කුස්සියේ මී සම්මේලනය
මේක ඊයෙ රෑ මට වුණු සිදුවීමක්..
මිහිරි ගී නාදයක් ඇසී මා බියට පත් වීමි. වෙලාව මධ්යම රාත්රී 12:45ට පමණ ඇතැයි මා පට්ට
කළුවරේම අනුමාන කළෙමි. වහාම බිමට පැන්න මම කළුවරේම බිම අතගා සරම සොයාගෙන
ඇඳගත්තෙමි. ගී නාදය තවමත් ඇසේ. ගෙදර මා පමණි. ගුවන් විදුලි යන්ත්රයද නිවා දමා තිබුණි.
මිහිරි ගී නාදයේ කරච්චලය ඇසෙන්නෙ කුස්සිය දෙසින්ය. මම විසිත්ත කාමරය පසුකර ගොස්
කුස්සිය තුළට හොස්ස දික් කළෙමි. හවස් ජාමයේ ජනෙල් පියනක් වැසීමට අමතක වූ නියාවෙන්
කුස්සියට තරමක් හඳ එළිය වැටී තිබුණි. අාහ්- මා දුටු දර්ශණය !
කුස්සියේ පිඟන් මේසය මත විශාල රැස්වීමකි. ලවුඩ්ස්පීකර් දෙකක් දුම්මැස්සේ දෙපැත්තේ සවි
කරැ තිබුණි. පරිප්පු ඇට හා හාල් ඇට වලින් සිමෙන්ති පොළව අතුරා සරසා තිබුණි. තලය ගෙවුණු
හිරමණය මත වාඩි වී එකෙකු බලා සිටින ජනතාව ආමන්ත්රණය කරමින් බොරු පොරෙන්දු ලබා දෙයි. දර මැස්ස උඩ ලී කෙළියක්ද දුම් මැස්ස මත වූ විශාල වළං අතර
පෙලපාලියක්ද මිරිස්ගල මත ගොඩනගන ලද වේදිකාවක විවිධ ප්රසංගයක්ද කොරහ ඇතුළේ
මාරක ළිඳේ බයිසිකල් පැදීමේ දර්ශණයක්ද විය. විමතියට පත් මම කට ඇරගෙන මහත් ඕනෑ
කමින් බලා සිටියෙමි. මෙය මීයන්ගේ රැස්වීමකී, මීයන්ගේ උත්සවයකී. මුළු කුස්සියම මීයන්ගෙන්
අතුරු සිදුරු නැතුව පිරී තිබුණි.
කෑම මේසය මත ගොඩනගා තිබූ වේදිකාවේ අසුනක තඩි කොට මීයෙක් වාඩි වී සිටියේය. ඔහු
රැස්ව සිටි ජනතාව නියෝජනය කරන නායක තුමා විය යුතුයි. ඔහුගේ මූණේ දකුණු පෙදෙසෙහි
විශාල කළු පැහැ අසාමාන්යය ලප ඉන්නෙකු පිහිටා තිබෙණු මම දැක්කෙමි. තව එකෙකු "රට හරි
අතට" ලෙස අඟුරු කැබැල්ලකින් ලියන ලද කඩදාසි කොළයක් වනමින් සිටියේය. මීට අමතරව
"හොර පූසා භංග වේවා", "බළල් මොටා අපිට එපා" වැනි සටන්පාඨ කියමින් දුම් මැස්සේ සිට
පෙලපාලියෙන් ආ සමස්ථ ලංකා මීයන්ගේ වෘත්තීය සමිතියේ සහෝදරවරු වේදිකාව වටා සිට
ගත්හ. ගී නාදය අවසන් විය. අත්පොළසන් අතරින් නැගිට ගත් තඩි කොට මීයා ඉදිරියෙන් වූ
කෙළින් හිටවන ලද හැන්දකට කට ළං කර, එයට දෙපාරක් ඇඟිල්ලෙන් තට්ටු කර බලා කතා
කිරීමට පටන් ගත්තේය.
"සහෝදරවරුනි.. අපගේ පරම හතුරා බළල් මොටාගේ කරේ සීනුවක් බඳින්න ගත් හැටිත් එම
තීරණය ක්රියාත්මක කිරීමට අපිට නොහැකි වුණ හැටිත් තමුන්නාන්සේලා හොඳින් දන්නවැ ඇති.
එදා රැස්වීම අසාර්ථක වුනාට පස්සෙ ඔය ඇමරිකානු අධිරාජ්යයවාදී, දේශද්රෝහී, කණ්නාඩිපොළොං බළල් මොටාට විරුද්ධව නැගී සිටීමට අපිට අද අවස්ථාවක් ලැබුණා. අපි අද බය වෙන්න ඕන නෑ-
මේ ගෙදර අද කවුරුවත් නෑ. එක හොල්මන් කාරයෙක් ඉන්නවා - ඌ මෙලහකට ගොරව ගොරව
බුදි ඇති. මේ බළල් මොටාගෙන් රට බේරගෙන අපේ සංස්කෘතිය,සභ්යත්වය,උන්නතිය,පත්තර
කෑමේ නිදහස, අල ලූණු උම්බලකට්ඩ පාලන මිලට හොරා කෑමේ නිදහස ආදිය රැකගැනීමට
වහාම තීරණයක් ගමු. ඔන්න සභාවට මම ඉඩ දෙනවා ගෙනෙන යෝජනාවක් දැන්මම
ගේන්න-අර පිස්සු හොල්මන නැගිටින්න කලියෙන්"
මේ අනුව පහත සඳහන් පරිදි එක එක යෝජනාවන් ඉදිරිපත් කරන ලද නමුත් කොට තඩි මී නායක තුමා ඒ සියලුම යෝජනා වලට විරුද්ධ වූහ.
මේ අනුව පහත සඳහන් පරිදි එක එක යෝජනාවන් ඉදිරිපත් කරන ලදී.
"බළලාට විරුද්ධව විශ්වාස භංගයක් ගේමු- බැහැ එතකොට ඌ අපේ වැරදි පෙන්නලා ඇඟ බේර
ගනියි."
"එහෙනම් ඌට වෘත්තීය අයිතිවාසිකමක් දීලා අපේ පැත්තට නම්මගමු- බැහැ එතකොට
දේශපාලන නායකයො ලවා කොස් ඇට බාවා ගනයි"
"මානව හිමිකම් නඩු දාලා එක්සත් ජාතීන්ගෙ සංගමේට යවමු - බැහැ බැහැ එතකොට ඌ
මාලදිවයිනේ නියෝජිතය එක්ක හැප්පුනොත් අපට උම්බලකට කෑල්ලක්වත් ලැබෙන එකක් නෑ"
"නැත්තම් ඌ වගේ පබයෙක් හදලා ගිණි තියමු - එපා එතකොට ඌ තවත් ජනප්රිය වෙයි"
"එහෙනම් අපි ඌට කුණුහරපෙන් බැනලා ලියුමක් දාමු - බෑ එතකොට අහු වෙන්නෙ අර
නිදාගෙන ඉන්න හොල්මන් කාරයා"
මෙකී නොයෙකුත් යෝජනා ඉදිරිපත් කරන ලදු නමුත් එකම යෝජනාවකට හෝ කොට මහත
මීයා එකඟ නොවූහ. මටද මෙය බලා සිටීමට කම්මැලි හිතිණ. මුන්ගේ කයිවාරුවේ තරමටම
කෙරුවාවත් ඇත්දැයි විමසීමට සිතූ මම "ඤාව්" යැයි හඬ නැගිමි. ආශ්චර්යකි එකම මීයෙකුවත්
එය ගණනකට ගත්තේ නැත. විමතියට පත් මම ඉදිරියට තව අඩියක් තබා නැවත "ඤාව්" යැයි
කීවෙමි.
මගෙ බුදු අම්මේ! මුලු මී රැලම මා වෙත කඩා පැන මා බිම දමාගෙන "තෝ තමා හොර බළලා- අද
තෝ ඉවරයි" කියමින් මට තර්ජනය කරන්නට වූහ. "අයියෝ මී සහෝදර වරුනි මම නොවේ
බළලා- මම මනුශ්යෙයක්මි" යැයි මා පින්සෙන්ඩු වීමි.
ලප කොටා නායක මීයා මා අමතා "හොඳයි, උබ මුනුශ්යෙයක් නම් වහාම මේ ගෙදර ඉන්න
හොර බළලා අල්ලාගෙන ගඟට ගිහින් දාපන්" යැයි කියා, මා ඇඳ උන් සරම ඇප පිට තබාගෙන
මා නිදහස් කලේය. කළුවරේම දිවගොස් ඇඳ යටට රිංගා එහි සුවසේ නිදා උන් බළල් තඩියා
ඔසවා වත්ත පහළට ගොස් මහවැලි ගඟට අතහැර ආපසු ආ මම යළිත් සරම නිදහස් කරගෙන
සුවසේ නිදන්නට වීමි. දැන් අපේ කුස්සියේ මීයෝ නිරුපද්රිතව සිටිති.
මේක ඊයෙ රෑ මට වුණු සිදුවීමක්..
මිහිරි ගී නාදයක් ඇසී මා බියට පත් වීමි. වෙලාව මධ්යම රාත්රී 12:45ට පමණ ඇතැයි මා පට්ට
කළුවරේම අනුමාන කළෙමි. වහාම බිමට පැන්න මම කළුවරේම බිම අතගා සරම සොයාගෙන
ඇඳගත්තෙමි. ගී නාදය තවමත් ඇසේ. ගෙදර මා පමණි. ගුවන් විදුලි යන්ත්රයද නිවා දමා තිබුණි.
මිහිරි ගී නාදයේ කරච්චලය ඇසෙන්නෙ කුස්සිය දෙසින්ය. මම විසිත්ත කාමරය පසුකර ගොස්
කුස්සිය තුළට හොස්ස දික් කළෙමි. හවස් ජාමයේ ජනෙල් පියනක් වැසීමට අමතක වූ නියාවෙන්
කුස්සියට තරමක් හඳ එළිය වැටී තිබුණි. අාහ්- මා දුටු දර්ශණය !
කුස්සියේ පිඟන් මේසය මත විශාල රැස්වීමකි. ලවුඩ්ස්පීකර් දෙකක් දුම්මැස්සේ දෙපැත්තේ සවි
කරැ තිබුණි. පරිප්පු ඇට හා හාල් ඇට වලින් සිමෙන්ති පොළව අතුරා සරසා තිබුණි. තලය ගෙවුණු
හිරමණය මත වාඩි වී එකෙකු බලා සිටින ජනතාව ආමන්ත්රණය කරමින් බොරු පොරෙන්දු ලබා දෙයි. දර මැස්ස උඩ ලී කෙළියක්ද දුම් මැස්ස මත වූ විශාල වළං අතර
පෙලපාලියක්ද මිරිස්ගල මත ගොඩනගන ලද වේදිකාවක විවිධ ප්රසංගයක්ද කොරහ ඇතුළේ
මාරක ළිඳේ බයිසිකල් පැදීමේ දර්ශණයක්ද විය. විමතියට පත් මම කට ඇරගෙන මහත් ඕනෑ
කමින් බලා සිටියෙමි. මෙය මීයන්ගේ රැස්වීමකී, මීයන්ගේ උත්සවයකී. මුළු කුස්සියම මීයන්ගෙන්
අතුරු සිදුරු නැතුව පිරී තිබුණි.
කෑම මේසය මත ගොඩනගා තිබූ වේදිකාවේ අසුනක තඩි කොට මීයෙක් වාඩි වී සිටියේය. ඔහු
රැස්ව සිටි ජනතාව නියෝජනය කරන නායක තුමා විය යුතුයි. ඔහුගේ මූණේ දකුණු පෙදෙසෙහි
විශාල කළු පැහැ අසාමාන්යය ලප ඉන්නෙකු පිහිටා තිබෙණු මම දැක්කෙමි. තව එකෙකු "රට හරි
අතට" ලෙස අඟුරු කැබැල්ලකින් ලියන ලද කඩදාසි කොළයක් වනමින් සිටියේය. මීට අමතරව
"හොර පූසා භංග වේවා", "බළල් මොටා අපිට එපා" වැනි සටන්පාඨ කියමින් දුම් මැස්සේ සිට
පෙලපාලියෙන් ආ සමස්ථ ලංකා මීයන්ගේ වෘත්තීය සමිතියේ සහෝදරවරු වේදිකාව වටා සිට
ගත්හ. ගී නාදය අවසන් විය. අත්පොළසන් අතරින් නැගිට ගත් තඩි කොට මීයා ඉදිරියෙන් වූ
කෙළින් හිටවන ලද හැන්දකට කට ළං කර, එයට දෙපාරක් ඇඟිල්ලෙන් තට්ටු කර බලා කතා
කිරීමට පටන් ගත්තේය.
"සහෝදරවරුනි.. අපගේ පරම හතුරා බළල් මොටාගේ කරේ සීනුවක් බඳින්න ගත් හැටිත් එම
තීරණය ක්රියාත්මක කිරීමට අපිට නොහැකි වුණ හැටිත් තමුන්නාන්සේලා හොඳින් දන්නවැ ඇති.
එදා රැස්වීම අසාර්ථක වුනාට පස්සෙ ඔය ඇමරිකානු අධිරාජ්යයවාදී, දේශද්රෝහී, කණ්නාඩිපොළොං බළල් මොටාට විරුද්ධව නැගී සිටීමට අපිට අද අවස්ථාවක් ලැබුණා. අපි අද බය වෙන්න ඕන නෑ-
මේ ගෙදර අද කවුරුවත් නෑ. එක හොල්මන් කාරයෙක් ඉන්නවා - ඌ මෙලහකට ගොරව ගොරව
බුදි ඇති. මේ බළල් මොටාගෙන් රට බේරගෙන අපේ සංස්කෘතිය,සභ්යත්වය,උන්නතිය,පත්තර
කෑමේ නිදහස, අල ලූණු උම්බලකට්ඩ පාලන මිලට හොරා කෑමේ නිදහස ආදිය රැකගැනීමට
වහාම තීරණයක් ගමු. ඔන්න සභාවට මම ඉඩ දෙනවා ගෙනෙන යෝජනාවක් දැන්මම
ගේන්න-අර පිස්සු හොල්මන නැගිටින්න කලියෙන්"
මේ අනුව පහත සඳහන් පරිදි එක එක යෝජනාවන් ඉදිරිපත් කරන ලද නමුත් කොට තඩි මී නායක තුමා ඒ සියලුම යෝජනා වලට විරුද්ධ වූහ.
මේ අනුව පහත සඳහන් පරිදි එක එක යෝජනාවන් ඉදිරිපත් කරන ලදී.
"බළලාට විරුද්ධව විශ්වාස භංගයක් ගේමු- බැහැ එතකොට ඌ අපේ වැරදි පෙන්නලා ඇඟ බේර
ගනියි."
"එහෙනම් ඌට වෘත්තීය අයිතිවාසිකමක් දීලා අපේ පැත්තට නම්මගමු- බැහැ එතකොට
දේශපාලන නායකයො ලවා කොස් ඇට බාවා ගනයි"
"මානව හිමිකම් නඩු දාලා එක්සත් ජාතීන්ගෙ සංගමේට යවමු - බැහැ බැහැ එතකොට ඌ
මාලදිවයිනේ නියෝජිතය එක්ක හැප්පුනොත් අපට උම්බලකට කෑල්ලක්වත් ලැබෙන එකක් නෑ"
"නැත්තම් ඌ වගේ පබයෙක් හදලා ගිණි තියමු - එපා එතකොට ඌ තවත් ජනප්රිය වෙයි"
"එහෙනම් අපි ඌට කුණුහරපෙන් බැනලා ලියුමක් දාමු - බෑ එතකොට අහු වෙන්නෙ අර
නිදාගෙන ඉන්න හොල්මන් කාරයා"
මෙකී නොයෙකුත් යෝජනා ඉදිරිපත් කරන ලදු නමුත් එකම යෝජනාවකට හෝ කොට මහත
මීයා එකඟ නොවූහ. මටද මෙය බලා සිටීමට කම්මැලි හිතිණ. මුන්ගේ කයිවාරුවේ තරමටම
කෙරුවාවත් ඇත්දැයි විමසීමට සිතූ මම "ඤාව්" යැයි හඬ නැගිමි. ආශ්චර්යකි එකම මීයෙකුවත්
එය ගණනකට ගත්තේ නැත. විමතියට පත් මම ඉදිරියට තව අඩියක් තබා නැවත "ඤාව්" යැයි
කීවෙමි.
මගෙ බුදු අම්මේ! මුලු මී රැලම මා වෙත කඩා පැන මා බිම දමාගෙන "තෝ තමා හොර බළලා- අද
තෝ ඉවරයි" කියමින් මට තර්ජනය කරන්නට වූහ. "අයියෝ මී සහෝදර වරුනි මම නොවේ
බළලා- මම මනුශ්යෙයක්මි" යැයි මා පින්සෙන්ඩු වීමි.
ලප කොටා නායක මීයා මා අමතා "හොඳයි, උබ මුනුශ්යෙයක් නම් වහාම මේ ගෙදර ඉන්න
හොර බළලා අල්ලාගෙන ගඟට ගිහින් දාපන්" යැයි කියා, මා ඇඳ උන් සරම ඇප පිට තබාගෙන
මා නිදහස් කලේය. කළුවරේම දිවගොස් ඇඳ යටට රිංගා එහි සුවසේ නිදා උන් බළල් තඩියා
ඔසවා වත්ත පහළට ගොස් මහවැලි ගඟට අතහැර ආපසු ආ මම යළිත් සරම නිදහස් කරගෙන
සුවසේ නිදන්නට වීමි. දැන් අපේ කුස්සියේ මීයෝ නිරුපද්රිතව සිටිති.
Last edited:
