සිනමා ප්රේක්ශකයන් බොහෝ දෙනෙක් මේ අවුරුද්දේ නැරඹීමට පුන පුනා බලා සිටින චිත්රපටයක් ලෙස THE BATMAN හැදින්වීමට පුලුවන්. එවැනි චිත්රපටයක් වුණත් මේ චිත්රපටයේ කතාව පිළිබදව තොරතුරු ඉතා රහසිගතව තබාගන්න චිත්රපටයේ අධ්යක්ෂක Matt Reeves ඇතුලු චිත්රපටයේ නළු නිළි පිරිස ඇතුලු චිත්රපටය බෙදාහරින Warner brothers ආයතනය වගබලා ගෙන තියෙන බව දකින්න ලැබෙන පැහැදිලි කරුණක්. නමුත් ඒ අතරේ මේ චිත්රපටයේ Test screening, ඒ කියන්නේ චිත්රපටය මහජන ප්රදර්ශනයට පෙර චිත්රපටය බෙදාහරින ආයතනයේ උසස් නිළධාරීන්, අධ්යක්ෂකවරායා ඇතුලු පිරිස, තෝරාගත් අතලොස්සක් වන මාධ්යවේදීන් හා විචාරකයන් වෙනුවෙන් පවත්වන විශේෂ සිනමා දර්ශනයකට සහභාගි වුණු අයෙක් චිත්රපටයේ කතාව කෙබදු ආකාරයක් ගනී ද යන්න පිළිබද විස්තර හොලිවුඩයේ පිළිගත් සිනමා සගරාවක් වන Awards Daily සගරාවේ කටයුතු කරන Erick Weber හට පවසා තිබෙනවා. එයට අනුව THE BATMAN චිත්රපටය ඉතා සංකීර්ණ හා ආන්දෝලනාත්මක චිත්රපටයක් වනු ඇති බවට තතු හෙළි කරනවා. එමෙන්ම චිත්රපටයේ ස්වභාවය හා එහි ආභාශය Zodiac, Seven, Chinatown, The Silence of the Lambs, හා The Usual Suspects සමග ඉතා සමීපව යන්නක් බවත් ඔහු සදහන් කර තිබෙනවා.
Last edited:
