ජූනි 21 වනදා යනු උත්තර අර්ධගෝලයෙහි රටවලට "summer solstice" එනම් සූර්යයා ආකාසයේ උතුරු දෙසින් වූ, ඉහළින්ම පවතින උන්නතාංශයකට පැමිණීම හේතුවෙන් වර්ෂයේ හිරු උදාවී පවතින දීර්ඝතම දිනයයි. ඉහත ඡායාරූපයෙන් පෝලන්තයේ පිහිටා ඇති "Proboszczow" නම් ගම්මානයට ඉහළ ආකාසයෙහි, 2021 වසරේ ජූනි 26 ත් 2022 වසරේ ජූනි 26 ත් අතර කාලසීමාව තුළ එනම් වර්ෂයක් මුළුල්ලේම ආකාසයෙහි සූර්යයා දර්ශනය වූ ස්ථානයන් එනම් "Solar Analemma" සිදුවූ ආකාරය නිරූපණය කරන අතර ආකාසයෙහි දකුණු දෙසට හැරවූ සිදුරු කැමරාවක් (pinhole camera) භාවිතා කරමින් කිසිදු ඩිජිටල් නිරාවරණ කාලයකට ලක් නොකරමින් (No sequence of digital exposures) මෙය හසුකර ගෙන තිබේ. එකම ඡායාරූප තලයකට මෙහි සූර්ය ඇන්ලෙමාවන් (analemmas) මේ ආකාරයෙන් හසුකර ගැනීම සදහා විශේෂ තාක්ෂණික ක්රමයක් භාවිතා කරන අතර එය "solargraphy" යනුවෙන් හදුන්වනු ලබයි.
මෙහි දිස්වන ඇනලෙමාවන් ත්රිත්වය (analemmas) මධ්යම යුරෝපියානු වේලාවෙන් (Central European Time - CET) 11:00, 12:00, හා 13:00 CET යන කාලයන්ට අදාළව සිදුරු කැමරාවෙහි වූ ඡායාරූප තලයෙහි සටහන් වීම සිදුවී ඇති අතර ඒ අතර කාලයේදී කැමරා කාචය කෙටි නිරාවරණ කාලයකට ලක් කිරීම සිදුකර ඇත. මෙම ඡායාරූපයෙහි දෙපැත්තෙන් දිස්වන කඩඉරි සමූහයන්ගෙන් (Groups of dashed lines) සූර්යයා ආකාසයේ ගමන් කළ පාර්ශ්වික මාර්ගයන් (partial tracks) නිරූපණය කරන අතර දිනපතා සෑම මිනිත්තු 15 කට වතාවක් කැමරා කාචය නිරාවරණයට ලක් කිරීමෙන් මේවා හසුකර ගෙන තිබේ. වසරක් මුළුල්ලේ ලබාගත් මෙම ඡායාරූපයෙහි (solargraphic photo) දිස්වන අදුරු පැහැ හිඩැස්, ආකාසයෙහි වූ වළාකුළු මගින් සූර්යයා අවහිර කර ගැනීම හේතුවෙන් සිදුරු කැමරාවෙහි කාචයෙහි නිරාවරණයන්ට අවහිරතාවන් ඇති වූ කාලසීමාවන් නිරූපණය කරයි.
Image Credit & Copyright: Dawid Rycabel (Pinholove)
Solar Analemma
Solstice
