උබ කියන කතාව ඇත්ත.
මේවා අතීතයේත් බැලුවාද කියන එක සැකයි.
අපේ ආච්චිලා, අම්මලා ගේ කාලේ නිකන්ම proposal වලින් නේ බැන්දේ .. ඒ කාලේ බැඳපු අයගෙත් marrage life අසාර්ථකද?
ඒ කාලෙ බං කෙල්ලෝ පතිවත කියන එක පණ දෙවනි කරල රැක්කා. ඒක බඳින එකාට දෙන්න කියල නෙමෙයි, උන් ප්රතිපත්තියක් විදියට ආරක්ෂා කලා ඒක. සෙක්ස් කියන එක දැන් වගේ සිල්ලරට ගියෙ නෑ. මං කියන්නෙ නෑ ඒක මහා ලොකු දෙයක්, රකින්න ඕන අරව මේව. ඒ සම්බන්ධව විනයක් තිබුනා ගෑනු පිරිමි දෙපාර්ශවයටම. කොල්ලොත් කොහොම හරි අනින්නම බැලුවෙ නෑ. උන්ගෙත් හික්මීමක් තිබ්බා කෙල්ලගෙ ඒ ප්රතිපත්තියට ගරු කරල ඉන්න. ආදරේ කියන එකට සෑහෙන වටිනාකමක් තිබ්බා. අපේ රටේ සංස්කෘතියට අනුව යම් යම් සීමාවල් හරි මොන මොනවහරි තියෙනවනේ. අන්න ඒ ටිකට අනුකූලව තමයි කරන දෙයක් කෙරුනෙ. ඒ සිස්ටම් එක අවුලක් නැතුව ගියා බං. අර ජාන වලින් පරම්පරාවෙන් එන වේසකමයි, බේබදුකම සූදුව වගේ දේවල් නිසා ඇරුණම පවුලක් අවුල් වෙන්න ලොකු හේතු තිබ්බෙ නෑ.
මීට අවුරුදු හතලිහකට පණහකට කලින් ආදරේට තිබ්බ වටිනාකම ඒ කාලෙ කලා නිර්මාණ වලින්ම තේරුම් ගතහැකි. බස් එකේ යන එන ටිකට පොඩ්ඩක් අත් අල්ලන් යන, දූතයො අත යවන ලව් ලෙටර් වලින් කතා කරන ඒ කාලෙ හරි
සරලව පැහැදිලිව විශ්වාසවන්තව මිනිස්සු ආදරේ කලා. බටන් ෆෝන් වලින් ටක ටක ගාල පොඩි මැසේජ් කොටල යවපු අය තමා මේ පරම්පරාවෙ අන්තිම පුරුක්.
බලපන්, ඒ කාලෙ ගොඩක් පවුල් වල ටොක්සික් ගෑණුන්ගෙ ටොක්සික් වැඩ පිටට විතරයි. තමන්ගෙ පවුලට පට්ට ලෝයල්. නෑයන්ට අහල පහල උන්ට කැරිවැඩ කලාට ඇනුම්පද කිව්වට තමන්ගෙ පවුලට උපරිම හිතවත්. පිරිමිත් අඩියක් පුඩියක් ගහන එක ඇරෙන්න වෙන වැරදි නෑ.
දැන් මේ අධිතාක්ෂණ විශ්ව ගම්මාන යුගයේ ඉතින් ඔය ඔක්කොම අංජබජල් වෙලා තියෙන්නේ. ජීවිත අනවශ්ය විදියට සංකීර්ණ වෙලා. පංචේන්ද්රිය මනේන්ද්රිය දූෂ්ය කරන දේවල් හැම තැනම. ඉස්සර වගේ අත අල්ලන් ඉන්න කිස් එකක් දෙන්න සුමානයක් බලන් ඉන්න දෙයක් නෑ. වීඩියෝ කෝල් එකක් අරන් ඕන දෙයක් පෙන්නන්න, බලන්න පුළුවන්. එතන ඉඳන්ම ඒ දේට තියෙන වටිනාකම නැති වෙන්න ගන්නවා. ඒකෙ සෞන්දර්යාත්මක බව නැති වෙලා පට්ට සාමාන්යකරණය වෙනවා.
මිනිස්සුන්ගෙ ජීවිත වල අනිත් දේවල් වලට වගේම ආදරේට තිබ්බ වටිනාකම නැති වෙලා තියෙන එක තමයි ඔහොම වෙන්න හේතුව. ආයෙ ඒක තිබ්බ තත්වෙට කවදාවත් එන්නෙ නෑ. ඒ කාලේ පවුල් ජීවිත අසාර්ථක නොවුනෙ ( ඩිවෝස් රේට් අඩු උනේ ) ඒ කාලෙ උන් කුණ කාගෙන දුක් විඳගෙන හිටිය හින්ද කියල කට්ටිය කියනව. නමුත් ඒකට එහා දෙයක් මම නම් දකිනව.