සම්බාහන මධ්යස්ථාන මුවාවෙන් කිරිබත්ගොඩ ප්රදේශයේ පවත්වා ගෙන ගිය ගණිකා නිවාස දෙකක් වටළා කාන්තාවන් 10 දෙනෙකු හා පිරිමින් 05 දෙනෙකු සමඟ ඒවායේ කළමනාකාරිනියන් දෙදෙනෙකු කිරිබත්ගොඩ පොලිසිය මඟින් පෙරේදා (05 වැනිදා) අලුයම අත්අඩංගුවට ගෙන ඇත.
මහර මහේස්ත්රාත් අධිකරණයෙන් ලබා ගත් සෝදිසි වරෙන්තු මත මේ වැටලීම සිදුකර තිබේ.
මෙහිදී එක් සම්බාහන මධ්යස්ථානයකින් කළමනාකාරිනියක ඇතුළු කාන්තාවන් පස්දෙනෙකු හා සේවා ලබාගැනීමට පැමිණි පිරිමින් දෙදෙනෙකු ද, අනෙක් සම්බාහන මධ්යස්ථානයෙන් කළමනාකාරියක ඇතුළු කාන්තාවන් පස්දෙනෙකු හා සේවා ලබාගැනීමට පැමිණි සිටි පිරිමින් තිදෙනෙකු ද අත්අඩංගුවට ගෙන තිබේ.
මේ කාන්තාවෝ අනුරාධපුරය, මහනුවර, කන්තලේ, වාද්දුව, පොල්ගහවෙල හා නිකවැරටිය යන ප්රදේශවල පදිංචි වයස අවුරුදු 20ත් 35ත් අතර වියේ පසුවන අය බව පැවැසේ.
කිරිබත්ගොඩ පොලිසිය වැඩිදුර විමර්ශන පවත්වයි.
