවද බාලේ බැඳි රන්දම්
ඔබ හා ආයේ ආයේ පෑහී තුෂාර සුසුම් හොවා
චමත්කාරයේ රන් රේඛා අප සැළෙන හදින් දුටුවා….

ගඟ ඉද්දර බිම් තෙපුල් පවන් අතරේ
මන පුෂ්පිත මුදු සුපුල් සිනා විසිරේ
මා හද රහසේ බැඳුනා පහසේ...

ගඟ දිය රැලි ඔබ නාඬන් කිසි දවසේ
ගඟ දිය සුළි මැද උණුසුම් සුව ගැවසේ
ඔබ රුව ඡායා සැඟවේ පායා....

මල්සර දුනුවර ළමැද හොවාලා ඉරණම් පවස නිවා
සංසුන් වූ තරමින් නොසැලෙනවද බාලේ බැඳි රන්දම්
ඔබ හා ආයේ ආයේ පෑහී තුෂාර සුසුම් හොවා
චමත්කාරයේ රන් රේඛා අප සැළෙන හදින් දුටුවා....

ගායනය - විජය කුමාරතුංග