Europe සුපිරි වෙළඳසැලක තියෙන කිරි, මස් මාළු දාන හැම ශීතකරණ කුටියකටම කුඩා පරිගණකයක් සවි කරලා තියෙනවා. මේ හැම එකක්ම කඩේ ඇතුලේ තියෙන Master Brain වැනි මධ්යම පරිගණකයකට සම්බන්ධ කරලයි තියෙන්නේ. නඩත්තු කටයුතු කරන අයට ලේසි වෙන්න මේ ප්රධාන පරිගණකය අන්තර්ජාලයට සම්බන්ධ කරලා තියෙන්නේ. ඒ නිසා ඔවුන්ට කඩේට එන්නේ නැතුවම ගෙදර ඉඳන් වුණත් ශීතකරණවල උෂ්ණත්වය වෙනස් කරන්න පුළුවන්.
සුපිරි වෙළඳසැල්වල මේ ප්රධාන පරිගණක සෘජුවම පොදු අන්තර්ජාලයට සම්බන්ධ කරලා තිබුණේ නඩත්තු අංශයට ලේසියෙන් ඇතුල් වෙන්නයි. හැකර්වරු 'Shodan' වැනි විශේෂ සෙවුම් යන්ත්ර පාවිච්චි කරලා යුරෝපය පුරා අන්තර්ජාලයට නිරාවරණය වෙලා තිබුණු මේ ශීතකරණ පාලන පද්ධතිවල login pages පහසුවෙන්ම සොයාගත්තා.
බොහෝ වෙළඳසැල් මේවා ආරක්ෂිත පුද්ගලික ජාල (VPN) හරහා සම්බන්ධ කර තිබුණේ නැහැ. නිෂ්පාදකයා විසින් මුලින්ම ලබා දෙන පොදු මුරපද Default Passwords - උදාහරණයක් ලෙස admin/admin වැනි ඔවුන් වෙනස් කරලා තිබුණේ නැහැ. ඉතින් හැකර්වරුන්ට ලොකු මහන්සියක් වෙන්න වුණේ නැහැ ඒ සාමාන්ය මුරපදය ගහපු ගමන් පද්ධතිය ඇතුලට යන්න ඔවුන්ට පුළුවන් වුණා.
පද්ධතිය ඇතුලට ගිය හැකර්වරු ශීතකරණ නිවා දැමුවේ නැහැ. මොකද එහෙම කළොත් වහාම Alarm ශබ්ද වෙලා කඩේ අයට ඒක අහුවෙනවා. ඒ වෙනුවට ඔවුන් කළේ ශීතකරණවල ස්වභාවිකවම තියෙන "Defrost" (අභ්යන්තරයේ බැඳෙන අයිස් දිය කිරීමේ ක්රියාවලිය) කියන සෙටින්ග් එක වෙනස් කරපු එකයි. සාමාන්යයෙන් දවසට විනාඩි කිහිපයක් සිදු වන මේ ක්රියාවලිය, හැකර්වරුන් විසින් දිගින් දිගටම පැය ගණනාවක් ක්රියාත්මක කරලා තිබ්බා.
දිගටම Defrost ක්රියාවලිය සිදුවීම නිසා ශීතකරණ ඇතුලත සිසිල් වෙනවා වෙනුවට රත් වෙන්න පටන් ගත්තා. පද්ධතිය සිතුවේ එය සාමාන්ය නඩත්තු කටයුත්තක් කියායි, ඒ නිසා හදිසි අනතුරු ඇඟවීම් Critical Alarms නිකුත් වුණෙත් නැහැ. කඩේ සේවකයින්ට මේක තේරෙනකොටත් එහි තිබුණු මස්, කිරි සහ අනෙකුත් ශීත කළ කෑම වර්ග සියල්ලම දිය වී විනාශ වී හමාරයි.
2022 දී පමණ මෙවැනි ප්රහාරයක් වාර්තා වුණා. එහිදී යුක්රේනයට පක්ෂපාතී "Chemical Eleven" නම් හැකර් කණ්ඩායමක් විසින් රුසියාවේ සුපිරි වෙළඳසැල්වල ශීතකරණ පද්ධතිවලට මෙලෙස පහර දී ආර්ථික හානි සිදු කළා. මෙම hackers ල මුදල් සෙවීමට වඩා දේශපාලනික, සමාජයීය හෝ කිසියම් මතවාදීමය අරමුණක් වෙනුවෙන් ක්රියා කරනවා.