ගුවන් හමුදාවට ප්රහාරක යානා 8 ක් හා ආයුධ ගනී
ශ්රී ලංකා ගුවන් හමුදාවට බහුකාර්ය ප්රහාරක ගුවන් යානා 08 ක් හා අදාළ අවි ආයුධ මිලදී ගැනීමට ඇමැති මණ්ඩලය තීරණය කර ඇත.
ගුවන් හමුදාව සතු සටන් ගුවන් යානා කල් ඉකුත් වෙමින් පැවතීම මෙලෙස නව ගුවන් හමුදාවට යානා මිලදී ගැනීමට හේතු වී ඇතැයි රජය පවසයි.
දැනට ගුවන් හමුදාව සතු ගුවන් යානාවලින් කෆිර්, මිග් 27 හා එෆ් ටී 7 බීඑස් යන ප්රහාරක යානාවල ආයුකාලය අවුරුදු 30 ඉක්මවා පැවතීම හේතුවෙන් මෙහෙයුම් කටයුතු සඳහා ඒවා භාවිත කිරීමට නොහැකි වී ඇතැයි මේ පිළිබඳව ඇමැති මණ්ඩලයට විශේෂ සංදේශයක් ඉදිරිපත් කරමින් ආරක්ෂක ඇමැති ලෙස ජනාධිපති මෛත්රිපාල සිරිසේන මහතා පෙන්වාදී ඇත. ජාතික ආරක්ෂාවට එල්ල විය හැකි ඕනෑම අනපේක්ෂිත තත්ත්වයන්ට ප්රතිචාර දැක්වීමේ හා සාගරික කලාපයෙන් එල්ල විය හැකි විවිධ බලපෑම්වලට මුහුණදීමේ අවශ්යතාව මත මෙම පියවර ගනු ඇත.
මේ අනුව ගුවන්යානා නිෂ්පාදකයන්, සහාය නිෂ්පාදකයන් බලයලත් රජයේ නියෝජිතයන් වෙතින් මෙම ගුවන්යානා 08 මිලදී ගැනීම සඳහා උනන්දු දැක්වීමේ ප්රකාශ ලබා ගැනීමට ද ඇමැති මණ්ඩලයේ අනුමැතිය ලැබී ඇත.
මේ අතර කැබිනට් තීරණ දැනුම්දීමේ මාධ්ය හමුවේදී ඊයේ (10 දා) සම කැබිනට් මාධ්ය ප්රකාශක ඇමැති රාජිත සේනාරත්න මහතා කියා සිටියේ, ගුවන් හමුදාව සතු කෆිර් යානා 07 න් 06 ක් භාවිතයේ නැති බවත් මිග් යානා 7 ම භාවිතයේ නැති බවත් එෆ් ටී 7 බීඑස් ගුවන් යානා හතරම භාවිතයේ නැති බවත්ය.
රනිල් ධර්මසේන
naththan moko me rata wikunala dana ewunta air force ekata hadisiye plane genna thadiyamak 
