මධ්යම ප්රමාණයේ මැෂින් තුවක්කු
මධ්යම මැෂින් තුවක්කු [MMG] රයිෆල් විශ්කම්භය සතු සම්පූර්ණ බලයම භාවිතාවන ස්වයංක්රීය අවියක්වන අතර කුඩා ස්වයංක්රීය අවියකට වඩා ප්රහාරයක ශක්තියකින් යුක්තය. එහෙත් මෙම MMG අවිය බයිපොඩ් (bipod) ආධාරකයක් සමග භාවිත කල හැක. සාමාන්යයෙන් මෙම අවියක් රාත්තල් 15 ත් 40 ත් අතර බරකින් යුක්තය.
එසේම මෙම කුඩා සහ මධ්යම අවි දෙකම “බයිපොඩ්” ආධාරකයක සහාය ලබා ගත හැකි අතර විශාල මැෂින් තුවක්කු බර ආධාරක යොදාගනී. තවද, විශාල අවිය හැසිරවීමට කණ්ඩායමක් අවශ්යවන අතර මධ්යම ප්රමාණයේ අවිය හැසිරවීමට සොල්දාදුවකු හෝ දෙදෙනෙක් පමණක් සෑහේ. කුඩා ප්රමාණයේ අවිය මාරු කළ නොහැකි තුවක්කු කාණූවක් සහිතව නිපදවනු ලබන අතර මධ්යම අවිය තරමක් බර තුවක්කු කාණුවකින් යුක්තවන අතර තුවක්කු කාණුව මාරුකළ හැකි ලෙස නිපදවනු ලබයි.
සැහැල්ලු මැෂින් තුවක්කු
0.303 බ්රෙන්ඩ් තුවක්කුව බ්රිතාන්ය හා පොදු රාජ්ය මණ්ඩලීය LMG ; 1938 සිට 1991 දක්වා පැරණි ස්වරූපයෙන් සේවයේ යෙදවුණි.
සැහැල්ලු මැෂින් තුවක්කු යනු තනි සොල්දාදුවෙක් විසින් හෝ ඇතැම් විට ආධාරක සහිතව ගෙන යන වෙනත් සමකාලීන මැෂින් තුවක්කුවලට වඩා බරින් අඩු තුවක්කු වර්ගයකි. මධ්යම මැෂින් තුවක්කුවලට වඩා වඩාත් සැහැල්ලු හා සුසංහිත වන අතර කුටීරවලට වඩාත් කුඩා මාත්රා ලෙස බෙදී ඇත.
සාමාන්යයෙන් මැෂින් තුවක්කුවක් ආධාරක ආයුධයක් ලෙස භාවිතයට අදහස් කොට ඇති අතර එහිදී එය අඛණ්ඩ ස්වයං ප්රහාරක මාලාවක් ඇති කරන අතර එය සාමාන්ය පාබල සොල්දාදුවන් විසින් රැගෙන යන ගිනි අවි වලට වඩා විශාල වේ. එහි බර අධික වන අතර පතොරම් පරිභෝජනය ද ඉහලය.
සැහැල්ලු මැෂින් තුවක්කුවක් උකුලේ තබා හෝ ඇවිද යන අතරතුර ප්රහාරයට යෙදවිය ඇති අතර සාමාන්යයෙන් වෙඩි තබන්නේ බිම දිගා වී සිටින පිහිටුමේ සිටය. ඒ විශේෂයෙන්ම Bipod භාවිතා කරන විටය. අතීත මැෂින් තුවක්කු (ස්වයංක්රීය රයිෆලවලින් ව්යුත්පන්න වූ M1918 Browning Automatic Rifle වැනි තුවක්කු) ඇතැම්විට මැගසින් පිරවුම් ලෙස භාවිතා විය. රුසියානු RPK වැනි LMG යනු පැවති ප්රහාරක රයිෆල් සැලසුම්වල නවීකරණයන්ය. අනුවර්තනයන් සාමාන්යයෙන් විශාල මැගසිනයන් අන්තර්ගත කර ගන්නා අතර අධිතාපනය වැලැක්වීමට බර අධික බැරලයක් යොදා ගන්නා අතර වෙඩි තැබීම දරා සිටීමට Bipod වැනි වඩාත් ශක්තිමත් ආධාරකයක් යොදා ගනී. නූතන මැෂින් තුවක්කු සැලසුම් කොට ඇත්තේ කුඩා අංශු විදීමේ වැඩි වාර ගණනක් සඳහා වන අතර ඇතැම්විට විදුම් පටියක් භාවිතා කෙරේ. එමඟින් යළි පිරවුමකින් තොරව වැඩි කාලයක් වෙඩි තැබීමට ඉඩ සැලසේ. FN MINIMI වැනි නූතන මැෂින් තුවක්කු විදුම් පටියක් ආකාරයට හෝ ගැලවිය හැකි පෙට්ටි ආකාරයේ මැගසිනයක් ආකාරයට පහර දිය හැකිය.සැහැල්ලු මැෂින් තුවක්කු භට ඛණ්ඩයේ ස්වයංක්රීය ආයුධ ලෙස නිරතුරුව භාවිතා කෙරේ.
විශාල මැෂින් තුවක්කු (කාල තුවක්කු)
58 kg ක බරකින් යුක්ත M2 වර්ගයේ මැෂින් තුවක්කුව සහ තෙපාද ආධාරකය
විශාල මැෂින් තුවක්කුවක් යනු විශාල විෂ්කම්භයක් සහිත ප්රබල අවියක්වන නමුත් කුඩා හෝ මධ්යම ප්රමාණයේ මැෂින් තුවක්කුවක් ආධාරක සහිතව භාවිතයේදී ද ඉහත කී අයුරින් හැඳින්වේ. මෙම සියළු අවි සතුව 1800 තරම් ඈත කාලයක සිට පවතින දීර්ඝ ඉතිහාසයක් සතු වේ. එදා පටන් මෙම අවි විවිධාකාරයේ වෙනස්කම් සහිතව වර්තමානය තුළ ද භාවිතා කෙරේ.
ඉතා පැරණි මැෂින් තුවක්කුවක් සේ සැලකෙන “මැක්සිම්” අවිය ඊට හොඳම උදාහරණයක් වන අතර “තෙපාද” ආධාරකයක් හෝ රෝධ සහිත ආධාරකයක් යොදා ගනිමින් භාවිතයට ගන්නා එය හැසිරවීමට කණ්ඩායමක් අවශ්යය වේ. විශාල කාල තුවක්කුවකට M2 අවිය හොඳම නිදසුනක් වේ. විෂ්කම්භය 13mm සිට 15mm තෙක් නිපදවා ඇති අවි ස්වයංක්රීය කාලතුවක්කු වේ.
රොකට් ප්රචාලන ග්රේනේඩ
RPG අවි ගුවන්යානා නාශක අවියක් ලෙස තරමක් දුරට ප්රයෝජනවත් වෙයි. සාමාන්යයෙන් මේවා භාවිතයෙන් ගුවනේ එක තැන රැදී සිටින හෝ ගොඩබාන හෙලිකොප්ටර් යානයකට සැගවී සිට ප්රහාර එල්ල කළ හැක. ඇෆ්ගනිස්ථාන මුජාහිදීන් ගරිල්ලන් හෙලිකොප්ටර්වලට එරෙහිව ප්රහාර එල්ල කිරීම සඳහා සුදුසු වන පරිදි RPG අවි නවීකරණය කර පිළියෙළ කළා. එහිදි ඔහු RPG ප්රචාලක සිලින්ඩරයේ පිටුපස කොටසට වක්ර හැඩයට සකස් කළ පයිප්ප කොටසක් එක් කිරීම මගින් පසු පසට එල්ල වන පිපුරුම් බලය හැරවීමක් කරනු ලබයි.
මේමගින් RPG අවියක් බිම වැතිරී සිට ගුවන්යානයක් වෙත ඉහළට එල්ලකිරීමේ හැකියාව ලැබේ. මෙම නවීකරණය හේතුවෙන් අවිය ක්රියාත්මක කිරීමට ප්රථම ක්රියාකර වන්නා අණාවරණය වීමේ හැකියාව අවම වන අතර උණුසුම් වායූන් මගින් ක්රියාකරවන්නාට හානිවීමේ අවදානම ද අවමවේ. මුදිහිදීන්වරු RPG අවි වල පවතින තත්පර 4.5 මුහුර්තනය මෙම අවිය සතුරු ගුවන්යානාවලට වෙඩිතබන තුවක්කු සමුහයක් ලෙස ක්රියාකර වීම සඳහා යොදා ගනී. මෙසේ එකවර RPG කිහිපයක් එල්ල කිරීම මගින් ඉලක්කය සපුරා ගැනීමේ හැකියාව ඉහළ නංවා ගනී.
මේ කාලය තුළදී සෝවියට් හෙලිකොප්ටර් යානා ගොඩබෑම් ප්රදේශයන් තුළදී RPG මගින් එල්ල වන අවධානම මගහරවා ගැනීම සඳහා ගොඩ බෑමට ප්රථම අවට ප්රදේශ සම්පුර්ණයෙන් ආවරණය වන පරිදි වෙඩි ප්රහාර මාලාවක් එල්ල කිරීම සිදු කළහ. තවද ඇෆ්ගන් ගරිල්ලන් නිවැරදි සූදානම සහ තක්සේරුව වළකනු පිණිස එකවරකට එක්ව ගමන් කරන හෙලිකොප්ටර් යානා සංඛ්යාව වෙනස් කිරීමට පුරුදුව සිටියහ. මෙම තත්ත්වයට මුහුණ දීම පිණිස මුජයදීන්වරු පොළව තුළට හාරා සකස් කළ ඉහළින් ආවරණය වූ ප්රහාරක පිහිටුම් සකස් කළ අතර එවිට එයට මුහුණදීම සඳහා සෝවියට් හමුදා සේනාංක තම ගොඩබෑම් ප්රදේශ අවට ආරක්ෂිත තත්ත්වයට පත් කිරීම සඳහා ඒවා අවට ඉන්ධන වායු බෝම්බ හෙළීම ආරම්භ කළහ. කෙසේ නමුත් එක්සත් ජනපදය මගින් ලබාදුන් ස්ටින්ගර් වර්ගයේ (Stinger) බිම සිට අහසට එල්ල කෙරෙන (SAM) මිසයිල ලැබීමත් සමග ඇෆ්ගන්වරු RPG අවි භාවිතයෙන් ප්රහාර එල්ල කිරීම අත්හැර දැමූහ.
1993 වසරේ සෝමාලියාවේ මොගඩිෂු සටනෙහිදී එක්සත් ජනපදයට අහිමි වූ බ්ලැක් හෝක් (Black Hawk) හෙලිකොප්ටර්යානා යුගලම විනාශ කරන ලද්දේ RPG – 7 වර්ගයේ අවි මගිනි. ඉරාකයේ දී සහ දෙවැනි ඇෆ්ගනිස්ථාන සටන් ව්යාපාරයෙහි ඒකාබද්ධ හමුදා හෙලිකොප්ටර් යානාවලට එරෙහිව RPG අවි භාවිතා වූ අතර එමගින් මිශ්ර ප්රතිඵල ලැබුණි.
Last edited:
