නයි කතාවක්, මී නැටි, සෝඩා බද්ද, තවත් කතා සහ මිනිසුන්ගේ හැසිරීම් රටා …
මේ කතාව ආර්ථික විද්යාව පමණක් නොව, වෙන බොහෝ ක්ෂේත්ර සඳහා අදාළ වේ.
ඉන්දියාව යටත් විජිතයක් වූ කල සිදුවූ කතාව මෙහෙමයි. එහි දිල්ලිය නම් නගරයේ නයින් බොහෝ සිටියෝය. නයින්ගේ දෂ්ට වලින් මිය ගිය මිනිසුන් ගණන සුළු පටු නැත. එසේ හෙයින් මිනිසුන් බොහෝ දෙනෙක් ඉතා බියෙන් සිටියහ. අවේලාවේ තියා වෙලාවේ වත් ගෙයින් පිටට අඩිය තියන්නට කැමති නැති මිනිසුන් සිටියහ. ජන ජීවිතය අඩාල කරන මේ ප්රශ්ණයට ආණ්ඩුවෙන් පිළියමක් ලැබිණි.
මරණ ලද සෑම නයෙක්ටම රිදී කාසියක් ලැබුණි. ප්රතිඵලය ඉතා සාර්ථක විය. අපමණ නාගයන් මරා දමන ලදී.
එහෙත් මෙය ලාභ ලබා ගත හැකි වෙළඳාමක් යයි තේරුම් ගත් සමහර මිනිසුන්, නයින් බෝ කර පැටව් විශාල වශයෙන් ලබා, ආණ්ඩුවට විකුණා මුදල් සෙවීම ආරම්භ කළහ. මෙය දැන ගත් වහාම ආණ්ඩුවෙන් ඉහත කී රිදී කාසිය දීම නවත්වා දමන ලදී. රිදී කාසිය නොලැබෙන බව දැනගත් පසු, බෝ වූ නයින් පරිසරයට මුදා හරින ලදී.
අවසානයේ සිදු වූයේ පරිසරයට ඕනෑවටත් වඩා නයින් සංඛ්යාවක් ඇතුල් වීමය.
මේ කතාව සත්ය වශයෙන්ම වුනාදැයි නොදනිමි. එහෙත් මෙයින් පෙන්වන්නේ සිද්ධාන්තයක් වශයෙන් සහ හොඳ අදහසකින් වුවද, එසේ කරන කියන දෙයක අවසාන ප්රතිඵලය අයහපත් විය හැකිය යන්නය. පවතින ගැටළුවකට විසඳුමක් ඉදිරිපත් කරන්නට පෙර, එයින් පසුව විය හැකි හානිය ගැන සිතීම වටී. විසඳුම ගැන මිනිසුන් සිතන්නේ කෙසේද යන්න ගැනද සලකා බැලිය යුතුය. සියලුම ආකාරයේ විසඳුම් වලට, ඒ හා අනුරූප, පසු සිදුවීම් ඇතිවිය හැක. ඒ සිදුවීම් බොහෝ සංකීර්ණ වන්නටද ඉඩ ඇත.
ඉන්දියාවේ පමණක් නොව, ඕනෑම සමාජයක මේ ආකාරයේ දෙයක් සිදු විය හැක. වියට්නාමයේ සිදු වූ දෙයක් බලමු.
වියට්නාමයේ හැනෝයි නුවර මීයන් ගේ ප්රතිශතය බොහෝ වැඩි වූයේය. නගරයේ කිසි දෙයක් තබා ගැනීමට හැකියාවක් ඇති වූයේ නැත. මෙයට විසඳුමක් සේ බළධාරීන් විසින්, ගෙනත් පෙන්වන මීයෙක්ගේ නැට්ටක් සඳහා මුදලක් දෙන ලදී. සමහර විට මරණ ලද මුළු මීයා ගෙනවිත් දුන්නොත් මරණ ලද මීයන් දමන්නට තැනක් නැති නිසා ඒ තීරණය ගන්නට ඇත.
මේ විසඳුම සාර්ථක වුනා යයි පෙනුනද, බළධාරීන් පසුව නිරීක්ෂණය කල දෙයක් විය. නගරයේ දැන් නැට්ට නැති මීයන් බහුලව සිටින වගක් පෙනිණ. සිදුව ඇත්තේ මීයෙක් අල්ලා උගේ නැට්ට පමණක් කපා බළධාරීන්ට පෙන්වීමය…!.. නැට්ට කැපුවද, එය මීයාගේ බෝවීමට ප්රශ්නයක් නැත. තව තවත් මී නැටි එවිට ලබාගත හැක. එවිට මීයන් අල්ලන්නන්ගේ ලාභය වැඩිවෙනු ඇත.
සත්යය දැනගත් විට, මී නැටි සඳහා දෙන ලද ත්යාගය අත් හිටවන ලදී. මේ වන විට නගරයේ මීයන් ගේ සංඛ්යාව තවත් වැඩි විය.
source: https://lalithkrunaratna.wordpress.com/2019/09/09/%e0%b6%b1%e0%b6%ba%e0%b7%92-%e0%b6%9a%e0%b6%ad%e0%b7%8f%e0%b7%80%e0%b6%9a%e0%b7%8a-%e0%b6%b8%e0%b7%93-%e0%b6%b1%e0%b7%90%e0%b6%a7%e0%b7%92-%e0%b7%83%e0%b7%9d%e0%b6%a9%e0%b7%8f-%e0%b6%b6%e0%b6%af-2/
