ශ්රී ලංකාවේ ණය ආපසු අය කර ගැනීම ගැන අගමැති ඉන්දීය ආණ්ඩුවෙන් කළ ඉල්ලීම..
ශ්රී ලංකාව ලබාගෙන ඇති ණය ආපසු අය කර ගැනීම වසර 3කට අත්හිටුවන ලෙස ඉන්දීය ආණ්ඩුවෙන් ඉල්ලා සිටි බව අග්රාමාත්ය මහින්ද රාජපක්ෂ මහතා ප්රකාශ කරනවා. අග්රාමාත්යවරයා මේ බව ප්රකාශ කළේ ද හින්දු පුවත්පත සමග සම්මුඛ සාකච්ඡාවකට එක්වෙමින්.
එහිදී අග්රාමාත්යවරයා වැඩිදුරටත් සඳහන් කළේ ආර්ථිකය පිළිබඳව සමාලෝචනය කරන තෙක් එම සහනය ලබාදෙන ලෙස ඉන්දියාවෙන් ඉල්ලා සිටි බවත්, ඉන්දීය රජය එවැනි පියවරක් ගතහොත්, චීනය ඇතුළු අනෙකුත් විදෙස් රාජ්යයන් ද එවැනි ක්රියාමාර්ගයකට එකඟ වනු ඇති බවත්ය.
මේ අතර මේ වසර තුළදී ශ්රී ලංකා ඉතිහාසයේ ගෙවීමට ඇති වැඩිම ණය සේවා ගෙවීම වන බිලියන 5 ක ණය සේවා ගෙවීම පිළිබඳව හින්දු පුවත්පත විමසූ ප්රශ්නයකට පිළිතුරු ලබා දෙමන් අග්රාමාත්යවරයා ප්රකාශ කළේ කුමක් සිදුවුවද ණය ගෙවීම් පැහැර හැරීමට අවශ්ය නොමැති බවත්, කෙසේ හෝ එය කළමනාකරණය කර ගන්නා බවත්ය.
neth news
