- කෙල්ලෙක් බැලුවෙමි –
අපේ අම්මලා කියපු කීමට…
කපු ලොක්කා දුන් වර්ණනාවට…
ෆොටෝ එකවත් නොබලා ඇහැකට…
ආවෙ නිකමට බලලා යන්නට…
හෙප්පුවත් ගෙන ඔයා එනකොට…
සාරියට හරි හැඩයි හිතුනට…
බිම බලං ආ මූනු පොඩියට…
වහ වැටුනා මං නං සිරාවට…
නැගිට්ටා නොව නැගිටුනා මට…
දාඩියත් දැම්මා මූන කට…
අනේ බං උඹ හිනා වෙනකොට…
කකුල් දෙක පණ නැති වුනා මට…
ඇස් වලින් ඇද ගෙන රැහැන් පොට…
බලං උන්නා එකම විදිහට…
තියා ගෙන හිටි කාඩ් කුඩු කොට…
සීන් එක අහු උනා අම්මට…
තේ මේසෙ ලඟ වර්ණනාවට…
කෑවා කැවිලිත් තුනක් එක පිට…
අපේ දූ හදපුවා කිව් කොට…
නොකා කොහොමෙයි ඉතිං එක පිට…
තේත් හැදුවේ ඔයා බව මට…
වෙන්ඩ නැන්දම්මාම කී විට…
ඔයාගෙම අත් දෙකෙන් දුන් කොට…
බීලා දැම්මා එකම හුස්මට…
සීනි තේ හැඳි තුනක් එක්කොට…
තවත් දැම්මද එකක් වැඩියට…
තොල් දෙකත් මගෙ ඇලෙන ගානට…
කෙල්ලෙ තේ හැඳි තුනක් ඇති මට…
“රහද තේ එක” කනට ලං කොට…
ඔයා ඇහුවා මගෙන් ලාවට…
ගොතේ මතුවී වචන හිරකොට…
“රහයි” කිව්වා යන්තමට කට…
බෑම හිතුනා යන්න යනකොට…
බැස්සා එළියට.. කිව්වා අම්මට…
“දෙන්න හිතෙනවා උම්මා අම්මට”…
“මෙන්න ලේලිය අපේ ගෙදරට”…
නින්ද යන්නෑ යකෝ දැන් මට…
හෙටම බහිනවා කොල්ලා ගේමට…
කපු මාමෙ මෙහෙ ආපු දවසට…
සල්ලි දෙන්නම් බෝතලේකට…
- චතුක මධුරංග -
උපුටා ගැනීමකි.
ow ban ape nandatath hena amaruwa ... nandage kollata hoyanna kalin mata hoyanawa ..
