ළමා රෝහලේ කොරෝනා ආසාදිත බිළිඳුන් 150 ක්
(ශාන්ත ප්රදීප් කුමාර කුලරත්න)
කොරෝනා වයිරසය ආසාදනය වූ බිළිඳුන් 150 දෙනෙකු මේ දක්වා කොළඹ රිජ්වේ ආර්යා ළමා රෝහලෙන් හඳුනාගෙන ඇතැයි එහි රෝහලේ අධ්යක්ෂ ජී . විජේසූරිය මහතා පැවසීය.
එසේම එම බිළිඳුන්ගේ මාපියන් සිය දෙනකුට ද වයිරසය ආසාදනය වී තිබූ බව රෝහල් අධ්යක්ෂකවරයා වැඩිදුරටත් පැවසීය .
මෙසේ ආසාදිත බිළිදුන් අතරින් මාස 18ක බිළිඳෙකු ඉකුත් දා රිජ්වේ ආර්යා ළමා රෝහලේ දැඩි සත්කාර ඒකකයේ දී මිය ගිය අතර එම බිළිදාගේ මාපියන්ට ද වයිරසය ආසාදනය වී තිබූ බව පැවසේ.
දරුවෙකු ආසාදිත වූ විට රෝහල්ගත කිරීමට ප්රමාද වීම රෝගය උත්සන්න වීමට හේතුවක් වී ඇති බැවින් රෝග ලක්ෂණ මතු වූ වහාම බිළිඳු දරුවන් රෝහල්ගත කිරීමට පියවර ගන්නා ලෙස රෝහල් අධ්යක්ෂවරයා මාපියන් ගෙන් ඉල්ලා සිටි.
පුහුණුකරුට - තිරිමාන්නට කොරෝනා
ශ්රී ලංකා ක්රිකට් කණ්ඩායමේ ප්රධාන පුහුණුකරු මිකී ආතර් මහතාට කොරෝනා වයිරසය ආසාදනය වී තිබේ.
මිකී ආතර් මහතා සමග ආරම්භක පිතිකරු ළහිරු තිරිමාන්නටද කොරෝනා වයිරසය ආසාදනය වී ඇතැයි ශ්රී ලංකා ක්රිකට් ආයතන නිවේදනයකින් තහවුරු කරයි.
නිවසේදී මිය ගිය දෙදෙනෙකුට කොරෝනා
නිවෙස්වල දි මියගොස් සිටි පුද්ගලයින් දෙදෙනෙකුගේ මෘත දේහයන් පශ්චාත් මරණ පරීක්ෂණ සදහා ගාල්ල කරාපිටිය ශික්ෂණ රෝහලේ මෘත ශරීරාගාරයට රැගෙනවිත් කරණු ලැබු පී.සී.ආර් පරීක්ෂණයේ දි එම දෙදෙනාට කොරෝනා ආසාදනය වී ඇති බවට අද (03) තහවුරු වී ඇතැයි ගාල්ල කරාපිටිය ශික්ෂණ රෝහලේ විශේෂඥ අධිකරණ වෛද්ය නිලධාරි රුවන් නානායක්කාර මහතා පැවසීය.
