මා දුටු අපේ ක්‍රිකට්

07sanjeewakaru

Well-known member
  • Feb 9, 2013
    5,522
    1,802
    113
    ලංකාවෙ අඩා...!

    ඒ අතරෙ තිබ්බ VB ODI series එක තමා ලංකාව වෙන හැම රටකටම වඩා 96 World Cup එකට සූදානම් කරේ.
    ඇත්තටම මේ Australian Cricket summer ODI tournament එක 1977/78 ඉදල මේ 95/96 එක වෙනකං හැඳින්වූයේ Benson & Hedges World Series එක කියල.මේක තමයි එනමින් හැඳින්වූ අවසන් තරගාවලිය..ICC එක ක්‍රිකට් තරගාවලි සඳහා දුම්කොළ සමාගම් අනුග්‍රාහකත්වය අත්හිටුවීමෙන් පසුව 96/97 එකේ ඉදල Series එක නම් කලේ ප්‍රධාන අනුග්‍රාහකයින් වන Carlton & United නමින්.2000/01 Carlton Series නමිනුත්,01/02 සිට ප්‍රධාන අනුග්‍රාහකයින් බියර් සමාගමක් වන Victoria Bitter(VB) වීමත් සමග එනමිනුත්,බියර් සමාගම් ක්‍රිකට් ප්‍රධාන අනුග්‍රාහකත්වය ලබාදීම අත්හිටුවීමෙන් පසු 2006/07 සිට මේ තරගාවලිය ප්‍රධාන අනුග්‍රාහකයින් වන Commonwealth Bank නමින් නම් කරා.ඉන්දියාව දින්න 2007/08 එක තමා මේ Series එකේ අවසන් තරගාවලිය ලෙස නම් කලේ.ඕස්ට්‍රේලියාව සහභාගී නොවන තරග සඳහා තරග නරඹන පිරිස අඩුවීමත්,TV ratings අඩුවීමෙන් Broadcasting rights වලින් අලාභ සිදුවීමත් හේතුවෙන් මෙම තරගාවලිය සත්කාරක ඕස්ට්‍රේලියාවත් එක්ක සංචාරක රට සහභාගී වන Bilateral series එකක් බවට පරිවර්තනය කරා.ඒත් 2011/12 දී ඉන්දියාව ඕස්ට්‍රේලියාවේ සංචාරය කිරීම හේතුවෙන් ඉන්දියාවේ TV rights වැඩි ගානකට අලවි කරමට හැකි නිසා Tri-series එක ලාභදායී වුනා.ලංකාවට Tri-series එකේ අනෙක් රට ලෙස සහභාගී වීමේ වරම් ලැබුන.මං හිතන්නේ ඒ Series එක තමා හොඳම Tri series එක කියල 97/98 Tri-series එකට පස්සෙ.අපරාදේ අපේ සංග,මහේල,දිල්ෂාන් වගේ senior playersල ටිකක් ඉවසල 3rd final එකේ ලකුණු 230 chase කරා නං World cup එකට පස්සෙ ලකාව ලබපු ලොකුම ODI ජයග්‍රහනෙ ඒක වෙන්ට තිබ්බ.
    මං ආසම ODI series එක තමා ඔය Australian tri-series එක.World cup එකටත් වඩා මං ඒකට ආසයි.Bowlersලටයි Batsmanලටයි එක ගානට වගේ වාසි දෙන,ලකුණු 230/40 chase කරන්ට අමාරු වෙන නියම ඕවර් මැච් ඒව...
    නැතුව Bowlersලට වැලේවැල් නැතිකරවන,ක්‍රිකට් එපා කරවන,මෙලෝ රහක් නැති flat pitch වල,පොඩි ground වල 350ක් විතර ගැහුවම ඒකත් ඕවර 40න් විතර chase කරන දික්කරපු T20 මැච් වගේ ඕවර් 50 හේ මැචුයි හැම බෝලෙටම 6යේ ඒව ඉල්ලන,Bowlersගෙ bowling skill,Captainගෙ field settings වගේ උපක්‍රම,Fielding skills අගය කරන්ට දන්නැති නරඹන්නොයි නං ක්‍රිකට් වල අවසානය ලගදීම උදාකරයි කියලයි මට හිතෙන්නේ....
    :angry::angry::baffled::baffled:
     

    rwnfrnnd

    Active member
  • Sep 9, 2008
    653
    40
    28
    Gam5
    එළ නූල :yes:
    මමත් ඔය කියපු ඔක්කොම මැච් බලල තියෙනවා, ඔය සිදුවීම් ඔක්කොමත් මතකයි. මම ටීවී එකකින් බලපු පළමුවෙනි මැච් එක තමා 92 Aus සංචාරයේ පළමුවෙනි ODI එක. ඒ කාලේ අපි ඉඳල හිටලා දිනන බව සලකන කොට මගේ මැච් බැලිල්ල පටන් අරන් තියෙන්නේ බොහොම සුභ දායක විදිහට. මොකද මේ මැච් එක අපි දිනුව :D අරවින්ද සීයක් ගැහුව. හැබැයි අර්ජුන තමයි අන්තිමට McDermott කාරයගෙ (ඒ කාලේ උන්ගේ හොඳම පන්දු යවන්නා) පන්දු වාරයකට 20ක් විතර ගහල අපිව ගොඩ දැම්මෙ. මට දැන් හිතුනෙ... හොඳට බැලුවොත් මේ මැච් එක 96 WC අවසාන තරඟෙට ගොඩක්ම සමානයි :shocked:
     
    Last edited:
    • Like
    Reactions: 07sanjeewakaru

    RaZor_911

    Well-known member
  • Jul 14, 2011
    14,283
    1
    4,522
    113
    Unknown
    සචින් කියන්නේ මම දැකපු නිහතමානීමක්‍රීඩකයෙක්:rolleyes:,අද ඉන්දියන් ටීම් එකේ ඉන්න සීයක් ගැහුවම ග්‍රවුන්ඩ් එකේ ඉන්න ඔක්කොම එවුන්ට පඩේ දාන විරාට් කොලි වගේ එවුන්ට මේව හොද පාඩම් :growl::growl:
    +4 ;)
     

    07sanjeewakaru

    Well-known member
  • Feb 9, 2013
    5,522
    1,802
    113
    ලංකාවෙ අඩා...!
    එළ නූල :yes:
    මමත් ඔය කියපු ඔක්කොම මැච් බලල තියෙනවා, ඔය සිදුවීම් ඔක්කොමත් මතකයි. මම ටීවී එකකින් බලපු පළමුවෙනි මැච් එක තමා 92 Aus සංචාරයේ පළමුවෙනි ODI එක. ඒ කාලේ අපි ඉඳල හිටලා දිනන බව සලකන කොට මගේ මැච් බැලිල්ල පටන් අරන් තියෙන්නේ බොහොම සුභ දායක විදිහට. මොකද මේ මැච් එක අපි දිනුව :D අරවින්ද සීයක් ගැහුව. හැබැයි අර්ජුන තමයි අන්තිමට McDermott කාරයගෙ (ඒ කාලේ උන්ගේ හොඳම පන්දු යවන්නා) පන්දු වාරයකට 20ක් විතර ගහල අපිව ගොඩ දැම්මෙ. මට දැන් හිතුනෙ... හොඳට බැලුවොත් මේ මැච් එක 96 WC අවසාන තරඟෙට ගොඩක්ම සමානයි :shocked:

    අයියේ,මම ඉපදුනේ 87තේ.මට යාන්තං මතකයි 92 World cup finalඑක..Imran Khan cup එක උස්සන හැටියි එයා කරන කතාවයි..එයා කිව්වෙ එයා හදන cancer hospital එකට උදව් කරන්ට කියන එක කියල අපේ ගෙදර කට්ටිය කතා උන හැටි ඡායාවක් වගේ මතකයි..ඔය ඕස්ට්‍රේලියාව ලංකාවට ආපු අවුරුදු 5කට විතර පස්සෙ ලංකාවෙ තිබ්බ පලවෙනි series එකත් මට යන්තං මතකයි.දිනලම තිබ්බ ඒකෙ පලවෙනි test මැච් එක පැරදුනහම අපේ නෑදෑ අයියල මැරිල වගේ හිටපු හැටි,අඬපු හැටි මට මතකයි..මම ඔය කියන ඕවර් මැච් එක ගැන ක්‍රීඩා පත්තරෙන් කියවල තියනවා.බඩා මැක්ඩමට්ට ඕවරේට විස්සක් ගහල මැච් එක කැරකුව හැටි ඒකෙ තිබ්බ..අරාගෙ 100 යයි,අර්ජුනගෙ වැඩයි,ඕස්ට්‍රේලියාව ගහපු ගානයි ගත්තම ඒක 96 finalඑක වගේම තමයි නේ..
    93 දකුණු අප්‍රිකාව ලංකාවට ඇවිල්ල Jhonty Rhodes තනියෙන් ගහල first test match එක බේරුව හැටිත්,කට වටේට රෑටත් sun screne ගාල හිටිය දැක්ම බය හිතෙන Alan Donald වගේම Kepler Wessals,Hansie Cronje,Brett Schultz හිටිය ප්‍රේමදාස එකේ Day/Night මැච් රූපවාහිනියෙ live දුන්න හැටිත් මතකයි.. Rhodes ඇතුළු South Africa එවුන්ගෙ Fielding standards නං අද මෙච්චර දගලලත් ගන්ට අමාරුයි ඈ..
    මම හරියට ක්‍රිකට් බලන්ට පටන්ගත්තෙ 1994දී..හරියටම කිව්වොත් වාස් නුවර අස්ගිරියෙ තිබ්බ එයාගෙ පලවනි test match එකේ bat කරන්ට ආපු වෙලාවෙ ඉදල.ලංකාව හොඳි බහින්ටම ඒ match එක කෑව.මට මතක විදිහට first innings එකේ ලංකාව 70ට විතර allout.මට මතකයි ඒ කාලෙ අර කලුවටත් වඩා පොඩි ලංකාවෙ කීපරය පුබුදු දසනායක(දැන් Nepal team එකේ coach)වසීම් අක්‍රම්ගෙයි වකාර් යූනිස්ගෙයි bowl මූනෙ වැදි වැදි ගේම අතඅරින්නැතිව කොහොම හරි bat කරපු හැටි..මං ඉස්සෙල්ලම බලපු over match එක නං ලංකාව දින්න.ඒ series එකේම ODI series එකේ පකිස්තානෙ 180ට නවත්තල ලංකාව ගහන මැච් එක..ඒ දවස්වල පොඩි කොල්ලො පොල්කටු තියං ඉන්නව මැච් එක ඉවර උනහම බෝලෙ තමං ගාවට ආවොත් බෝලෙ පොල් කට්ටෙන් වහල බෝලෙ ගන්ට..හැමදාම boundary line එක ගාව ඉදං ඉන්න කවුරුහරි පොඩි එකෙක් මැච් එක ඉවර වෙලා ගෙදර යන්නෙ මැච් එක ගහපු බෝලෙත් අරගෙන..මාරයි ඒ කාලේ....මං හිතන්නෙ ඒ series එකෙන්ම ලංකාව දින්නෙ ඒ match එක විතරයි..වසීමුයි වකාරුයි දෙන්නගෙ දස්කම් වල උපරිමයටම ඇවිල්ල තිබ්බ කාලෙ ඒක..අලුත් බොලෙන් conventional swing,seam කරල විකට් පොලු අබරල බෝලෙ පරණ උනාම reverse swing yorker දාල විකට් පොලු කරකවනව..උන්ට ඉතින් bat කරනව බොරු..දැන් ඉන්න Dale Stainල,Jimmy Andersonල උන් ලගින්වත් තියන්ට බෑ...

    Wasim,Wakar show
    by robelinda2

    ඉතින් අපිට වඩා ක්‍රිකට් බලල,radio එකේ අහල,පත්තරේ කියවල තියන කට්ටිය මේ thread එකට ලංකාවෙ,ලෝකයේ ක්‍රිකට් බලල මතකයේ තියෙන (සතාසිවම්ලගෙ කාලෙ ඉඳල,1948 බ්‍රැඩ්මන් ලංකාවට එද්දිත් ක්‍රිකට් බලල තියන පර්සි මාම වගේ කට්ටියගෙ ඉඳල 1975 WORLD CUP එකේ ඕස්ට්‍රේලියාවෙ Dennis Lillyල,Jeff Thomsonල අපේ වෙත්තමුණිල,දුලිප් මෙන්ඩිස්ල ඉස්පිරිතාලෙ යවද්දි ලංකාවෙ ක්‍රිකට් එක්ක හිටිය,1982 ලංකාවට ටෙස්ට් තත්වෙ ලැබෙද්දිත් 85 පලවෙනි ටෙස්ට් මැච් එක දිනපුවහම පහුවදා අද අපේ MR මාමට නොදවෙනි ඒකාලෙ හිටියJR මාම දුන්න රාජ්‍ය නිවාඩුව විඳපුහැමෝම )අත්දැකීම් අපිත් එක්ක බෙදාහදා ගන්ටෝ..මාත් ඉඩ තියන විදිහට මං දන්න කතාව කියන්නං..ඒකෙ අඩුපාඩු ඔයාල පෙන්නන්ටෝ..
     
    Last edited:

    07sanjeewakaru

    Well-known member
  • Feb 9, 2013
    5,522
    1,802
    113
    ලංකාවෙ අඩා...!
    King GBN ,kites, rwnfrnnd ,
    mil rox , sancsanka, nirockzzz, RaZor_911, Santa DX , Nimeshaya,
    ilakookoo , Suvin1122 , maXfenda ,
    hichchi malli , maxxaa ,
    King GBN, y2j2 ,
    ruwanjrc , rocat90 , Donca , NUWAN BUWA , B_i_n_g_o , bohokal , Mal Baba , Sachith777 , rocat90 , amilabanuka , Xeroxeen,
    kmc madushan , basunnaha
    බොහොම ස්තුතියි සහෝ comment වලට....!
    බලපු අයටත් බොහොම ස්තුතියි!
     
    Last edited:

    sanjeeme

    Well-known member
  • Mar 12, 2008
    3,901
    335
    83
    Colombo
    ඒ වගේම 1996 ලෝක කුසලානය ගැන කතා කරනකොට කැපී පෙනිච්ච දස්කම් දක්වපු ක්‍රීඩකයෙක් විදිහට ගුරාව හදුන්වන්න පුලුවන්. මම හිතන්නේ අපේ තාත්තලා ඒ කාලේ (පස්සේ අපිත් කියන්න පුරැදු වුනා) ගුරැසිංහට කිව්වේ තට්ටු ගුරා කියලා. නමුත් ඒ තට්ටුව පැත්තක තියලා බෝලර්ස්ලට රිදෙන්න හයේ පාරවල් ගහලා ඇගට දැනෙන වෙනසක් ගුරා ලෝක කුසලාන තරගාවලියෙදි කලා (හැබැයි ඒ කාලේ හුගක් දෙනෙක් ඔහු ගැන ඒතරම් කතා කලේ නැහැ කියලා මටනම් හිතෙන්නේ).

    ඒ වගේම අර හෂාන් West Indies ගහපු ලකුණු තුන්සිය ගාන එලවගෙන ගිහින් ගහනවා වගේ නියම ගේමක් ගුරැසිංහ New Zealand වලදි ගැහුවා මට මතකයි. World Cup එකේදි නෙවෙයි ඊට පස්සේ තරගාවලියකදි මම හිතන්නේ. මොකක් හරි ප්‍රශ්නයක් නිසා ඒ series එකට අපේ අර්ජුන අරවින්ද වගේ ප්‍රධාන ක්‍රීඩකයෝ කිහිප දෙනෙක් සහභාගි වුනේ නෑ. මට මතක විදිහට මහානාමද කොහෙද Captain කලේ (මතක නැහැ හරියට). ඒකෙදි ගුරැසිංහ අන්තිම ඕවරයෙදි හිතාගන්න බැරි fight එකක් දෙනවා 6 එකක් එහෙම ගහලා. අන්තිම බොලෙට ලකුණු 3 ක් ගන්න තියෙනවා ගන්න පුලුවන් වෙන්නේ 2 කයි. පුලුවන්නම් ඒ match එකත් හොයලා video තියෙනවනම් දාන්න
     
    • Like
    Reactions: 07sanjeewakaru