අගෝස්තු මස15 දින දක්වා ක්රියාත්මකවු වාහන සදහාවු පනවන ලද බදු අධිභාරය තවත් මාස තුනකට දීර්ඝ කිරීමට රජය තීරණය කර ඇතැයි මුදල් අමාත්යංශ ආරංචි මාර්ග සඳහන් කරයි.වාහන ආනයනයේදී මෙතෙක් පනවා තිබූ තිබූ රේගු බද්දට අදාලව සිට මෙම 50% ක අධිභාරය පැනවූයේ පසුගිය මැයි මාසයේය. එය අවසන් වීමට නියමිතව තිබුණේ අගෝස්තු 15 වැනි දිනයි. එහෙත් වාහන ආනයනය අඩු කිරීම සඳහාත් රටේ ඩොලර් සංචිත සුරක්ෂිත කර ගැනීම සඳහාත් තවත් මාස තුනකට එම අධිභාරය ක්රියාත්මක වනු ඇතැයි දැනගන්නට තිබේ.
මෙම ආනයන අධිභාරය පැනවීමත් සමඟ ඊට සාපේක්ෂව වාහන මිල ගණන්ද ඉහළ ගියේය.
වාහන ආනයනය සඳහා පනවා ඇති ආනයන රේගු බදු ප්රතිශතය 30% කි. ඊට අදාලව 50% අධිභාරයක් පැන වූ පසු වාහන වල මිල ගණන් 15 % කින් පමණ ඉහළ ගියේය.
