ලුතිනන් ජෙනරාල් ඩෙන්සිල් ලක්ෂ්මන් කොබ්බෑකඩුව RWP, RSP, VSV, USP, rcds, psc, SLAC
ශ්රී ලංකා යුද හමුදාවේ සිටි කීර්තිමත් හා අතිදක්ෂ නිලධාරියෙකි. තවත් හමුදා නිලධාරීන් 7 දෙනෙකු සමග පීඩන බෝම්බයක් මගින් මෙතුමාව ඝාතනය කෙරිණි.මෙතමා ජීවත්ව සිටියා නම් යුද්ධය නිම වීමට මෙතරම් කල් ගත වන්නේ නැත.මෙතුමා රටට අහිමි වූයේ රටේ අවාසනාවටය.
| ඩෙන්zසිල් ලක්ෂ්මන් කොබ්බෑකඩුව | |
|---|
| |
| |
|---|
ලුතිනන් ජෙනරාල් ඩෙන්සිල් ලක්ෂ්මන් කොබ්බෑකඩුව මියගියේ (මරා දැමුවේ) ඔහුට වසර 52ක් වන විටදීය. යුද හමුදාපති වීමේ සියලු සුදුසුකම් ඔහු යුදබිමේදී සපුරා තිබුණත් ඔහු එම පදවියට පත්වීම ගැන ඉතා සුළු පිරිසක් නොරිස්සුම් සහගතව සිටි බව ප්රසිද්ධ කරුණකි. යුද්ධය වවාගෙන කෑමෙන් තොරව අවංකවම එහි නිමාවක් දැකගැනීමේ ඔහු තුළ තිබූ පරම අභිලාෂය එයට හේතුවයි. එමෙන්ම අනෙකුත් හමුදා නිලධාරීන්ට නොහැකිවූ අසීරු මෙහෙයුම් කිහිපයක්ම සාර්ථකව කිරීම තවත් හේතුවක් ලෙස මම දකිමි. ඒ සියල්ලටම වඩා ඔහු මුළු රටේම ආදරයට ගෞරවයට ලක්වීම මේ සියලු හේතුවලට වඩා ඔහුට එරෙහිව බලපෑ කරුණකි.
LTTE පාලනයෙන් යාපන අර්ධද්වීපය සම්පූර්ණයෙන්ම බේරාගැනීම සඳහා Operation Final Countdown මෙහෙයුම සැලසුම් කරමින් සිටියදී හදිසියේම කොබ්බෑකඩුව හා තවත් නිලධාරීන් ගමන් කළ හමුදා රථය බිම් බෝම්බයකට හසුව සෙසු නිලධාරීන් සමගම මිය යාමට ඔහුට සිදුවිය. මෙයට හිටපු ජනාධිපති රණසිංහ ප්රේමදාස මහතා කෙළින්ම වගකිවයුතු බව ඝාතනය ගැන පත්කළ ජනාධිපති කොමිසම තීරණය කළත් ඒ වනවිට ප්රේමදාස මහතාද LTTE ත්රස්තවාදියකු අතින් මියගොස් තිබිණි.
කොබ්බෑකඩුව මහතාට මහින්ද රාජපක්ෂ වැනි යුද්ධය අවංකවම නිම කළ යුතු යැයි සිතූ නායකයෙක් යටතේ යුද්ධ කිරීමට තිබුණානම් යුද්ධය මීට බොහෝ කලකට පෙර නිම කිරීමට හැකියාවක් තිබිණි. එහෙත් ඒ වනවිට තිබුණේ ඉන්දියාවේ RAW සංවිධානයට අවශ්ය ලෙස සියලු තීරණ ගැනුණ කාලයකි. හිටපු නායකයන්ටද දූරදර්ශී ප්රතිපත්ති තිබුණේ නැත. සැමවිටම තිබුණේ පැලැස්තර විසඳුම් පමණි. යුද්ධය කළේද ගැමුණු කුමාරයා උණුබත් කෑ අයුරින්ය. හමුදාව තුළ දූෂණය උපරිමයෙන් ක්රියාත්මක විණි. යුද අවි සහ අනෙකුත් සැපයුම් සඳහා කෙරුණු දූෂිත ගනුදෙනු හරහා හිටපු ආරක්ෂක ප්රධානීන් කෝටිපතියන් බවට පත්විය. කොබ්බෑකඩුවට යුද්ධ කළ යුතුව තිබුණේ මේ සියල්ල මධ්යයේය.
එක් අතකට කොබ්බෑකඩුව යුද භූමියේම මියයාම වඩාත් හොඳයැයි සිතෙන අවස්ථාද නැත්තේ නොවේ. කීර්තිමත් ලෙස යුද භූමියේ දක්ෂතා දැක්වූ මේජර් ජනරාල් ජානක පෙරේරා, ජනරාල් සරත් ෆොන්සේකා වැන්නවුන්ට දේශපාලනයට එක්වීම නිසා අත්වූ ඉරණම සැලකූ කල ලුතිනන් ජනරාල් ඩෙන්සිල් කොබ්බෑකඩුව යුද වීරයකු ලෙස පමණක් ඉතිහාස ගතවීම ඔහුගේ වාසනාවකි. ඔහුට මේ රටේ ජනතාව එදත් අදත් හෙටත් එකසේ ආදරය කරති.
