කන්නාඩියේ ඇතුල් පැත්තේ ඇණයක් ගැලවිලා තිබුණා.. ඉතින් ඒක හදන්න දුන්නාම පහු වෙනිද එන්න කිව්වා ඒක ටිකක් ලොකු කේස් එකක් කියලා.. මරදානේ සයිඩ් කන්නාඩිම හදන පොට් එකක මගේ යාලුවෙක් අඳුරන කෙනෙකුට දුන්නේ.. රුපියල් සීයයි ගත්තෙත් යාලුවාගෙ අඳුරන ෆිට් එකටම..
ඉතින් කන්නාඩිය ගලවලා ආම් එකත් එක්කම උස්සගෙන ගියා.. එක කනක් විතරක් තිබ්බාම වස කැත නිසා වම් පැත්තෙ එක ගලවලා ගෙදර තියලයි ගියේ.. අම්මත් බැන්නා තියෙන එකත් ගැලෙව්වනේ කියලා..
කොහොමහරි අරක හදාගෙන එන අස්සේ කෝට්ටෙ හරියෙදි පොලීසියෙන් නැවැත්තුවා.. නවත්තපු ගමන් ඇහුවේ කො සයිඩ් කන්නාඩි දෙක.. මොකෝ ස්ටයිල් එකටද කන්නාඩි ගැලෙව්වේ කියලා..? ඌ කොල්ලෙක්. හැබැයි හෙන මරුමුස් විදිහට කතා කළේ..
මම ඉතින් හිනා වෙලා නෑ නෑ එහෙම එකක් නෙමෙයි.පොඩි අවුලක් තිබිලා ඒක හදාගෙන එන ගමන්.. මේ තියෙන්නේ කියලා හදාගෙන ආව එක පෙන්නුවා බෑග් එකෙන් අරගෙන..
පස්සේ මූ අහපි කෝ අනික කියලා.. කැත නිසා ගැලෙව්වා කිව්වොත් කේස් වෙන නිසා මම කිව්වා ඒකේ ආම් එක ටිකක් ඇදයි.. ඒකත් හදල උදේ ගෙනාවේ.. මේකේ මිරර් එක ඇතුළෙ අවුලක් තිබිල ඒක හදා ගන්න මරදානටම යන්න උනා.. ගෙදර ගිය ගමන් දෙකම හයි කර ගන්න ඕනේ කියලා.. ඇත්තටම මරදානෙ ගියේ කණ්නාඩියේ වැඩේටමයි.. මේ යකා මගෙන් ලයිසන් එක අරන් ලියන්න හදනවා කොටස් අඩුයිද මොකද්ද මන්ද මගුළක් කිය කිය..
ඒ දවස්වල ලයිසන් එක ගත්ත අලුතමයි.. ලයිසන් එක අරගෙන සතියක්වත් නෑ.. බොහොම අමාරුවෙන් ෂේප් කර ගත්තාම කිව්වා හදාගෙන ඇවිත් පෙන්නලා ලයිසන් එක අරං යන්න කියලා.. ලයිසන් එක ගත්ත ගමන් පොලීසියට දෙන්න වෙන එකට මම හෙන අවුල් වෙලා හිටියේ..
අනික හේතුව දැන ගත්තාම අම්මගෙනුත් අහ ගන්න වෙනවා ඊට වැඩිය..
පස්සේ ආයෙ කිව්වා දැන දැනම ලියන්න එපා.. ස්ටයිල් එකට ගැලෙව්වනම් මේක බෑග් එකේ දාගෙන එන්නෙ නෑනේ ඇණ ටිකත් එක්කම.. අනික කන්නාඩි නැතුව පදින්නත් අමාරුයි.. ඒ නිසයි හිමින් ආවේ කියලත්.. මම ඇත්තටම හෙන හිමින් ආවේ...
මූ කියනව ඔයා මේ එන ගමන් කොහෙහරි ඇනගෙන කන්නාඩිය කඩාගෙනද කොහෙද.. මෙතන එකයිනේ තියෙන්නෙ කියලා.. පස්සෙ මම ආයි කිව්වා එහෙම ඇන්නනම් ඩැමේජ් තියෙන්න එපැයි.. බලන්නකො ඕක හීරිලාවත් නෑනෙ කියලා..
පස්සේ මූ කිව්වා එහෙනම් ඕක හයි කරගෙන ලයිසන් එක අරන් යන්න කියලා...මොනව කරන්නද.. මූට ලයිසන් එක දීල යන්න හිතුනෙම නෑ මටනම්.. පස්සෙ ඉතින් බයික් එක පේමන්ට් එක උඩට දාල මේන් ස්ටෑන්ඩ් එක ගහලා. සීට් එක ගලවල ටූල් කිට් එකත් අරගෙන අර කණ්නාඩිය බොහොම අමාරුවෙන් හයි කර ගත්තා.. දන්නවනේ කන්නාඩි හයි කරනකොට එකපාර පොට සෙට් වෙන්නෙත් නෑනේ..
හෙන ගේමක් දෙන්න ඕනෙනේ.. ගිනි අව්වේ දාඩිය දාගෙන යාන්තන් බොරුවට අටව ගත්තා .. පාර පේන්නෙත් නෑ මගුල..
මූ ලයිසන් එක අතට දීල හිනාවක් දාල කියපි පොඩි කට්ටක් දෙන්නම ඕනේ නිසයි තියා ගත්තේ කියලා..
