පද පේළී - EK LYRICS THREAD PART 2

[Malinga]

මා ප්‍රිය මහේෂිකාවී
දිගු නීල නේත්‍ර දියවී
සීතලට මේ ගලන්නේ
ආදරය නොවෙද දේවී

විරැකියා නපුරු හීනේ
උතුමන් මුලාව යාවී
දායාද දුර්ග මාර්ගේ
දියනිය දෙපා සැලේවී
මා දුබල දෑත වෑරී
නරකෙසින් හිස සැදේවී

මා ප්‍රිය .............

සංසාර නදී තීරේ
ඒදණ්ඩ සේ දිගාවි
දරුවන් නමින් ම පේවී
අපි පෙරුම් පුරමු දේවී
හිමවත සැපැයි සිතාලා
පා නගනු බෑ ප්‍රියාවී

මා ප්‍රිය .............


ගායනය :- ගුණදාස කපුගේ

 

[DAMER]

 

[IsuruP123]

සිනා පිපෙනා මේ වසන්තය
නෙලා දෝතින් මලක් සේ සිනා සී
ම‍ගේ ලොව වෙත ඔබයි ගෙන ආවේ
සිනා සී ඔබයි ගෙන ආවේ
වසන්තය මලක් සේ

නිබඳ සුවඳයි ඔබ නිසා මට
ගම මැදින් හමනා පවන සිහිලැල්
ගම් දොරින් පිටමං නොවේවා
නැවුම් සුහුඹුල් යෞවනේ හස‍රැල්

නිසල සිතුවිලි සසල තුරුලිය
අතර තනිවෙමි ඔබ නිසා සතුටින්
අහස සමුදුර වැළඳ සැනසෙන
තැනක සගවමි හද සෙනේ සුසුමින්

ගායනය : සමිතා මුදුන්කොටුව / ලක්ෂ්මන් විජේසේකර
තනුව : ලක්ෂ්මන් විජේසේකර
ගී පද : කුමාරදාස සපුතන්ත්‍රි

 

[IsuruP123]

සමකෝණී ත්‍රිකෝණයකි - ඔබත් මාත් ඇයත් තිදෙන
ඔබ එක මුල්ලක සිටියා - ඇය තව මුල්ලක සිටියා
නෙත් සතරක පහස ලබා - මම මේ මුල්ලේ සිටියා

ඔබ මගෙ ආදරය පතයි
ඇය මගෙ ආදරය පතයි
දෙන්නාටම මාත් හිතයි
ත්‍රිකෝණයේ පාද සමයි

සමච්ඡේදනය කරලා
දෙන්නට බෑ පෙම බෙදලා
අපි තුන්මුල්ලටම වෙලා
ඉමු මුහුණට මුහුණ බලා

 

[IsuruP123]

සිතට දැනෙන මේ ලතැවුල්
ඉවසන්නම් ඔබේ නමින්
ජීවිතයේ කෙදිනක හෝ
සැනසෙන්නට පතා ඔබෙන්

අද ඔබ නැති බිම තනිවී
සිත දවනා අඳුරු හැඟුම්
විඳගන්නම් කවදා හෝ
ඔබ හමු වේ නම්

අද තනි යහනක වැතිරී
‍රැය නොනිදා නගන සුසුම්
විඳගන්නම් කවදා හෝ
ඔබ ළං වේ නම්

 

[IsuruP123]

අකලට වට මහ වරුසාවක් සේ
අසුබ දිනක ආ සුබ පැතුමක් සේ
මා හැර ගිය ඔබ නොසිතූ
මොහොතක
ඇයි දෝ යළි ආවේ

පෙරදා මෙන් හද මල් පිපුණාදෝ
සතුටු කදුළු නුවනග මිදුනාදෝ
අතීත ආදර නටඹුන් අතරේ
මන්දිර මැව්වාදෝ

සොවක් නැතේ නොසිතනු මැන සංකා
ඔබෙන් ලබනු කුමටද අනුකම්පා
රජෙකුට හිමි වූ මා දැන් රැජිනකි
සතුටයි කිරුළ අපේ

හෙට හමුවීමෙන් කිසිදු පළක් නෑ
ඔබේ ඇරයුම පිලිගන්න හිතක් නෑ
විමසන වදනට පිළිතුරු දෙන්නම්
ළගකදි ලබන දිනේ

 

[DAMER]

හද රැඳි ගී

 

[DAMER]

Shalitha Abeywickrama.....................



පිපුණු මලක හැඩ දෑස සලා~

සිතුම් විහඟ කැල වසඟ කලා..
​

මඟතොට රැදි නෙත් දහක් වසා~

මතකද අප නෙත් කතා කලා..​

 

[~Titi~]

හිම කැට වැටී මල් මාවතේ.....☆ ♥ `•.☆.
සෙනෙහස දැනේවි ආදර.......¸.•´ ♥ º
දෙහදක් බැඳී... සිසිලස පිරී.....•´ ♥ º ☆.
තරුකැට සැලී.. නිල් දිය නදී....¸.•´ ♥ º
රහසක් කියාවි ආදර....... •´ ♥ º ☆.
පැතුමන් පිරී.. අප හා බැඳී......¸.•´ ♥ º
මේ ගමන අපි යමුද........ •´ ♥ º ☆.
ජීවිතය තියනා තුරා......... ☆ ♥ `•.☆.​

 

[King GBN]

රාජ මාළිඟේ පරවියා වගේ..
ජීවිතේ මගේ මම ගෙවනවා ඔහේ..
ඉපදුනාට පස්සේ තාම මං හඬාලා නෑ..
ඇඬුවත් මට කිසිම දිනක කඳුළු එන්නෙ නෑ..//

මම ආදරේට ඇති කරන්නේ ඉබ්බොයි ගෙම්බොයි..
උන් නොදැක නොබල එක මොහොතක් ඉන්න බෑ අපොයි..
මේ සුරතල් සත්තු මාගේ - මට රන්මුතු මැණික් වාගේ
උන්ගෙ බරට රන් දුන්නත් - මම විකුණන් නෑ..//

රාජ මාළිඟේ පරවියා වගේ..

මම යන්න තමයි හිතන් ඉන්නේ ලෝකයේ වටේ
මම ගියොත් යන්නේ කවදා හරි බූරුවෙකු පිටේ
ඉතිහාසෙට නම තියාල ලංකාවට කොඩි දමාලා
එහෙම මිසක් කවදාවත් මම මැරෙන්නෙ නෑ..

රාජ මාළිඟේ පරවියා වගේ..///

ගායනය : රෙඩ්
සංගීතය : නයන කරුණානායක

 

[DAMER]

ගී‍යක විසිතුර

 

[DAMER]

Piyal Amarasinghe.................



බැද්දෙ පිපුණු මල ඉබේ පර නොවී~

ගත්ත නිසා මගෙ හදේ ලැඟුම්..
​

පින්න කැකුලියේ ඔබ සුරකින්නම්~

තියෙන තුරා මගෙ හදේ සුසුම්..
​

 

[rcccc]

හිනැහෙන්න නිල් දෑසේ ...

හිනැහෙන්න නිල් දෑසේ තනිවෙන්න මං ආවේ
කෝ කොහෙද නුඹ කොහෙද ඇයි හැංගිලා
වැතිරෙන්න පපු පහසේ හුස්මකට දුර නැහැනේ
මං මෙතන නුඹ ලඟම මේ ඉන්නවා...

රතු රෝස මල් ගවුමේ රතු පාට තැවරිච්ච
ඔය දෙතොලේ මුදු පහසේ මා මත්වෙලා
පෙම් පාට හැන්දෑවේ හීතලට ගුලිවෙච්ච
අපේ හීන අපෙ නේද රෑ එළිවෙලා...

හමුවෙන්න මඟ බැලුවේ නැලවෙන්න ඔය තුරුළේ
රෑ සීත සඳ සෙවනේ අපි තනිවෙලා
ඉඟි කරන ඇස් වැහුවේ සඟවන්න නුඹ සෙවනේ
මල් රේණු බිම් පලසේ සිත් නැවතිලා...

-Chethana ft Darshana-

 

[Malitharox]

ඇති දේ ඇති සැටියෙන් ලොව දකින මිනිස්සූ
ලද දේ සිත සතුටින් විඳ වෙසෙන මිනිස්සූ
පොළවේ මිහි සයනේ ගොඩ නැගූ මිනිස්සූ
කරුමේ කිම වඳ වෙන හිරු සදිසි මිනිස්සූ

පොළවේ බිම අහසේ ඉම බෙදන ලෝකයේ
දහමේ ගුණ පත්ඉරු තුල නිදන යාමයේ
ඉඳ හිටි සපැමිණ සිත් සතන් සැනැස්සූ
කරුමේ කිම වඳවෙන මල් සදිසි මිනිස්සූ

ඉතිරී ගිය ඉසුරින් නෙතු වැසුනු කාලයේ
දිවියේ දුක විඳිනා දන නොදුටු ලෝකයේ
සෙත් කවි සේ ලඟ සිට සිත් සතන් සැනැස්සූ
කරුමේ කිම වඳවෙන සඳු සදිසි මිනිස්සූ..
කරුමේ කිම වඳවෙන හිරු සදිසි මිනිස්සූ..
කරුමේ කිම වඳවෙන මල් සදිසි මිනිස්සූ..

ගායනය - ලක්ෂ්මන් විජේසේකර
පද රචනය - වසන්ත කුමාර කොබවක
සංගීතය - රෝහණ වීරසිංහ

 

[IsuruP123]

එක් පෙති මලක් විය නුඹ මගෙ අත් දෙකට
නෙලා නොගත්තේ මගේ බෝසත් කමට
හැර ගිය දිනේ නාවත් මා ගම් දොරට
ආවේ ඇයිද විරහේ සිත අද්දරට

විශ්මිත කමට අදහන්නට බෑ තවම
මා හැර දමා නුඹ ගිය මඟ ගැන අරුම
සතු කරගන්න මුල් පෙම නොපිදූ බැවින
දුක්බර හිතට කීවෙමි නොහඬන ලෙසින

සිටිනා කොදෙව්වක නුඹ සැප විදී නම්
මවෙතින් ලැබුනු ආදරයත් ලැබේ නම්
මතකය නුඹට හිරිහැරයක් නොවේ නම්
තව කුමකටද දුක් ගී කල්පනාවන්

 

[IsuruP123]

රන් තාරකාවන් දිළෙන රැයේ
සේපාලිකාවන් පිපෙන පැයේ
හදවතට ළං වෙන්න කාටත් හොරා
සිහිනයක දැවටී වෙළී

මා දෙනෙත අඩ අඳුරේ රඳවා තියා
සඳවතිය පාවී ගියා
පිළිගන්න පුළුවන්ද සඳ දෙව් දුවක්
මේ හැටිම නපුරුයි කියා

මා උන්නේ දොර කවුළු හැරදා තියා
ඔබේ සුවඳ ඒ යැයි කියා
නිදි නොමැති නෙත් අඟට කඳුලක් තියා
මුළු රෑම ගෙවිලා ගියා

 

[IsuruP123]

සෙනෙහසකට අරුතක් පුරවන්නට
අහසේ තරු ගැන්නා
වෙරළේ රළ මැන්නා
සීමාවක් මා ඉමක් නැතැයි කී
සෙනෙහස ඇයි දෙතැනක තනිවී

කැකුළක් සිඳුනෙන් හදවත පිපුනු
කඳුළෙන් අතු මත විස තිබුනා
බිඳුනොත් බඳුනක පිරියම් කරනට
බැරි කැළලක් මතුවී පෙනෙනා

පවකින් පෙර අත් භවයක සිදුවූ
සිතකින් සිතකට දුක පිරුණා
මගෙ අත දිගු කළ හැකි හැම තැනදි
ඔබ අත මා දුරකින් තිබුනා

 

[^Buddhika^]

දඟකාර ඔය දෑස දුටුවා එදා
දුර ඈත පාසල් වියේ
නොදැනීම අපගේම සිත් යා වුණා
දසුනින්ම හසුනක් මවා

උදයේ හවා ඔබ හමු වී එදා
දෙඩුවා බැඳීලා සෙනේ
දෙකොපුල් විලේ හසරැල් පිපී
සතුටින් කල් යා වුණා

සසරේ සදා අප බැඳෙමුයි පතා
වැඩුණා හදේහී සෙනේ
නිලුපුල් නෙතේ හසරැල් මැකී
කඳුලින්ම වෙන් වී ගියා

​

 

[DAMER]

හිතට දැනෙන පේළි

 

[rcccc]

ඉඳුවර නීල නෙත් පියල්ලේ...

ඉඳුවර නීල නෙත් පියල්ලේ
විකසිත ආදරේ ඉගිල්ලේ
ඔබ රහසින්.. මුමුනන දා...
මට ලංවෙලා විගසින්
ඇමතූ සැනින් හැඟුමන්
මගේ ජිවිතේ අලුත් කවියක් උනා
හිත පිරුනා ඔබ ඇසුරේ
හිටි විගසේ එයයි ආදරේ
මම ඔබමයි ඔබ මමමයි
අපි අපිමයි...

රෑ තුන්යාමේ මං තනි යහනේ
හීතලෙන් දැවි දැවී...
දුක් විඳි කාලේ මැවුනා දෑසේ
ඒ එදා ජීවිතේ...
ලා වැහි පොද යටින්
ඔබ සමඟින් ඉතින්
මම ඇවිදින්නම් සිතුවිලි ඉමේ
මගේ ආදරේ සොයා මල් මාවතේ...

රෑ තුන්යාමේ මා හිත් මානේ
ඇයිද ඉඟි බිඟි කලේ...
මල් මල් හීනේ මල් ඕවිල්ලේ
මං ඔහේ පාවුනේ...
ඒ සිතුවිලි ඉමේ
ඔබ සමඟින් මෙසේ
මම පියඹන්නම් විහඟෙක් වගේ
මගේ ජිවිතේ සොයා හිස් වාතලේ...

-Nathasha & Prihan-