2010 විශේෂ සිදුවීම්

[Wali Kukula]

2010 විශේෂ සිදුවීම්

 

[Wali Kukula]

මැයි 12 -19 - රතු කමිස කරුවන්ගේ විරෝධතා

තායිලන්තයේ බැංකොක් නුවර කලහකාරීව හැසිරුණු රතු කමිස විරෝධතාකරුවන් මර්දනය කිරීමට හමුදාව යෙදවීමත් සමග හමුදාව හා විරෝධතාකරුවන් අතර දරුණු ගැටුම් ඇතිවිය. විරෝධතාකරුවන් ඉල්ලා සිටියේ තායිලන්ත අගමැති වෙජ්ජජිවාට අගමැති දුරයෙන් ඉවත් වන ලෙසත් වහාම මහා මැතිවරණය පවත්වන ලෙසත්ය. එය අවසන් වුයේ ලේ තැවැරුණු හමුදාමය මෙහෙයුමකිනි, 91 දෙනෙකු ඝාතනය විය තවත් 2,100 කට වඩා තුවාල ලැබුහ.


මැයි 22 - එයාර් ඉන්දියා ගුවන් අනතුර
මගින් 160 දෙනෙකු රැගෙන ඩුබායි සිට ඉන්දියාවට ලගා වූ එයාර් ඉන්දියා ගුවන් සමාගමට අයත් මගී ගුවන් යානයක් ගුවන්තොටුපලට ගොඩ බැමේදී අනතුරට ලක් වීමෙන් මගින් 153 දෙනෙකු මිය ගියහ.

 

[Wali Kukula]

මැයි 31 - ගාසා නැව් කණ්ඩායම් ආක්‍රමණය
ගාසා තීරයට ආධාර රැගෙන පැමිණි පලස්තීන හිතවාදීන්ට අයත් නැවක් ඊශ්රල කොමාන්ඩෝ භටයන් විසින් වට කොට එල්ල කරන ලද ප්‍රහාරයකින් නාවේ සිටි විදෙශ් රටවල මානව හිමිකම් ක්‍රියාකාරීන් 9 දෙනෙකු ජිවිතක්ෂයට පත් වූ අතර 300 දෙනෙකු පමණ තුවාල ලැබුහ.
ජුනි 3 - ජපාන අගමැති ධුරයෙන් ඉවත් වීම

ජපාන අගමැති හුකියෝ හතෝයාමා, ඔකිනෝව දූපතේ් යුද හමුදා කඳවුරක් යළි ස්ථානගත කිරීම සහ මුදල් වංචා පිළිබඳව ගොඩනැගුණු අර්බූදකාරී තත්ත්වයක් නිසා ධුරයෙන් ඉවත් වීමත් සමගම මුදල් ඇමතිව සිටි නඩ්ටෝ කාන් මීලග ජපාන අගමැති ධුරයට පත් විය.

ජුනි 12 - ලෝක කුසලාන පාපන්දු තරගාවලිය

ලෝක කුසලාන පාපන්දු තරගාවලිය දකුණු අප්‍රිකාවේ ජොහැනස්බර්ග් නුවර ආරම්භ විය. තරග ජය පිළිබදව නිවැරදිව අනාවැකි කී ජර්මනියේ පෝල් නම් බුවල්ලාද ප්‍රසිද්ධ විය. පාපන්දු ලෝක කුසලානය දිනා ගත්තේ ස්පාඤ්ඤයයි. දෙවන තැන නෙදර්ලන්තය දිනා ගන්නා ලදී.

ජුනි 24 - ඔස්ට්‍රේලියානු කම්කරුපක්ෂ නායකත්ව මැතිවරණය

පක්ෂ කුමන්ත්‍රණයකින් අගමැති කෙවින් රඩි ධුරයෙන් නෙරපිමෙන් පසු ජුලියා ගිලාඩි ඔස්ට්‍රේලියාවේ නව අගමැති ධුරයට පත් වුවාය. අගමැති ධුරයට පත් වූ ප්‍රථම කාන්තාව වන්නේ ඇයයි.


ජුනි 26 - රුසියානු බුද්ධි ඔත්තුකරුවන් ඇමරිකානු අත්අඩංගුවට පත්විම
වසර ගණනාවක් ඇමරිකාවේ ජිවත් වෙමින් රුසියානු බුද්ධි අංශවලට ඔත්තු සැපයු පුද්ගලයින් දස දෙනෙකු ඇමරිකානු ආරක්ෂක අංශ අත්අඩංගුවට පත් වුනි. ඔවුන් දස දෙනා පසුව රුසියාවට පිටුවහල් කෙරුණේ රුසියාවේ අත්අඩංගුවේ සිටි ඇමරිකානු ජාතිකයින් සිවු දෙනකු ඇමරිකාවට ගෙන්වා ගත හුවමාරුවකිනි.

 

[Wali Kukula]

ජුලි 7 - මාල දිවයිනේ ඇමති මණ්ඩලය ඉල්ලා අස් වීම
ඇමති මණ්ඩලය හදිස්සියේම ඉල්ලා අස් වීමත් සමග පාර්ලිමේන්තුව හා තමා අතර හට ගෙන ඇති අර්බුදකාරී තත්වය සමතයකට පත් කර ගැනීමට මාල දිවයිනේ ජනපති මොහොමඩ් නෂීඩ් පියවර ගත්තේය.
ජුලි 28 - පකිස්ථානයේ "එයාර් බ්ලු" ගුවන් අනතුර
පකිස්ථානයට අයත් "එයාර් බ්ලු" ගුවන් සේවයේ මගී ගුවන් යානයක් ඉස්ලාමාබාද් නුවරට ඔබ්බෙන් ඇති මර්ගාලා කදුකරයට කඩා වැටීමෙන් යානයේ සිටි 152 ජිවිතක්ෂයට පත්විය.
ජුලි 29 - පකිස්ථානය පිලිබදව ඩේවිඩ් කැමරන් කල ප්‍රකාශය
ඉස්ලාමීය සටන් කාමීන්ට පකිස්ථානය ආධාර දෙමින් ත්‍රස්තවාදයට උඩ ගෙඩි දෙනවා යයි ඉන්දියාවේ සංචාරය කරමින් බ්‍රිතාන්‍ය අගමැති ඩේවිඩ් කැමරන් කල ප්‍රකාශය පකිස්ථානයේ දැඩි දෝෂදර්ශනයට ලක් විය.

ජුලි 29 - පකිස්ථානයට ඇද හැලුණු මහා වැසි හා ජල ගැලීම්

වයඹ දිග පකිස්ථානයට ඇද හැලුණු මහා වැසි සමග ඇති වූ හදිසි ජල ගැලීම් වලට හසු වී පුද්ගලයෝ දහස් ගණනින් ජිවිතක්ෂයට පත් විය. ලක්ෂ ගණනකට උන් හිටි තැන් අහිමි විය. එම මහා ගන් වතුරින් සිදු වූ හානිය 2004 සුනාමි විපතට සමාන යයි එක්සත් ජාතින්ගේ සංවිධානය පවසයි.

අගෝස්තු 12 - ග්‍රීන්ලන්තයේ පීටර්ස්මෑන් අයිස් තට්ටුව කැඩී වෙන් වී යාම
කිලෝ මීටර 30 දිග සහ කිලෝමීටර 10 පළල මහා අයිස් තට්ටුවක් ග්‍රීන්ලන්තයේ පීටර්ස්මෑන් නැමති ග්ලැසියරයෙන් කැඩී වෙන් වී ආක්ටික් සාගරයට පාවී යාමත් සමග එහි සාගර ජල මට්ටම ඉහල යයි බවට විද්‍යාඥයන් අනතුරු ඇගවුහ.
අගෝස්තු 13 - මෙටැලෝ බීටා ලැක්ටමේස් 1 එන් ඩී එම් 1 බැක්ටීරියාව
කිසිම ඔසුවකින් පාලනය කල නොහැකි ප්‍රතිජීවක වලට ප්‍රතිරෝධ දක්වන, නව මාදිලියේ "මෙටැලෝ බීටා ලැක්ටමේස් 1" හෙවත් එන් ඩී එම් 1 යනුවෙන් නම් කල ප්‍රබල බැක්ටීරියාවක් ඉන්දියාව, පකිස්ථානය වැනි රට වලින් බ්‍රිතාන්‍යට පැතිර ගොස් ඇති බව බ්‍රිතාන්‍ය වෛද්‍ය පර්යේෂක කණ්ඩායමක් බිය පල කලහ.
අගෝස්තු 21 - ඉරානයේ ප්‍රථම බල ශක්ති න්‍යෂ්ටික බලාගාරය
සම්බාධක හේතුවෙන් ප්‍රමාද වෙමින්, දශක 3 කට ආසන්න කාලයක් තිස්සේ, රුසියාවේ සහය ඇතිව ඉදි කල ඉරානයේ ප්‍රථම බල ශක්ති න්‍යෂ්ටික බලාගාරය විවෘත කෙරිණි.
අගෝස්තු 23 - චිලී පතල් සේවකයින්
දින 17 කට පසු මීටර් 700 ගැඹුරු රන් සහ තඹ පතලක හිර වී සිටි පතල් සේවකයින් 33 දෙනා පන පිටින් සිටින බව තහවුරු විය ඔවුන්ගේ දිවි බේරා ගැනීමට, චිලි දිවි ගලවා ගන්නා කණ්ඩායම් විස්කම් මෙහෙයුමක් දියත් කළේය.

 

[Wali Kukula]

අගෝස්තු 23 - 2010 විශ්ව රූ රැජින තරගය

ඇමරිකාවේ ලාස් වේගාස්හිදී අගෝස්තු මස පැවති 59 වන 2010 විශ්ව රූ රැජින තරගයේ කිරුල මෙක්සිකෝවේ ජිමේනා නැවරෙට් විසින් හිමිකරගෙන ඇත.
දෙවන ස්ථානය ජැමෙයිකාවේ ඩි ෆිලිප්ස් හා තුන්වන ස්ථානය ඕස්ට්‍රේලියව නියෝජනය කල පෙස්ටිනා කැම්ප්බෙල් හිමි කර ගෙන ඇත.
සැප්තැම්බර් 28 - මෙක්සිකෝවේ සිදු වූ නාය යෑම් හේතුවෙන් පුද්ගලයින් 7 දෙනකු ජිවිතක්ෂයට පත්ව තවත් සිය ගණනක් අතුරුදහන් විණි.
ඔක්තෝබර් 13 - චිලී පතල් සේවකයින්

මීටර් 700 ගැඹුරු රන් සහ තඹ පතලක හිර වී සිටි චිලී පතල් සේවකයින් 33 දෙනා දවස් 69 ක විස්මිත ගලවාගැනීමේ මෙහෙයුමකින් පසු ඉහලට ගන්න ලදී.

 

[Wali Kukula]

ඔක්තෝම්බර් 16 - බ්‍රිතාන්‍යයේ විලියම් කුමරු සහ කේට් මිඩ්ල්ටන්

බ්‍රිතාන්‍යයේ විලියම් කුමරු සහ කේට් මිඩ්ල්ටන්ගේ විවාහ ගිවිස ගැනීම නිල වශයෙන් මාධ්‍ය වලට හෙළි කෙරිණි.



ඔක්තෝම්බර් 25 - ඉන්දුනීසියාව අසල මුහුදු පතුලේ භූකම්පනය
ඉන්දුනීසියාව අසල මුහුදු පතුලේ රික්ටර් මාපක 7.7 ක ප්‍රබලත්වයක් සටහන් කල භූකම්පනයක් හට ගැනිණි, භූකම්පනයට පසු ඇති වූ සුනාමියට 431 දෙනෙකු බිලිව 83 දෙනෙකු අතුරුදහන් විය. මෙයත් සමග ඉන්දුනීසියාවේ මෙරාපි ගිනි කන්දද පුපුරා ගියේය.
ඔක්තෝම්බර් 30 - 60 වන ලෝක රු රැජින තේරීමේ තරගය

දකුණු චීනයේදී පැවති 60 වන ලෝක රු රැජින තේරීමේ තරගයෙන් ඇමරිකානු රූ රැජින වන ඇලෙක්සැන්ඩියා මිල්ස් කිරුල හිමි කර ගනු ලැබුවාය. මෙහි දෙවන හා තෙවන ස්ථාන පිලිවෙලින් බොට්ස්වානාවේ එමා වේරියස් හා වෙනිසුවෙලාවේ ඇන්ඩියානා වනිසා හිමි කර ගත්හ.

 

[Wali Kukula]

නොවැම්බර් 13 - මියන්මාරයේ ප්‍රජාතන්ත්‍ර නායිකා අවුන් සාන් සුකී

වසර ගණනාවක් තිස්සේ නිවාස අඩස්සියේ රදවා සිටි මියන්මාරයේ ප්‍රජාතන්ත්‍ර නායිකා අවුන් සාන් සුකී නිවාස අඩස්සියෙන් නිදහස් කිරීමට එරට හමුදා රජය තීරණය කළේය. හමුදා රජය සුකී නිදහස් කරේ වසර 20 කට පසු පැවැත්වූ මහා මැතිවරණයෙන් ඔවුන්ට හිතවාදී පක්ෂ ජයග්‍රහණය කිරීමෙන් පසුවය.



නොවැම්බර් 14 - ඉන්දීය ජංගම දුරකථන බලපත්‍ර මුදල් වංචාව
ජංගම දුරකථන බලපත්‍ර නිකුත් කිරීම සම්බන්ධයෙන් සිදු වූ මුදල් වංචා හේතුවෙන් ඉන්දීය රජයට මහා පරිමාණ පාඩුවක් සිදු විය. ඉන්දීය විදුලි සංදේශ ඇමති ඉල්ලා අස්වුවේය. ඉන්දීය දේශපාලනයේ අර්බුද රැසක් ඇතිවිණි.
නොවැම්බර් 23 -
උතුරු කොරියාව දකුණු කොරියාවට අයත් යොංපියොං නැමති දුපතට ෂෙල් වෙඩි ප්‍රහාරයක් එල්ල කළේය. එම ප්‍රහාරයෙන් සිව් දෙනෙකු මිය ගියහ.
නොවැම්බර් 28 -

ඇමරිකා රජයේ අතිශය රහස් තොරතුරු ඇතුලත් තානාපති රහස් ඇතුලත් වාර්තා මිලියන ගණනක් "විකි ලීක්ස්" වෙබ් අඩවිය හරහා නිකුත් කිරීමත් සමග ලොව පුරා මහත් ආන්දෝලනයක් ඇති විය. විකි ලීක්ස් හි නිර්මාතෘ කාගේත් අවදානයට ලක්විය.



නොවැම්බර් 29 – දෙසැම්බර් 10 - දේශගුණික විපර්යාස පිළිබඳ ජගත් සමුළුව
දේශගුණික විපර්යාස පිළිබඳ ජගත් සමුළුව සති දෙකක කාලයක් තුළ මෙක්සිකෝවේ කැන්කුන් නගරයේ පැවැතිනි. (16th Conference of the Parties of the United Nations Framework Convention on Climate Change -COP 16, it served too as the 6th meeting of the Parties to the Kyoto Protocol - CMP 6) දුගී රටවල දේශගුණ විපර්යාස අවම කිරීමට ඉවහල්වන තාක්ෂණයන් අනුවර්තනය කර ගැනීම සඳහා මෙම අරමුදලින් ඩොලර් බිලියන ගණනාවක් ලබා දීමට නියමිතය. තවද ගෝලීය උණුසුම කෙරේ ඉතා තදින් බලපාන කාබන් විමෝචනය අවම කිරීමට සමුළුවට සහභාගි වූ රටවල් එකඟ වී තිබේ.
දෙසැම්බර් 25 -
අප්‍රිකාවට අයත් අයිවරි කෝස්ට් රාජ්‍යයේ පවත්වන ලද ජනාධිපතිවරණයෙන් පසු හිටපු ජනාධිපති ලොරෙන්ට් බැග්බෝ සහ ඔහුගේ ප්‍රතිවාදියා ඇලසේන් අවුටෙරා වෙන වෙනම ආණ්ඩු පිහිටුවීමත් සමග රට අභ්‍යන්තරයේ දේශපාලන ගැටළු රාශියක් ඇති විණි.

උපුටා ගැනීම :
http://govlk.com/content/2010-දේශීය-විදේශීය-විශේෂ-සිදුවීම්

 

[Wali Kukula]

2011 තරග විභාග ආදියට මුහුණ දෙන්න ඉන්න අයට වැදගත් වෙන සාමන්‍ය දැනුම කරුණු

2010 ලංකාවේ ලෝකේ දින දින විත්ති ලක්බිම අතිරේකය
http://govlk.com/content/2010-%E0%B6%AF%E0%B7%92%E0%B6%B1-%E0%B6%AF%E0%B7%92%E0%B6%B1-%E0%B7%80%E0%B7%92%E0%B6%AD%E0%B7%8A%E0%B6%AD%E0%B7%92-0